La Moo Moo' s Steak and Fries (已改名) 查看

就黎情人節, 今次推介呢間灣仔扒房, 主打高質牛扒,平時lunch set $98就有, 相當抵食, 不過一場黎到, 就梗係試下佢地既招牌8oz Premium USDA Ribeye Steak啦牛扒係8oz Premium USDA肉眼，獲得USDA 品質認證的美國牛肉是對高質量和食物安全既一個認可，而USDA PRIME等級既牛肉係用飼養良好同年輕既牛生產，牛肉有豐富既大理石花紋般的脂肪，適合用作煎牛排，燒牛肉，烤肉等一咬牛味已經好濃, 肉質都幾滑同芥末，蛋黃醬juicy, 建議叫medium rare會較佳,仲有配埋岩鹽，芥末，蛋黃醬比大家選擇點來食, 可以有唔同既味道我仲好中意佢把迷你牛肉刀仔, 用黎打卡一流XD呢個set有埋Free flow薯條, 分分鐘食到你成年怕咗食薯條都得XD

疫情關係加上無咗晚市真係少咗出去食，不過今日我地就搵食搵到黎灣仔，試咗一間薯條任添嘅高質扒房，黎緊既情人節/ 節慶時間都好岩食!店內環境非常有格調，同朋友黎飲野都唔錯，重點係佢有把細細嘅迷你牛肉刀，打卡一流架🤣🤣野食方面主打係全日供應嘅牛扒薯條套餐有餐包、沙律、牛扒同薯條，牛扒係8oz Premium USDA 肉眼，食落真係牛味好出，肉質都唔錯，不過我地叫Medium就熟左少少，食落似7成，建議叫Medium Rare就岩岩好👍🏻👍🏻店員仲好好咁會問你要唔要芥末，蛋黃醬，加埋本身就有既肉汁，可以滿足唔同口味薯條係幼身，非常香脆，枱邊仲有岩鹽同茄汁，正，最緊要嘅係任添架😆😆😆薯條控嘅就發達啦XD除咗牛扒薯條，我地仲叫左個手撕豬肉漢堡，包煎到脆身，入面仲好鬆軟，而面頭仲有罌粟籽口感好好!手撕豬肉煮到非常淋，味道酸酸甜甜好特別，值得一試架🤤🤤跟埋嘅薯條同樣都係任添，正啊🤤🤤🤤

壓力大，好想狠狠地食薯條！揀咗嚟呢度食牛扒兼薯條任食set lunch ($298)Homemade bread roll好軟熟而且牛油味香，仲要已經切開一半！Garden fresh romaine salad生菜好新鮮，仲有半隻蛋，好開心！8oz Premium USDA ribeye steak牛扒上有棵迷迭香，肉質鮮嫩有嚼勁，牛味濃郁，食落仲有淡淡嘅迷迭香味道。最有趣係把刀，成把菜刀咁，不過好易切，基本上唔洗點出力都已經切得開。可以揀3款醬汁，我揀咗黑椒汁，微辣，再加額外嘅黑椒，辣得過癮！薯條炸得好熱辣辣，仲要係任食，超級滿足

自己以前都有食過Moo Moo，但都係食漢堡包為主，牛扒就真係未試過。點知原來佢呢個brand開咗條分支係專做牛扒。朋友問我係唔係中左抽獎唔洗錢食飯，我話我真係真金白銀食！：）把牛扒刀都係精心設計過，切牛扒嘅時候切得非常容易同埋簡單，力度亦都係用得最少嘅。餐廳上所用嘅鹽都係精心挑選過嘅。本來我可以叫午餐嘅，午餐都係百零蚊左右，但店員好落力推介我食$298肉眼扒，薯條仲係可以free-flow，所以就決定一試。一黎嘅係沙律前菜，一見到沙律上面嘅半熟流心蛋已經非常吸引，再配埋麵包糠，沙律菜一齊食，仲有芝士粉，就真係非常正。之後嚟嘅麵包就更加之不得了，麵包本身唔係一種好特別嘅嘢，但就往往會因為做法比較與別不同，令人有所驚喜。佢嘅包本身係烘過，仲唔係整個一齊烘，而係麵包中間有類似煎過嘅香脆感，非常特別。之後嚟嘅就係肉眼扒主菜，肉眼扒我特別配上Red Pepper Sauce，個醬汁本身有少少辣，但亦都有甜甜嘅味道，能夠提升肉眼扒。肉眼扒最特別嘅地方就係佢本身有8安士，筋肉分明，而且有厚度，唔靭，好好食。薯條係order先會再free-flow，即叫即炸，所以都會叫啲時間等候，唯一有個建議就係下

