Kushi Studio (尖沙咀)

星期六下午同朋友到尖沙咀ＳＨＯＰＰＩＮＧ，經過彌敦道活方商場，見到一間叫kushi studio。店員介紹後知道是食大阪日本串揚及關東煮，記得去年去大阪食過ＫＵＳＨＩ同關東煮仍然很懷念當時的味道，咁就同朋友決定係到食２０１１年第一個午餐。入到裡面餐廳不算很大，但幾有日本小店特色，我地就坐係ＯＰＥＮＣＯＵＮＴＥＲ裡面，店員好快遞上熱茶同ＭＥＮＵ，跟住還細心介紹呢到有咩好食，先知道佢地係香港第一間正宗串揚嘅專門店。咁我地就聽佢講叫咗海鮮串揚定食＄４８同埋吉列芝士豬扒定食＄６０。跟住師父就即刻係我地面前到炸Ｄ食物，等咗唔洗十分鐘就有得食。個海鮮串揚師父炸得金黃香脆，食落口又幾好味，食完後都忍唔住再ＯＲＤＥＲ兩串炸蝦。因為真係太好食。跟住到吉列芝士豬扒，一望落去嚇死人咩咁鬼大塊。一咬落去有好重芝士味，比起其他豬扒專門店實在有過之而無不及。另外個餐定食還包埋關東煮有雞蛋、豆腐、蘿蔔還配埋麵豉湯、最衰個餐唔包野飲，要加１０元先有。真係有點美中不足。下次一定會再來　約埋朋友試埋其他定食同串揚ＫＵＳＨＩ

星期六下午同朋友到尖沙咀ＳＨＯＰＰＩＮＧ，經過彌敦道活方商場，見到一間叫kushi studio。

店員介紹後知道是食大阪日本串揚及關東煮，記得去年去大阪食過ＫＵＳＨＩ同關東煮仍然很懷念當時的味道，咁就同朋友決定係到食２０１１年第一個午餐。
入到裡面餐廳不算很大，但幾有日本小店特色，我地就坐係ＯＰＥＮＣＯＵＮＴＥＲ裡面，店員好快遞上熱茶同ＭＥＮＵ，跟住還細心介紹呢到有咩好食，先知道佢地係香港第一間正宗串揚嘅專門店。咁我地就聽佢講叫咗海鮮串揚定食＄４８同埋吉列芝士豬扒定食＄６０。跟住師父就即刻係我地面前到炸Ｄ食物，等咗唔洗十分鐘就有得食。