L'attitude (已結業)

今日是朋友的家人生日記念日, 所以應約出席今晚的生日晚飯。 吃飯之間我才知道因為年青人不喜歡平時的酒樓茶室, 所以專登揀這間餐館來為家人慶祝生日。唔怪得, 因為這間餐廳的裝飾很青葱, 富有青春氣息, 男女侍應又招呼周到, 我想這都是年輕人喜歡的感受吧! 我就覺得可能是地鋪的關係, 租金較為昂貴吧! 所以座位就比較狹窄。(這都是在香港的普遍情況)晚餐包括:小型拼盤($88)日本生蚝六隻 ($108)夏威夷薄餅($108)蟹膏帶子海胆拌飯($108)韓式泡菜卡邦尼扁意粉($1O8)甜品 : 櫻花樹下($88) 夢幻熱氣球($5O)

有日同朋友傾開堅尼地城有咩好嘢食 佢就介紹呢間l'attitude比我年幾前喺尖沙嘴食過l'attitude，但果陣只係得雪糕／甜品，但果陣已經勁鐘意，因為全部都整得勁靚！原來而家仲賣埋熟食～ 咁就梗係要去試下啦！堅尼地城站A出口出咗去之後直行轉右就會見到呢間咁可愛嘅舖頭見到啲公仔就知道冇搵錯地方喇！真係有好多可愛嘅裝飾～～ 每張枱仲有好多公仔陪你食嘢淨係影相都影到食唔到嘢呀朋友話上次佢食過3人套餐，都幾抵食～咁既然佢食過套餐，我哋就無再嗌啦，反而喺menu散叫我哋叫咗兩個主菜同兩個甜品（嚟到呢度係一定要食甜品的！）叫完嘢食之後就可以慢慢同下呢度嘅環境同公仔影下相明太子炸軟殼蟹忌廉汁義大利麵（$138）首先嚟嘅係呢個意粉，大大舊軟殼蟹擺喺上面，見到都流晒口水主角遲啲先食，試咗個意粉先。朋友話佢上次嚟食嘅時候個意粉太多汁，所以搞到好濟。今次就啱啱好喇！唔多唔少～明太子嘅鹹鮮味配上濃滑忌廉，真係令人食到停不住口主角炸軟殼蟹外皮炸得鬆脆，配埋入面軟淋淋嘅蟹肉，正呀！溫泉蛋三文魚籽松露漢堡（$128）另一個主菜係burger～有啲菜沙律同薯條做配菜～啲薯條有啲特別，就係佢一半係普通嘅直粗薯條，

已經吃了好幾次的L'attitude，每月都要來一兩次。海膽蟹肉牛油梨芒果他他海膽很大的兩塊，非常鮮甜，口感Creamy，沒有半點腥臭，牛油果芒果每塊約１cm大小，牛油果夠熟，口感軟滑，芒果鮮甜清爽，很好的前菜。帶子明太子意粉依舊出色，濃濃的明太子忌廉汁份量很足，帶子煎得非常外脆內嫩！藍柑檸檬特飲非常大杯，足夠兩個人飲用，甜甜酸酸的檸檬梳打水。小食拼盤，有薯條、炸軟殼蟹和雞翼，配上茄汁、牛油果醬和沙津醬。$78有3款小食很抵食。下次再試其他食物！

同朋友去西環影相，之前做定功課，上網睇下邊度有好嘢食。搵到呢間，好夢幻呀! 公仔主題餐廳仲有特色飲品餐廳門口頂已有兩個公仔爬出嚟歡迎我哋，玻璃門也畫上公仔，夠曬吸引。入到去，餐廳播放悠揚歌曲， 天花頂吊住幾朵棉花糖白雲，地下放有一個大熊仔，牆上貼上趣緻公仔頭，仲有毛公仔陪住你食嘢，充滿夢幻氣氛叫咗羽衣甘藍帶子扁意粉， 附送沙律，例湯，飲品。 先來沙律，好新鮮嘅沙律菜。南瓜湯隻色好靚呀! 好濃郁! 羽衣甘藍呢期大熱，梗係要試下，帶子煎得微黃，扁意粉煙韌度恰到好處，醬汁濃厚順滑德州燒烤牛肉漢堡，有沙律菜同薯條。 我哋加咗$18升級黑松露薯條。漢堡包好足料，有生菜，蕃茄，煙肉，洋蔥圈，梗係唔少得厚厚嘅牛肉，漢堡扒帶着好香燒烤味。最期待嘅棉花糖飲品出現啦奶昔上面有一大球棉花糖，呢個一定係相機食先啦，我哋瘋狂咁影咗好多張靚相加$28 除咗飲品可以轉以上嘅特色飲品，仲附送雪糕，成杯雪糕份量十足，唔會話鬆泡泡嗰啲，雪糕好滑溜一間餐廳，滿足曬五感(視，聽，嗅，味，觸)要求下次要試埋尖沙咀店。