而家只能夠外出食午餐，所以午餐都要食好啲！！！ 今日就去咗鋸扒餐廳做足防疫措施㗎！$298已經有餐包、沙律、牛扒、任食薯條！性價比唔錯餐包跟咗牛油同埋肉桂，香甜嘅肉桂配餐包幾好味！沙律菜好新鮮，配埋少少芝士粉同沙律醬，係一個唔錯嘅前菜。主菜來了，一份要medium，一份要medium rare。牛扒色香味俱全，生熟程度都拿捏得幾好！ 配搭嘅醬汁有黑椒汁同埋蘑菇汁，令牛扒更添美味一路食牛扒，一路瘋狂食薯條；薯條新鮮炸起，非常香脆，真係食到停唔到口，free flow薯條真係好正食到飽飽的，點左一杯咖啡，為今日嘅午餐畫上句號。

趁着得閒，出去食個悠閒午餐～我哋餐廳一開門就去，比較少人。餐廳陽光普照，感覺好舒服Lunch 可以食set lunch 或者牛扒餐！我哋一心係為咗扒同薯條而來的，毫不猶豫，點左$298嘅套餐。餐包同沙律好快就出現，烘暖咗嘅餐包鬆軟好味沙律睇落冇乜特別，但味道好清新，生菜非常爽口，適量嘅醬汁酸甜開胃！主菜要等一等先到～8oz嘅牛扒好厚身！一上枱已經聞到好香嘅味道我點咗medium，覺得生熟程度控制得幾好！牛扒口感有嚼勁，牛味濃郁，唔錯唔錯任食嘅薯條一啲都唔馬虎，香脆可口，可惜食完第一轉已經夠飽！本來仲想食甜品，唯有留返下次

原來灣仔有間咁抵食嘅西餐，一個lunch set 淨係$98 (+$30)，就有齊沙律、湯、主菜、飲品同埋... … free flow 薯條!!! 🤩 我地今次一共叫咗2個set同2杯cocktail～Soup of the day 🌽粟米湯好足料，每啖都食到粟米粒～ Creamy同有香濃粟米味得黎，飲完又唔會覺得濟🦦Black Truffle Cream Pasta ($98)意粉質感具韌性，仲要吸收曬意大利黑松露奶油嘅精華～炸到脆卜卜嘅蔥片令成個意粉更有口感，青蔥亦令成碟意粉食落冇咁膩～仲有值得一提嘅就係呢個檸檬黃青色嘅大碟！打卡一流～Pulled Pork Burger ($118)麵包外面微脆，入面鬆軟～甜甜地又鹹鹹地嘅BBQ醬帶出慢烤手撕豬肉嘅肉香，非常惹味～ 漢堡包入面仲有爽脆又沾滿沙律醬嘅蘿蔔、紫洋蔥絲，食落更fresh，口感更有層次！漢堡包份量同高度適中～唔會食到好狼狽，勉強都可以一口食晒咁多層！Shamby ($98)Shamby用料包括rum酒、蛋白、桃蓉、紅莓、同士多啤梨～飲落士多啤梨味道為主，而且唔係藥水味，又容易入口！Peach Fizz ($60)Pea

之前已經嚟過呢度食飯好幾次 以前淨係得牛扒食 但係今次嚟就多咗個lunch set menu 只係98蚊包咗主菜之外仲有free flow fries 以呢個地區呢個環境呢個食物質素真係超級抵我叫咗個burger 牛肉夠厚又多汁 夾埋炒香左既洋蔥又加埋惹味嘅bbq sauce 麵包皮干得夠脆 食落去口感層次豐富當然唔少得就係呢到薯條可以任食 加上呢度環境播住西方音樂 又有mocktail cocktail飲 實在好relax 好推介大家黎chill下

