235
14
7
港鐵銅鑼灣站 A 出口, 步行約5分鐘 繼續閱讀
電話號碼
28661010
開飯介紹
銅鑼灣的日本菜及法國菜餐廳,供應四道、六道及八道菜的套餐,當中有菜式由廚師發辦。 繼續閱讀
特色
包場派對
營業時間
今日營業
12:00 - 15:00
18:00 - 03:00
星期一至四
12:00 - 15:00
18:00 - 02:00
星期五至六
12:00 - 15:00
18:00 - 03:00
星期日
12:00 - 15:00
18:00 - 02:00
付款方式
Visa Master AlipayHK 支付寶 現金 AE 銀聯
座位數目
50
其他資料
網上訂座
Wi-Fi
深夜營業
酒精飲品
自帶酒水 詳細介紹
切餅費 詳細介紹
VIP房
電話訂座
外賣服務
加一服務費
室外座位
當面支付
有關獎賞計劃
食評 (272)
今晚男友叫我着靚D,原來帶我來Le Reve食dinnerLe Reve即法文The dream,由我踏入餐廳那一刻,已好像置身在夢境一般,而且絕對是一個好夢!餐廳的燈光非常昏暗,流露着romatic的氛圍,那純白色的dream catcher, 漂亮的蒲公英燈,白色的長羽毛以致精緻的餐具,令人感覺夢幻而美麗!今晚order了 6 shades of flavor $890+10% service charge(per person),其中2道為Surprise dish, 好期待!布袋裏裝着剛剛新鮮出爐的牛角包,口感鬆脆,牛油味好濃郁,配自家製牛油更磁味!Amuse Bouche~在吃第一道菜前先來一道開胃小菜,焗白汁吞拿魚餅,口感有少許人似蟹肉餅,在面層加上少許焗左嘅青蘋令人更為開胃!Pan Seared Hokkaido Scallop ~整個賣相非常漂亮!選用北海道珍寶刺身級帶子,只須在帶子的2邊微煎至金黃,便能保持帶子的鮮甜嫩滑,上面再加上脹卜卜的醬油漬三文魚籽,咸咸香香,配上日本青豆醬和芥末醬,帶出帶子的鮮味。隔鄰的醬漬小澤蟹焗得非常香脆,又睇得又食得!而貝殼底部用了竹炭曲奇條和開心果碎搭左一堆營火,感覺好似燃燒緊個貝殼,除了隻貝殼,所有decoration都可以食,真係好花心思!Surprise Dish(1)~以北海道海膽做主角,底部用了豆腐,牛肝菌做成好creamy的醬,再配上金魚籽和微炙過的明太子,海膽甘甜,質感細腻,入口即溶,和豆腐mousse 相當配合,再加上咸咸香香的明太子, 無論在味覺和口感上都是一個很新的體驗!Surprise Dish(2)~見到隻龍蝦殼仲以為下面係龍蝦肉,揭開原來完全唔係,真係幾surprise!餐廳最主要想營造一個寶箱盒的concept, 最上一層係日本seasonal的桃和法國黑魚籽,再加上一條食用的紫蘇花,形成一串寶石感覺!拼埋一齊食有一種紫蘇花的香和少許草青味!中間那層係鮮甜的日本松葉蟹肉,最底層是日本有機蛋造成的沙律,配上兩旁的mango和raspberry jelly 更突顯松葉蟹肉的鮮!波士頓龍蝦尾~ 銜接返上一個surprise dish, 今次真係有Boston龍蝦尾肉,以真空慢煮令龍蝦肉非常嫩滑爽口!配上tomato lobster sauce和 sour cream, 酸酸甜甜,新鮮芒果更添果香。On top還有deep fried左嘅羽衣甘藍,無左苦澀味,反而有D似紫菜嘅口感eep fried左嘅蓮藕片非常脆口:抽乾左水份嘅啤梨乾亦很清新:Japanese Code Fish~日本真鱈魚用了西京燒的煮法,有少許甜醬油的味道,真鱈魚肉質嫩滑多:,配parsley lemon suace, 酸酸甜甜,好滋味!配菜有腌漬青蘋果,車厘茄,金奇異果,非常清新可口!:Kegoshima(+$268)~以日本鹿兒島A4和牛牛柳位置先煎後焗煮至 medium rare,呈漂亮的嫩紅色,肉質滑嫩,入口即溶,肉汁充盈:再以本身的肉汁加上 黑松露煮成醬汁,令兩者互相襯托,非常美味:配菜有蘆筍,日本枝豆,甘筍和日本菇,正:Sesame Stone~這道甜品以芝麻mousse 和合桃雪糕模仿石頭的形態,底部有竹炭造海綿旦糕。