LAYER’S Cafe & Pancakes

營業中

休息中

九龍城雖然係舊區，但係都會有好多新式嘅餐廳。以前系呢頭返工都會間唔中過嚟食，舒緩下壓力。今日經開附近，就過嚟懷念下。聽聞呢間嘅雞蛋系日本雞蛋，所以pancake 特別出色，以前試過佢嘅意粉，都好出色。今日食完lunch 過嚟食個tea,所以唔點set lunch. 只係點左两款pancake,一款係綠茶紅豆，另一款系水果pancake . 綠茶配紅豆真係無得輸，不得不贊呢間cafe 嘅cream,真係好好味！應該系用咗北海道牛奶，個cream真係又香又滑。pancake 都好有蛋香味，但個cream真係好出色。coffee系比較純。仲點左杯macchiato,真心濃，真係細細杯。總括嚟講，都係一餐高質嘅餐廳！

The spaghetti was too wet. Sauce is not soup. On the other hand they gave only a fork for that dish and I needed to ask specifically to get a spoon to curl the pasta into my fork. Not nice.The medium steak was fairly cooked in par with Garden Restaurant. So in other words the quality-price ratio is not high.Dessert was simple but tasted good.Another good thing was the place being quiet in a weekday evening. Lots of guest privacy.

難得可以約到四人一起本地遊，尾程去行九龍寨城公園，行完再行九龍城，shopping 完，就去医肚，Layers 套餐加埋pancake，非常好，四人各要一個套餐加兩件pancake，飽喇。套餐三人叫西冷扒，一人叫三文魚意粉，西冷扒不太肥，而且口感非常好沒有食到起渣，意粉都好美味朋友食到個碟可以照鏡

先講環境，感覺污糟邋遢，牆壁好多食嘢的舊跡，油漆剝落，射燈也有三盞壞了，不停閃動，也不維修。枱與枱之間的格板，亦是殘舊不堪，有好多食物濺到的食物污跡。連最招牌的空氣pancake，先講盛載pancake的碟變了膠碟，pancake也變得像是煎燶了，失敗了，外型扁平的pancake…….

呢間小店嘅梳乎厘班戟賣點係用日本蛋做嘅🍳蛋味真係重啲！加上全部即叫即整，上枱熱辣辣～環境不錯，餐具幾靚🍴原味、士多啤梨藍莓香蕉味、抹茶味個梳乎厘班戟係一樣嘅，只係配料同pat cream唔同。所以如果比我再揀我會揀返招牌原味，感覺性價比最高，又可以慳返幾十蚊食多個🤣整體質素唔錯，不過略嫌定價有dddd高🙈Ps個人最推薦朱古力味⭐️ -士多啤梨藍莓香蕉班戟🍓🫐🍌💰$115回頭率：🥞🥞🥞/5幸福感：🥞🥞🥞/5飽肚感：🥞🥞/5👉🏻簡而精咁形容：同招牌原味相差幾十蚊，但只係多左dd生果，我會prefer揀返原味🙈-綠茶紅豆班戟🍵💰$95回頭率：🥞🥞🥞/5幸福感：🥞🥞🥞🥞/5飽肚感：🥞/5👉🏻簡而精咁形容：綠茶味濃，苦苦地咁🤩-朱古力焦糖香蕉班戟🍌🍫💰$95回頭率：🥞🥞🥞🥞/5幸福感：🥞🥞🥞🥞/5飽肚感：🥞/5👉🏻簡而精咁形容：全部入面最推薦朱古力味梳乎厘🍫呢個配搭最夾！同埋香蕉上面嘅焦糖好脆，不錯～

九龍城一向係多嘢食 今日嚟到福佬村道食晏，盛惠百零蚊加一唔算好貴 呢間餐廳仔的的適適 有吧枱亦都有普通座位 不過繁忙時間嘅話 如果唔想坐吧枱嘅客人應該要等一段時間😛 挪威煙三文魚忌廉意大利麵 $108Lunch set 送迷你招牌班戟一份+ 任何熱飲品🍵 凍飲加3蚊等咗一段時間終於都嚟啦 賣相好精緻 餐廳啲燈映射到碟意粉🍝好似好晶凝通透咁🙈 意粉同三文魚嘅數量都充足😎 不過略嫌忌廉醬比較多有少少膩😛 如果係鍾意食食煙三文魚嘅朋友仔絕對要揀呢個黎試 好好味啊~ 野食都係熱辣辣👍🏻香辣蒜片芝士蘑菇煙肉意大利麵 $108淋左好多芝士粉係面既芝士蘑菇煙肉意大利麵亦都好吸引🥰 煙肉份量都夠 💫 呢個意大利麵會煮到有少少辣 鍾意食辣嘅朋友都可以試吓😍 如果係唔夠芝士粉嘅話都可以問店員要芝士粉自己加 😎 迷你招牌班cake有兩塊 碟側邊會有cream 可能係因為小編唔係好好pancake 覺得好似冇乜特別咁😂 感覺上同之前食嘅日本過江龍Gram pancake有好大分別🙈 (當然gram貴啲)不過都仍然係有少少入口即溶嘅感覺‼️作為set lunch送嘅pancake算係好高質✔️ 絕對可以一試❤️飲品

