L'attitude (已結業)

去左間幾得意既餐廳~裝飾怖置夠心思！大部份都係好young好有活力既感覺~服務態度非常好添wo!! 所以唔好成日話90以後d年輕人！！只要有心。。佢地都做得非常好要左個蟹膏海膽帶子飯~蟹膏勁香濃夠哂入味海膽份量亦唔少都幾鮮味甘香，帶子煎到表層幾香~肉質綿綿！其實飯既份量都唔少，加上有香濃既蟹膏，食落好滿足好快成碗就食哂甜品要左烏雲軟雪糕~上面既烏雲好搞笑甜甜既綿花糖整成~同小朋友and女孩子食就最開心底層既朱古力味軟雪糕份量超多！！上面加左d爆炸糖做toping, 食落層次更豐富有趣

想去呢間餐廳好耐啦! 今次就同朋友黎潮聖! 餐廳環境樓底非常之高, 仲有好多卡通嘅人物添! 都幾靚喎! 食物方面, 五花八門, 有中, 有西又有日, 選擇多又豐富本身想食奄列, 又想食意粉, 見到個餐牌 ,有庵列蕃茄蛋意大利麵, 真係合曬我要求! 食物話咁快就到, 外表賣相同menu差唔多, 都幾吸引, 打開個奄列蛋, 熱氣冒起, 熱辣辣嘅意粉瞪著眼前! 意粉夠creamy芝士味, 外面嘅奄列, 蛋香一流, 真係不錯另外再叫咗杯signature: 綠茶忌廉沙冰 , 賣相非常之靚, 成個蘑菇球, 外面一層厚厚嘅棉花糖, 非常之甜, 再飲埋啲綠茶沙冰, 感覺非常之滿足

這間餐廳有賣相之外, 食物質素都唔錯喎!海鮮三寶 ,有帶子、海膽及蟹肉。 左邊是一粒煎得微燶的帶子鋪於紫薯蓉上，有少少的檸檬的酸吊味，加上三文魚籽，口感非常豐富和清新。右面的是啖啖的蟹肉絲，面有蟹籽加特製醬汁，全部都非常開胃。海膽味不腥，味道鮮甜，質感細滑。香煎帶子羽衣甘藍意大利麵 , 帶子外面煎得香脆焦香，內裏爽口彈牙，烹調時間剛剛好，不用過老。而旁邊綠綠的羽衣甘藍, 呢個俗稱的superfood，其營養價值比同類食物高、有多種的維他命及抗氧化物，羽衣甘藍味帶少少苦，但與意粉混合後，苦味全無，非常美味滿足。

難得有空閒時間 食食食唔好畀佢停 約完澳洲朋友食lunch 跟著過來西環尾食tea 事關另一位朋友去過尖沙咀嘅「L'attitude」 發現有間靚好多嘅分店 所以拉小妹過來朝聖鋪頭以木頭顏色為主調 有深有淺 帶來舒適寫意嘅感覺 同時用咗好多白色和啡色兔仔做裝飾 唔單止牆上有圖案 走廊位置仲有隻高過人嘅添！係一流影相打卡位每檯仲有埋兔仔毛公仔（當然有唔同款！） 應該幾多女仔鐘意攬住佢同食物合照（btw 圖入面嘅水杯好厚 係超級隔熱嘅設計）小妹處於半飽狀態 梗係要食好味唔飽肚嘅食物啦 XD 前菜有生蠔、海膽嗰啲 好吸引 因為有唔同款式最後小妹揀咗「新鮮生蠔配海膽魚子醬」 夠哂美觀 而且一次滿足三個願望 一客有兩份 但由於友人嫌腥 小妹可以獨食了生蠔有iPhone5s個mon咁長 上面啱啱好舖到一條海膽 佢哋個size好match 好似本來就一齊生喺個貝殼咁 XD 蠔肉被冰涼啲海水浸住 肉質嫩滑到好似豆腐 海膽完全無被蠔汁影響 由內而外散發出鮮甜甘香（小妹猜想係馬糞海膽） 最頂層嘅係黑魚子 味道反而無咁出 可能換上又大又圓嘅三文魚子效果更好聽聞「L'attitude」最有特色嘅甜品係棉花糖雪

隨著堅尼地城的食肆越開越越多，我們又再次到訪此區覓食。在門外看到l attitude 的裝修很精緻，有一隻啡色的人般高大的雄仔可給映相，屋頂還掛有一片片白雲，椅子後的牆也有熊及兔仔的圖案，此處為港女自拍的一流之選。Pumpkin cream soup with truffles and foie grass $66我們點了一個南瓜鵝肝忌廉湯，南瓜的味很香濃，淡淡的鵝肝味，反而黑松露的味頗強列，香氣四溢。串燒拼盤 $108內有牛肉粒、煙肉、帶子及冬菇。牛肉粒唔韌之餘，彈牙得來有濃濃的牛味。帶子用上煙肉，一條條油潤的煙肉捲著一粒帶子，一咬既有煙肉的鹹香也有帶子的爽彈手，加上黑椒粒，惹味非常。

