La Postre (永樂街) (已結業)

半年前食過一次La Postre回味無窮，今日約左好朋友所以就帶佢去試下！原來餐廳精心裝修過，牆身有一個大大古英式時鐘，多咗一份復古同埋夢幻嘅感覺！「食環境」嘅女孩子們一定會喜歡！濕紙巾嘅造型好似避孕套，幾搞笑。青檸蜜桃沙冰 ($68) 鮮雜果Mojito ($78)兩杯都好好飲，前者蜜桃味重，冰冰涼涼消暑一流。後者雖然無酒精但係又有一種調酒嘅影子，有好多水果粒粒！芝士煎蟹餅 ($168)蛋餅入面有薯仔同埋蘑菇，仲有流心嘅芝士，正！木魚絲獨特嘅香味點綴左呢度小食。啤酒海鮮火鍋 ($368)上次黎已經食過，真係好鍾意呢個湯，整熟咗啲海鮮之後可以倒出嚟飲埋。辣辣地加埋全部海鮮嘅精華，真係可以成煲飲晒！帶子、蟹鉗、蜆、螺肉全部都好新鮮。我最鍾意嘅就係虎蝦，啖啖肉而且好彈牙！抹茶麻薯窩夫 ($108)既然全份只係比半分貴10蚊，身為抹茶哄嘅我當然叫全份啦，花花形咁靚！果然冇令我失望，蛋糕粒粒、雪糕同埋cream都好重綠茶甘味！麻薯窩夫煙煙韌韌好有咬口， 加蜜糖又係另一種滋味。總括來講，呢度環境好靚，而且啲食物質素真係好唔錯，雖然 價錢唔可以話好經濟，但係喺特別日子嘅時候離都幾好！

有舊同事即將開展其錦繡前程，作為昔日美食同盟，帶他吃頓好的farewell吧。上環美食餐廳林立，如何脫穎而出可謂落足功夫，這家西班牙餐廳，甫踏出升降電梯已叫人眼前一亮，從門牌到門面裝飾，一絲不苟，昏黃的街燈加上木椅，恍惚置身歐洲小國的街道旁。踏進餐廳，雅致的裝飾令人豁然開朗，座位亦見寬敞舒適，用色是筆者喜愛的藍，坐於街景的卡位上，看到餐廳內半實景半投影製成的「大鐘」，歐陸氣息濃厚，與街外只見繁忙的都市，形成強烈對比，此一刻，忘憂。「食景」可吃不飽，來到西班牙餐廳，即管點選西班牙海鮮炒飯試一試，餐牌標明了二人份量，故芝士怪筆者另外再點了芝士煎蟹餅，心想，不夠再點吧。在等待美食的過程中，稍為欣賞了此處的餐具，啞金色的餐廳，高貴又不失時代感，餐刀小巧，有點像手術刀，方便切割海鮮或甜點。濕紙巾是來domdom式的包裝，玩味十足。西班牙海鮮炒飯 $298沒等多久，主菜已率先上場，香氣四溢，份量十足，共６隻青口、４隻大蝦與不少蜆，大家已餓，忙分飯吃，飯沾滿了海鮮汁，更混和了細小的櫻花蝦在內，增添口感，鮮味非常，大蝦彈牙，真想再添幾隻來吃！芝士煎蟹餅 $168然後是芝士煎蟹餅，這味小食當真令筆者驚喜

