Kaffeine

營業中

休息中

上環呢一區有好多特色小店。今次試下呢間環境好開揚既cafe,3點幾，點個brunch 試下。Kaffeine big breakfast 大早餐🍳 賣相唔錯既，比起一般既多左個yogurt , 幾fresh 同健康。可惜其他配菜，煙肉，蘑菇，蛋都只係一般，唔算好特別。飲品係單叫既，叫左呢杯凍既Baileys Mocha Shake ☕️唔算好大杯，易入口但又唔算好好飲。牛果芝士車厘茄多士 🥑🥬🥖🍒🧀有牛油果唔會差，配埋半熟蛋同下面有feta cheese, 不過覺得味重左小小。多士唔算好食，係牛油果🥑+🥚好味。Flat white，正常☕️不過杯野凍得好快。比個甜品櫃吸引左，叫左呢個Hokkaido Soufflé cheese cake 🍰😕$68！賣相幾靚既有埋berries 同整到個樣好似sorbet 甘既cream。不個重點係cheese cake 好一般，味道同口感都係偏中下。埋單$350🧐

天下著雨，剛巧經過呢間裝修好文青的cafe就進來order了一杯冰茶，看著外面的雨水和裡面優閒的氣氛，心情仿佛找到了一個中途休息站。點了一杯荔枝玫瑰冰烏龍茶，甜微加上淡淡花和果香，完全是我的preference🥰

以木色為主色令餐廳環境舒服令人relax,地方面積不大，容納人數唔多. 侍應態度好好，好殷勤.午餐時間人數較多， 過了13:30去會比較好我叫了一個全日早餐，餐湯好味！午餐份量較少，味道正常但感覺整份都D唔抵因爲好似冇咩技術可言.不過我飲過一杯他們的朱古力，可以轉杏仁奶.之後我問可唔可以加薄荷.問了廚房之後話可以.黎到既時候放了兩片薄新鮮既荷葉，第一次飲咁好飲既薄荷朱古力.不過第二次番去之後已經唔再製.好忙念.整體都好好， 下次都會再黎

今早行完山，中午經過上環這間coffee shop，由於裝修看起來都頗舒適，所以便入去試下。椰汁南瓜湯的南瓜味較淡，椰汁蓋過了南瓜味，好似飲咖喱汁似的，有點怪怪的。沙律味道清新，加上蝴蝶粉，富層次感。黑松露炒蛋巴馬火腿牛角包的黑松露味香濃，但炒蛋不夠滑，牛角包太淋，不夠香脆，份量比較少。63度溫泉蛋草菇意大利飯的菇味濃郁，忌廉汁很creamy，配以半熟溫泉蛋，十分好吃。最好味的是Latte，為今早的行山劃上了完美的句號。順帶一提，服務很好，半開放式的設計，讓街外的陽光透進coffee shop，寧靜悠閒，令人暫時忘卻煩囂。

今日決定去上環歎個悠長早餐，要搵個坐得舒適嘅地方，之後可以睇埋份文件，又要早餐食物健康，杯咖啡尤為重要。之前成日經過呢間Kaffeine, 都見到好多人，今日決定一試。好鍾意呢度嘅原木設計，有少少北歐+日本feel，光線柔和舒服👍🏻。餐牌選擇都幾多，我決定試吓素食嘅森林早餐🥣。個早餐有好多款生果，特別係無花果同埋雜莓普通餐廳好少有，果然夠健康，沙律都好新鮮！蘑菇同炒蛋都好有水準，美中不足係個麵包唔熱。之後到杯咖啡，歎左個flat white skimmed milk。好鍾意呢個咖啡豆嘅味道，中度焢焙同帶橡果味，層次感唔錯，個拉花仲好靚添！服務員值得一讚，helpful得嚟又唔趕客，恰到好處👍🏻絕對值得再嚟幫襯！

雜菌菇溫泉蛋黑松露燴飯 $108菌菇同黑松露既愛好者一定會好鐘意呢個飯🤤雜菌菇份量足 黑松露味勁香濃！本身個飯已經好creamy 撈埋溫泉蛋食落更加香滑 lunch set跟配沙律或湯 咁岩當日係小編最鐘意既雜菌忌廉湯💜今次無飲到咖啡 遲啲一定有機會再黎飲☺️..............................另外提一提 店鋪座位唔多 lunchtime時段都坐得好爆 最好book定位先黎 免得要等好耐😛