Sesame Stone附近鋪上開心果airbag, 食用花瓣和焦糖朱古力絲,造型像極了一個小型花園,好有創意:Mignardises ~這個小甜點拼盤有Chocolate mousse cake 和粟子fruit tart, 法國人喜歡以小甜點配coffee or tea,最後飲埋餐飲, 真是令人十分開心滿足!後記: 非常欣賞和讚賞這裏的服務員,每位都很熱誠 和有禮貌,每張枱都有一位專屬的服務員,由第一道菜式開始用心解釋每一道菜的用料和煮法,令客人有 賓至如歸的感覺,今晚真是發了一場好夢: 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-08
608 瀏覽
Le Rêve 夢之旅男女公司出花紅慶祝下,佢話帶我去食好D,約左呢間French x Japanese fusion le reve ”發夢” 餐廳fine dine。侍應介紹餐廳名是法文係The dream 咁解,希望客人用膳時有夢、開心感覺。枱上仲有條羽毛,有本故事書甘既meal,原來係餐牌,營造氣氛感覺客人在夢日。我地叫左個$890 有6個dishes,surprise dishes就係睇當天食材而定,係廚師推介既。先上牛角包同扭紋包,用布袋裝住,仲係暖嘅。Suprise Dish 1北海道半熟帶子伴韓式醬油蟹仔帶子冇調味,侍應話係高級日本刺身級食材,兩面輕輕煎一煎過,加青豆蓉醬係底,帶出帶子嘅鮮味。則邊係竹炭製造嘅曲奇,甜甜地。韓式醬油蟹仔風乾,咸香,脆卜卜,當小零食咁,易入口,好食。Suprise Dish 2海膽豆腐mousse配明太子配金魚子明太子同金魚子偏鹹,但係唔算腥,新鮮,食落口嘅時候係你口入邊爆開。加埋海膽豆腐mousse,煮法特別,海膽新鮮配搭上軟綿綿、淡味嘅豆腐,質地都相似,連埋明太子和金魚子食,口感特別,一彈牙一嫩口,好有層次。蟹肉千層餅材料有日本松葉蟹,蛋沙律,蜜桃果肉面上鋪有黑魚子。上枱係龍蝦殻,仲以為係龍蝦~但吾係,只係個殼~入面是蛋沙律蟹肉千層餅,勁多重松葉蟹肉,加旁邊既野莓醬同芒果醬一齊食,好好食。個設計都好有心思。龍蝦,芒果,蓮藕片連梨片及羽衣甘藍脆片首先食面上蓮藕片,梨片同羽衣甘藍脆片,之後就會發現收埋左主角,波士頓龍蝦肉。醬汁係龍蝦醬,偏咸但帶鮮,新鮮既龍蝦配搭底下菲律賓芒果,香甜既芒果令到龍蝦新鮮同海水味更突出,一較彈牙,一甜一香鮮,配搭好好。終於嚟到主菜嘅部份,服務員好細心咁為我地準備左兩隻好熱既碟。煎鹿兒島a4和牛和牛煮到三成熟,燒焦表面,食落牛香好出,好軟熟感覺,可以唔需要特別調味,就食到和牛原味,男友鐘意點點海鹽。雖然份量不大,但是和牛矜貴不用多說,少食更滋味。煎鱈魚配青蘋果及金奇異果鱈魚侍應話用上西京燒的方法煮法,魚肉表面魚皮煎香,入面不是全熟,所以食落好嫩滑但香口,墊底是青蘋果粒和金奇異果粒,酸酸甜甜都清新。甜品係芝麻奶凍入面包合桃雪糕底係竹炭曲奇碎連開心果海棉蛋糕望落就好似一舊石頭,以為佢硬硬地,原來係奶凍質地,一吉開就見到入面有雪糕流心,連埋曲奇水同海綿蛋糕一齊食,呢個甜品都唔錯。最後我地叫左個咖啡,連買西餅作為結尾。 繼續閱讀
(以上食評乃用戶個人意見 , 並不代表OpenRice之觀點。)