同幾個朋友去食飯，因為有朋友住喺堅尼地城區域，一向以來我哋嘅食飯都係佢遷就我哋，依家地鐵開通左好方便，就到我哋就返佢去附近食飯。呢間餐廳開係好近地鐵站，行兩三分鐘就到，真心幾方便。而且裏面嘅裝修都好適合女仔或者情侶。日式肥牛湯鍋＄138加烏冬＄10感覺都有少少似吉野家，肥牛就比較大件，同吉野家薄切切嘅好唔同，湯底就同吉野家好唔同啦，都幾好味的調味。裏面有好多唔同款式嘅菜同埋豆腐等等，真心夠晒健康；加左個＄10嘅烏冬，份量都幾大，上面仲有啲紫菜，好香。卡邦尼溫泉蛋扁意粉夢幻版＄108夢幻版貴＄10 ,原來就係成個扁意粉粉紅色，證實左佢本身都係粉紅色，唔知點整架呢？呢排越出越多藍色或者粉紅色嘅飲品同埋食物，都真係幾得意幾吸引，令到人嘅觀念完全唔同晒。（咁特別嘅顏色睇落好似有毒，實質原來可以放喺食品裏面）溫泉蛋整穿咗啲蛋醬流晒出嚟，令到口感更加黏身，不過如果合上眼其實我都唔會知道佢係一個粉紅色嘅卡邦尼，味道就係正正宗宗嘅卡邦尼。馬爾代夫（藍碟花，玫瑰草莓）＄38裏面有一粒識得着燈嘅假冰，都幾得意！整體味道甜甜地，玫瑰草莓都係好香，賣相一流。熱玫瑰鮮奶茶＄38朋友飲嘅，我都試咗一啖，玫瑰味好香

呢間餐廳嘅佈置、食物同埋飲品，都好夢幻，好靚，好fancy, 絕對可以攻陷一個少女/中女嘅心 (仲可以比一眾港女呃like）。老公即刻話，如果當年讀HKU嘅時候已經有呢間餐廳，溝女一定容易好多-__-由餐廳出面望入去，已經見到cute cute嘅公仔, 同埋滿天嘅浮雲☁️入到去裏面，真係每個角落都有嗰隻樣子羞澀嘅公仔，頭頂浮住一舊舊雲，堅係好有少女情懷。雖然已經一把年紀女都生埋，但實在都忍唔住成個港女咁周圍影相。侍應非常識做，見我哋兩個拎住公仔自拍，就即刻行過嚟話幫我地揸機影完一大輪，終於開始食嘢。打頭陣嘅係藍芝士漢堡。個漢堡非常厚身，材料好豐富。漢堡入邊有牛肉、煙肉、洋蔥、蕃茄、生菜同埋成個包嘅靈魂 - blue cheese!!! Blue cheese嘅味道好重，有人可能會覺得好臭，不過我哋就覺得好好食！唯一美中不足嘅係，塊牛肉如果juicy啲就更加好啦。跟住，香煎帶子羽衣甘藍意大利麵都到左。羽衣甘藍係近年好Hit嘅健康食物，不過我都係第一次食咋，食落口感清爽，味道帶少少甘，撈埋意大利麵嘅白汁一齊食都幾好味！兩隻帶子好厚身，煎得啱啱好，配埋白汁意大利麵一齊食非常搭配我地點左一杯好靚

西環開咗好多新樓盤 係卑路乍街嘅呢一棟新既住宅樓就開出一間新嘅西餐廳 之前行過見到有好多熊仔兔仔嘅decoration 氣氛好似唔錯 卒之有機會可以去試下 去到八點呢啲鐘數好彩行快兩步 轉眼間餐廳就已經滿啦 餐廳嘅正中央有幾張卡位 前後都有佢哋主題嘅公仔同埋咕臣 小朋友見到就好開心呀 我都想試下坐㗎 可惜就要訂咗位先有機會囉 唯有下次早啲啦 睇下本menu 選擇嚟講都算多 我哋三個人嗌咗個小食拼盤 當中有薯條 椒鹽軟殼蟹 同埋bbq雞翼 另外仲嗌咗個超好食蟹蓋海膽拌飯呢個真係意想不到 首先完個蟹蓋企咗喺度 蟹膏撈飯非常濃郁 而且海膽嘅份量都唔算少 飯仲係用日式嘅粒粒米 所以食落非常yummy另外仲嗌咗個雨衣甘藍意粉同埋黑松露野菌pizza 意粉質地就一般 黑松露pizza又唔算有好勁嘅黑松露味 相對有少少失望 但個蟹蓋海膽拌飯真係好值得推介 周圍都有見好多人order咗甜品 但今次真係好飽喇 下次encore時候一定要留肚呀

