Kim's Bowl (已結業)

早上時剛巧經過這店，食物的價錢也十分大眾化和方便。這點位於旺角東地鐵站內，位址也十分方便。十一時前有更早餐供應，早餐包括粉絲杯、韓式傳統拌飯。最後選擇了Monthly Special的肉鬆飯卷，內裡有紅蘿蔔、雞蛋、青瓜、肉鬆。飯卷還用了錫紙包裹著，以作保溫。卷面還灑了一些白芝麻，賣相很精緻。整個卷很香麻油味，吃完整卷也十分飽肚，蘿蔔和青瓜也十分爽脆。

今日黃昏我們去咗旺角東站預備搭東鐵轉西鐵入元朗食晚飯其間，覺得有啲肚餓，所以去咗呢間「Kim's Bowl」買韓式小食嚟食！我們買咗芝士煙三文魚飯卷同牛肉紫菜飯卷，外層用紙包裝著，打開之後仲有一層錫紙包裝著，感覺好乾淨衛生，之後就係微微暖嘅飯卷，一打開見到餡料嘅油滲透晒出嚟飯卷嘅表面，感覺比較油膩，食落芝士煙三文魚嗰個就有淡淡嘅煙燻味，煙三文魚嘅肉質都幾嫩滑！而牛肉呢個就比較惹味，牛肉醃得好香甜入味，米飯亦都幾軟熟，真係好好味呀！

路過旺角東站，諗住買甜辣雞粒配年糕，26蚊，等左好耐先整好份量唔多，兩條年糕，年糕太腍無彈性雞粒雖然一粒好大舊，但係麵粉太厚，雞肉得細細粒，好似食緊麵粉⋯太失望了，26蚊換來質素咁差既韓國野⋯⋯企係果邊食果陣時，見到隔離女仔食既粉絲睇落去ok wor，好大一杯！但係唔知味道點，我既雞粒配年糕睇落去都ok，食落去就⋯⋯⋯無語了果然，睇野唔可以睇表面⋯⋯

韓式食品外賣店，款式好多，除左飯卷係預先包好，其他都係一直熱住，即叫即pack 。由於趕時間嘅關係，我揀咗泡菜牛肉飯卷。外層包裝紙幾靚，入面仲有兩層包裝，一層係食物包裝紙，一層係錫紙，可以保持溫度。唔知係咪之前一直焗住，d香味trap住晒喺入面，一打開個飯卷，好香牛肉味！面頭有d白芝麻，材料除左牛肉泡菜，仲有蛋同青瓜，睇落去d料同飯嘅比例都合理，唔會話得少少餡。頭尾兩端泡菜味好重，唔係好多牛肉，中間果幾件牛肉味足d，好好食。$43蚊，有大約8件，聽落好似好少，但其實都等於食個lunch 咁飽。

雖然喺旺角番工，但都唔知火車站有間韓式小食店，類似快餐形式經營，但食物選擇都唔少，除左基本嘅魚糕、年糕、飯卷，都可以自由配搭，自選配料再揀主食，但係自選嘅定價較貴（一個飯盒都買到架喇）未知份量如何。早兩日就以飯卷當宵夜食，一人啪一條~Couple Kimbap $44以情侶做主題嘅泡菜卷，一條分享兩種口味，類似分享杯嘅概念。拖手仔包裝紙嗰條：泡菜(男)+牛肉(女)紅白色包裝紙嗰條：泡菜(紅)+魚糕(白)相同嘅兩條都有泡菜味，泡菜好微好微辣、唔過酸，加埋蘿蔔、青瓜、蛋等配菜 個人覺得最好食，始終飯卷有泡菜比較開胃！牛肉味就不過不失，魚糕嗰條帶甜。比較欣賞係飯卷落左好多麻油，而飯唔算過實。飯卷切得有啲大舊…如果可以切到一口食到就好了~

Kim's bowl又有新驚喜比大家，今次推出嘅2款新飯卷😍分別係圖中已打開嘅泡菜+魚蛋🎎而背後一男一女穿韓服係牛+泡菜，兩者都係一半辣一半唔辣，今次味道都唔錯😋我覺得幾好味添👉尤其是牛肉

聽聞最近kims bowl推岀新的韓國飯卷。韓國菜之中，作為澱粉控的我，很喜歡飯卷青山公路荃灣段264-298號南豐中心2樓32C號舖牛頭角道77號淘大商場三期2樓S172-173號舖英皇道560號健威坊LG樓層L9B-D號舖港鐵旺角東站MKK6號舖惠荃道22-66號綠楊坊1樓F4號舖 今天經過旺角，一於嚐嚐。有一男一女公仔圖案的，是牛和泡菜飯卷。飯卷先用紙和錫紙包著，感覺清潔衛生。一整條飯卷份量不少，一人進食剛剛好飯卷內有泡菜，牛肉，蘿蔔，酸瓜，蛋，囗感豐富只是飯有點少硬，但切邊整齊也不錯。紅白飯卷為泡菜加魚蛋，魚蛋是魚糕串的魚蛋，較為甜香，也屬不錯。