-{九龍城pancake🍧}食完泰菜就係附近食埋pancake😚一間甜品店☺️🤤芝士奶蓋焦糖pancake🤤 ($98)個pancake係原味黎 食落幾fluffy口感好綿滑😆個醬芝士奶蓋 有鹹香味但可以再濃啲！側邊有啲焦糖脆脆好正🥰不過份量少🥲👖褲評: 7.5/10九龍城食pancake都係唔錯嘅選擇😙不過有最低消費 要一人嗌一樣嘢食或野飲🤨杯matcha latte 可以再濃啲抹茶味😛性價比: 7.5/10服務: 8/10環境: nil🚩 LAYER’S Cafe & Pancakes 🚩地址: (九龍城)九龍城福佬村道19號地舖

以往一直是這一間pancake的粉絲，可惜，疫情之下好耐冇食，今次lunch set送的pancake口感變了，扁扁的、不再鬆軟、不再fluffy了，顏色深了好多，有點像自己做的失敗「空氣pancake」Pasta 水準不變，依然夠香

招呼有禮，食物水準高，分量十足，新鮮即煮，set lunch 選擇不多，但其他已填補這不足， 甜品是即做的hot cake , 分量也不少，不是行貨，飲品任選，愉快的一個午餐。

👉🏻雞肉菠菜苗荷蘭汁意粉估唔到俾咁多雞肉，好滑，勁好食。意粉超夠汁，唔會太杰，又唔會太水，質地岩岩好，只係黑椒味有少少蓋過左荷蘭醬嘅味道，不過都好岩我地食。菠菜如果切短啲，食既時候會更容易同意粉一齊，一啖食落口。👉🏻香辣蒜片芝士蘑菇煙肉意粉店員話可以叫走辣，走左辣之後都仲係好惹味，因為蒜片同蘑菇都炒得好香。芝士係碎芝士鋪係面頭唔係溶咗嘅芝士汁意粉。主要係蒜味同埋橄欖油炒出嚟嘅味道，正！午餐包飲品，飲品餐牌既熱飲全部都可以叫，仲唔使加錢，真係贏咗好多同類型既cafe🤩 而且意粉份量非常足夠，細食女仔應該會食唔哂🤔👉🏻飲品叫左薄荷摩卡同埋薄荷朱古力，兩杯都好好飲👍🏻飲到食完個意粉杯熱飲都唔會凍哂，杯面泡沫打得夠所以溫度可以keep得住～可惜我冇影到餐牌，因為本身冇諗住要上嚟寫食評，但係諗諗吓覺得一間咁好食又抵食嘅餐廳，仲要坐得舒服喎，點可以冇人知道嫁？！！！所以我第一個食評就寫左比呢間餐廳啦本身係睇咗openrice（好舊）嘅餐牌，想黎食午餐兼甜品，不過黎到先發現餐牌轉左，咁我下次先再黎試埋個甜品啦😙

小店環境舒適 光線充足 適合同三五知已黎聚既地方 今次我地嗌左2個set lunch $108🍝香辣蒜片欖油大蝦意大利麵一入口即刻feel到陣辣味😳 不過算可接受既範圍內既意粉正常 配料有水準😆 蝦十分彈牙👍🏻 唔會係個啲霉哂縮水既 而且菇都十分juicy👍🏻個人認為如果菇再多少少就好啦😗👍🏻推介指數4/5🍝挪威煙三文魚忌廉意大利麵意粉同上 哩隻醬汁十分creamy😋 而煙三文魚既質素都唔錯😛 整體味道十分好👍🏻推介指數4.5/5🥞迷你招牌班戟Pancake 蛋香味濃 口感鬆軟🥰 絕對唔係個啲食完好似食空氣既質感即刻本身好飽都堅持要食完佢！因為真係好好味🤤 伴隨既cream亦相當滑 好耐之前去過sogo某間G字頭既日本過江龍食Pancake 個人覺得Layers 既pancake 更加出色！ 🥰👍🏻推介指數5/5☕焦糖鮮奶咖啡(熱)拉花好靚😇 但飲落去一般般 焦糖味唔太出☹️👍🏻推介指數2/5🥤榛子鮮奶咖啡(涷)同樣地都比較淡 相比有拉花既熱飲稍為遜色😞👍🏻推介指數1.5/5自己同友人都覺得哩到既主食份量雖然睇落唔多 但食完之後都相當飽主食同甜品相當出色🤤 所以黎之前記住留肚haha 好

