165
10
7
餐廳: Le Rêve
優惠: 「美食加落里」邊食邊賺12,500里數!
全港超過350間餐廳夥伴,日常消費$2賺1里,逢星期一仲可以$1賺1里!(埋單時出示「亞洲萬里通」App內的QR code) 優惠受有關條款約束。
條款及細則:
  • 惠顧滿認可消費額(最低300港元,最高10,000港元)可賺取「亞洲萬里通」里數
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後4至8星期入會員賬戶。
須受其他「亞洲萬里通」條款及細則約束
港鐵銅鑼灣站 A 出口, 步行約5分鐘 繼續閱讀
電話號碼
28661010
開飯介紹
銅鑼灣的日本菜及法國菜餐廳,供應四道、六道及八道菜的套餐,當中有菜式由廚師發辦。 繼續閱讀
特色
包場派對
營業時間
今日營業
12:00 - 15:00
18:00 - 02:00
星期一至四
12:00 - 15:00
18:00 - 02:00
星期五至六
12:00 - 15:00
18:00 - 03:00
星期日
12:00 - 15:00
18:00 - 02:00
付款方式
Visa Master AlipayHK 支付寶 現金 AE 銀聯
座位數目
50
其他資料
網上訂座
Wi-Fi
深夜營業
酒精飲品
自帶酒水 詳細介紹
切餅費 詳細介紹
VIP房
電話訂座
外賣服務
加一服務費
室外座位
當面支付
優惠
餐廳: Le Rêve
優惠: 「美食加落里」邊食邊賺12,500里數!
全港超過350間餐廳夥伴,日常消費$2賺1里,逢星期一仲可以$1賺1里!(埋單時出示「亞洲萬里通」App內的QR code) 優惠受有關條款約束。
條款及細則:
  • 惠顧滿認可消費額(最低300港元,最高10,000港元)可賺取「亞洲萬里通」里數
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後4至8星期入會員賬戶。
須受其他「亞洲萬里通」條款及細則約束
食評 (196)
等級4 2019-06-20
56 瀏覽
夢想?追夢?U-grad後,即使入了想入的行,在做想做的事情,夢想,似乎離自己愈來愈遠,因為工作日夜忙碌,夢想不知覺中被默默放下。但當然,仍對街上其他敢於追夢的年輕人給予支持與鼓勵,始終能追夢是褔氣,圓夢是努力。今次來到Le Reve,餐廳由4位追夢人而起,在香港做餐飲,門路廣但要做得精,不易。而在這間追夢人而建的日式fusion法式風情的餐廳,透過食物與用餐體驗,我深𣶶感受到4位追夢人的熱誠與心思。|6 Shades of Flavor|>Start with bread……先來一份餐包,很精緻,以粗麻布袋裝著,一打開便傳出香噴噴的麵包香,大概是直接放進爐中焗熱,麵包有兩款,當中我最偏愛牛角包,香酥鬆脆,配上枱上的牛油,瞬間溶化的口感很治癒!First >輕煎半生熟帶子配魚子漬加芥末青豆醬賣相的舖陳是仿效沙灘為場境,開心果碎與竹炭模仿小火埋,上方放著的是輕煎至7成熟北海道珍寶帶子,配上青豆蓉同忌廉汁及三文魚籽,口感鮮甜軟熟,配上青豆蓉味道相當清新。而一邊放上一個日本小鋼蟹乾作點綴,相當有心思!Second >Slow cook波士頓龍蝦配菠菜汁泡沫餐廳經理第一句便問:「您哋估下呢道菜係食咩?」異口同聲:「龍蝦!」賣相雖然是一大大個的龍蝦殻,但原來好戲在後頭,它蓋著的是真正的主菜-蛋沙律配蟹肉及魚子醬。