Lagom Kaffe (已結業)

成班同事熱切期待，終於今日可以朝聖喇地方好寬敞、好大... 不過等位真係等咗好耐呀！ 12:15攞飛，成點鐘先入到去！可能六個人，等大枱真係難度太高啦！但佢唔使齊人/過半數都入得，我見我哋前面果位阿叔，一條友入去坐張大枱，坐足四個字都未有其他人到/叫嘢食囉😒Menu 方面，選擇都算多嘅.. 不過價錢就有啲高啦 Main dishes 方面，我哋叫咗呢幾個.. 台北燉牛肉意粉($78): 嫰！原本以為係台灣牛肉麵果啲朋友，又唔係喎，反而係煮家飯感覺松露干貝($98): 雖然得三粒元貝，望落去空虛咗啲，但佢係有誠意之作，個面煎到焦香，但入面唔係熟到硬哂，都剛剛好嘅台式炸雞飯($58): 抵食，雞就略嫌單調，如果係鹽山炸雞🍗 就爆脆喇😂 不過其他伴菜好新鮮，絕對係可以清碟，連啲伴菜都係好食嘅幾條友孖份叫咗個甜品開心share焦糖蘋果。伯爵茶。檸檬($128) 我最欣賞嘅係佢個餡，佢有啲似人哋香港蛋糕咁樣果種細碎顆粒口感，同埋好香，真係有做到外脆內軟，色香味俱全 個雪芭都甜度剛好，配埋個waffle 一流Main course 配餐都係加$10，我哋各自叫咗：- 密桃綠綠- 凍+熱拿鐵鮮奶咖啡

近日十分掛念台灣厚實的鬆餅，剛巧見到雜誌介紹有一間桔梗姐妹店樂感進駐牛頭角，今次趁今個星期六到來感受一下😊我們大約五時半到達，門口外也有客人在等候。等咗一陣終於可以入去啦。店舖面積好大，好寬敞，店內裝修令整個氣氛有一種溫暖的感覺。餐牌上嘅選擇唔會話超級多，但係對我哋來講都好吸引😊我哋點選了：☀️豬肉蘋果楓糖三文治☀️苺苺乳酪燕麥奶搖 ☀️日日燕麥奶搖（今日是士多啤梨加蕉）☀️紅豆麻薯抹茶柚子waffle三文治的麵包是店內自家製出品，感覺新鮮，麥味香濃。材料配搭得恰到好處，豬肉的鹹味加蘋果和楓糖的甜味正好帶出各自的獨有味道。旁邊還配有沙律，感覺清新。特別喜歡沙律中的南瓜，棉密香甜。藍苺、士多啤梨和乳酪味道很夾，加上燕麥奶感覺當中纖維多咗，感覺健康。 日日燕麥奶搖每日的配搭可能也不同，今日的是士多啤梨加香蕉，兩者配合燕麥奶都幾合宜。知道此店出名咖啡，仲有抄豆磨豆機，但畢竟我哋太晚才來，下次再品嚐咖啡。最後甜品時間💕這個窩夫給我們很大驚喜！首先，一上枱嘅時候香噴噴，切開後即刻見到入面嘅麻薯夾心。 窩夫配上旁邊的綠茶醬及青檸雪芭一起吃，更多層次。整體而言，我覺得店裏面好舒服，不設時限，讓人慢慢地和同台

近排呢間應該都係其中一間最紅既打卡cafe，由桔梗班底開既cafe店，夠哂💛一定要去支持下！距離牛頭角地鐵站大約行十分鐘到，係商廈入面唔熟路既人可能真係要搵一搵先但識黎，因為樓下都好似無相關既指示～一入到去真係大開眼界，估唔到佢甘大間同成個感覺真係好chill個風格又好日系好溫暖🥰餐牌其實都頗多選擇，唔只主打輕食同咖啡，仲提供意粉同各款非咖啡類飲品，有多款茶類同水果奶昔選擇，仲有酒精飲品！-1. 煙三文魚牛油果Toast ($98)以為係好輕食系列，估唔列佢仲有流心蛋鋪面加一堆菜律菜仲有幾舊甜薯，牛油果醬又要查到好厚煙三文魚份量都頗多，原來係甘足料！甘樣既定價都算合理wo～·2.台北燉牛肉意粉 ($78)呢款真係無係其他餐廳見過，所以覺係必點試試。店員會係落單前溫馨提示呢碟野有小辣，食落係有d麻辣既感覺，好惹味同好香🤤牛肉份量又多，唔只有牛肉片，入面仲有好多牛肉碎架🤩.3.伯爵茶waffle （$128）難得黎到，梗係要叫埋甜品試下😍個waffle自己就已係earl grey味😍配上蘋果果醬，earlgrey既cream同咪檸檬味雪糕，成個感覺超糖fresh！係略嫌檸檬味雪糕真係太清新

We go to a comfortable café for our tea time. The café is big with lots of places to sit. We ordered a waffle, chocolate cake, matcha latte and hot chocolate. The chocolate cake is rich in chocolate flavor and serves well with icecream. The waffle is freshly made and crispy. This waffle is easy to finish as it is not the thick type with lots of flour. Matcha and hot chocolate also taste good.