說起l'attitude，想起的除了signature的棉花糖甜品，還有這裏的卡通公仔裝飾。即使裝潢洋溢少女心，這𥚃的食物讓男女都吃得滿意，起碼我男友就很喜歡這cafe位於堅尼地城，離港鐵站不遠。上一次來吃過這裏的夢幻版carbonara和櫻花樹下，覺得很不錯，這天便拉男友來吃晚飯這晚就是這隻樣子可愛又搞笑的家伙陪我倆吃飯煙肉蔬菜沙律($78)：雖然只是沙律一碟，但擺盤卻不馬虎上面的煙肉帶點焦香又不太硬，是我喜歡的口感醬汁選了芝麻醬，另有和風沙律醬可選～明太子炸軟殼蟹意大利麵($138)：這款意大利麵帶有日式元素，加入了明太子和紫菜絲。明太子讓富有忌廉香的醬汁添了一點微辣，好味又不膩上面的炸軟殼蟹香脆可口，肉身挺厚的，不錯温泉蛋三文魚籽松露漢堡($128)：這個漢堡包重點在漢堡面而非在中間的材料放在包面的是温泉蛋、三文魚籽和松露醬，三樣都是我很喜歡的食材，這配搭很讓人興奮切開温泉蛋，伴隨著蛋汁流出的是滿滿的治癒感麵包很脆，帶有牛油香，中層的配料很豐富，有漢堡肉、煎蛋、煙肉、蕃茄和生菜，配以甜甜的醬汁。是一個既有賣相，又有份量的滋味漢堡包

對上一次去食係晚餐，水平都有咁上下嘅水準，所以決定去試吓佢嘅下午茶分別叫咗佢嘅炸物拼盤，明太子芝麻醬烏冬先講下佢既炸物拼盤(分別係軟殼蟹同埋雞翼)-軟殼蟹味都唔錯同埋啱啱炸，不過炸粉上面完全冇任何調味，所以只係食到一層口口嘅炸粉-雞翼都係熱辣辣不過可惜只係煮熟之後加左BBQ場想雞翼都係熱辣辣，不過可惜只係煮熟之後加左BBQ醬上去明太子芝麻醬烏冬就好令人失望，因為除咗芝麻醬外完全食唔到任何味道佢嘅咖啡就要讚一讚(mocha & Latta)水準拍得着一流嘅咖啡店，所以我會推介人去試佢既咖啡服務同埋裝修都唔錯，同朋友靜靜地去食飯我係一個唔錯選擇

某日 , 到 西環 - 堅尼地城 四處行逛 ....見到這間 L'attitude, 於是就入內幫襯 ~餐廳的裝修設計充滿夢幻氣氛 , 單是坐著也感興奮和歡樂 , 真正未吃先興奮 ~Menu ~ 新鮮生蠔 $ 188/6件 : 點了由 美國 和 法國 進口的生蠔 , 不同的蠔隻各具其味又各具特色 , 有的蠔味較重 , 有的偏向較重海水味 , $ 188 就有六件還真抵吃 ~ Carbonara with Onsen Tamago ( Fantasy ) $ 108 : 真不愧為夢幻版的 carbonara , 意粉醬竟然是橙紅色的 , 其味溫和 , 配合溫泉蛋共吃 , 真夢幻 ~ 如此夢幻時刻 , 又怎能缺少一杯香濃的咖啡 ~本篇完 ~

今晚和好友吃飯！之前經過見到裝飾幾得意，都想黎試下，今次終於有機會了。幾鍾意餐廳的裝修，坐得好舒服，感覺又relax~ staff都好friendly同好有笑容！ 見到menu真係花多眼亂! 有好多野都想食！但咁岩我們都不是很餓，所以只點了２道菜，再加一個甜品~ 第一碟是我最愛的海膽明太子意大利麵!! 見到已經流晒口水！好喜歡意粉的硬度，偏硬的，明太子忌廉汁超香滑! 正!!之後係燒烤雞翼~燒雞翼仍但留雞肉內的肉汁! 不錯啊! 配搭上面的蔥同食，整體更香！最後，還有這個櫻花樹下+心太軟！是比佢既靚所吸引!!粉紅色的是棉花糖～下面則是朱古力心太軟！好正！！朱古力超香濃！店員還幫我寫上happy birthday! 謝謝啊滿意的一餐！

