LAYER’S Cafe & Pancakes

營業中

休息中

一間能令你滿足幾個願望嘅小店，有好食嘅意大利粉、有好好飲嘅咖啡同埋美味甜品，呢一個價錢，食到呢一個質數，絕對超值！ 挪威煙三文魚忌廉汁意大利粉 $108意大利粉口感彈牙，麵條能做到掛汁，味道剛剛好，唔會太鹹或者太重味。Iced Cappuccino +$3 真係好好飲， 咖啡味好重，加三蚊就可以點餐牌裏面嘅凍飲品，熱飲更加唔使加錢。Pancake +$0 (跟餐) 真係好好食，係一個有空氣感嘅pancake， 蛋味剛剛好，加上厚實嘅忌廉，呢一餐好滿足。

男朋友帶我去食嘢 揀左呢間幾少女嘅cafe💕綠荼紅豆班戟($88) 班戟空氣感十足 咬落綿滑好似舊雲☁️ 而紅豆份量足料又唔會太甜🤤 綠荼同原味cream唔會太甜過漏 綠茶味cream純滑香濃 與紅豆配搭一流😋😋Lunch set雞肉蘑菇義大利粉配香草 ($128) (包一杯熱飲+迷你招牌班戟)呢個價錢真係好抵 飲品連咖啡都可以揀 而個迷你招牌班戟一啲都唔迷你 睇唔出同散叫嘅有咩分別😮😲 個意粉好香 醬汁香濃仲加左啲芝士粉😋 意粉同雞肉嘅份量都唔少🥰 唯一唔好嘅係比較多油 😶榛子鮮奶咖啡Lunch set嘅飲品我地揀左榛子鮮奶咖啡 可惜榛子味唔重 而且好苦… 😐但都幾大杯🧐

辛苦左五日終於捱到黎happy Friday ，當然要食返啲好野黎迎接放假既心情啦！今日就同左啲同事一齊黎左呢間度食佢既lunch set，$108main dish+飲品+迷你招牌梳乎厘pancake！就咁睇食lunch黎講就唔算平，但其實都有好多野食，好滿足架！我就揀左蕃茄肉醬意粉，意大利粉都煮得比較爽身彈牙，係我鍾意既口感，可惜份量有啲少，唔夠喉。野飲就揀左熱latte，都算大大杯，好香好鍾意！迷你招牌梳乎厘pancake好有空氣感，食完勁滿足，食得好開心

突然間要吃甜品最近好像總有這感覺或者是因為傳說中甜食能讓人快樂還能讓人蛀牙嗎看這家也有被網站介紹過近近地全場以粉色為主牆壁上有花花畫難道這就是傳說中的少女風嗎卓面是彷大理石的圖案設計 （由於在下喜愛大理石 所以環境加分）沒等很久食物便到了朱古力焦糖香蕉班戟$88色 香 味 中只有色比較好班戟看起很厚也很廷上面洒滿了可可粉一匙奶油和一匙朱古力雪糕一條被焦糖熱黑了的香蕉🍌還有朱古力醬更不忘加了點麥皮和乾杏仁做伴碟班戟沒有很香反而不吃冰冰的在下卻不小心被那顆朱古力雪糕吸引了因為..它不冷不冰也沒溶掉吃下去就是一口一口的硬身濃朱古力幕絲這可說是整盤裡最突出的東西吧飲料在下點了水蜜桃🍑梳打$31有趣的是這裡冰的東西都不冰很適合在下吧🤣水蜜桃味淡淡的隱約感受到梳打的氣在舌頭上跳動噢緊只如此..

【2021 年 6 月】兩隻魔怪返了學我們兩老又去了九龍城食晏 ...今次唔食泰菜，食西餐 ...因為這個 Layer's 套餐實在太吸引喇 !!!最主要甜品是有儍媽一直好想試的梳乎厘班戟 ~~Layer's 套餐 ... 意大利粉 + 飲品 + 迷你招牌班戟 (HK$108)雖然這個價錢好似有點貴，但是餐飲可以選配任何熱飲，一杯拉花咖啡都要 HK$40 啦還有甜品是店家的招牌班戟 ... 雖然是迷你版，但一點都唔細份架計番條數都抵食嘅 ~~儍媽的 ... 揶威煙三文魚忌廉義大利麵除了上面的煙三文魚，意粉裡面也有不少三文魚碎意粉煮得剛好，忌廉汁不會太膩口不過 ... 可能是隔離飯香的緣故，總覺得儍爸的好食點 ...儍爸的 ... 香辣蒜片蘑菇煙肉義大利麵意粉上面鋪滿芝士，還有微辣的蒜片和惹味的煙肉，咸香惹味 ~~甜品是儍媽好期待的 ... 迷你招牌班戟這兩件迷你班戟一點都不迷你，但是冇平時食的梳乎厘班戟咁厚身上枱時剛做好，香噴噴還飄著陣陣香氣外面煎得焦香，裡面鬆軟輕盈，但又不會太過空氣感，入口香濃的牛油和蛋香只是配上店家自製的奶油，已經好好食不太愛吃梳乎厘班戟的儍爸也很快食哂一整份 ~