喺openrice搵下搵下，搵到哩間人氣不錯的西班牙餐廳，決定一試！😍估唔到真係有驚喜喺無訂位既情況下，6點幾左右到達，順利即時入座。但過左一陣，就已經很快滿座了。如果想7-8點左右進餐，預先訂位比較好。餐廳環境充滿古舊歐美風，牆上這個大鐘佈置最為特別，細心看，鐘內還投影了歐美雪景，別具格調。⭐️西班牙蛋餅 （$58）味道帶點辛辣，作為餐前小食，很醒胃。但蛋餅口感略厭有點乾身。⭐️西班牙海鮮飯 ($298 for 2 )材料非常豐富😍😍😍份量好大！絕對足夠2人享用。味道同樣帶辛辣，不吃辣的我，也覺得很惹味！yummy😋⭐️焦糖燉蛋 當天填寫食物/服務意見後，仲可以送焦糖燉蛋一客，雖然係免費，但絕不馬虎！⭐️焦糖香蕉窩夫 （$78 / Half ）窩夫係即叫即做，外脆內軟口感 加埋 焦糖香蕉一齊享用，真係有d後悔無叫全份另外值得一讚 係 餐廳服務態度良好。很有禮貌，不但主動加水、上甜品時主動換上乾淨餐具，還樂意調較冷氣出風口等。✨✨絕對會再encore !

今日可以偷時間去拍下拖，見到依間西班牙餐廳幾特別，環境不錯就試一試好了。前菜叫了一個蜜瓜黑毛猪，西班牙眾所周知是出名食黑毛猪，果然沒有讓我失望，火腿有油香又不會太鹹，配上清甜的蜜瓜, 很配合呀！除了蜜瓜之外，還附上有紅桑梅同焦糖果仁，不會因為淨食黑毛豬令到個口寡了。飲品點了士多啤梨玫瑰牛奶同岩鹽朱古力咖啡。士多啤梨玫瑰牛奶的士多啤梨同玫瑰花味道天然淡香的, 不是假的死甜那種。岩鹽朱古力咖啡因為加上岩鹽，比起平時普通mocha多了一點層次感。主菜叫了兩款，一個係虎蝦墨汁意粉 和啤酒海鮮火鍋。虎蝦墨汁意粉很好食，蝦是彈牙的 而墨汁加上了蝦油令到意粉味道好突出，同時他們的意粉煮得剛剛好,不會太軟或太硬。之前都未試過用啤酒煮海鮮的配搭，但記得食越南野時有見過啤酒蟹，所以應該是配得到的 。就叫這個試一下新菜色，他有2個選擇，一個是番茄另外一個是香辣，我選二蕃茄味，叫得海鮮火鍋主角就當然是海鮮喇。他有5種唔同的海鮮：虎蝦，帶子，蟹鉗，蜆同螺肉。等個啤酒滾起之後，就可以落海鮮去個鍋度。佢個鍋的設計好得意，係一個茶壺 ，仲連同兩個細細嘅杯仔，俾你食完海鮮後，湯底吸收晒海鮮嘅鮮甜味個時飲 的。海鮮是新鮮

見到openrice 幾多笑笑，點知不似預期首先d 位好窄，基本上同隔離檯貼住坐，講咩都聽得好清楚lunch menu 選擇不多即使唔係full house, 想落order都無人應食物質素唔太理想前菜可選擇湯或salad, 零特別見有人寫食評個窩夫好似好靚就叫左一客，點知焗得好hea, 感覺只係整熟個奶漿，一d 都唔脆個牛舌寛條麵好求其，又油又鹹，無咪食慾跟餐仲有dessert，份量其少，小小的cake 唔好味哎喲…點解會咁架…好大出入啊…

同朋友喺上環行完街，佢介紹我黎呢間la postre話啲野性價比好高，於是就黎左我地見個餐包哂小食主菜野飲同甜品，真係幾抵食。裝修非常靚，周圍都係鮮色系既擺設，濕紙巾同紙巾都幾有特色，係安全套包裝同銀紙咁，好有style地方都好寬敞，坐得好舒服。食西班牙野，前菜我地緊係叫巴馬火腿配蜜瓜，咸咸地又有蜜瓜送，啲密瓜仲要好熟好甜，非常清新開胃。到個主菜豬手，一擺上黎已經香噴噴，啲豬手焗得好好，有啲焦香，同埋佢配左個甜辣汁，又係好開胃，仲有好多菜喺側邊解肥膩，唔會食濟自己。一人有兩杯野無酒精野飲，我地叫左荔枝莫希托同埋什果莫希托，似溝好既梳打，下面有好多荔枝同什果，送豬手完全係絕配。最後就係甜品麻糬窩夫，呢個真係超好食，好食過出面啲甜品鋪既窩夫好多，佢會比杯蜜糖你，窩夫脆口，入面麻糬軟腍陣牙，好有外脆內軟既感覺，同埋都幾飽肚，可以揀half定full，覺得飽嘅朋友可以叫half唔洗哂野，仲有啲雪榚同什果喺外面，堅好食。我地兩個食呢餐都話好爽，一定會介紹朋友黎試下。

