Le Cafe (香港諾富特世紀酒店)

營業中

休息中

假日放鬆一下就諗起食放題，朋友原來已一早book左dinner buffet！ 呢間第一次食，整體環境、食物、服務都幾好wo ，地點方便，灣仔地鐵出10分中內到，響香港諾富特世紀酒店1樓！呢期做緊「哈囉·蝦蠔」超岩我口味！！美國，法國生蠔、凍蝦、蟹、翡翠螺任食😱 專人無限量即開鮮嫩生蠔，細隻果款味濃d，大果款juicy d ，帶點點點海水味！熟食有中西美食匯聚焗蠔面鋪滿了配料粉好惹味，即使焗左食落都唔會乾真真，特別一提有咕嚕蝦爽口酸酸好開胃，XO醬爆蠔都入味，不可放過的蠔仔粥，絕對滿足到海鮮控既我！食左超多條凍蟹，啖啖蟹肉好滿足（如果帶個自動拆蟹殻機就好 哈哈！）中西湯兩款都足料足味，特別中湯太子蔘螺頭無花果湯！沙律、芝士拼盤，配料整潔、整齊排列好，旁邊有個沙律盤可以自助攪拌！甜品區好吸引又精緻，🎂蛋糕 🧁Cake 🍰 冬甩小點 🍩 牛奶布甸🍮（呢個一出勁快無曬）早d攞，個🍓士多啤梨啫喱係有味道架（講真食過有放題only魚膠粉味）涼粉都要好多人都拎左碗👍🏻必有既朱古力噴泉，多款Movenpick雪糕，新鮮水果 哈蜜瓜、菠蘿🍍、西瓜🍉！特別一題男女廁要響reception攞密碼去。我地去

早排上hktv mall 見到呢間自助午餐嘅團購圍返起都唔駛 300蚊 4歲以下小朋友更加係免費 絕對值得一試 趁而家個小朋友得三歲 去食多啲唔同嘅自助餐而呢間酒店距離灣仔地鐵站a出口五分鐘嘅路程 非常方便 上到去環境闊落 坐得舒服 去到原來先知今日有廚師教小朋友整pizza 搞到啲小朋友鬼咁開心 雖然俗語有話一分錢一分貨 嘢食都唔算少 例如有中式拼盤 胡椒浸廣島蠔 墨梅骨 薯條麥樂雞腸仔 車仔粉麵檔 仲有沙律吧 海鮮吧 甜品就係 movenpick 仲有水果有哈密瓜菠蘿西瓜 聽到以上啲嘢食 可能大家覺得冇咩特別 但我哋今次去最重要都係為咗以下呢樣嘢 就係澳洲生蠔 冇乜海水味 而味道尚可接受 我都食咗廿隻 當係圍返夠本 而小朋友最開心梗係有得自己整pizza整完自己食返 又係另一番風味 食咗兩個幾鐘真係飽到上心口

之前都食過幾次呢間既晚餐自助餐，因為呢間長期有折扣，300幾一個人唔算貴。今次主題係泰式誘惑，因為未有去泰國既打算，為左芒果糯米飯去食個自助餐，當然佢仲有即開生蠔同盒裝movenpick 雪糕，都係我想食既！芒果糯米飯用個爐烘住，暖暖地好食，芒果仲好甜。甜品好多選擇，而且大部分都唔會太甜，好滿意！佢個帶子蝦杯極力推介，隻蝦超級好食，建議唔好太晏去拎，因為去到9點可能就會將杯放係冰上面而唔係雪櫃拎出黎，其實唔多夠凍，鮮味大減。Buffet 由1830到2130,野食唔算多，慢慢食食足3個鐘唔難。

