Le Monde

營業中

休息中

剛剛行過觀塘，見到有個有個牌寫住芝士火鍋， 本人對芝士非常熱愛，胆粗粗敢上去試下啦，竟然有意想不到的收穫， 職員話畀我聽係用意大利芝士，芝士口感豐富不太Rich, 加埋沾上法包 一齊食味道唔錯，我就加咗啲龍蝦，帶子，青口都係好好味，下次帶埋朋友一同來再試。

之前覺得唔錯今日再嚟，食物水準係有嘅，但低級錯誤到頂點，點了紅酒燉牛臉頰，落order時已再問有無法包跟，回應話有，但一士直唔出聲直到上菜時輕輕一句呢個菜係無包跟，唔想太影響心情，亦唔想嘈。完全欺騙加唔處理問題嘅心態。好簡單跟2片法包加句原本個菜無跟法包但我同事答錯都跟番比你，原全就天同地嘅處理方法，再者2片法包成本，真係唔明點解會咁樣，可能個個都係老闆，老闆就係有性格。其實做餐飲一直難，但真係無理由咁少問題都唔識處理或唔想處理，不過熟客可能會好唔同，明嘅，祝好運。。。

2022年最後的一晚，黎到呢間位於觀塘工廈的隱世法國餐廳，聞說呢度嘅主廚係法國藍帶畢業，果然有意外驚喜！由於小妹喜歡食龍蝦，但兩個除夕menu都分別有唔同龍蝦菜式，真係好開心!頭盤點了龍蝦湯，足料及口感濃郁，大滿足😋主菜我地分別點了焗龍蝦配魚子醬及虎蝦意粉。魚子醬配芝士龍蝦的味道非常合適，魚子醬能帶出龍蝦的鮮味。虎蝦火候控制得宜，意粉入口唔會感到很漏。甜品今次試了French Macorons，味道分別有士多啤梨、檸檬、朱古力和開心果，而且唔係太甜，只係略嫌餅皮有點乾。此外，餐廳環境適合情侶拍拖或與好友相聚談心，侍應服務亦禮貌周到，以平民價享受到fine dining嘅菜式和服務，以後有機會要再黎試下其他菜式！

睇咗好多好評先決定去食，原來全部係伏嚟！一入到去，全部職員都黑口黑面，難聽啲講句，死老豆咁嘅樣！坐好咗之後，盞燈係咁閃吓閃吓，職員一埋嚟又冇事喎。叫幫忙影張合照，求其到冇嘢講。啲湯稀到水咁，完全冇味，好彩冇轉龍蝦湯，唔係就蝕晒。叫咗21日牛，豬扒，盲曹，龍蝦汁飯。21日牛完全不是一回事，叫5成熟，嚟咗差不多10成熟。豬扒不過不失，係鞋咗啲同冇乜味。盲曹腥到不得了，又完全冇味，好多魚鱗，隔2啖就有魚鱗。係個飯叫做正常少少。連一個食嘢冇乜要求嘅人都不停話難食，想像唔到點解會有咁多好評？！仲要價錢唔平！冇乜服務，食物質素咁差！賣相好唔吸引，連相都冇影，只係喺大合照入邊cut返出嚟。

2022.10.13 lunch呢一日放半日，女友覆診，呢排疫情都好似轉好咗少少，所以出街食都覺得好似安全啲。 選擇牛頭角落車搵嘢食⋯⋯終於撞咗嚟呢間。其實之前女友都食過，上次經驗就一般般😝 但好似附近都冇咩食，所以都再試吓，俾多次機會😝都仲有位！仲有個唔錯嘅位，但就好似唔係好夠冷氣，但坐坐吓都可以😊 我揀咗魚，女友揀咗唯一一個飯。餐湯沙律到，賣相幾好，可惜個碟細咗少少，攪到啲沙律菜好客易就碌落街😝 係雜菜湯，似自家製，我幾鐘意，女友就麻麻，所以話呢，口味真係唔係人人相同，食評只可作參考😅主菜到了，講我個比目魚柳醒露筍及南瓜蓉先，賣相就一般了，露筍小咗啲，但魚好滑，配南瓜蓉味道唔錯喎😊女友嘅香煎美國雞胸配蘑菇燒汁及忌廉意大利飯呢，賣相靚啲，味道都好好，雞胸肉都好滑，但我覺得煎得唔夠，可以再煎香啲仲好味，個飯好味，唔會太濕剛剛好😃👍🏼今次餐飲要咖啡，order 啱咗！好耐冇飲過餐咖啡係呢隻，好香好好飲☕️😌 但都係同女友上次經歷一樣，主菜唔係好夠熱🫤 希望下次再嚟會有改善啦😏