以前每逢係西環行過都會比呢間餐廳既裝潢吸引住，見到入面有好多可愛既公仔，成個feel夠晒warm，今次再去西環就決定同朋友試下呢間餐廳啦。蟹膏帶子海膽拌飯蟹膏帶子海膽全部都係我同朋友既最愛，一見到就諗都唔洗諗即刻叫。海膽夠晒大份，味道好鮮甜又唔腥。蟹膏份量好多，撈飯食味道好惹味，不過味道偏鹹左少少。帶子大粒，肉好厚，有微微煎香。整體黎講個飯唔錯。明太子意粉配海膽明太子既味道夠晒濃郁，意粉就煮得啱啱好。配料可以自選海膽或帶子，身為海膽控既我當然揀海膽啦。海膽一樣係大大份同夠晒鮮甜，好滿足呀。熊貓棉花糖軟雪糕呢間野主打甜品，又點可以唔叫呢。呢個軟雪糕係熊貓造型，夠晒可愛。棉花糖入口即化，味道唔係平時一般係街食既咁，入口有陣陣牛奶香，幾特別。棉花糖下面係牛奶雪糕再加曲奇碎，食落係牛奶味特別濃郁既曲奇麥克旋風。總括而言，呢間餐廳岩晒打卡呃like之餘，野食質素亦都好有保證，下次都會再帶朋友黎。

靚媽之前睇過我篇食評比餐廳可愛的熊仔、兔仔公仔、雲朵呆燈 ...仲有好夢幻的棉花糖飲品吸引了成日都話要嚟食番餐，可惜夾極都夾唔到時間 ... 這日終於夾到時間了 !!!一來到，兩個儍婆即刻拎哂 D 公仔來影相 ... 好彩下午茶時間不太多人啫 ...無嚟一排，現在推出了套餐，不需單點食物 ... 抵食好多下午茶時間，除了這幾款下午茶餐，仲有用鳥籠盛裝得很精緻的 high tea set我們點了兩份 HK$68 的下午茶餐，+@HK$15 升級了特飲靚媽很開心呢 !!!下午茶餐 +$15 就可以升級點杯她好想飲的棉花糖飲品 ...不過有四款咁多 ... 點揀好呢 ...藍柑奶昔、薄荷奶昔、曲奇忌廉奶昔、綠茶忌廉沙冰 ...美美的夢幻棉花糖雲朵飲料 ... 靚媽完全就是為了它而來的 ~~影夠相後 ... 可以開動囉 !!!綠茶忌廉沙冰可以直接用飲管品嚐沙冰但我建議先將棉花糖放在碟上先品嚐濃滑的牛奶雪糕，才飲用綠茶忌廉冰沙我點了杯少見的 ... 英式太妃鮮奶咖啡 English Toffee Latte小時候很鍾意食拖肥糖，長大後卻少食了 ... 因為怕肥囉 !!!但是天氣凍就是想飲點甜膩的

一向對主題餐廳無咩期望，因為大多是用來呃like和滿足少女心的地方，今次一行4個女仔，來到堅尼地城的L’attitude聚聚舊，順道滿足一下來襲的少女心。L’attitude 的佈置非常用心，店內的卡通表情豐富，白雲吊燈亦很有特色，令人未開餐已心情大好。我們一行四人點了個三人餐，有頭盤、主菜和飲品，份量十足。先上枱的是巴馬火腿配蜜瓜和泰式柚子沙律。巴馬火腿充滿咸香，一試難忘。柚子沙律酸甜醒胃，材料新鮮。南瓜鵝肝忌廉湯亦很有驚喜，估唔到兩者味道很鮮，南瓜的甜的鵝肝鮮味更突出。全晚最出色的就是法式香煎銀鱈魚🐟。魚肉十分嫩滑，魚皮香脆，搭配雜莓同吃感覺新穎清新。美國特級肉眼扒不俗，肉味香濃，五成熟剛好。而明太子海膽意粉白汁略多，令海膽味道失色。甜品櫻花🌸樹下視覺效果滿分💯。粉紅色的是綿花糖，可配新地同吃，可惜的是心太軟的火喉失了預算，吃起來不夠流心。總括來說，這間cafe打破了我對主題餐廳既有觀念，食物和環境性價比甚高，值得再試！