外出食飯, 唔知係咪我個樣好蝦呢, 好多時都會俾埋D勁差質素,或者下欄野俾我, 就好似今次件肉眼, 雖然二百蚊都唔算好貴, 但係5成熟既扒, 都唔會成件都係筋, 咬極都咬唔開掛, 最失望就係同佢個負責人講, 佢應都唔應就轉身行左去, 呢D都唔知係咩態度, 真係執到錢都唔好黎食野...

午餐或主食只有三選一，食品色香味俱全尢其甜品出色😋😋，但高櫈坐位上落真心覺得困難本人唔高但都有1.68cm🙄🙄,另一問題油煙味超重離開餐廳後一身味🤭🤭⋯⋯等餐時間亦需要有一定耐性⋯⋯慢慢慢⋯等😳😳😳。有同事食後感同樣一身重油煙味🤭🤭pancake等呀等⋯⋯等呀等冇耐性者勿叫（但午餐包埋🤔唔等又可惜）所以有更美味嘅食物都唔會再幫襯！其實九龍城美味小店餐廳真係多的是所以希望店長明白除左美食，等餐時間同坐椅安全、清新空氣同樣重要！

想食午餐， 又想食甜品， 最好就有埋杯似樣嘅咖啡，係貪心咗啲，而且可能好貴！ 路過 Layers 門口， 見到午餐只係108蚊， 心諗冇可能有咁多嘢啩！？！煎鴨胸白酒汁意大利麵， 份量唔算好大， 但都有好大嚿鴨胸， 味道仲唔錯， 只係略嫌啲白酒汁 未收得好乾。跟餐杯咖啡， 可以喺餐牌任叫， cappuccino都可以叫， 淨係依杯嘢都值幾十蚊啦！ 可惜我覺得佢杯咖啡有少少 over extraction ， 苦澀味重咗啲啲， 而且個拉花有少少歪歪地。最精彩係跟餐嘅甜品， 係佢哋嘅招牌梳乎厘班戟， 雖然份量係正常嘅一半， 但依然非常鬆軟 ，蛋味濃郁， 呢個份量做餐後甜品剛剛好！今時今日， 呢個價錢， 滿足曬三個願望， 質素 有番咁上下， 都好難搵。

一個唔識尊嚴員工既鋪頭，我唔會在幫親。實話實說，野食味道ok， 價錢合理。 侍應員工（d妹妹年齡）服務態度好好。唯一差評在於管理層。當員工好似狗咁，完全無尊重過員工。明明自己鋪頭 每張臺 無表明臺號，導致d 侍應員工 搞錯位置。管理層就無去諗點解決工作環境，卻將錯誤完全指責去d 侍應妹妹到。另一個侍應妹妹 做野好勤力，作為顧客都見到距好忙又好勤力。但個管理者，仲聲大大，完全無尊重過d員工。叫d員工，好似叫狗咁。一個唔識尊嚴員工既鋪頭，我唔會在幫親。

原來未介紹介紹返....某日（我都唔記得咗邊日，仲係著緊長袖衫嘅）我們倆拍拖去九龍城食lunch，泊好🚙車後，周圍搵食，知道九龍城泰國餐廳就好多，但我們倆都唔係好食辣野，所以周圍搵有咩其他好餐廳🧐。無意中發現呢間小店，裝修以粉綠色為主，色調好清新，半開放式的廚房，感覺好舒服🥰 #sohappy◽️坐低之後，先Order咗一個三文魚卡邦尼意粉🍝，賣相ok，香濃嘅汁配上三文魚意粉，唔會好膩，如果煙三文魚多幾塊就更好😅！之後再叫咗呢度主打嘅招牌食品：pancake，我哋當然係食朱古力焦糖香蕉麥片班戟啦，🍫朱古力醬、配焦糖🍌香蕉已經係絕配，再加埋即叫即整嘅班戟，so yummy !最後老公order咗杯Mocha 咖啡☕️，完滿嘅一餐😇