最近知道牛頭角開咗間新cafe叫樂感 係桔梗既姊妹品牌 難得三五知己 慕名而來試吓新嘢一入餐廳 超大空間 坐得好舒服 好chill落地大玻璃好開掦 文青裝修 無限時任坐 店內仲自設炒豆房食物方面 我地叫咗鮭魚牛油果香草三文治牛肉培根烤肉醬三文治 台北燉牛肉意粉 同埋炸魚薯條燉牛肉肉質軟嫩juicy 醬汁用免治牛肉同花椒油煮 所以香濃帶肉碎有少少麻 配上意大利粉煮法幾特別 味道濃郁惹味 推介👍🏻鮭魚牛油果香草三文治 賣相吸引 三文治烘得香脆 配料豐富 清新富有口感 牛油果creamy 鮭魚同三文魚子仲有流心蛋黃 非常好配搭 好味超正今次食得太飽 下次一定要試吓甜點窩夫🧇

一路都好想試呢間桔梗姊妹店，今日終於打卡成功地點係牛頭角地鐵站附近，好易搵。我都好驚訝原來市區會有啲咁近地鐵站但係又多位，又闊落，又光猛，設計又簡弱舒適嘅cafe😃餐廳只收現金另一個特點係呢間餐廳冇限時你要坐幾耐，如果你想Hea半日，叫杯嘢飲就可以慢慢坐，成件事好文青一入門口就見到好多自家製麵包同蛋糕，價錢其實唔平，但望落個樣都幾吸引拉花嗰杯係平白。另一杯黑咖啡好香，飲落一啲都唔苦其實個台北燉牛肉都幾好食，唔辣嘅，但唔知落咗啲咩食落有種好麻嘅感覺🤣都幾特別窩夫價錢偏貴，個雪糕係提子冧酒，左下角個忌廉係朱古力味，所謂嘅香蕉原來係香蕉蛋糕🤭 其實喺外面食可能唔使咁貴，呢個價錢應該包你全日😂😂😂

好耐無寫食評喇(懶),突然有衝動想寫🤣仲要第一次即場寫食評，夠晒現實！專登揀平日11點前食，唔會排隊排到絕望(因為不設限時)入到黎好舒服，空間好大，任何款式座位都有。menu選擇唔多(岩我😬）店員都會講番邊d款要晏d先有，細心！Bagel夠足料份量，三文魚口感不俗。稍嫌個包皮硬左d(個人口味只供參考😂）加10蚊有杯cappuccino, 拉花圖案就...味道都唔錯，有質感。坐係bar枱望住個藍天，好relax咁食野放空，一個相當好既地方，得閒肯定會黎hea下(公司係附近🤭)

由於呢度同我屋企只係差一個地鐵站，行過去當做運動😜呢度適合坐低傾計嘅朋友、情侶。地方夠大，但飲食區比較迫😅 聽到隔離枱講咩！好清楚!🤭野食，普通。服務始終好多新手，但熱誠搭夠!👍🏻

今日平日放假，同朋友想搵間cafe食tea chill下，發現有新開既Lagom。無得book枱，只可walk-in。去到門口見到有少少人龍，令我對呢間餐廳有所期待。等左一陣就有得入座，入到去第一個感覺係地方好大，亦都好光猛，有全落地玻璃，係木系日式cafe既感覺，好舒服！有啲人飲緊cafe，用緊電腦做嘢，亦有啲人同一班朋友聚會，係觀塘區難得既一個感覺好chill既地方❤️我哋叫咗一碟松露干貝意粉，一碟台北燉牛肉意粉同埋炸魚薯條，加$10配cafe latte同cappuccino。仲叫咗一個冧酒提子司康。冧酒提子司康有加熱先送上，好香牛油味，食落仲有淡淡的冧酒味，唔錯！👍🏻Latte 同Cappuccino 既拉花都幾靚😀松露干貝意粉中既干貝肉質唔錯，意粉爽口。台北燉牛肉意粉有驚喜，牛肉仲帶點粉嫩👍🏻，本來以為係普通肉醬意粉，特別在於原來肉醬有花椒調味，意粉亦都好爽口！炸魚薯條嘅炸魚同平時食嘅唔同，因為佢係偏向啡黑色，食落唔會有千年油既油膩感，外層亦都有香草味，千島醬係帶辣的，好match!我覺得Lagom 花心思之處係喺看似普通既菜式之中加點特色👍🏻呢餐埋單只係3百零蚊！用呢個價錢，