西班牙菜一向以細細碟的Tapas為主，精緻而濃味，La Postre作為一間西班牙餐廳，不單秉承了西班牙菜的美味，菜式卻較為大份抵食，所以相隔一個月，我又再回頭。＊＊＊＊＊＊＊＊＊＊上次去的尖沙咀店是地鋪，今次去上環店則是樓上餐廳。食客較少，但座位卻較舒適，因為有四人卡座。濕紙巾同樣以condom包裝，但餐紙卻不是美金圖案，只是普通白色餐紙。字治抹茶紅豆($68)抹茶味都幾濃，忌廉令抹茶口感更香更滑，紅豆的甜味剛剛好，與抹茶是絕配！青檸蜜桃沙冰($68)沙冰以蜜桃味為主，沙冰打得夠幼細，容易啜飲，沙冰上還有幾大塊蜜桃，非常足料。芝士煎蟹餅($168)煎蟹餅應是這裡的招牌菜，叫很多人都有點。蟹餅以小鐵鑊盛載，熱辣辣，上面放上大量鰹魚碎，左右搖擺，非常有動感。煎蟹餅主要由蛋、芝士和蟹鉗製成，切開蟹餅，會見到中間半融的芝士。蛋不過老，加上半融芝士，非常美味！啤酒海鮮火鍋($368)啤酒海鮮火鍋有香辣啤酒湯和番茄忌廉啤酒湯選擇，由於朋友不吃辣，所以我們就選了後者。海鮮鍋包括多款海鮮，有虎蝦、帶子、蟹鉗、蜆和螺肉，每款份量都不少，都幾足料抵食。番茄湯放在小鐵壺內，下面有火，我們先把海鮮煮熟，最後

為方便在地鐵站上落，朋友特意選了近地鐵站的這餐廳一起午膳。先看Menu已感覺很吸引，決定不下，最後點了藍青口蕃茄奶油芝士意粉和南瓜蟹鉗忌廉飯餐。南瓜蟹鉗忌廉飯: 很驚喜蟹鉗很鮮甜，飯做到Risotto 的質感，南瓜跟忌廉汁的配搭很夾!藍青口蕃茄芝士意粉: 青口不是乾巴巴的，汁其實跟上面的南瓜飯很味道有點似，個人還是愛risotto多一點，但這個味道還可以的。沙律: 擺盆美美的餐包: 味道都不錯，但吃不到spicy的朋友，要留意。最後，還有飲品和甜品，很抵食。環境: 雲石紋枱子，很美。餐具也美美的。喜歡!