是晚去左間好似夢境入面既法日fusion 菜到食晚餐佢餐廳名都有其意係代表夢境 檯面同牆都有蒲公英擺設同freamcatcher😛💕咁我地每人要左一個6 dishes-course佢仲比左一粒南瓜做開胃菜上埋嘅即係一籃新鮮焗起嘅麵包包括有牛角包🥐同埋用芥末籽做嘅法包,🥖牛油味都好香而且新鮮焗起非常香第一度主要係焗北海道帶子,為medium既熟度,下面有日本枝豆蓉, 味道非常特別第一次試,一咬半熟既帶子好鮮而且好腍有一定既彈性旁邊仲有一隻小蟹 🦀好脆 注意入口唔好比佢介親第二道係special dish就用左海膽既外殼配左一d 魚子, 最特別係佢下面有一d 可以食既餅底好crunchy, 🍫而海膽入果個淡身得黎都好細膩第三道都係special dish見到龍蝦🦞外型我地都以為係lobster 既菜式,原來唔係,佢用左拿破崙既layer 方法包括有日本沙律蛋,松葉蟹肉最上面top 有日本桃肉,呢一個非常出色, 桃肉既甜香同蛋香帶出晒成個蟹肉味第四道就係loster🦞 既主力, 佢係外國style 煮法龍蝦上面放左日式炸蓮藕同薯片, 🥔成個crossover都handle 得好細緻,例如炸既部份都唔會過份油膩,龍蝦既部份都handle 得好,煮既時間適當之後第五樣就係main , 咁一邊係男朋友好鍾意既日本鱈魚🐟佢油脂比重較高,入口溶快好快而且佢味道好濃,外面既汁唔需太多花巧加上佢外身有輕煎過成個dish 都好高質我自己果個係A4 鹿兒島和牛, 我相信佢用左外國rest 果個方式,所以上場時佢既肉質更加軟身!!我非常滿意因為低溫慢煎既方法除左令佢肉質更soft 肉汁仲鎖左係入面,旁邊佢仲配左小小生果蓉帶有小甜,係perfect match , 解左和牛既肥最後甜品係一個藝術既表現,中間石頭既作品係芝麻味雪糕,淡淡既甜味但芝麻味好香 ,旁邊仲有好多全部食得既topping,而且topping 有海綿蛋糕同crunchy既餅碎 match 埋蛋糕都好食最後佢仲有兩件小甜品精緻度高, 同埋有野飲,非常好今晚係藝術晚餐黎,所有菜都色香味外型都係高分之作 繼續閱讀
(以上食評乃用戶個人意見 , 並不代表OpenRice之觀點。)
Le Reve 一直都排係op fine dinning前5名日本+ 法國 fusion,一直都好想試下🙈餐廳用左深啡色做主調 用左大量既羽毛、捕夢器等做裝飾,有一種入左去神秘魔法世界既感覺💫佢既餐牌都係用牛皮做 好像魔法書咁🕯服裝員好熱情咁greeting 仲介紹左老闆既美食夢想、餐廳名字「Le Reve 夢」既由來同裝飾風格等真係未食已經感覺到滿滿既愛💫我地簡左個6 courses $890其實9個courses 都係$1190 好抵🙈不過怕食唔哂一點完餐 服務員就奉上自制既pastry同餐前小食,crossiant 香氣四溢😳🌸帶子/醬漬魚子/青豆蓉/bb蟹整體感覺食落口超清爽帶子煮得剛好,中間仲係半透明帶子殼下面係曲奇碎同朱古力條意境就好像將帶子喺柴火上面烤旁邊嘅bb蟹脆卜卜 係平時日式零食果種味道🌸Suprise Dish: 海膽豆腐/明太子/金魚子明太子&金魚子偏鹹 食落口嘅時候係你口入邊爆開,配搭上軟綿綿、淡味嘅豆腐,二合一嘅感覺好有層次🌸Suprise Dish: 日本松葉蟹/有機蛋沙律/黑魚子/蜜桃果肉菜式形態係一個龍蝦寶盒 一打開 就發現原來係蟹肉蛋沙律呢道前菜我會用「春風化雨」黎形容上面既小花係亮點 配合蟹肉沙律一齊食會有一種甜甜既回甘留係口入面 旁面既係紅莓&芒果醬汁 嘗試到唔同嘅味道配搭雖然有好多不同既食材,但彼此都恰到好處地融合,仍然食到松葉蟹既清甜,係春天既感覺🌷🌸Lobster/芒果/蓮藕&香梨薄脆/羽衣甘藍首先要享用薄脆同羽衣甘藍 就會發現底下收埋左真正主角-波士頓龍蝦🦞呢道菜再一次體現老闆設計既心思 驚喜!醬汁係龍蝦蕃茄 偏咸鮮新鮮既龍蝦配搭芒果 咸甜既衝擊令到海水味更突顯 龍蝦用左龍蝦尾,更爽脆彈牙終於嚟到主菜嘅部份服務員好細心咁為我地準備左兩隻好熱好熱嘅share plates 真係好貼心呀 佢表示餐廳希望所有客人都可以食到熱辣辣既菜式 所以就算連咁細微嘅share plates 都考慮埋 就算去食酒店餐廳都未試過有呢種待遇😭🌸鹿兒島A4和牛/黑松露醬汁鹿兒島是正宗和牛的原產地之一日本全國牛隻中只有約三分一屬於和牛,當中大約每十頭牛中只有一頭達A4/A5級可想而之有幾咁矜貴啦🤭食得落口既黃金霜降雪花和牛食3成 