之前和朋友經過尖沙咀看見這間 Lattitude， 外表十分吸引尤其是他的奶昔配上(棉花糖)，看見已經很想試可惜當時有事忙冇時間一嘗，今天去到西環竟然有見到這間 Lattitude 見有時間一於試下先，現在還有節日套餐啱晒我呢啲懶人不用多想😆。泰式生蝦刺身爽口彈牙配上一甜一酸辣的醬汁十分惹味巴馬火腿配蜜瓜和哈密瓜兩種瓜。味道清甜份量足夠而且非常多汁配上鹹香的巴馬火腿很夾泰式柚子蝦沙律蝦肉爽口彈牙，柚子微微甜配上其他蔬菜食時酸酸甜甜十分醒胃法式龍蝦湯濃濃的龍蝦味鮮味十足紐西蘭香烤羊架烤得外脆內嫩食的時候還有肉汁流出😋配上三色椒和薯蓉實在絕配法式香煎銀鱈魚大大件銀雪魚煎得非常香口再配以鹹鮮的三文魚子味道十分之複雜，食的時候點一點他的醬汁略帶微酸完全把銀雪魚的油膩感減去黑松露海膽意大利麵我把海膽和黑松露意大利麵撈勻一起進食，黑松露的獨有氣味和海膽的鮮味在口腔久久不散實在令人感到幸福淘氣蜜糖吐司微熱的吐司加上牛油和蜜糖，這兩樣本身已是絕配的東西又香又甜，而且外表烤得香脆配上雪糕一冷一熱一脆一滑實在完美籃柑奶昔香濃的奶昔配上一圈棉花糖在杯上形成一朵雲☁️外表十分吸引大人細路看見也被她迷倒

會留意到L'attitude，是因為它大門頂上兩隻當眼的公仔頭，從地鐵站口的拐角出來，一眼便能看到。繼而發現店內同款的巨型娃娃和像真度極高的烏雲燈，落下了可愛的主題餐廳的第一印象。一般的主題餐廳賣的是環境，對食物出品的要求太高似乎不合常理。但這話放在L'attitude，就有點先入為主了。我們一行要了三人餐，包三款前菜、湯、主菜，和甜品一款。選擇時就感覺菜色的配搭很新穎，其中有幾樣特別值得一提。南瓜湯見得多，配上鵝肝作佐料的未曾見過，但這款南瓜鵝肝忌廉湯的味道卻十分好。鵝肝本身自帶獨特香味，放在常見的南瓜湯裡，小小的兩片就足夠把湯變得別具一格，帶了香脆口感。主菜的法式香煎銀鱈魚是整晚最大的驚喜。魚肉塊頭很大，皮香帶脆，肉扒相當厚，撥開卻是鬆軟嫩白的魚肉，層層熱氣，鮮味誘人。配醬帶點酸，剛好中和了魚油的膩味，讓魚扒更易入口。明太子海膽意粉的配搭在我看來亦是新鮮大膽，效果卻出奇的好，熟海膽的醒味比生吃來得輕很多，軟軟糯糯的堆在混了明太子醬的意粉上，看著就滋味。意粉加了醬料分外軟滑，明太子負責口感，海膽負責香味，這看著奇怪的搭配反而有了另類的特色。最後不得不提甜品，櫻花樹下的做型別緻，粉紅的

網上見過呢個餐廳既甜品，覺得好靚，所以今日經過堅尼地城，順便就入去試試啦未食甜品前，我地就叫左2樣正餐，份量不是太多，覺得小貴呢～明太子炸軟殼蟹忌廉汁意大利麵 $138 忌廉汁十分creamy，而且明太子很爽口，兩者十分配合～原隻軟殼蟹香脆，仲有大量紫菜作伴碟，頓時胃口大增～ 2個人好快就清晒一碟～ 加勒比海薄餅 $138 薄餅上有蜆肉、菠蘿和檸檬，味道較為清新開胃。因為薄餅質地比較薄脆，所以一人食3件都唔會覺得好濟~食完正餐，甜品終於黎喇～～小雞棉花糖雪糕 $58 太可愛了吧，實在唔太忍心食❤️❤️❤️棉花糖係芒果味，牛奶雪糕香濃幼滑，仲有啲爆炸糖以增加口感👍🏻除左小雞造型，仲有熊貓/烏雲等圖案，一樣咁可愛😝櫻花樹下 $88 一見到呢個甜品，就不其然哼住''還記得櫻花正開 還未懂跟你示愛''❤️～ .同上個甜品一樣係棉花糖雪糕，但就多左心太軟同水果❤️ 我覺得呢個棉花糖同雪糕好似溶得快啲，不得不讚就係個心太軟非常流心，朱古力味夠重😋 成間餐廳既佈置都好可愛，岩晒影相呀～ 餐牌