老公為慶祝佢傾成生意，於是帶我去食好東西。La Postre位於上環地鐵站出口附近的樓上鋪，地點非常方便，靜中帶旺。店鋪採用歐式的設計，坐位非常舒適，令人可以處於好放鬆的狀態去享受這頓豐富的晚餐。非酒精的鮮雜果莫希托以梳打水、青檸汁及少量薄荷葉為主，配以大量新鮮水果包括藍苺、士多啤梨、青蘋果、橙等等，味道酸酸甜甜，果香味濃，既清新又清潤透心。宇治抹茶紅豆宇治抹茶香濃，紅豆煲得綿綿的，拌勻滑滑的的忌廉，甜度適中，入口既香濃又順滑。芝士煎蟹餅芝士煎蟹餅一上枱就香味四溢，木魚絲在上面跳動，是視覺及嗅覺的享受。一份蟹餅有6隻蟹腳釀入流心的芝士蛋餅當中，是味覺的享受。近鐵板底的蛋充滿燒玉子的味道，中間依然流心嫩滑，是高水準之作。西班牙豬手西班牙豬手堅好食，比起我在德國當地名店食過的還好食。廚師將原隻燒好的豬手起肉，配上沙律菜，再在上面淋上帶微酸的醬汁，是絶佳的配搭。豬手肉亦唔會過咸，而豬手皮脆配上少許蜜糖食，味道一流。雜果麻糬窩夫麻糬窩夫即叫即做，外面熱辣辣，內層夾著煙韌的麻糬，外脆內軟的感覺。窩夫上的鮮果亦非常豐富及新鮮，有無花果、雜苺、士多啤梨、芒果、奇異果等，還有放上最面白雪雪的雲尼拿雪糕

今晚和友人飯局，小妹算了這家西班牙菜，之前和家人來過，食物質素和服務態度也很不錯。今天再再光臨，發現這裡已經不同了，以歐式主題的裝修，看出店主的心思。 還有大笨鐘。 店外空間雖小，但仍然一絲不笱。 友人點了Fresh Fruit Mojito ($78)，以鮮果汁＋梳打，加上熱果，為解暑佳品。 小妹有點不舒服，還是喝熱的吧，招牌水果菜($42)，味道也很不錯，鮮果足料加上夠新鮮！ 餐具亦很有心思。 啤酒海鮮火鍋($368)，賣相不錯，蝦的味道鮮美，肉質爽口有彈性，螺片夠鮮味，不過帶子和蟹柑則的size 則小了點，幸好仍鮮度十足。 點了蕃茄忌廉味，蕃茄的味道不敵啤酒的，忌廉味更加無定企了，整個湯以啤酒味為主。 芝士蟹蛋餅($168)，賣相出色，以木魚置頂，有點像日式燒餅，蟹的味道不算太出，加蛋像是分開了的，濃濃的芝士味充實了蛋餅的味道。 熱果Mochi窩夫($138)，窩夫裡釀了Mochi，口感煙靭，加上鮮果及小妹至愛的綠茶雪糕，感覺完滿了，如想甜點，可加上旁邊的蜂蜜。 這裡的食品質素得以保持，但價錢略貴。

之前吃完樓下2樓的西餐，遇見同事由3樓落嚟，咁問佢食咩原來三樓有間西餐。一直想試不過之前裝修，最近發現裝修完啦咁走去試下囉。入到去睇餐牌有lunch set,仲有老闆招呼話join member比400 有500 coupon可以用仲有窩夫送。個member仲要係永久會籍！生日有一次八五折優惠，平時就九折。咁就坐低去食啦。中午套餐首先有個餐前麵包， 可能星期五真係生意太好啦個麵包凍咗 。 只有一款餐湯，有好多湯料。但係個湯好似溝稀咗。主菜就是叫咗意大利粉同飯。有餐茶、有甜品。甜品都好特別唔係普通嘅蛋糕，口感特別。用收據號碼仲可以填問卷送一個燉蛋。個燉蛋吾錯有雲呢拿籽，好味！總括而言呢一間嘅飯係好食過意粉！