我是很懶的一個食評家，如非很好食，或者很難食，我都不會寫食評，這次是一個超難食的食評。我是Accor plus會員，他們力邀我到富特世記酒店Le Cafe食自助晚餐，因本人未食過，所以都是抱著試下的心情。Le Cafe三月份做生日特價優惠，5人同行，生日者免費，其餘的七折。原價為$538，優惠完每位都要$350，但我覺得$100都不值。味道好食與否，非常主觀，但首先我要講他們的衛生，刺生放在竹籮上，跟生蠔放在一起，壽司跟凍盤(長腳蟹、蝦、翡翠螺)放在一起，我已經不敢嘗試。長腳蟹咸到嘔，生蠔難食，刺身唔敢食，熱盤全是炒埋一碟，見到都唔開胃，最後我只食了pancake、熱湯加魚蛋。我們一行八人，都認為難食、好難食。CP 值超低低低，如果他們是做平價方向的自助價，請將價錢調低，可能還有這方面的顧客。好食的自助餐都只$638一位，還有其他的信用咭優惠，所以我不明白Le Cafe為何這樣大膽設一個這樣的價錢。anyway我有一張65折的優惠券，如有人想挑戰，可以聯絡我。

適逢聖誕節，Openrice又有優惠，就同屋企人試下香港島Novotel嘅自助餐。自助餐area唔太大，同其他地方唔同就係佢有一個自助飲品區，可以自製檸檬茶，任飲果汁，連啤酒都可以任飲。聖誕節有聖誕特飲、聖誕西餐、聖誕甜品等等。魚生方面都可以，竟然有超大隻紅蝦刺身，不過質素就麻麻啦。有西湯同中湯，沙律選擇都多。甜品方面，有成個甜品架，自製pancake機，有朱古力漿比你自己寫message係隻碟度，朱古力噴泉，最緊要係任食Movenpick雪糕！味道都多，有楓糖核桃、士多啤梨奶凍、咖啡、雲尼拿，開心開心！提提大家，因為餐廳可以通去出面，所以每一次去廁所都要禁密碼。

是日供應：海鮮：🐟🦐🦀生蠔 - 任攞，今日係creamy 既，新鮮，好味凍蝦 - 都keep 住refill , 彈牙，可以再鮮甜啲仲有青口，翡翠螺… 冇食，唔評論喇cold cut / 芝士/麵包：🥓🧀🥐煙燻雞/火雞 - 配上青瓜汁，濃濃既煙燻香 + 清新既青瓜汁，好夾煙三文魚 - 鹹左dd，質感扎實火腿 - 唔太鹹太淡，好味日式肴肉 - 醬油味合到好處，果凍狀、質感彈牙芝士 - 有3款，有軟有硬有車打麵包 - 有牛角包，法包，有番茄薄脆仲有刺身，壽司沙律：🥗菜、醬汁 - 各有7-8款，新鮮多揀各式沙律 - 有4-5款撈好既，有日式、泰式等熱食：🍜🍝中式 - 淮山紅蘿蔔xx湯，有蒸魚，有炆時菜冬菇，點心，粥等…仲有麵檔西式 - 牛扒/西冷，咖哩雞，2款薄餅，西班牙海鮮飯，仲有啲唔記得甜品生果雪糕：🥞🍧🎂多款慕士，奶凍，蛋糕，仲有檸檬tart , pancakes , 朱古力噴泉，豆花 生果 - 西瓜 ，哈密瓜，菠蘿雪糕 - movenpick 仲有雪糕糯米糍番食指數：🌟🌟🌟🌟🌟

一年一度生日大餐，5星級酒店自助餐。這間自助餐每2個月換一次主題，今次是「上海之夜」，有別平日常見的日式餐飲，充滿期待。環境乾淨寧靜，可能平日問題，客人不多，可以慢慢享用。一人一隻鮑魚嘩生蠔任拎，不用每隻排隊拎，師父開蠔好細心，清洗好乾淨，仲好大方禮貌地問要幾多隻 有幾多隻冷盤，應有既都有 長腳蟹夠鮮甜，特別推薦：鴨肝醬 上海餐最愛既上海雲吞雞湯，雲吞好好味 大大隻蝦。仲有多款甜品，朋友推薦：栗子蛋糕（栗子味濃郁）

雖然環境不大，不過座位之間夠寬敞，方便傾偈；食物種類不算多，不過生蠔夠丰滿好味， 糯米飯夠味道，甘筍湯亦濃；服務員亦見 殷勤。。。。，如果用了Open rice 的八折優惠更化算，朋友聚餐亦是一個不錯的選擇。。