早前經過旺角東港鐵站，發現到有間賣韓式小食的外賣店～又有少少肚餓，於是就走入去睇下有咩好食～凍櫃內有不少各式各樣的韓式飲品～當中最吸晴就係見到呢個有個小仙鶴杯同冬甩杯上面放著一杯兩款小食～為左隻小仙鶴，我決定叫呢個啦！仲加配左個燈膽飲品～店內有少量企位可以企係度食，或者可以打包買走的！Blue檸檬（HK$18）藍色的檸檬不錯，酸酸的帶少少甜，好開胃，瓶身夠哂搶眼！小仙鶴杯配粉絲及魚蛋串（HK$48）一向都好喜歡韓式的粉絲，粗身有口感～杯子分兩邊放著食物，粉絲味道不錯，中間有蘿蔔絲，即食也是熱騰騰的，咸度適中，不錯！而另外的魚蛋串有兩串，雖然沒有任何醬汁，味道幾入味，咬落彈牙！

今日坐火車經過旺角東,想試依間野好耐架喇☺️咁就買個黎早餐啦！揀左醬燒牛肉粉絲配蜜糖芥末醬，盛惠$43蚊～點知一收到碗野。。大獲喇，勁大碗，我諗自己應該買錯野，哈哈，個份量係應該當做一個午餐同晚餐。估唔到呢個醬配牛肉粉絲幾好食，不過食耐左就會開始有啲漏。。可能因為大碗食到好飽既關係啦～下次會再黎試下其他野！嘻嘻

最近出開旺角火車站🚊，比我發現開左間🇰🇷韓式小食這個比較特別嘅就用左金Bowl裝了四款小食 (韓國TWINS魚餅、泡菜、紫菜卷、韓式粉絲)魚餅口感不算爽彈，較為軟實，但都食得出魚味紫菜卷內有牛肉、泡菜略嫌不夠酸、底層粉絲調味適，我比較喜歡，但有點碎~其實$68可夠2個細食人士分享，加上味道唔太差，尚算抵食快餐#‎每日限量供應20份‬

太耐冇去旺角東站 今日同fd行過新世紀就睇到開左間新ge韓式快餐店（？）所以就試下 點知佢冇堂食所以要企係度食 搞到有狼狽左d我地叫左個炸鷄年糕share 28蚊左右la 價錢與份量有d不符 因為真係好細杯 佢係用個細紙杯裝 裝得唔算滿 好彩佢都幾好食 個醬唔會太辣 d雞都算嫩 年糕好好嚼 俾3.5分佢另外買左兩支野飲 細細支都要廿蚊支 藍色係檸檬柚子蜜 粉紅色係普通柚子蜜 兩隻都幾好飲 不過除左顏色就冇咩特別 如果用黎呃like都係個唔錯ge選擇

對於一個訓覺都最後一刻既人黎講,最開心係有一個又快又好味既早餐,經過見到旺角火車站有間新開既韓式舖,於是買黎試下。韓式壽司($15)早餐既份量很足夠,有酸蘿蔔,青瓜,蟹柳,甘筍,上面灑上芝麻及少許麻油香,這價錢算是不錯。下次想試埋另一款芝士午餐肉壽司。

新店在旺角東站，當然要一試，在剛開店的兩天去，好多人排隊=.=...有餐單，不過感覺價格比較貴。我覺得不似小食店...... 店員包裝時都好細心，而且很可觀，未知道外賣包裝會不會可以重用？如果可以就最好哦！(我是一個環保主意者 ^^ ) 韓國熱狗棒：表面用麵包包著腸仔，表面的麵包比我想像的軟，我以為會脆多少少，裡面的腸仔還是一般水準！可以一試，但我不會再試下一次。 香辣年糕配魚蛋 ：韓國年糕是必吃的吧！我喜歡韓式辣味，所以想試吃一下。份量不算多，魚蛋只有兩粒，這樣要25元好似...有點貴。年糕入口感覺好好，易咬，是好吃的，當然年糕吃太多也不太好。反而...魚蛋不太好味，我認為外皮不夠脆，太軟身，不算可口。我只會認為，如果想試吃新嘢可以一嘗，但我不會再有下一次LU......

係旺角東火車站一出 就可以見到依間韓式小食店 買野食既人唔太多 但係就有好多店員係到以後可以好方便買到韓國小食 好開心 有廿多款既小食可以間 因為第一次買唔知份量 會係幾多所以打算買兩樣試下做下午茶除左小食外 都有賣一d野飲同韓國泡菜本來想買魚串試下 不過有湯 難力走 最後買左個甜辣雞粒配年糕同牛肉粉絲杯外賣番去食雞粒個盒細細盒 好得意好可愛一盒入面有五舊雞粒 三粒年糕不過唔知係咪因為力到番屋企耐 雞粒林左每舊雞同年糕都有好多醬 味道唔太辣 甜甜地年糕唔會太硬 煮到剛剛好 不過得三舊好快食完牛肉粉絲都幾入味 不過我覺粉絲咸左少少 牛肉太乾 一杯牛肉粉絲份量睇落去唔係好多 但係可能粉絲難消化 再加上食完雞粒年糕再食 食到一半有少少飽 所以如果想買來做午餐 買兩種小食剛剛好