最近，大家受疫情打擊都去唔到旅行，而我呢同朋友又好想去Cafe飲下野，食下意粉，於是我哋就去咗位於牛頭角嘅呢一間Cafe。呢間餐廳叫lagom,意思是指 剛剛好。一入到去，就被佢嘅裝飾吸引住，唔單止地方大，而且行工業風，好似韓國或者無印嘅簡約風。環境非常之適合一家大細嚟食嘢，學生過嚟溫書，工作人士黎休息飲下咖啡最啱啦。多明尼加朱古力奶（$48)朱古力嘅香味非常之濃郁，再加上面頭嘅泡沫非常之細滑，令人呢係秋天，戀戀嘅感覺。再加上佢嘅朱古力味亦都唔會過分甜呀，所以呢系非常之值得推介嘅。蜜桃綠綠（$48)而呢一杯蜜桃玉露呢，一上到嚟呢已經聞到佢呢好清香嘅蜜桃味呀，飲落去啦雜果嘅味道呢系好入邊溶化亦都係非常之適合用嚟陪甜品嘅。紅豆麻糬抹茶柚子汁waffle($128)柚子既酸味同綠色係意外既夾台北燉牛肉意粉（$78)

呢間黃店新開冇幾耐， 係公司附近梗係要試啦！即興點半黎。 一陣就有台了。朋友試 Carbonara $88落單時侍應有提點會有生雞蛋，睇落個汁唔會好結身， 但好似d 份量同煙肉都少左d 咁。。我既煙三文魚牛油果三文治 $98加$10 試埋個Cappuccino煙三文魚分量十足係好多好大塊，反而牛油果醬比較少亦唔夠濃味！落單時侍應到有提會有啲三文魚子，驚我嫌腥， 講左就ok!然後一坐落嚟見到隔離枱食窩夫，又挑起我條窩夫癮。所以就嗌埋香蕉榛子朱古力冧酒提子 waffle $128佢唔係脆脆窩夫，但朱古力味好濃好香好厚實心！可以encore!!!!同埋呢度環境好開揚好舒服！應該會成日黎hea 喇！

下午3點來到都要等一陣位，卡位比較闊落，如果唔係坐卡位，入D嘅話就會比較迫。環境係OK的，但食物質素就有D落差。我本來係諗住叫意粉，但staff後來同我講意粉要暫停20分鐘，再煮就要等多10分鐘。由於我真係好肚餓，所以我無等，改咗豬肉蘋果三文治，朋友叫咗all day breakfast。午餐時段係可以加$10有嘢飲，但由於我地到達已經三點所以要正價叫，我地叫咗打卡專用的Dirty同oat milk shake。先講食物，賣相一般。三文治包底比較乾同硬，加咗芝士上面令包底再苦D，份量比想中少⋯⋯all day breakfast其實係比三文治多咗腸仔蘑菇only🤔飲品dirty雖然係幾靚，但口感似花奶，$42就真係好一般milk shake就正正常常啦。整體來講比預期中失望。

呢間Cafe係OpenRice嘅評價好似麻麻地，但因為佢黃店嘅關係我都要去試一試，但係反而我覺得性價比超高。我叫咗個三文魚牛油果三文治，三文魚嘅份量係幾層，面頭又有飛魚子，Cream cheese相伴，反而我覺得相得益彰。牛油果醬呢又唔會太杰喎，真係夾到十足10。杯咖啡就真係細杯左啲，但飲咗一啖見到佢個not too much, just enough你又真係吹佢唔脹　

今日想去下咖啡店食下窩夫，歎下咖啡。上網找找先，發現牛頭角新開一間*樂感*咖啡店，地方大到有8700 呎，空間感十足，真係要去試下先⋯⋯餐牌上有三文治類/意粉類/沙侓/ 窩夫.....等等..都係我最鍾意食既午餐，最重要係有套餐，只要加10 蚊，就可以叫一杯飲品。鐘意嘆咖啡既我，一定叫一杯Latte 啦！餐廳除左空間大之外，最特別既地方係分別有卡位/餐桌座位/望景觀卡位同埋梳化位都有.......🤗麵包/蛋糕類.....食唔夠，仲可以外賣叫多一個麵包...🤣黎到當然要叫個必食既朱古力窩夫啦！窩夫送到我面前，帶住口罩既我，都聞到窩夫既香味....食落口⋯⋯好香脆，又大大件，口感十足！仲要配搭兩款調味料.....培根蛋意粉，白汁味濃，意粉份量多，配撘一隻半熟蛋，十分好味！🤩牛肉，培根，肉醬三文治- 牛肉厚肉配有肉醬味，配撘唔錯⋯⋯另外叫左一杯latte 同埋一杯莓莓乳酪燕麥奶，咖啡味濃郁，莓莓乳乳酪燕麥又健康！環境舒服，服務員十分有禮貌，直得一讚！😊

睇到介紹，慕名而來，一日店舖，非常闊落，光線充足，如果坐到窗口位的確係小確幸！不過就算12點前來到，兩次都坐唔到！可能實在太受歡迎了，另一邊的用餐區，感覺就沒有那份強烈的Relax感覺。幸好，座位不算「密質質」～ 有一個角落，有綠色植物加沙發，好似好舒服咁！唔知點樣先坐到...食物選擇不多，價錢亦都唔算好抵。午餐要加$10才有嘢飲，不過咖啡味道的確唔錯！食物質素還可接受，台式麻辣牛肉意粉（唔好意思，實際名堂唔記得）味道唔錯！感覺幾清新！呢個慢煮燒肉，睇佢其貌不揚，又幾好味喎！杯凍latte~ 沒有令人失望。有機會真係想試吓佢啲甜品～