剛剛燒焦表面內裡係入口即溶既肉質😭油脂係個口爆發完全一啲調味都唔需要🙈雖然要加多$268但係真係物超所值🌸Cod fish/ pickles green apple/ kiwiCod fish 好嫩滑 配上酸甜蘋果kiwi醬汁意料之內既味道 比起前幾道菜式略微普通🌸芝麻奶凍/合桃雪糕/竹炭&開心果海棉蛋糕望落就好似一舊係草叢既石頭 🗿好有意境一吉開就見到入面有雪糕流心老闆好有心思 將中國傳統既芝麻糊同合桃露用分子料理既手法呈現真係無諗過個味道可以又中又西🍦最後仲有餐茶同埋朱古力做返一個結尾呢間餐廳真係處處都係驚喜🗣服務員細心講解每一道菜色 服務到位好親切🧚🏻‍♀️菜式顯盡老闆想實現夢想既理念 🦋服務、食材、味道、體驗絕對超越價錢絕對要再黎食!希望佢哋快啲轉新Menu☃️——————————食物質素:10/10環境衛生:10/10舒適度:10/10服務:10/10性價比:10/10總評分:10/10 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-26
987 瀏覽
同男友慶祝紀念日, 佢特登揾左間好有情調既餐廳~「Le Réve」起法文意思原來係「夢」咁解, 上到黎都有夢一樣既感覺,呢度燈光帶點矇矓,周圍有好多羽毛既擺設,特別係枱上既蒲公英水晶球燈真係好靚。✨用餐前先有玫瑰味既水抹手, 幽香同時貼心。今晚我地揀左6 Shades of Flavour,包兩款surprise dish~即管睇下係咪真係咁surprise先,每度菜仲有專人介紹。✨先黎個前菜, 南瓜香甜軟腍。袋裏面打開係暖笠笠既麵包, 牛角包好鬆脆同好香牛油味。另一款包質地帶點Q彈, 入面係芥末籽餡, 食落酸酸地幾得意。✨Pan seared hokkaido scallop :賣相實在勁靚,最吸睛係隻小閘蟹😍,好有日式style.北海道既刺身級帶子,中間半生熟,嫩得黎非常彈牙。加埋大大粒嘅三文魚子味道就更加咸鮮👍🏻。連貝殼底嘅竹炭曲奇都好好味勁鬆脆,小閘蟹掃左層韓式醬汁,食落甜甜地同勁酥脆,都幾得意。✨Suprise dish1: 果然好suprise,係我最鍾意嘅海膽🤩上面仲有明太子,金魚籽,海膽,同埋豆腐mousse. 海膽同金魚子勁鮮味,金魚籽比起平食到既蟹籽係更加爽,又帶點點明太子既辣味,配埋牛肝菌同味醂醬汁既豆腐鮮味更加突出。✨Suprise dish2: 龍蝦殼之下完來隱藏左另一道菜🤣上面係水蜜桃同黑魚籽,下面有松葉蟹同蛋沙律。食落鮮味得黎帶點清新,連朵紫蘇花都可以食,真係好靚呢~嗰花味比我想像中濃。✨Lobster: 未食過龍蝦肉係可以咁嫩滑,個底係蕃茄味嘅龍蝦汁,配埋芒果同埋蓮藕脆片一齊食,真係超好食。連羽衣甘藍都炸過,少少脆又幾特別,炸梨片酸酸甜甜都好好味。✨japanese cod fish: 呢個鱈魚超好味,個皮帶點焦脆同掃左層鰻魚汁甜甜地,魚肉係超滑嫁😚。個汁有粒粒金奇異果,蘋果,梨肉,味道酸酸甜甜勁開胃。✨Kagoshima($268): 黎自鹿兒島和牛😍肉質軟稔無筋,點埋個松露black pepper sauce 同埋鹽味道更加提升。拌碟嘅露筍好爽脆,仲有枝豆同埋炒雜菌清清地都好好味。✨Sesame Stone: 呢個甜品賣相勁過癮,模仿石頭做得好逼真。個底鋪左竹炭造既曲奇碎,綠色既海綿蛋糕好軟綿,仲伴左食用級既花草。舊石食之前要解凍一兩分鐘,外面係好軟滑嘅黑芝麻mousse,中間係冰凍嘅杏仁雪糕,個底仲有一層海綿蛋糕添。整體味道唔會太甜,而且黑芝麻味好濃,真正嘅甜而不膩。✨Mignardise: 細細件好精緻,blueberry butter cake, 上面係藍莓+藍莓mousee,下面係海綿蛋糕,鍾意佢d 甜品好食得黎唔會太甜。另一個係焦糖mousee tart , 個tart 皮好香好鬆化😍。今餐真係好滿足,每一道菜都非常精緻用心,環境又夠浪漫,啱晒情侶黎撐枱腳。 繼續閱讀
(以上食評乃用戶個人意見 , 並不代表OpenRice之觀點。)