影片
更多
2018-10-07
2472 瀏覽
其實我早兩個星期嘅星期五都來過呢一間「小屋 」La Petit Maison食飯 。但係因為上次唔記得影相，所以冇寫到review。不過我老婆話：「唔緊要啦！你都唔會淨係第一次㗎啦！」佢果然係有先見之明，兩個星期後，佢又再次book咗呢度食晚飯。點解要兩個星期食兩次，理由好簡單，因為好食囉！上一次嚟到分別見到依家係東華董事局成員嘅前藝員、無雙男主角嘅前妻。今次去到就分別見到澳門立法會最出名嗰一位議員、歌神嘅太太（香港馬拉松跑得超快嗰位）。餐廳嘅佈置都幾法式，牆身用咗 distressed finish ，有啲法國古董look，仲掛咗好多細細幅細細幅嘅畫。餐枱同餐枱之間沒有太多空間，幾 cosy，感覺好似好happening 咁樣。講開餐廳嘅格局，不如順便講埋個廁所，因為個廁所係要出咗餐廳搭lift去另外一層。不過，一出到你去到廁所嗰層你就會知道呢一個廁所係專為你一間餐廳而設。因為啲牆都係用同餐廳一樣嘅distressed finish。而廁所嘅洗手液同潤膚露都係用咗法國著名品牌 L’occitane嘅產品。我哋叫咗好多嘢share。呢度唔會嫌棄你share嘢食，因為大廚都講開到口話非常
上一次嚟到分別見到依家係東華董事局成員嘅前藝員、無雙男主角嘅前妻。今次去到就分別見到澳門立法會最出名嗰一位議員、歌神嘅太太（香港馬拉松跑得超快嗰位）。
餐廳嘅佈置都幾法式，牆身用咗 distressed finish ，有啲法國古董look，仲掛咗好多細細幅細細幅嘅畫。餐枱同餐枱之間沒有太多空間，幾 cosy，感覺好似好happening 咁樣。講開餐廳嘅格局，不如順便講埋個廁所，因為個廁所係要出咗餐廳搭lift去另外一層。不過，一出到你去到廁所嗰層你就會知道呢一個廁所係專為你一間餐廳而設。因為啲牆都係用同餐廳一樣嘅distressed finish。而廁所嘅洗手液同潤膚露都係用咗法國著名品牌 L’occitane嘅產品。
我哋叫咗好多嘢share。呢度唔會嫌棄你share嘢食，因為大廚都講開到口話非常之歡迎sharing。我哋叫咗嘅嘢包括薄切八爪魚，藍旗吞拿魚 tartare，yellow tail carpaccio，炸bb魷魚，snails with garlic butter，帶子carpaccio，pan fried gover sole。甜品有summer berry forth with yogurt ice cream，暖朱古力 mousse。
前菜
薄切八爪魚 - 我老婆覺得應該要酸少少會好食啲，但係我覺得味道條配得啱啱好。我覺得呢一味一定要試。
藍旗吞拿魚 tartare - 有啲魚子將加上生鵪鶉蛋，同埋一啲脆口相信係薯片喺面頭，食落去唔會太鹹，覺得成件事好balance咁樣，幾好食。
Yellow tail carpaccio - 係魚生嚟嘅，佢用咗一個芒果嘅汁，好refreshing，味道好特別，一定要試。啲魚非常新鮮，雖然冇Wasabi或者檸檬，但係都完全冇腥味。
炸bb魷魚 - 可能你會覺得：「炸魷魚，點解要特別講啦？」原因係佢真係做得幾好食。嗰皮唔會好似一啲一級天婦羅鋪頭咁做到非常之薄，反而有少少厚，但係佢個皮非常之脆，仲有啲鬆化嘅感覺。就算擺左係度一陣先至食，嗰啲皮都唔會變林。另外食落去仲有少少煙燻嘅味道。人哋成日話越簡單嘅菜，就越難做得特出好食。一味菜真係考師傅，而師傅亦都交到功課。
Snails with garlic butter - 蝸牛不嬲都係法國餐出名嘅菜式，呢度都做得好好，牛油味好重加上香草嘅味道，好balance，好好味。
帶子 carpaccio - 一見到侍應將呢一碟帶子放喺我哋張枱嗰陣時，我就同侍應講：「This is the highlight of the night。」因為呢一碟帶子嘅賣相真係非常之好，帶子切得非常之薄，加上一啲蒜片，chives，真係好靚。一定要試。