巿面上越來越多西班牙菜餐廳，這次在上環又尋覓到一間美味的西班牙菜 La Postre，餐廳最近重新裝修，環境光線充足之外，還有部份梳化座位靠窗邊，可以看著街外的景色，也很舒適。最重要是La Postre 的食物質素和味道都是高CP，由小吃以至主菜及甜品，也可以讓人吃得滿足，坐在優雅的餐廳吃著美味的美食，絶對是享樂的一夜。******************************La Postre 選址於上環永樂街，離地鐵站非常之近的昌盛大廈。上環永樂街也有著很多不同的美食，La Postre就是其中一間。從電梯而出，便看著帶點古堡風格的裝修。餐廳的格局是長方型為主，所以餐枱都放在長方型的擺放，還有一排靠窗而坐的梳化座位，可以看著窗外的街景。 除了西班牙的Tapas小吃和主菜供應，最特別是甜品也有不少選擇。飲品，也有一般餐飲、咖啡、還有水果茶、沙冰、含酒的Cocktails和Sangria，也是很吸引。蜜瓜黑毛豬 HKD198，以24個月的黑毛豬放在蜜瓜之上，黑毛豬都幾大片，直接把24個月的黑毛豬而吃，咸香味十足。黑毛豬夾著蜜瓜一起吃，蜜瓜清甜無比，夾著而吃，油膩感也不會太重，確實好吃

又到星期一，Monday blue發作，我要食d開心野!搵左個好朋友陪我食好野、傾計。素聞呢間餐廳嘅食物 (尤其係甜品) 好靚，食左有令人食完開心晒嘅功效，今日我地黎見識吓 !去到餐廳門口望入去，覺得裝修好精緻。打開餐牌，d食物樣樣都好靚、好想食!我地好唔容易點左西班牙紅酒肉丸蕃茄意粉 同埋marshmallow brownie waffle (港女通常有選擇困難症， 尤其是樣樣都好靚好好食咁，真係唔知點選擇😆😅)西班牙紅酒肉丸蕃茄意粉賣相好靚 ，好香紅酒香味 ， 味道都好好食Marshmallow brownie waffle 個樣都好靚，不過冇想像中咁好食，我覺得乾左d, 不過我地一路食，一路傾計，我都食得好開心淨係食呢兩樣野、飲埋湯同coffee, 已經好飽 (我飽到晚上7點)呢間餐廳仲有好多靚野，期待下次再黎!

剛完成裝修，二話不說撲去吃頭香。仲夏水果茶 (La Postre Fresh Fruit Tea) $42藍莓蜜桃茶 (Blueberry＆Peach Jasmine Tea) $39水果茶比較清新，藍莓茶甜甜的，可惜兩款茶的溫度只屬微溫暖，沒有壺底及火保持溫度， 很快就放涼了。芝士煎蟹餅 $168材料非常豐富，有蘑菇、芝士、南瓜有如蛋卷餡餅般，切開時芝士還有流心拉絲的效果。還有很多蟹鉗啖啖肉，唯一是吃到最尾感到略為偏鹹。西班牙海鮮飯（2人）$298又是另一個材料超豐富的菜，份量也很大，有大大隻鮮蝦、青口、蜆肉，還有櫻花蝦、西班牙香腸火腿提味。米飯才是精萃！完全吸收了海鮮的鮮味，還有濃郁的番茄香味， 十分鮮甜。綠茶麻糬窩夫（FULL）$138有綠茶雪糕一球、綠茶brownie粒、綠茶吉士醬、紅豆粒蓉，就是綠茶控的天堂！麻薯窩夫煙靭十分，QQ彈的口感。食完肚子撐得飽飽漲漲才 $721！抵食！值得​再次來臨。

位於上環永樂街樓上餐廳嘅 La Postre，環境裝修簡潔時尚。食物水準高。頭盤無花烟三文魚沙律，無花果配搭煙三文魚沙律有清新感。啤酒海鲜火鍋是我的致愛。別小看這小水煲，盛著蕃茄濃湯，可將所有海鮮放入小煲內烚，將蟹鉗、鮮蝦、蛤仔、帶子各樣鮮甜味帶進濃湯裏，令蕃茄湯變得更鮮更甜。食完海鮮，就要飲番杯海鮮蕃茄湯。用上這小啤酒杯很過穩。Cheers!飯後怎可缺少甜點。雜果麻糬窩夫,非一般窩夫，麻糬烟烟勒勒，甜度適中。讃！