見到咁多好評，心怕冇位，所以早一星期已訂位。今日星期六12:45準時到，只有2枱顧客，心諗啲人瞓雁咗？叫咗西班牙豬扒，帶子意大利飯同食評讚口不绝的開心果玫瑰法式多士。豬扒同意大利飯不過不失，但法式多士就完全不是食評話的外脆內軟。我問職員點解咁林嘅，職員話佢哋嘅多士係林嘅，外層都是林的。我話好多食評話係外脆的，職員話他們不能阻止寫食評嘅人話他們的多士是外脆!大家可以知道這間餐廳的食評大都不正確反影食物的質素，千期唔好上當。

今日同老公難得都係星期日都放假，於是我哋兩個就拍拖入咗觀塘，去左食Le Monde食法國菜，享受一下假日既時光！🌉我食左西班牙Iberico 豬扒配忌廉菠菜苗 !🐽豬扒非常之大塊厚切！我一個人都食唔晒都分咗啲比老公食！豬扒充滿豬香味，咬落去非常多汁嫩滑！而佢菠菜苗亦非常好食😋菜苗非常嫩身，咬落去好爽脆清甜，配埋濃郁既忌廉汁一齊食好好食😋😋著條亦同樣好食，炸完脆卜卜！而老公個法國圖盧茲腸配薯條亦都好出色！😍豬瘦肉同豬五花肉按一定比例完美混合，肥瘦適中，入口充滿香濃既脂香之餘亦都有清新嘅香草味，非常滋味！😍😍😍我同老公都好滿意呢餐既法國菜啊！

難得趁今日星期六放假，於是就趁有時間今日就去咗觀塘巧明街嘅Le Monde試下法國菜！小妹咁大個女都係第一次食法國菜咋，點知一試難忘！就算去到餐廳已經俾左我一種好舒服好享受嘅感、覺餐廳好闊落好光猛，非常充滿歐陸風情！🏞之後我就坐低嗌咗個煎盲曹魚配露筍及忌廉汁 🐠！盲曹魚非常大塊同厚身！煎完唔會乾身，仲好嫩滑， 入口充滿淡淡既油脂，再配埋香濃嘅忌廉汁同爽口既露筍😋非常之好食！仲有呢個魚嘅特別之處係配有口感綿滑嘅紫薯🍠做伴菜！紫薯蕃薯味濃，同非常之甘香！呢度嘅裝修都佈置非常之靚🥰有好多唔同嘅打卡位，我都影咗好多相先走！

男朋友想試吓特別嘢，於是今日星期日我就帶咗佢去觀塘嘅Le Monde 餐廳食法國菜！男朋友話佢今日係第一次食法國菜，佢食完之後都非常滿意！😋😋我地食左香煎法國鴨胸配法式香橙燒汁🐤鴨胸煎得外脆內軟， 冇鴨酥味之餘仲要有濃郁既鴨香味，點埋個香甜既橙汁一齊食，酸酸甜甜非常開胃！而佢啲creamy 薯蓉亦非常奶香，同鴨胸一齊食又係另一境界！🐙「烤西班牙八爪魚配焗薯」亦係無得頂！🐙八爪魚焗完之後非常之香脆，亦唔會乾身反而仲好彈牙！而焗薯亦都唔會乾身，香滑軟嫩，非常好味道！🦞「法式焗波士頓龍蝦」🦞亦非常爽滑彈牙！龍蝦大大隻之餘而肉質非常有光澤，入口鮮甜美味，仲散發出陣陣既牛油香！

本身諗住今日去法國，但係因為疫情底下之後冇得飛，於是今日星期六同朋友一行四人浩浩蕩蕩去左觀塘嘅Le Monde 餐廳度食法國菜，一解思鄉之愁！香煎法國鴨胸配法式香橙燒汁❤️香煎後晚鴨胸肉口感柔嫩，非常多汁嫩滑，鴨皮香脆！搭配由苦橙製作的醬汁，橙香同肉香互相交融，再同creamy既薯蓉一起食，非常回味無窮！烤西班牙八爪魚配焗薯❤️八爪魚非常之大隻，焗完之後口感依舊，非常彈牙！焗薯較硬適中，非常香脆可口！法式焗波士頓龍蝦❤️龍蝦肉質扎實，入口爽滑彈牙，鮮甜可口，充滿濃郁芬香既牛油味，令人回味無窮！烤原隻黃油春雞❤️春雞烤焗完多汁鮮嫩，外皮香脆，入口油脂濃香，配合既甘香甜甜既紫薯蓉一齊食口感非常豐富！