兩邊配搭的是芒果醬汁同野莓醬汁,兩著甜中帶點微酸,相當開胃。Thirth >日本12小時慢煮鮑魚加高湯這道菜最特別的地方,大抵是視覺效果吧。待應先把原本放在熱石上的鮑魚淋上中國玫瑰露,再點火加熱,令玫瑰露的香氣散發至鮑魚上,令香味整體大大提升。然後再移至日本昆布湯中。湯的感覺瞬間令人想起日本的關東煮,味道濃郁中帶甜,白蘿蔔鮮甜入味,鮑魚則鮮味十足,入口有淡淡口玫瑰露的香氣,口感嫩滑。Forth >日本刺身級鱈魚餐廳選用日本刺身級鱈魚,品質上盛自己不需多加調味都相當好味。只是稍稍輕煎左外皮,魚肉大約七成熟左右,便是最好的tasting moment。魚入口嫩滑,魚味香濃,配上醬汁及鱈魚底層的蕃茄他他,感覺清新又開胃Five >Kagoshima鹿兒島A4和牛牛的肉質色澤紅潤,大概5成熟的口感是最理想。牛味香而肉質軟熟,佐醬則是係A4和牛精華再加上黑松露而成,沾上牛味更香濃!Six >Coconut Mousse賣相相當特別,想起日本居酒屋的雪芭。這道甜品用上朱古力倒模裝成椰子殼,加上椰子mousse加咗椰絲 ,旁邊有 Carrot cake、蛋白餅、白朱古力、橙皮及藍莓等,夾著吃相當有特色。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-17
62 瀏覽
我成日發白日夢、惡夢,但呢5位年輕人就係英國留學期間發下夢諗下就開咗呢間餐廳🎉 Pre男友生日飯,又點能夠馬虎呢,做咗research訂好枱,食完見到佢咁滿意,勁有滿足感😸今晚試左佢地6道菜menu,當中有2道係Surprise dish. 未上菜都晤知廚師👨🏼‍🍳為我地準備一個咩夢。前菜係一個日式汁煮蓮藕,麵包藍配自家制牛油,牛角包🥐!用布袋裝麵包都真係第一次見,蓮藕吸盡醬汁嘅精華,咬落爽脆。Surprise dish 係一個味贈混合海膽青口醬汁嘅焦糖布甸🍮,創新fusion做法意外地毫無違和感,而且對於怕甜嘅我,反而更愛呢個咸甜配!旁邊嘅蘇格蘭蟶子加上三文魚籽,呢道海鮮x甜品crossover好開胃,令我更加期待下一個夢⬇️開始入夢,進入深層睡眠,廚師為我地帶來香煎鵝肝,因爲我有堅果敏感,餐廳特意為我地準備咗兩種食法。貪咀嘅我知道hazelnuts蓉無我份,但原來用乳酪黎配鵝肝食都別有一番滋味,酸甜醒胃亦都有助減低罪惡感😇鵝肝甘香,外脆內軟,令人欲罷不能。美夢又點可以俾佢停😂 映入眼簾係一尾龍蝦尾,侍應每一道菜都為我地仔細介紹,用上黑椒,青椒同紅椒呢3種香料慢煮,加埋份子料理制作而成嘅菠菜泡沫。一路食一邊讚嘆廚師嘅功架,想必為呢道菜去研究嘅最佳煮法過程一定晤簡單🧐另一道Surprise dish,係上菜前見到d擺設都知道晤簡單🤠 呢道菜果真色、香、味俱全!玫瑰露火熖配日本磯燒鮑魚,原來呢道火晤止為左制造效果,食落已經滲岀陣陣玫瑰香,配埋昆布湯同關東煮,I miss JAPAN! 6道菜話咁快去到最後,但亦都係主角👻我食cod fish,男朋友就揀咗A4 鹿兒島和牛。兩個都各具特色。條魚🐟嘅魚肉晤腥,夾埋d蕃茄蓉一齊食,口感就更有層次😇。食肉獸男朋友對佢份和牛都讚不絕口,牛味濃郁油脂豐腴,正👍🏻食到捧住個肚,侍應再為我地帶黎一福好似畫一樣嘅甜品😸 中西合璧,煎堆仔同食用炭雪糕,兩者配埋原來都幾啱味,煎堆炸得夠乾身,晤會好油膩。雪糕味道比較淡,正好中和翻晚餐嘅飽肚感😂果然食甜品係第2個胃,我地又清左碟。終於夢醒了,甜夢令人流曬口水,希望快d有機會再黎訓個靚覺,發個好夢啦🧡 繼續閱讀