上環蘇杭街一帶有好多自家既餐廳一到lunchtime都大排長龍我地今日就簡左呢間小文青Kaffeine Cafe 裝潢都係近期文青大愛既簡約花草系Lunch menu 都幾豐富，包主菜+沙律/餐湯餐飲可以簡Latte/Cappuccino/ Flat White 果d價錢平均$100-120 左右🆗Garden Salad正常 生菜新鮮爽口🆗栗米忌廉湯呢個栗米湯 我認為應該係homemade既🧐飲落去淡淡栗米蓉 而且甜甜地唔係罐頭/粉開水果種假甜 ✅野菌波菜．松子仁．牛油果扁意粉牛油果係女仔大愛💕見親都必點呢個意粉有驚喜 配料豐富 牛油果醬汁非常濃郁 就好似食緊蛋沙律（平時食牛油果都會覺得有蛋味🤭）松子仁好香脆，意粉煮得軟硬適中一齊擺落口 雙重口感👍🏻✅溫泉蛋．忌廉蟹肉野菌意大利飯意大利飯煮得火喉剛好 係我喜歡既小小硬身溫泉蛋既蛋黃慢慢流出拌埋忌廉飯🤓邪惡既感覺出哂黎🤤不過我食唔出有蟹肉（我都係而家睇返Menu先知有蟹肉🤭）✅Latte / Flat White 咖啡味濃郁 泡企身 唔酸做嘢做到好攰黎呢度食個快lunch都唔錯又chil 又可以嘆杯靚咖啡☕️ ——————————食物質素

知道呢邊好多特色cafe，九龍人難得過開黎買野，梗係要歎返個tea啦！經過幾間都好多人，呢間都一樣，係門口等左陣終於有位啦行左甘耐又曬又熱，先揀左２杯凍飲。Iced Matcha Lattle 唔係好濃既綠茶味，麻麻地好飲，同埋唔算大杯，口渴幾啖就飲哂。Iced Peach Mint Tea呢杯好好飲！酸酸地，但好香薄荷味，同埋好有心思，Ｄ冰用桃汁整既，溶左唔會淡味！Earl Grey Cake蛋糕好鬆軟，好香伯爵茶味，但係偏甜。可能撞正紅日比較多人，坐得有少少逼，但店內裝修簡單舒服，有機會下次想坐門口位置！

本來非常期待，但lemon cream sauce linguine 係超級酸，蓋過左白汁既味道...........................我見旁邊既人都無咩點食灑湯🥣好細碗....................唯一好係唔洗加一我自己覺得好多取代品，下次應該唔會再黎..............................

上環既cafe多到數唔哂 要係眾多入面跑出都唔容易🙊店內位置唔多 繁忙時段去會有少少逼同等耐少少～平日既Set lunch 連湯🍲或沙律🥗 唔包野飲 要加$15先有咖啡/茶☕️嗌左湯同Flat White 湯係磨菇湯🥄1️⃣ Kaffeine Big Breakfast 大早餐 $108有腸仔 炒蛋 炒雜菌 煙肉 迷你乳酪配自家果醬 自家製麵包 沙律蛋同雜菌都炒得好香 沙律夠新鮮乳酪本身唔甜配埋自家果醬夠健康😍如果有埋牛油果就好啦🥑😆2️⃣ 茄乾忌廉汁馬斯卡彭芝士蘑菇意大利飯 $98個汁好creamy 唔會漏 意大利飯既質感唔會過硬👍🏻

