Kim's Bowl (已結業)

家人喺旺角買左韓式飯卷同炒粉絲翻屋企當午餐，之前都食過幾次，其實貴價嘅飯卷同平價飯卷嘅用料、味道、賣相唔係相差太遠，所以建議買平價飯卷嚟醫肚算喇。今日買左肉鬆、火腿蛋、蟹柳青瓜飯卷，每一款都係二十幾元，好過食泡菜牛肉味要四十元食得少少牛肉碎末。飯卷味道一般般，個人喜歡肉鬆，較惹味多啲味道層次，第二喜歡則係蟹柳青瓜，因為清淡口味加上青瓜爽脆口感都唔錯。炒粉絲比較鹹同油膩，幾個人share先食得完，過下口癮都okay嘅。

附近返工，愈買愈串亞姐啲態度，有次冇肉鬆飯卷但廚房整緊，我話等，喝我話等咩買第個啦，即時望住佢，佢仲要啤番你，唔買走人！難食到嘔非常差勁👎🏻，今時今日咪又係賺大陸人錢，即使爭鮮再難食，起碼服務都好你地多多聲，唔駛俾錢你仲要受氣，我唔係要買五星級服務，但至少你俾番基本禮貌啦。。。。。。。。。。。。。。。。。。。。。。。。。所以唔駛至意再幫襯！最重要價錢又唔係平，韓國野淨錦撈埋一齊加啲泡菜就話係 唉！！！！！！！！

經過火車站好肚餓見呢間野幾方便就叫左個年膏韓國醬撈麵，成三十幾蚊，等左五分鐘，一睇，喂大佬得果兩舊年膏，個公仔麵又唔大份，一啲都唔值三十幾！食到我好嬲唯一好處個地點方便以後唔會再幫襯！

在旺角逛了一會兒後，便決定回家吃晚飯。經過火車站的時候剛好看到這間店，突然感覺肚餓，便決定嘗試它的年糕小吃。這個是carbonara味的年糕，味道比較像罐頭忌廉湯😂 年糕口感不算太煙銀，不過都是滑滑的。

其實去親旺角搭火車站必經呢間韓國食品店~ 講真趕時間未食野時真係覺得幾正~~特別係買D 韓式紫菜飯卷, 買左一路行一路食又得, 又夠飽~今次買左一條泡菜紫菜飯卷,  飯卷都包得好好, 唔會拎一舊就散哂~ 紫菜外面灑左D芝麻, 好香口~飯有些微濕, 可能係泡菜滲左少少過去, 但大致上都唔大影響~ 其餘配菜都切得幼細, 脆口~整體上都好食~ 

見有啲餓，喺入閘之前試吓呢間韓國小食店。因為唔想食得太飽，我見到佢有呢個韓國熱狗棒，諗起之前係外國食過嘅Corndog，就買嚟試一試。點知一食落口，心裏面不禁驚嘆左一下點解可以難食到咁！？本來對佢都冇乜期望，但係真係估唔到可以難食到呢個程度。仲要成$20，好傷心。食咗幾啖就食唔落，隨即掉咗入後面個垃圾桶。包住個腸仔嗰層係發水麵包咁嘅口感，入面條腸仔睇個顏色都覺得好古怪，淺粉紅色，食落口感更加唔使講，好似就快爛咁。淋喺面嘅蕃茄醬酸到爆，加咗幾粒糖係面以為可以令到佢冇咁酸，但其實零作用結論係，我唔會再試呢間。雖然其他食物可能唔差，但好擔心再中伏

like the rice roll a lot. the beef and kimchi are nice. when feeling hungry, can order rice or noodles. ranged of choices for selecting the favourite. a small shop also providing hot soup noodles. not very chilly but full of Korean taste. only with a very tiny corner for standing eating. if you found the shop is crowded, shall avoid food with hot soup if you prefer to dine in. that's a bit hard to eat.

9:30路過旺角東站發現 原來kim‘s bowl已經開左 而且早餐都有平d既韓式拌飯，飯糰或者湯烏冬26蚊 原來係細份既傳統拌飯 熱飯 冷菜 飯上面的雞蛋是冰的 見到佢落麻油好似唔洗錢咁 卡路里⋯ 大佬 另外比左我一個韓式辣醬用來拌飯 唔算精緻 係因為見到佢平果lunch既拌飯所以試下 都算ok 不過韓式辣醬唔算正宗 雖然有麻油香 但見到佢落左咁多麻油 吃得都心虛（肥⋯）⋯⋯⋯⋯⋯⋯⋯⋯⋯⋯⋯🤔 早餐食尼個 營養應該算係豐富掛 😹😹

經過旺角東站，見到有炸雞賣，所以口痕就買咗份細嘅甜辣雞粒食。或者我買嘅時候已經較夜，又或者本身就唔應該對開喺東鐵站嘅炸雞有任何期望😓一份細嘅有約八粒炸雞，每粒約係一口size。啲炸雞係凍嘅，唔知係整好咗幾耐🤖🤖雖然都唔會expect係即炸，但至少都要保溫吓呀嘛⋯⋯而且，一啲都唔脆，俾啲汁整到淋哂，唔知係俾啲汁浸住咗幾耐🤖🤖感覺就係食緊俾啲淋搞到淋哂，而又凍嘅⋯⋯咕嚕肉👹👹下次我唔可以再口痕然後中伏啦！