La moo moo又來到一星期一次的外岀用膳日，因應疫情都減少了外岀用膳，難得可以岀去食飯，當然要嚴選餐廳啦！今日就再次去到灣仔la moo moo鋸扒！原來這段時間除了平時的安格斯牛肉眼餐外，還有做午餐和漢堡餐！選擇多了，更加豐儉由人～一個星期先食一餐我們當然叫返平常最出名的那個set, 8oz Premium USDA Ribeye steak跟餐的Garden Fresh Romaine Salad調味跟一般沙律不同, 不是用醋或沙律醬，反而是鹹鹹地，帶芝士的香味，而且好清爽，令人打開胃口自家製餐包，平時食餐包我一定要連湯一齊食，因為會怕太乾。但這個甜餐包除咗兩面有烤過之外，伴隨的自家製牛油和肉桂像都非常香！但味道又不會太鹹或者太濃，嗅覺完全得到滿足，所以食曬成個包都唔會覺得滯口，食了整個包之後會覺得可以再來一個就好了～主菜8安士牛肉眼扒+可以無限添加的薯條～肉眼扒我要了三成熟，切開非常粉嫩，肉汁會有少量滲出來，咬下去外層煎得非常之香，不過硬或者乾，咬到內底，肉汁爆發…很難想像切了這一小口會有如此多肉汁！而且非常嫩，好腍，非常有牛的香味，即使食到有筋的位置也不會咬不開，可以連筋

2021年1月17日 星期日新一年我同老婆決定展開新嘅計劃，就係進行生酮飲食，主要戒糖同澱粉質，雖然身形上係有改變，不過要忍口真係好辛苦，所以我哋決定一星期有一次要放縱一下，而今個星期我哋就決定出街鋸扒差不多半年之前已經嚟過呢一間餐廳，貪佢性價比好高，而且係屋企附近，於是今日再次幫襯，好掛住呢一個$298嘅套餐，有齊餐包、沙律、牛扒同薯條另外今次嚟到見到餐廳仲提供午市套餐，價錢更加相宜，款式有更多，不過最後我仍然選擇$298嘅套餐，因為好掛住嗰塊大牛扒等咗冇幾耐就有凱撒沙律食，上面唔會有太多醬汁，所以食落去唔會太甜，而且鋪滿左芝士碎，咬落去嘅每一啖都有芝士味食完沙律之後終於到主角出場，我期待咗好耐嘅美國肉眼扒，目測真係好大份，有8oz，夠晒厚身切落去見到好靚嘅粉紅色，係啱啱好嘅medium rare，生熟程度同我預期中一樣，好有咬口，而且充滿肉味，加埋岩鹽嘅話，味道更加豐富，仲有幾款醬汁可以揀，分別係芥末醬、黑椒汁同洋蔥汁，個人鐘意黑椒汁，因為有少少辣，幾惹味果然一星期放縱一次真係好開心！！

疫情期間而市民大多抗疫疲勞，為了送鼠迎牛搞搞意思就約埋阿妹撐枱腳。因我們都是牛魔王，阿妹就提議去鋸扒來個豐富的午餐。餐廳位於灣仔商廈高層，設計簡約得來仍看出花了唔少心思，感覺舒服。倆姊妹一條心齊齊揀選了La Moo Moo's Signature Steak $298。套餐包括有麵包、沙律、牛扒跟薯條。自家製餐包熱騰騰配上普通牛油或肉桂牛油，特別好味。沙律菜很新鮮，非常爽甜；格調像凱撒沙律。牛扒交足份量，很厚身和牛味濃郁。我俩選擇 medium rare故切開肉色呈粉紅和肉汁流出，故食落 juicy 一D都唔鞋口。薯條切得幼身炸後色澤均勻，皆因火候控制得宜; 外脆內軟，一樣出色。

La Moo Moo Steak and Fries不知不覺成為咗我同男友嘅拍拖約會地點之一 呢度嘅牛扒不嬲都好好食 對上一次呢可能已經大概係半年前 鋪頭嘅經典Set $298包沙律餐包牛扒同埋任食薯條 仲有杯餐飲 價錢可以接受 今次黎食 牛肉質素更好 更有牛味 而且比之前厚身咗 所以口感更加好 牛扒雖然厚身 但肉質依然鮮嫰唔un無渣有肉汁好難得 薯條雖然係無限refill 但每次都係新鮮炸起好香口好味 我仲叫左杯East Side 係一杯青瓜味打底嘅cocktail 味道好清新 好易入口 咁就好開心Enjoy左一個下午