這次走進了非常童趣和夢幻的L'attitude與朋友吃晚飯，謝謝朋友給我一次滿足少女心的機會💖L'attitude的門面裝修十分特別，在門頂有一隻笑不攏嘴的兔子和一隻笑得很尷尬的小熊。透明玻璃後方紫白色的L'attitude霓虹燈招牌。遇上笑得很尷尬的LATT BUBBLES，當然要立即合照打卡📷一進店內，外籍店員臉上掛著親切的笑容招呼我們，Cafe的頂部吊著幾朵發光的泡泡雲☁️雲全部都係雲🌩☁️🌧店員安排我們坐在店內較隱蔽的二人座，環境十分寧靜，枱上擺放著一座蠟燭燈，感覺浪漫。我們在看餐牌時，店員也很主動詢問是否需要幫忙等，非常熱心👍🏻曲奇忌廉奶昔（$46）的外型像一厚厚的白雲，白雲上撒上少許的果乾，十分漂亮，打卡一流😍奶昔上的白雲入口即融，而奶昔裡有很多曲奇碎，甜度適中，很creamy，好像還有少許沙冰。Los Angeles （$38）的顏色很夢幻，深紫色，再加上一顆發光的冰燈，仿佛置身於星空之中。Los Angeles的最夢幻之裡在於它會變色😱用飲管輕輕的攪拌杯底，Los Angeles從深紫色變成浪漫的粉紫色（心心眼），滿足少女心💞Los Angeles是藍蝶花加蜂蜜檸檬，藍蝶花

復活節學校假期既開始，我帶左兩個小朋友(稱小魔怪)去食Tea。今次係依間餐廳係試業完後再過黎幫襯，因為兩隻小魔怪記得依間餐廳既公仔。由於依區無咩特色既餐廳，因此依間餐廳成為左小朋友既至愛。餐牌同試業時唔同左，餐牌多左好多選擇。環境佈置花了好多心思，非常吸引小魔怪。兩隻小魔怪要求同以下既朋友仔合照留念。近落地玻璃窗果邊有個Sofa，佢地會走入去同隻"大雞"影相。望出窗外，見到行人路同巴士行來行去，但我入去就有點迫。今次再次叫雪糕，另外叫左個Pizza俾佢哋享用，而我就叫左杯熱咖啡。Caffe Latte﹕成個賣相靚左好多，茶杯同匙羹非常精美，配上靚靚既拉花，再配合餐廳既裝潢，陪感舒適。咖啡味不算太濃，加上拉花既奶味，口感幼滑。Hawaiian Pizza﹕Pizza係薄皮的，上枱時暖暖的，香脆，配上煙肉、芝士、蕃茄、洋蔥、菠蘿等材料，好清新。Tokki Honey Toast﹕同上次一樣，質素保持相當水準，多士條有牛油，脆口，加埋雪糕，又甜又脆又暖，今次我可以食到3分1。最後，小魔怪要求食埋個多士底，超樣衰。由於係第二次幫襯，兩個小朋友會自己識得行來行去去影相，又識得去Sofa區度搵隻大

平時很少到西營盤那邊找地方食晚飯。今天我和朋友到了堅尼地城吃晚飯, 發掘一下那兒有什麼好東西吃。我們到了L'atitude 食晚飯, 雖然尖沙咀也有一間, 但我們深信這一家的人會比較少, 不用排隊等座位。 這兒的環境有點兒像童話世界, 一進去, 右邊便有一隻大公仔, 另外, 亦有一些小型公仔放在沙發上供客人玩。餐牌上的食物款式非常多, 很多食物也非常吸引。我們點了蟹膏帶子海膽拌飯和香草燒雞牛油果三文治。大概等了10分鐘, 食物便送上來。蟹膏帶子海膽拌飯的賣相非常吸引。看得出廚師花了心思去佈置這個飯。我的香草燒雞牛油果三文治入面有兩塊大雞扒, 份量很足, 裏面亦有番茄、生菜、牛油果蓉。牛油果蓉的份量比我想像中少, 若能有更多牛油果就更好了。甜品方面，我們點了抹茶提拉米蘇, 它的抹茶味道不突出, 牛奶味較重, 雪糕很軟滑, 裏面亦有一些淋了的蛋糕和消化餅碎, 很有口感。