九龍城云集泰國餐廳就係人都知，但早排發現呢到有間湖水綠色招牌嘅小清新cafe，主打🥞梳乎厘班戟。見到呢度嘅pancake配搭🍓🫐新鮮水果，全部即叫即製，一於試下🥰🥞招牌班戟 ($73)呢度嘅pancake非常鬆軟，食落軟綿綿充滿空氣感，而且蛋味香濃，口感超軟熟😍🥭鮮芒粒粒班戟 ($98)同樣有兩件pancake，新鮮芒果粒配搭自家忌廉，再淋上芒果汁。芒果好香😋味道鮮甜多汁✨🍌朱古力焦糖香蕉麥片班戟 ($88)香蕉表面用火槍燒咗焦糖好脆口👍🏻配上比例適中嘅忌廉同朱古力醬，唔會食到太膩。旁邊仲有麥皮同乾杏仁做伴碟，令到口感層次更佳，非常豐富😍呢間小店裝修簡約，行到攰坐低食個甜品都幾舒服，經過九龍城都可以試下

咁岩放假…女朋友又係九龍城返工搵佢食lunch,佢揀左呢間1點左右到…佢已經入左去地方唔算大…午飯時間唔算多人…無座滿每人都叫左Set lunch,送熱飲仲有班戟。大家都係叫香辣蒜片欖油大蝦義大利面個面買相都唔錯…份量只係剛剛好(男仔)…唔好旨意會飽…以為d蝦會有蝦殼…但點知已經處理左…唔洗我用手…有心思…不過蒜味同辣味都唔夠…焦糖咖啡☕️…跟餐班戟唔算大…但食完面在食剛剛好唔似食緊空氣…蛋味重…本人幾鍾意

番工不如意個個都會有，最緊要係你點去減壓姐，對我黎講食甜野可以開心D，4點幾見早左收工o係九龍城，就搵下邊度有得食甜品。首先餐廳門面係湖水綠色招牌，好易搵到，餐廳主打輕食同咖啡，作為咖啡控一於就試下佢既咖啡同大熱既梳乎里Pancake。—————————————🐷朱古力焦糖香蕉麥片班戟 $88一客兩件梳乎里Pancakes，以價錢黎講又唔算好抵食，不過見可以加錢轉飲其他咖啡，除番開價錢都可以接受。味道方面香蕉面頭有層脆焦糖，夾埋Pancake 食其實幾夾既，個朱古力醬好滑同埋唔會甜得過份，夾埋Pancake 入口即化，唔錯！———————————🐷玫瑰鮮奶咖啡 (惠顧 Pancake ＋$28轉飲)因為當日心情麻麻，真係想食番少少甜野，所以叫左平日唔會飲既Rose Latte， 我怕太甜特登同服務員講唔好太多玫瑰糖漿，少左甜玫瑰糖漿既味道都幾出，加上咖啡自身既濃味，總算中和左少少甜膩感。———————————💁🏻‍♀️總結：環境寧靜可以安心放空既一間小店，食物質數都算OK，如果行開九龍城都可以試下，唔洗成日都幫襯大集團丫嘛

一星期連續幫襯左兩次，因為甜美，因為好味。日式裝修簡樸，坐低已經諗住歎甜品，心曠神怡。午餐($108；另+10%）好特別，因為除咗主食同飲品，壓軸仲有甜品：pancake。主食份量啱啱好，意粉煙勒、配料好味，水準之上。雞肉菠菜同埋牛肉意粉各有千秋，上乘之作。pancake一送到，眼睛已經俾咗滿分。未放入口已經感受到佢嘅鬆、軟、綿。Pancake確實俘虜一眾少女心。蛋香最出眾，最鐘意佢唔係好甜，配cream一齊食，十分治癒Pancake 單點作主食($88)或者迷你版作飯後甜品同樣精彩。🥞佢杯拉花朱古力都有分+飲到最後仲見到有花紋！以pancake 做餐廳嘅logo，layers作店名，證明店主對自己嘅出品都好有信心！