(以上食評乃用戶個人意見 , 並不代表OpenRice之觀點。)
><工作壓力大冇停手做嘢夜晚要食餐好慰勞返自己6 Shades of Flavour($890)Amuse Bouche日式燒汁青瓜螺肉螺肉爽彈同個醬好夾濃郁之中青瓜帶點爽脆清新有個布袋裝咗牛角包酥脆牛油味好重Pan Seared Hokkaido Scallop刺身級帶子 煎至7-8成熟 鮮味好出底下係青豆蓉 cream sauce 仲有三文魚籽點綴Suprise Dish風乾龍蝦殼內有乾坤最底個層係蛋沙津 中間係松葉蟹肉 面頭係白桃加咗黑魚子醬Mango rasperry sauceLobster TailSpinach foamMustard seed cream sauceMixed pepper sauce旁邊有炸山葵葉Surprise Dish12個鐘慢煮鮑魚配日式昆布高湯喺旁邊淋上玫瑰露酒 再點燃火焰以免酒味太濃烈掩蓋咗個味主菜叫咗兩款 可以share嚟食本身餐碟烘到好暖 可以保持食物嘅溫度Japanese Cod Fish刺身級鱈魚 輕輕煎過後放上蕃茄沙沙一齊拎去焗 紅花粉同蜆肉打成嘅醬Kagoshima(+$198)鹿兒島A4和牛 油脂比較平均淋埋和牛汁同黑松露混合而成嘅醬料餘韻仲留喺口腔中Coconut Sweet椰子mousse加咗椰絲 個底係朱古力 整到好似椰子殼外觀旁邊有 Carrot cake 蛋白餅 白朱古力 橙皮 藍莓送上餐茶同茶點Rasberry mousse & cookies友人重點提我要讚揚Ray very hospitable and courteous一開始brief jor餐廳意念同埋menu 之後每道菜式都會簡略介紹食法而且留意到客人嘅需要><><><><><><><><><><><><><Le Rêve銅鑼灣耀華街38號Zing! 10樓 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-03
661 瀏覽
呢間法國菜餐廳,非常高格調,有户外位置,可以一邊欣賞美景一邊食飯~四處都係白色羽毛、捕夢網、蒲公英燈⋯⋯聽待應介紹先知原來餐廳名係夢既意思,希望客人可以好似係夢咁舒適既感覺,非常有心思既取名!我地簡左〔6 Shades of Flavour 〕餐單特別既地方係有2款Surprise Dish,客人唔會知道廚師👨‍🍳會比咩料理我地,好有神秘感餐前先上左餐包,特色係餐廳會用布袋裝住暖既餐包,非常特別!牛角麵包🥐非常鬆脆,加上餐廳自製既牛油,非常香口!前菜:蕃茄莎莎配Pancake薄薄既迷你Pancake,帶點點牛油香味,配上酸酸地既蕃茄莎莎,有口感又開胃!第一款Surprise Dish:法式燉蛋配北海道馬糞海膽 & 蟶子蟶子非常鮮味,爽口彈牙,旁邊仲有大大粒魚籽,一咬爆汁,鮮味及口感十足,廚師仲會將蟶子切好三份,剛好一啖一口,非常貼心!法式燉蛋上有青口煮成既醬汁,配上馬糞海膽,鮮味爆棚,法式燉蛋甜甜地又細滑,連埋醬汁一齊食非常新穎,好像係口腔入面開Party咁!好過癮!第二道菜:鵝肝多士配栗子蓉&乳酪雪糕非常特別嘅配搭,雖然奇特但意外地非常夾!甜甜既栗子蓉,酸酸地既乳酪雪糕,鹹味既鵝肝多士混合,係口腔會有多重衝擊,鵝肝既油膩感完全中和左,非常好味!第三道菜:慢煮波士頓龍蝦尾面頭係芥末籽Cream Sauce,加上用分子料理技術將菠菜汁打成既泡沫,味道非常新穎,口感一流!