Le Sucre (已結業)

放工之後諗住去mikiki行，行完喺附近睇吓有咩食啦，跟住見到越秀有間之前冇嘅舖頭，咪諗住入去試下。我哋都唔係好肚餓，就叫咗幾個share住食。或者因為比較新， 店舖人流冇咁擁擠，好適合坐低慢慢傾計，加上音樂音量適宜又可以帶動氣氛！小店會幫睇著你食幾快，因應時間再上另外一點，少少貼心。我鍾意食蟹，就叫咗呢個。芝士唔會太漏之餘仲有伴隨著蟹肉嘅鮮味同菜嘅清新，口感有硬有軟，幾好！我鍾意佢個薯條條條夠脆口，加上唔用茄汁可以用黑松露醬襯搭薯條幾好。意粉軟硬適中，成碟充滿著濃濃嘅雜菌味，配上唔同顏色嘅蔬菜嘅擺碟增添我唔少胃口。

今日約左朋友仔係MIKIKI見面, 當行經越秀廣場時發現這間小店, 看見這間小店有別於其他餐廳, 與朋友決定一試, 估不到食物有驚喜,一坐低見到餐牌樣樣都想試, 我們先點了軟殼蟹配黑松露醬, 外脆內軟, 味道一流而愛吃辣的我點了冬陰公湯虎蝦意粉, 冬蔭公配意粉, 我都係第一次食, 估不到兩者好夾, 虎蝦又大又爽,還可以選擇小辣或中辣朋友點了鴨肶配金磚法式多士, 鴨肉香軟, 廚師還教我們要切開太陽蛋讓蛋汁滲入鴨脾一齊食, 更添滋味餐後甜品點了薑汁梳乎厘配雪糕, 蛋味重又鬆軟,而且薑汁味十足,  其實廚師提出唔可以影相要快啲食,但我都係忍唔住偷影左囉,  真係好好味這一餐吃得超滿足，下次—定要搵多幾個朋友一齊來食其他末試的美食

之前見呢間餐廳新開都行過入去但可惜無位就放棄咗，今次行過見佢執緊枱就唔放過機會，入去試下先～見到LUNCH MENU一共有7款可以揀，大多以意粉為主不過都有漢堡配薯條或者沙律等等，都幾岩附近上班一族不同需求口味＄68黑松露雜菌扁意粉 連飲品個碟用咗中間碗形的設計所以碟附近可以有少少裝飾配襯，視覺上幾吸引黑松露味唔濃但用了大菇切粒製作，增加了成個意粉既香味，菇既份量都算多而且仲係好JUICE。不過麵質方面，個人覺得硬咗D，當日食完有少少胃痛所以若果意粉能夠再煮多一陣會更好飲品MENU 都有好多選擇包括花茶、特色咖啡等等。今次揀咗CAFFE MOCHA , 份量都大杯不過個人覺得甜咗D但總括都算唔錯其實呢間餐廳仲有好多菜式可以揀，不過要提前同佢地講，餐廳就會係預早準備材料而且見到佢地既甜品都好多選擇，可惜只得一個鐘頭食LUNCH否則都會想試下梳乎厘

在openrice上看到這間店， 看到有很多的好評，特地在聖誕節訂了和男朋友在這裡慶祝。一直沒有時間寫這篇食評。來到這間餐廳，果然沒有失望。還超乎驚喜，最讓我想不到的是，原來這裡就是鼎鼎大名在大坑曾經榜上第一的pudding大廚。男朋友說很久沒吃過這麼好吃的餐廳。價格上比起其他西餐來說要便宜，性價比很高，吃過質素一般的西式餐廳比這個會很多。這裡的環境很適合朋友聚餐。總體來說，價格是符合食物質素的。餐廳裡面氣氛很舒適，沒有任何壓迫感。反而很舒適放鬆。服務員態度很好，师傅還送了兩塊自家製法國牛油曲奇，曲奇超級好吃，比外面的曲奇要好吃很多，連不喜歡曲奇餅乾的我也大為驚嘆。大廚兼老闆之一也會出來和顧客打招呼和介紹菜式，還強調疏乎厘一定不可以拍照，很欣賞他的這種堅持，因為拍照的時間會讓疏乎厘塌得很快，影響食物質素。所以他要在顧客同意不拍照下才會讓顧客落單。素聞大廚是米芝蓮甜品師傅，想試薑汁疏已經很久了。一試果然沒讓我們失望，入口即溶，配上薑汁，簡直絕配。軟殼蟹配黑松露醬，這是第一個上的食物，剛吃第一口已經覺得，哇也太好吃了。軟殼蟹配上黑松露醬， 没吃过这么好吃的黑松露酱，师傅说是他自己弄的。龍蝦