主菜
你可能會覺得好奇怪，點解我要食咁多 appetizer，反而main course就淨係叫一個。今日經過上次果餐之後，我哋覺得呢度嘅appetizer 做得非常之好，所以選擇食多幾個appetizer。不過並不代表佢哋嘅main course 做得唔好。
Pan fried dover sole - 煎得非常之脆，老實講，我真係未試過食過西餐嘅煎魚俾哩一塊魚脆。同魷魚一樣，就算等左一陣先至食，都仍然係脆嘅。
甜品
之後就輪到甜品，如果有睇過我之前寫嘅食評，都可能知道我唔係好喜好甜品。不過因為今次係share，所以我都有試。
其實西多士都幾好食，不過我想重點推介兩個甜品。
Summer berry froth with yogurt ice cream - 呢個超級好食，你唔會覺得太酸，上層嘅summer berry 其實好似froth 咁樣所以好 light，有少少酸，底層有一啲好似yogurt雪糕比較creamie一啲，比較甜一啲。兩樣夾埋一齊食，就做到有酸甜嘅對比同埋light 同creamie嘅對比。非常之特別。呢個都一定要試吓。
暖朱古力 mousse - 最後嗰個雖然叫做朱古力mousse，但係唔係一般嘅朱古力mousse。我會覺得佢比較似一個心太軟。因為上邊有雪糕，中間有啲脆脆地嘅朱古力，最底有個類似心太軟嘅皮加上心太軟嘅心。如果要揀一樣我最鍾意食嘅甜品，我個答案肯定係心太軟。呢個甜品我非常之鍾意。
最後講下服務質素，侍應嘅態度非常之好，咁啱得咁橋，serve我哋嗰侍應上一次都係serve我哋，佢仲話記得我哋，因為我哋當中有一個上一次冇黎到，侍應都可以講得出佢冇見過嗰我地一位朋友。我係侍應將嗰啲帶子放上我哋張枱嗰陣時講咗句 highlight of the night嗰陣時，個侍應亦都開玩笑咁樣將枱面嗰盞燈放喺啲帶子隔離，佢話將啲帶子high-light喎！而專誠由英國飛過嚟嘅大廚，亦都有喺樓面同食客傾計。今晚仲特別有一隊live Band唱歌，搞到餐室嘅氣氛特別好。而佢哋就為我地唱咗Beatles嘅 A hard day’s night!
總結
- 早兩個星期嘅星期五都來過「小屋 」La Petit Maison食飯
- 兩次食飯都見到名人
- 餐廳嘅佈置都幾法式
- 餐枱同餐枱之間沒有太多空間，幾 cosy
- 廁所係要出咗餐廳搭lift去另外一層
- 廁所嘅洗手液同潤膚露都係用L’occitane
- 呢度唔會嫌棄你share嘢食
- 全力推介：薄切八爪魚，藍旗吞拿魚 tartare，yellow tail carpaccio，炸bb魷魚，snails with garlic butter，帶子carpaccio，pan fried gover sole，summer berry forth with yogurt ice cream，暖朱古力 mousse
- 侍應嘅態度非常之好
- 英國飛過嚟嘅大廚都有喺樓面同食客傾計
- 仲特別有一隊live Band唱歌
Thinly sliced octopus
139 瀏覽
0 讚好
0 留言
Bluefin tuna tartare
124 瀏覽
0 讚好
0 留言
Yellow tail carpaccio, fried baby squid
127 瀏覽
0 讚好
0 留言
Snails with garlic buttet
91 瀏覽
0 讚好
0 留言
Scallop carpaccio
95 瀏覽
0 讚好
0 留言
Pan fried dover sole
90 瀏覽
0 讚好
0 留言
Summer berry froth with ice cream, warm chocolate mousse
116 瀏覽
0 讚好
0 留言
張貼