灣仔中價優質扒房 推介👍🏻銅鑼灣&灣仔一帶都出名多高質樓上鋪，呢間扒房就一直都有唔少好評，晚市冇得堂食，所以決定嚟呢度食豐富啲既lunch！🤩🤩樓上鋪環境的確比較舒服，坐得舒適；裝修幾典雅而現代，大牆中間有部超闊電視，入面長期播住個歐式壁爐，「火光」熊熊，幾得意又有氣氛😹😹😹呢度出名鋸扒，當然要叫佢最出名既signature steak & fries扒餐！ 自家製牛油餐包 - Homemade 麵包外脆內軟，濃厚麵粉香，配上特別既肉桂香牛油🤤庭園羅馬沙律 - 蔬菜新鮮爽口，炸麵包粒超好食，香口惹味，仲有流心蛋，口感豐富味道亦好味！重磅級主角 - 8安士Premium USA 肉眼扒！介紹話係美國直送，不經雪藏，保持肉汁鮮嫩既USA Prime 1855安格斯牛扒。雖然唔識佢既level 詳細代表幾高級，但入口真係冇呃人🙊🙊 牛扒叫咗medium-well，入口先有牛肉烤熟既肉香，之後慢慢滲出嫩肉既鮮味！口感亦一流，輕烤外層，一啲唔韌！加上海鹽pepper 稍稍調味非常好食！另外仲有任添既即炸幼薯條🤤🤤 炸得脆口乾身唔油膩，伴牛扒食唔錯👍🏻👍🏻除咗signature既扒餐，佢星期一至日

約咗一位在灣仔返工嘅朋友食飯，佢介紹了這間餐廳，雖然佢嘅 set lunch 好抵食，但係難得來到，無理由唔食扒，所以最叫了一個 $298嘅扒餐，有包、沙律、一塊8oz嘅肉眼扒，仲要薯條任食。先來麵包同沙律，表面看，人個麵包無咩特別，一拎上手就見到廚師嘅心思，原來個包一早就切開咗一半，然後烘到金黃色，食落外脆內軟，沙律菜亦好清甜。塊肉眼有手掌咁塊，上面仲有一大棵迷迭香，唔想食咁生，叫了medium well，肉質都好嫩，把刀好有趣，好似把菜刀咁 ，仲好鋒利，塊扒好易就切開，呢個扒有三款汁可以選擇，分別係黑椒、洋蔥同紅椒，我選擇咗洋蔥汁，甜甜哋，同塊扒都好夾，不過塊扒好新鮮，加少少胡椒同鹽己經好好味，食吓扒，又食條薯條，其實都幾飽，真抵食。

疫情之下心情唔多靚，能夠去到一間有靚裝修，而且又有輕鬆嘅音樂伴食，倒也不錯。上星期去咗灣仔軒尼詩道樓上嘅一間扒房食午餐，餐廳兩邊都係酒櫃，其中一邊更有一個假火爐，另一邊則是水吧，中間就係一排窗有陽光射入，寒冬下倍感溫暖，天花鋪上鏡面令空間感大增，枱櫈是木製，裝修異常優雅。一邊進食一邊聽着輕快嘅英文歌，又有好禮貌嘅外國人侍應招呼，成個環境典雅得來又有啲浪漫嘅感覺。我鐘意😍Peach fizz 自家製蜜桃糖醬混合檸檬梳打，再加上新鮮檸檬汁和士多啤梨蓉，就造成了一杯既清新又冰凍嘅mocktail。Shamby 這是一杯有少量酒精嘅signature cocktail ，加上蜜桃泥、士多啤梨糖醬、蛋白和小紅莓，呷一口已感到陣陣果香和rum酒香，口感幼滑，顏色又靚，女士們一定鐘意。 Caesar Salad /Garden Salad沙律菜很新鮮，Caesar salad 中嘅麵包粒粒既鬆脆又有咸香味，而green salad 嘅香醋好很醒胃，真是各有千秋。Soup of the day當天是粟米湯，濃郁又creamy, 可以食到好多粟米蓉，更洒上蔥花，口感豐富而且非常好味。Pulled Por