今日，同男朋友喺旺角搭車去紅磡去廣州旅行，紅磡而家買嘢食好難。咁岩喺旺角火車站見到一間韓國快餐店，本身諗住外賣個牛肉飯，但係見到粉絲。我超鍾意食韓式粉絲，所以最後揀咗炸雞加韓式粉絲加辣醬速度快，包裝好，味道唔差，價錢正常。下次都會再買外賣如果有需要嘅話

由於今日做嘢嘅行程好緊密，無時間可以坐低食飯，所以喺下午嗰陣我們就去咗旺角東站嘅「Kim's Bowl」食個極速早、午餐！我們買咗鷄肉泡菜杯飯嘅鷄肉肉質比較「嚡」，唔係好嫩滑，泡菜醃得好入味，但由於沙律醬嘅份量超多，所以感覺非常膩！香辣年糕拉麵嘅年糕好煙韌彈牙，拉麵亦好爽口彈牙，唔會好腍身，而醬汁就係傳統嘅韓式辣醬，所以無乜特別！牛肉紫菜飯卷差唔多係我們每次都會買嚟食嘅，因牛肉醃得非常香甜惹味，牛肉味相當濃郁，米飯亦好煙韌軟熟，而且有淡淡嘅麻油香味！

今日搭火車去旺角整啲文件，因為太趕時間所以冇食到野就出左門口，坐到去旺角東站見到有間賣韓國食品嘅鋪頭，就記得之前朋友介紹過呢間鋪頭幾抵食同幾大碗。之後我就入去睇吓有啲乜平嘢食，見到佢餐牌都有好多唔同嘅選擇，所以我就選擇朋友曾經介紹我食嘅牛肉泡菜杯飯。等候時間不是太耐就已經可以取餐。鋪頭裏面有張枱可以企係度堂食或者外賣。取餐嗰時覺得好似好細碗咁，但食落去原來都真係幾大碗下，一碗正常男士既食飯份量。如果係女仔食，真係未必食得晒。牛肉泡菜杯飯 : 材料有牛肉，韓式午餐肉，少量韓國泡菜，沙律醬，紫菜同粟米粒。

BBQ 濟州韓牛$88最近Kims Bowls又有新餐牌，竟然是Kims Spoon的快餐品牌，一向喜歡快餐快平正的我，經過旺角站，就嚐嚐一份吧。新的包包有點像台式的刈包，以饅頭夾著餡料，很有中式風格哦內餡可選 濟州韓牛，甜辣炸雞，秘製腩肉，竟然是韓國餐廳，當然試韓牛吧。牛肉切絲，份量算多，夾在煙靭面包，嚼嚼嚼不停哦配以我最愛的甜薯條，粗身肥大，炸得香軟，甜甜滋味，更可沾酸忌廉和蕃茄醬哦。旺角港鐵旺角東站MKK6號舖

今晚我們喺返屋企途中諗緊今晚晚餐想食咩之際，經過旺角東站見到呢間之前曾經買過嚟食覺得都幾好嘅「Kim's Bowl」韓式食店買外賣自取返屋企食！我們買咗幾款唔同嘅飯卷嚟食，香腸芝士飯卷嘅感覺比較普通，無乜驚喜！芝士煙三文魚飯卷嘅煙三文魚好嫩滑，煙燻味好香濃，而且今次無上次咁油膩！牛肉紫菜飯卷嘅牛肉味都幾濃郁！泡菜飯卷配年糕嘅年糕好煙韌彈牙，而泡菜飯卷係咁多種飯卷之中最好味㗎，因有爽脆嘅泡菜同埋米飯沾滿晒香辣嘅泡菜汁，所以味道相當惹味同醒胃！醬燒鷄肉泡菜炒飯嘅鷄肉肉質都幾軟滑，炒飯係加埋泡菜汁一齊炒，而且炒得都幾乾身！醬燒牛肉白飯嘅牛肉肉質好鬆軟，配埋香濃嘅醬汁一齊食，真係好惹味，而且米飯亦好軟熟！雜菜牛肉粉絲嘅粉絲都幾煙韌彈牙，但醬汁嘅味道就比較甜咗啲！

20170307(星期二)--晩上約九時三十分，坐港鐵前吃點東西，是次不吃snack express 的生菜魚肉，看看旁邊的店，賣韓式食物，沒在堂食坐位，形式算是韓國快餐外賣店。我點了:魚餅粉絲杯($28)--在收銀機前用八達通付費，一會兒店員就送上粉絲杯了，也是一碗粉絲吧，粉絲名字用"杯"字結尾變得特色，對食物好感度增加了，原來食物起名也相當重要。店內有個小小的角落，大約可供2-3位食客立食。魚餅大件厚身，爽口彈牙，有魚肉鮮味，味道不錯，好吃。吃一口韓式粉絲後，心想粉絲味道為甚麼這樣甜? 糖放得太多，材料就是相片中那一點點，底部沒有其他了，粉絲也發得粗身，底部的粉絲又變得偏咸，味道又咸又甜。印象中我在家裏製作過韓式粉絲，比它好吃得多。埋單:$28--粉絲份量作為宵夜足夠了，視作正餐胃納大的人可能會不夠飽。韓國食物不算地道，始終帶點香港製作味道。魚餅比粉絲好吃，一試無妨。