餐廳好方便,行2分鐘就到好近地鐵站! 入面嘅裝修好可愛,環境舒服,好適合情侶或者同朋友一齊去!!嘢飲好得意絕對呃like! 本身以為得個樣不過飲落去都好好味，酸酸甜甜咁值得推介可以一試😉😉頭盤係芒果牛油果tarta 分量足夠而且好清新好好味好適合鍾意牛油果嘅朋友食！小食拼盤唔錯ok!!最鍾意個牛油果醬食完好清新同埋好似冇咁油膩咁😝😝如果薯條炸得脆啲就更加好啦！我哋order 咗兩個意粉！好鐘意fried soft shelled crab pasta 個意粉有好香濃明太子同埋蒜香味,個汁好creamy ! 就算掛住傾計凍左佢都一樣咁好味😋😋😋值得推介！另外個意粉叫香煎帶子羽衣甘藍意大利麵，我覺得份量很足夠蒜香味好濃！粒帶子好大不過唔夠嫰口可以再改善下!整體來講間餐廳值得推介而且價錢合理,環境舒服, 店員好有禮貌👍🏼👍🏼👍🏼👍🏼

餐廳裝潢很特別，使人感覺好像去了韓國。店內有很多可愛的公仔，又有如雲似的燈飾，所以甫進餐廳已很開心。無論店長或其他侍應都非常有禮貌和很好笑容，讓客人在整個進餐過程也很舒服，有賓至如歸的喜悅。海膽蟹肉牛油梨芒果他他 當侍應端這食物上桌時，我們已被它的精美賣相吸引了，因為賣相可以媲美酒店的菜式。大大片的海膽和蟹肉都很新鮮，牛油果成熟程度剛剛好，而且很香滑；再加上黑松露和芒果粒味道酸酸的，是一道很清新很開胃的前菜。蟹膏帶子海膽伴飯賣相很特別，非常多的蟹膏把整個碗飯也鋪滿了。吃飯時每一口都有鮮味的蟹膏，而且海膽也非常大件。蟹膏、海膽和帶子都很新鮮，帶子很鮮甜而且煎得很香和火候剛剛好，所以不會覺得靱，還有脆口的魚子，令整碗飯的口感有很多的層次。這個伴飯非常足料，只售$168真的很超值。明太子炸軟殼蟹忌廉汁意大利麵 意大利麵煮得剛剛好，軟硬適中，份量很多。明太子意大利麵一向是我喜愛的配搭，但這次有很多明太子，所以每一口意大利麵都可以吃到明太子。忌廉汁很香滑很好味，還有脆脆的海苔，再加上很大隻又新鮮和炸得很香脆的軟殼蟹，這道菜值得一試。芝心小草莓 雪糕牛奶味很香濃又很滑，而且不會太甜，很適合不太嗜甜

最近臨近學期結束，整個4月都被各種功課、報告忙得喘不過氣來。這天趁著暫時完成了這周所有的presentation，便決定自己來點甜點激勵一下自己。來到了堅尼地城這間L'attitude，裝修已經感覺很可愛。知道尖沙咀也有分店，可愛的雪糕甜品一直很想一試，於是便決定來進。坐下之後打開menu一看，才發現原來這裏不止賣甜品，還有各種鹹食。可惜我只有一個人，而且現在是下午茶時段，所以最後還是只點了甜品。先來了一杯軟雪糕- Berry Me。這裏的雪糕款式衆多，選要什麽款都考慮了很久呢， 最後選了這一杯Berry Me。但想不到的是Berry的成份比想象中少呢。 牛奶雪糕中間混雜著一點雜莓乾和餅碎，不過餅乾碎的比例則比較多。另外還有芝士蛋糕，口感軟軟的頗濕潤。 這裏的牛奶雪糕味道不錯， 雖然奶味不算濃但口感很滑，而且不易融。貪心的我吃一個甜品還不夠，還多點了一份Banana Pancake。賣相已經很吸引味蕾了，presentation不錯。香蕉班戟味道很清新，不會太甜膩，薄薄的班戟皮包住大大的香蕉果肉，而且 cream的比例不算多，甜度剛剛好。 不過份量不算多，我花了三兩下功夫就全清光了。 

上次帶女朋友去呢間餐廳，一黎我女朋友鍾意既得意既野，二黎佢都Cafe style 既餐廳所以就去試試。結果真係冇失望，d野食真係好好食，由其個個松葉蟹蟹膏既飯同帶子都好好食，誠意之作！再加埋餐廳既環境（我女朋友幾鍾意隻熊仔）。呢間真係可以再試！