住開新蒲崗越秀廣場，上年年尾發現樓下開左間新西餐廳。留意左一排，見甘就腳，一於試一下。老闆見新客都好熱情招呼，有傾有講。原來廚房師傅大有來頭，甜品水準真係一流!! 我從來都吾寫OpenRice 食評，但係呢間小店食物水準真係一流，menu 內既食物有平有貴，但係食完真係物有所值！大廚呀豪有次問我除左他呢間餐廳，仲有邊間成日食？老老實實，我家中有工人，平日都有住家飯食，但係如果出街食飯，我真係只會入黎呢間。樣樣都好食。甜品都好正！

油封鴨脾配多士($148)外皮微脆肉嫩軟滑，多士非常脆沾蛋汁食，可能呢個最好食既原因，食多幾啖有啲膩。雞翼配黑松露醬($58)雞翼炸得脆有肉汁，醬唔太酸，加檸檬汁會清新啲但冇，普通左啲。黑松露雜菌扁意粉($88)得雜菌有黑松露味，唔夠咸，意粉有口感但太乾身而且冇味，食到好口渴。落蕃茄呢下配搭有啲唔夾黑松露味。芒果拿破侖($88)3層，第一層唔夠脆，如果可以將表面啲砂糖燒燒變焦糖，相信味道同口感會上升。吉士唔錯但冇驚喜，芒果夠甜清新到呢個甜品，雪糕似雪芭口感。整體食完有啲滯，要飲杯熱茶先得。只推介鴨脾。#hkfood #hkfoodblogger #hkfoodreview #hkig #foodie #foodstagram #eatstagram #like #food #meal #foodblog #foodig #instafoodie #dessert #awful #foodporn #hungry #travelhk #먹방 #맛 #홍콩

This soufflés is best soufflés in town!!!.I read some articles before...saying “Science in the kitchen is largely the chemistry kind — the properties of two liquids mixing, the transformation of bread into toast, the breakdown of starches into sugars...And have u ever think of physics and chemistry that make a souffle rise or fall.” I guess this chef is definitely gd at science 🤓although he would never tell me the magic behind..Food- I ordered the chocolate soufflés for my son. The outer parts t

👁‍🗨 蛋黃醬蟹肉芝士多士（4件）（7.5/10）💲78聽人講呢度既蛋黃醬蟹肉芝士多士好好味，未食已經好期待，一食果然係同預期中既一樣，好味到每人食兩件都覺得吾夠喉😳多士上面有啖啖好濃蟹肉味既蟹肉🦀，同蛋黃醬個味好夾🤤中間仲有層芝士，增加左多士既層次，重點係個多士脆卜卜，夠哂香口，唔會因為啲醬而淋曬，下次離一定要再食呀😍👁‍🗨 白汁蟹肉配加拿大野生帶子（2粒）意粉（7.5/10）💲178呢個好似係餐廳新出既主菜🤔個意粉每一條都沾有好香奶油味好creamy既白汁，再加上啖啖蟹肉，仲有配左魚子醬既帶子，食落帶子煎得岩岩好，調到少許咸咸地，而且意粉彈牙，都真係相當吾錯😌👁‍🗨 64% 朱古力心太軟配雲呢拿雪糕（7.5/10）💲78係心太軟呀，都已經好耐冇食🍮上到枱個心太軟仍然暖笠笠🍫呢個時候就緊係要切開佢，睇下佢有幾流心啦😂結果一切，朱古力醬就流哂出離，流心程度十足呀😎心太軟同朱古力醬既朱古力味夠哂濃，甜度適中🤓至於個雲呢拿雪糕就係自家製，有少少似雪芭口感，但又吾會好快溶😱仲有橙味既爆珠，Oreo同埋士多啤梨伴碟，就連上面隻蝴蝶都食得Tim，因為隻🦋係威化紙做架，好有心思，但略嫌口感硬左少少