早前知道<灣仔諾富特世紀酒店Le Café咖啡廳> 推出了東瀛之味生蠔海鮮自助晚餐, 余媽媽一向大愛日本美食, 所以完全諗唔到唔食嘅理由, 一於全家出動去迎接美食! 全間餐廳由內至外都佈置得很有和風色彩呀！ 雖然係平日嘅晚上, 但都全場爆滿, 非常熱鬧！ (和風美食的確吸引力甚高啊！) 今次主打和風美食, 有三文魚, 北海道帶子刺身以及連平時buffet少有 的紅蝦今次都食到! 啲紅蝦好鮮甜爽口呀！ 沙律, 火腿, cheese都應有盡有~ 還有火焰三文魚呢! 海鮮方面, 除左有青口, 螺和凍蝦外, 當然唔少得日本松葉蟹腳啦！ 蟹腳都好鮮甜冇雪味！我地食左好多隻呀！ 大愛coffin bay生蠔, 重海水味又爽口~ 當晚亦有供應美國蠔, 冇咁重海水味, 但大隻又厚肉~ 壽司賣相唔錯, 仲有多個選擇, 啲壽司飯都幾新鮮~ 熱盤方面, 日式牛肉火鍋, 關東煮, 炸蝦天婦羅都各有特色! 爐端燒有好多款式, 即燒即食好惹味! 羊架都唔錯, 好嫩滑! 果汁, 涼茶和啤酒等都係無限量供應~ 甜品區

While searching for a place to have my birthday lunch, the only criteria I actually had was to be able to eat sushi, tempura, and pizza all at once but under an affordable price point. I did my research on openrice but I guess I was not able to figure out that tempura was definitely not available during lunch hours. ouch!But it should be okay? 2 out of 3 is still good so I started with a platter of sashimi. I would normally eat sashimi the most when it comes to buffets but I could only get throu

雖然我對於自助餐不感冒，但身邊總有朋友鐘意食，一行人睇過諗過，黎到位灣仔嘅Le Cafe，印象中唔係第一次食諾富特嘅自助餐。今個月主題為「東瀛の味」海鮮自助晚餐，喺網上訂位列印優惠券就可以有65折，咁大嘅折扣確實係吸引。星期一至四原價$508/位，折扣後連同原價加一，400蚊都仲有找餐廳位於1樓，面積就唔算好大，平日晚上都有不少客人，大概係因為有折扣吧，都唔知原來真係有咁多人喜歡食自助餐呢。裝潢方面為左配合主題，都加上啲日式元素，例如燈籠、和式公仔、紙扇、紙傘等。一邊位梳化位，一部份方枱，人多嘅話仲會有圓枱。由於一早訂位，職員都好快安排好座位，四人枱都夠闊落。取餐區域唔算好大，但都稱得上應有盡有，首先當然有冷盤，有沙律、芝士、煙三文魚、火腿、麵包等。當然唔少得食自助餐嘅主角海鮮，呢個價位都有生蠔供應，都算唔話得，即開生蠔，每份兩隻，有師傅隨時準供開蠔，所以無需等候。生蠔有兩款，比較淡口，蠔味唔濃郁，亦都冇乜海水味；同行朋友好喜歡食蠔，食左四隻就收手。另有日本松葉蟹腳、凍蝦、翡翠螺、青口，我地入座時間較夜，都見到有refill過蟹腳、凍蝦，相對而言，我地都覺得蟹腳、凍蝦質素唔錯喎蟹腳大件

今晚和女兒慶祝生日，來了Novotel 吃buffet，適逢它們做日本節，有很多日本料理及魚生選擇，更有即開生蠔，真的大滿足吖！魚生新鮮鮮味，生蠔非常肥大及厚身，蠔味十足啖啖肉，是必吃之選。熱食也有很多日式料理，如關東煮、茶碗蒸、天婦羅，任君選擇，下次會再來食過吖