九龍城有好多好嘢食，經朋友介紹嚟咗呢間餐廳試吓因為我哋比較早去，暫時都無咩人，但裡面嘅裝修已經令我對呢餐有啲期待呢間主打食pancake，但最後都係叫個set因為噤先至係最抵食呢度啲侍應服務態度都好好，而且上菜速度好快飲品方面我哋叫咗玫瑰花茶同埋青蘋果茶，仲有一杯凍柚子梳打水🍹飲品就不過不失啦，不過好快就嚟咗個主菜煙鴨胸白酒汁意大利粉👇🏻呢度啲意粉煮得唔錯，幾有咬口🍝蘑菇配煙鴨胸味道都幾夾，蒜香同黑胡椒嘅味道令到成個意粉好香，值得推介另外我哋叫咗兩個煙三文魚白汁意粉，其實呢個都幾好食，但係白汁有個壞處就係越食越滯😅所以我覺得頭先個煙鴨胸意粉好食啲雖然食完個意粉已經好飽，但甜品食另一個胃😘見到個pancake有食慾大增招牌pancake雖然個樣單調啲，但係蛋香好濃，加埋啲忌廉好香好滑，好味😋如果單點我覺得唔太抵，但成個set都係$128，我覺得成件事好滿足

呢間位於九龍城既Cafe，一向以pancake聞名。但係，佢啲意粉絕對不比甜品遜色。呢個$108既套餐，包括主食 x1、任何熱飲 x1 、迷你原味pancake x2，性價比極高。雖然主食既選擇唔多 (三款意粉)，但食得出係心機之作。Pancake就唔洗多講，口感鬆軟，仲有濃濃既蛋香。食完呢個餐，心思思想嗌多份水果pancake同朋友share，可惜真係太飽，唔係太食得落，下次要叫多幾個朋友黎share!

呢間舖頭一直想來試，今日下晝唔使排隊，直入四個人。餐廳環境一般，因為都比較狹窄，冇窗口，看不到街景，而家疫情格左啲版，但啲版比較舊，感覺污糟。Pancake價錢唔算貴，有得加錢轉特飲都OK。另外有意粉，可以適合午餐晚餐需要。今日叫了原味pancake同埋朱古力焦糖香蕉pancake。上餐時靚同埋算大件，味道好食，好有蛋味。之前食過啲係好淋，好冇質感，呢度比較有質感會飽肚啲。朱古力焦糖香蕉pancake 好有心做，有朱古力嘅cream，香蕉有燒過嘅焦糖喺面。再配麥片碎說幾好食⋯⋯之後叫咗杯hazelnut latte, 你大杯好好味。另外叫咗杯mochinto...真係唔識飲好苦。另外叫咗牛莉炒意粉，意粉彈牙，有辣辣地嘅香口唔錯。嘢食方面係OK，但環境真係不太舒適，一入門口就左邊係沖咖啡+廚房...唔能夠令人有relax嘅感覺。二星期六日有最低消費,人頭計每人要order 一樣野..

位處九龍城的特色cafe，全店以粉紅色和粉藍色裝飾，充滿夢幻感覺，適合與美女約會。Cafe的招牌食品是pancakes，造得果然出色，是我暫時吃過最好的，味道與口感都是一流，只是略嫌細件不夠滿足😂 其餘意粉及咖啡都不錯。套餐$128有意粉、飲品及招牌班戟，價錢合理，環境乾淨企理，推薦👍🏻

11月中去左呢間食嘅pancake cafe真係好有驚喜！我地食左午餐嘅set。意粉三隻都試左，個人最愛有煙鴨胸個個炒意粉，跟住白汁煙三文魚個個就老少咸宜，最尾個個係荷蘭汁雞意粉，其實都好好食。飲品都唔錯。但最出色當然係佢個pancake set lunch包埋的招牌pancake。我覺得食原味都好食先叫真功課。呢間，做到！只係簡單的pancake再配少少cream。第一啖已經溶化了！好有蛋香，口感好鬆軟，甜度剛剛好，佢個cream都為pancake 加了分！食完好溫暖！呢間cafe真係好適合一家大小去！我會再黎架！