屋企人曾經嚟呢度食過，就話呢度啲食物好好食， 有一日嚟開新蒲崗上course , 就順便嚟食番餐，睇下係咪佢哋口中所講咁好食，驗證一下都好。我比較奇怪， 其他人講過嘢我唔係好信，就算屋企人講嘅嘢我都唔一定信，唔係自己親身見過、食過、睇過、聽過 ，我係唔會信。薑汁梳乎厘配雪糕聽我阿爸講，話呢度最出名就係呢個薑汁梳乎厘， 的而且確呢度個侍應生都介紹我食呢一樣嘢，呢度個薑汁梳乎厘係即做嘅，而且係要等一段時間，當然即叫即焗就係要等啦，ok冇問題焗好出嚟之後發覺個樣好靚，香噴噴， 侍應生叫我快啲食唔好影相，因為咁樣先可以保持到品質， 只不過喺呢個世代，要我唔打卡唔影相，係冇可能囉， 等我影快啲就冇問題啦。一食落口就知道非常好味，呢個梳乎厘又鬆軟又香又滑， 有舊蛋香再配啲薑汁，真係好正，我周圍都食梳乎厘都唔夠呢一個好味，一句講曬，perfect池。果然係，超級無敵梳乎厘！！

今日因為有事要同媽媽入黎新蒲崗處理終於再踏足新蒲崗呢片土地..經過越秀廣場時發現左呢間小小cafe<3雖然佢門面唔起眼 又無多餘既裝飾.. 但係望入去感覺都係悠然舒適既^.<~仲播住好地道既香港流行情歌..^^店入面既座位數目唔夠30個.. 我地係下午3點幾時黎到既..呢個時間無乜客人, 正好可以比我地享受一個寧靜既下午: )佢既食物款式比較特別 唔係間間cafe/餐廳都會搵到既款式而且比較偏向法式同英式, 可以試到d比較唔同既菜式 : )而且價錢都合理, 由$48至178不等.. 因應個人喜好而選擇~我同媽媽都鐘意飲花茶🌷所以叫左一杯有機茉莉花茶$36同有機柑橘洋甘菊茶$36兩杯都係好清香既感覺.. 好鐘意呢度既員工定時定侯會主動幫我地加熱水!!真心覺得好貼心🙂🙂🙂花茶就算加左第3,4次水都仲係好有味 : >因為我同媽媽都係食左少少野先出黎..所以都唔太餓^^我地兩個都超鐘意食軟殼蟹, 所以二話不說就叫左個酥炸軟殼蟹配黑松露醬$98雖然呢個定價唔算低, 但見到佢既軟殼蟹份量一d都唔少!!軟殼蟹無落多餘既調味 無過咸既問題但仍然鮮味十足!每一件都炸得剛剛好 又酥

本來同朋友一直係大坑The Pudding Nouveau食開呢位大廚煮既菜式，一直都覺得非常好食但後來呢位大廚決定自己開店，我地經過一輪seach之後終於找到佢係新浦崗開既店啦菜式一如以往既好食，仲多左好多新既菜式。如果同朋友去食飯又諗唔到食咩既話，呢間店鋪非常適合朋友聚會，而且老闆非常nice

去新蒲崗食飯，想幫男朋友慶祝生日打電話去 Book 枱，店員好好介紹左幾款甜品寫字會靚 d 食左黑松露雞翼，聖子皇意粉，日本蛋鴨肶食物好快到，熱騰騰，雞翼有五隻, 加埋黑松露超正 聖子好多隻，好足料，每條意粉都好多汁，yummy 鴨肶好少食，所以試下😛加埋蜜糖好食，如果蜜糖多 d 就好啦其實食完三碗，已經好飽最後甜品， tiramisu店員將燈光較暗同播生日歌，賣相好靚，好好食，蝴蝶系食得嫁，生日字食得好靚服務好，店員又 nice ,甜品好好食，希望下次食埋心太軟感謝你地比左個開心的生日飯，thanks