是日慶祝小朋友生日， 親戚已一早到達，我們十二點半去到餐廳時， 見到餐廳內人數唔多，都知懶嘢……食物區真的不算大，熱食的選擇大約有20多款，蒸魚、 琵琶豆腐、芝士腸、淋的chicken nuggets、咖喱、炒烏冬、炆雞、人手即造pizza…… 但除pizza之外，其他都實在是不太想試。沙律方面，有5~6款，沒有羅馬生菜火煎菜之類的生律菜，我有印象的只是薯仔沙律、日式蕃茄沙律。但薯仔沙律似薯蓉一樣; 日式蕃茄沙律出晒水，亦不想試。刺身只有3款: 我記得的有靖魚、鮑片 (似罐頭果d)，看上去實在又是不太想試海鲜有: 熟蝦、花螺、青口生蠔不知是什麼品種，但是即開的，全部已預先放晒放在冰上，看上去較乾亦吃到新鮮的味道。甜品方面較似樣，蛋糕、果撻、糕點都有，movenpicks 原裝細盒裝三種味道任取。飲品方面: 咖啡、茶 、果汁都是自助供應環境方面由於人不太多， 很清靜， 但人手方面亦不算多， 但都明白是成本問題。 是日的lunch buffet有個兒童 diy pizza workshop， 有，做pizza的廚師叔叔，帶領一眾小朋友一齊玩， 焗號之後可以攞返自己整嘅pizza食。老實

食自助餐，很多時重點都會放於蟹腳、生蠔、青口等的海鮮，又或者是刺身類別上，熟食的項目較易被忽略。但對於只能吃熟食或偏好食熟食的人士來說（例如我，哈！），也都想吃個自助餐來放縱一下。 位於灣仔駱克道Novotel一樓的Le Cafe，就以東瀛の味 • 生蠔海鮮為主題，提供日式料理的自助晚餐，除了海鮮、刺身外，更有多款日式美食供應，可以盡情享受一下和風盛宴！ 自助晚餐由6:30PM至9:30PM供應，收費為星期一至四：成人 $508，小童 $318；星期五至日，公眾假期及前夕：成人$538，小童 $338。成為酒店面書專頁粉絲，或使用openrice的優惠都可享有65折，折後即$380 一位（未包括加一)，而且每2位成人可免費攜同1位4-12歲的小童吃自助餐；生日之星亦有免費優惠，真是著數多多！ 入口處、餐廳內均以日式的擺件做裝飾佈置，色彩十分絢麗，搶眼又配合主題。食物方面，前菜、刺身、海鮮、熱葷、甜品等，就連飲品都有自己的區域，每張檯都擺得滿滿的十分琳琅滿目，令人急不及待要巡視一圈！ 先是刺身類別： 以東瀛和風做主題，魚生、刺身當然是主打項目之一。雖然只有四款刺身：三文魚、

本已睇好機票12月假期遊日本，正想出機票之際，突然話有大project，假期可能有變動……馬上暫停一切計劃，看來機會渺茫。飛唔到去日本，就要在港多吃日本菜，以彌補心靈上的損失。得知香港香港諾富特世紀酒店Le Cafe正推出「東瀛の味」自助晚餐，星期一至四成人（$508+10%）；星期五至日、公眾假期及前夕成人（$538+10%），而經OpenRice 網上訂座仲有全單65折優惠，抵！ 話明「東瀛の味」，必定雲集各款日式美食，正合我心意。紅葉、日本女子公仔、相撲手油畫、清酒杯、日式扇子、日式開運公仔、日式魚旗、布簾等等...四處可見，真係充滿和風色彩，裝潢富心思。餐廳地方寬敞，座位多且舒適，以二至四人枱為主，也有些大圓枱，岩晒大夥兒或家庭餐聚。而擺放食物區夠集中，通路亦闊落，出入取食物很方便。******************************逢有關「東瀛の味」主題的菜式都有特別標記，就是名牌上印有紅葉。先嚐日式，凍食有刺身、刺身丼、壽司、蕎麥麵、日式前菜、溫泉蛋、火炙三文魚、日式白蘿蔔沙律、日式沙律、鮮三文魚沙律等等。第一碟當然是刺身，選擇都幾多，有三文魚、鱆紅魚、鯛魚、吞拿魚