位於觀塘工業區有一間好出名既西餐廳，叫做Le Monde！難得星期六放假，帶左朋友去發掘隱世美食！侍應先黎左兩杯飲品，一杯係Virgin mojito，🍹入面薄荷葉， 入口有陣陣嘅芒果同埋菠蘿嘅酸甜味，加埋清新嘅薄荷味調製，令杯嘢飲非常之清新可口！而另一杯係Tequila！🍹係用橙汁石榴糖水調製，入口酸酸甜甜，非常開胃！之後我哋食左法國圖盧茲腸配薯條！😋肉腸非常大條，切落去已經咇晒啲肉汁，咬落去非常之嫩滑Juicy！好好味😋而薯得亦炸得香脆！同朋友食到停唔到口！仲有個香蒜白酒煮紐西蘭鑽石硯😋亦非常出色！白酒滲透蜆每一個角落令大大隻既蜆充滿酒香，再加埋啲香蒜一齊煮，非常惹味！

觀塘既Le Monde 既法國菜一向非常出名，今日難得weekend我都要黎朝聖一下！1️⃣煎盲曹魚配露筍及忌廉汁！🐟盲曹魚肉質結實，味道亦十分鮮甜，入口魚味濃郁，同充滿陣陣既魚油香味，再加埋香濃creamy既忌廉汁，令魚肉口感層次更上一層樓！🤩2️⃣香蒜白酒煮紐西蘭鑽石硯！🥳蜆非常大隻脹卜卜！每隻充滿香蒜同白酒既香味！非常好味😋❤️而飲品亦好出色！我飲個杯係Le Monde Colada🥛，由菠蘿汁，椰子，牛奶調製而食，入口奶味濃郁，又有椰子香同菠蘿既酸甜味，非常清新開胃！☺️

今日係星期六，難得唔洗返工，於是去左觀塘既le Monde同朋友渡過一個優閒既快樂時光！呢度嘅裝修非常之別致，俾人一種好高貴優雅同慢活既感覺，我同朋友都好enjoy!😃開心果玫瑰法式多士⭐️多士炸得外脆內軟，上面鋪滿晒開心果碎，玫瑰花瓣同蜜糖，令人非常驚喜！而味道口感當然係💯！北海道帶子配野菌意大利飯 ⭐️帶子大大隻，目測有成個5蚊咁大，非常彈牙！香煎過令帶子既味道更香口！而飯軟硬適中充滿奶油香，兩者夾埋一齊食非常天衣無縫！Ice cappuccino⭐️叻啡味香濃，亦非常奶滑！非常好飲！就算啲冰融左亦無損佢既味道！正😄

今個週末就約埋朋友一齊去觀塘既Le Monda一齊去打卡同chill下！🥳Le Monda裝修非常之靚同充滿格調，全間餐廳都充滿着歐陸風！🌉令人好似去咗外國咁！而呢張大大張嘅梳化係打卡之位，我哋係呢度影左好多左相！😍😍食物當然亦係高水準之作！香煎法國鴨胸配法式香橙燒汁🦆食到我同朋友嘩嘩聲！每塊鴨胸都富有光澤，入口鴨味濃郁，再配合埋個法式香橙燒汁一齊食，令個鴨肉變得更清新，非常好食！當然作滑滑既薯蓉亦都係非常棒！虎蝦配蝦汁意大利飯🦐亦是好食！飯煮得軟身creamy，蝦亦非常大隻唔乾身，同非常彈牙，成個飯經過廚師悉心烹調後非常惹味！😙😙

觀塘既Le Monde一向得到好評就係人都知！今日唔洗返工，於是我又再黎拜訪，食物水準依然係世一！🥰 呢次食左個焗波士頓龍蝦配鮮茄蟹肉意大利粉！🍝先講下意粉，意粉煮得岩岩好，唔會太硬亦太軟，口感彈牙煙韌，配合埋個鮮茄蓉一齊煮，令意粉充滿濃郁既鮮茄味！而主角龍蝦🦞亦非常鮮甜，彈牙嫩滑，而蟹肉份量亦非常多，成個意粉只需百幾蚊，cp值非常高！而開心果玫瑰法式多士🧽都係我每次黎必食，因為佢實在太好食！炸得外脆內軟既多士鋪滿甜甜既蜜糖，同滿滿既開心果醉一齊食，口感非常有層次，同令人非常幸福🥰