而底層另一個醬汁係Pepper Sauce,甜中帶少少胡椒既辣,個人非常喜愛呢個醬汁!波士頓龍蝦尾用慢煮嘅方法製成,肉質特別鮮嫩多汁,再配上用心製作既醬汁,真係無得彈!旁邊輕微炸過既山葵葉,口感非常爽脆!不錯第四道菜:第二款Surprise Dish〔炙燒鮑魚配日式昆布湯〕非常吸引眼球嘅視覺效果,就是鮑魚放喺熱石上面,然後侍應會淋上著住藍色火既玫瑰露酒,非常有心思!輕微燒過既鮑魚非常香又彈牙,仲帶少少酒香味,不錯!昆布湯非常濃味,蘿蔔將湯汁吸到非常飽滿,好入味又好吃!第五道菜:鹿兒島A4牛柳配雜菜牛柳既油脂分布非常平均,食落唔會太重油脂感,5成熟既牛柳非常稔,牛味重,醬汁方面用左牛肉汁再加黑松露,同牛柳非常夾!第六道菜:日本刺身級鱈魚先煎後焗既方法烹調,只有7-8成熟,魚肉非常滑溜又鮮嫩,仲食到甜甜既鮮味!外皮煎得很香脆,口感非常好!魚下面仲有蕃茄莎莎,酸甜度適中,配上鱈魚又多一種口味!最後甜品:手指提子青提啫哩配羅勒雪糕一上枱非常吸引眼球既甜品,碗下面用薄荷Cocktail 加上乾冰,令煙霧會帶微微既薄荷香,就係呢啲細節位,令到我對呢個甜品加曬分!啫哩用新鮮手指提子青提肉混合而成,非常極度爆炸好味,〔個人非常中意食提子🍇〕葡萄味非常香甜,而羅勒雪糕配上杏仁脆片,好清新既口味!最後仲會有茶同小點,侍應仲推薦我們飲茉莉花茶同菊花茶,因為唔會飲完訓唔到覺,真係非常貼心!茶點既黑芝麻曲奇,唔同普通曲奇,係軟身,類似馬卡龍既口感,又不太甜,非常特別! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-18
1446 瀏覽
幾個月嚟過一次,之後一直念念不忘早排終於都忍唔住,要再嚟發多次夢裝潢依舊都係咁有意境咁啱5月係法國美食節,依到都有一個Le French GourMay既menu同上次既menu完全唔同前菜係一個汁煮牛蒡依到既麵包真係好好食,好得我鐘意暖暖地既麵包配埋佢自製牛油,真係無得頂入面仲有兩款麵包2款都好好食個餐仲有2杯wine pairing第一枝係白酒Veal Sweetbread with Escargot好好食!!!!!!!!!!!!!將個醬搽係塊多士到食真係一流侍應話可以加紫菜同一啲食用竹炭一齊食,我個人就鐘意加紫菜食好想可以食多份Pan Seared Foie Gras學個侍應話齋,食法國菜又點可以唔食foie gras依個鵝肝好肥美好油,真係好正有菠蘿用嚟解膩,但我就覺得太酸嚕French Onion Soup洋蔥我就唔食既,洋蔥湯我都唔係好鐘意所以唔係好識欣賞或者品評啦不過湯入面有舊雞肉,好有驚喜Sorbet食到中段會有Sorbet嚟refresh下係蘋果同火龍果蘋果味好甜好清新另一杯酒就係用嚟配陣間個鴨脾既紅酒French Confit Duck Leg侍應解釋話因為法國南部既天氣問題,所以會令到佢地既品覺比較遲鈍因而會令到啲菜式比較濃味一試,嘩真係好鹹wine pairing既奇妙之處就係時候發揮作用飲左一啖酒之後再試鴨脾,又好似真係無咁鹹喎好似藝術品咁既甜品最後就嗌左杯earl grey最後最後就係petit four除左好既食物質素之外,侍應既服務都絕對抵讚除左對啲食物有好深認識之外,亦都幾風趣幽默食物、環境、服務都好好,令成餐飯完美又滿足餐廳位於銅鑼灣,收工近近地嚟發場夢都幾好 繼續閱讀
(以上食評乃用戶個人意見 , 並不代表OpenRice之觀點。)