由港島大坑而來的西餐大廚，決定在這塊以經營中餐為主的土地上建立一間售賣優質西餐及甜品的餐廳。在這個雨水滴嗒的下午，前來避雨兼吃個簡餐。冬蔭功湯虎蝦意粉一碗盛着满满酸辣香氣的湯意粉送到，忍不住囗先嚐一囗湯，酸辣味道讓我的味蕾打開，感覺囗水的量增多了。意粉是扁意粉，粉質彈牙，不甚吸湯，不過在吃的時候可見冬蔭功的湯料甚多，配料亦不只有虎蝦也有蜆肉。另外點了一杯泰式青檸梳打，與我的冬蔭功意粉是絶配。梳打夠汽而且加入了青檸汁做基底，總比坊間的單是依靠青檸片來得更有味道。益力多糕冰涼涼的益力多糕，帶重益力多的乳酸味道，糕質不削，卻又不是布甸的質感。建議餐廳可安排侍應在點餐時多作推介他們西餐的煮法等介紹，因為那天在我離開餐廳時我聽到有一家大小在對餐牌上的"全日早餐"（All Day Breakfast）有些意見，好像是説：吃份早餐都要$88，傻的嗎？似乎大家對（早餐）各有各的理解！味道 4環境 3服務 3.5衛生 4抵食 4

今日Lunch time 想試下新野，就黎左越秀廣場地下既呢間西餐廳。點半黎到都幾多人食，可能見網上啱啱介紹過。不過餐廳細細座位唔係好多，好彩過左食飯時間，等左5分鐘就有位喇。是日Lunch set , 想食意粉但選擇有d 寡，不過店員都好nice, 有介紹另一個light & main menu 比我地。佢話下次可以早d打嚟order定，又或者唔介意等得耐啲都可以照order，最後都係揀咗抵食啲既set lunch。不過送既餐飲幾有驚喜，好多款都可以㨂，有各式各樣既咖啡，花茶，梳打😍✨有機熱帶果綠茶： 聞落好香果味，味道都幾特別，之後可以繼續加水。✨卡邦尼意粉（$58): 開頭睇個樣以為係沙律黎～個汁都幾好味，唔會太漏，但味道未算好濃郁同埋達到我最喜愛級別🤫。佢個意粉非常煙韌有咬口，不過同事食果個雜菌意粉可能無咩汁，所以覺得偏韌。入邊仲加左好多黑椒同香草，煙肉都夠送晒成個意粉，意粉睇落唔算好大碟，但食落都好夠飽。不過食完呢餐同事們感覺上都唔係好滿足，可能本身大家叫既意粉都係無乜肉。但係$58 唔使加一都算抵食。如果set lunch 可以有得加餐湯，麵包or 甜品，其實貴少少我都唔介

今日係度碌openrice睇下有冇新餐廳上榜結果碌下碌下 就搵到呢間見到都幾多好評就今晚去試試叫左3道菜主菜一：法式香酥油鴨肶伴太陽蛋和法包食法：先將太陽蛋切開，蛋漿流入油鴨，繼而再將油鴨肉放在法包上，再夾埋蛋一齊食PS.店員好貼心教我地點食法👍🏻我覺得隻太陽蛋仲好食過隻鴨肶 哈主菜二：黑松露雜菌扁意粉好正好香黑松露味 又夠多雜菌 足料甜品：朱古力窩夫配黑芝麻雪糕見到好多枱客突登黎呢到淨係食甜品呢間係出名食薑汁梳乎厘 不過我就麻麻地薑汁所以就無叫到窩夫非常熱辣辣的 夠脆夠新鮮略嫌雪糕口味太少 得朱古力 雲尼拿同黑芝麻 如果有更多口味就更住啦