是日來到上環工作, 趕及中午繁忙時間之前完成工作, 就決定搵間café hea 下. 上環café 其實好多, 但今日就被Kaffeine 嘅門口吸引, 旨因好鍾意佢個可以完全開放嘅門窗, 呢個設計令我諗起以前喺外國讀書嘅生活, 悠閒、舒服、隨意. 當然, 始終係香港, 人口密集, 生活節奏又急促, 已經好難完完全全放鬆. 偶爾有空間忙裡偷閒已經好滿足了. 餐廳唔算大, 不過非繁忙時間尚算舒適. 咖啡價錢平均係$40一杯, 算是合理價錢.我叫咗個set lunch, 有前菜沙律, 主菜係香草醬蘆筍帶子意粉仲加一杯latte.沙律係house salad, 見到職員會預先拌勻醬汁同蔬菜, 唔駛自己撈, 搞到周圍都係. 不過個人喜歡醬汁再多一D~香草醬蘆筍帶子意粉, 主要材料有切段幼蘆筍, 幾粒蘑菇, 兩粒帶子. 帶子面頭煎到金黃色, 賣相唔錯.食落去扁意粉口感尚算彈牙, 可惜香草醬略嫌淡口咗少少, 自行加番幾粒鹽同黑椒就perfect. 最後就係杯latte, espresso 底味道唔算太strong 太濃, 易入口.整體都算滿意, 不過中午繁忙時間就太迫lu. 好彩我嚟得早.

上環實在有不少出色的Coffee shop... 常去而又熟悉的沒有十間都有八間⋯聞說 Kaffeine 的食物甜點跟咖啡同樣出色所以決定一試。若想一試Lunch Menu可以早一點，十二點後似乎已經座無虛席。我點的是daily salad, 可以從多款沙律選三款喜歡的，我選了grilled vegetables, beet root salad, couscous salad。大致上各款的味道和款式選擇等，我個人亦頗滿意。當日因為喉嚨不適，如果可以預先知道某些款式帶微辣會更加好啊！友人點了burger 評價是一般因為不喜歡gruyere cheese 我可是很喜歡的。咖啡方面點了black coffee, flatwhite, piccalo...已忘記味道，應該不過不失吧，下次再試再聊對它的感想。既然說有出色的甜點，第二round coffee便點了hokkaido cheesecake. 是有一試可以再試的感覺，欣賞它配上新鮮打的whipped cream (應該是吧？）Cheesecake本身亦非常creamy 甜度、軟熟度亦適中。

放假有時間我都好鍾意去上環尋覓下 因為上環有好多cafe 小店細細間而且每間都有唔同特色又唔多人 可以坐足一個下晝relax下今次就去左木系嘅Kaffeine一入去就覺得好日系好舒服下午茶時間兩個人就叫左3款野食同埋兩杯Flat white.牛油果發達芝士車厘茄多士黑松露炒蛋·巴馬火腿牛角包森林早餐牛油果多士同炒蛋牛角包好多café 都有反而我又想講下森林早餐有別於一般All Day Breakfast 係一個超級健康嘅早餐有大量生果同蔬菜生果都有好多種架有香蕉 火龍果 橙 士多啤梨 藍莓同車厘茄 然後仲有沙律 薯仔同蘑菇 最健康係平時嘅炒蛋變左做烚蛋仲有yogurt架食完我覺得好健康.而咖啡我就冇覺得有咩特別啦不過環境係幾舒服同朋友傾下計都幾開心架

打算在上環找個地方吃個light lunch，沿路就被這間門口有個超大落地大窗戶的cafe吸引住，坐到窗邊的座位，雖然舖面細小令座位空間狹窄，但陽光從門口落地大窗戶射進來令餐廳環境光猛，絕對挽回不少分數。我點了一道avocado, feta cheese and cherry tomatoes on sourdough拼沙律，牛油果蓉口感軟滑且牛油果味突出，配上芝士味道更是一流，加上上面半生熟蛋的點綴，蛋汁混入牛油果蓉更是為口感增加多種層次，配撘完美。沙律的製作亦看得出餐廳的心思，除了一般的沙律菜還加配了南瓜蓉，整頓lunch同時滿足了我對味道及健康的要求!另外點了一杯iced americano加少許奶，咖啡味道香濃，愛咖啡之人必然之選!

Weekend最中意約埋姐妹嘆住食野，慢活真係會上癮，今次就試上環呢間cafe,環境唔錯～叫左個all day breakfast 慢慢嘆，個蛋好足好重牛奶牛油味，真係明知肥都要食！沙律我就不嬲唔多中意食，所以評價唔到d咩～友人話唔錯，我都只能信佢🤔但我覺得薯仔唔係咁好食。湯好濃味，叫得太多野最後飲唔曬，覺得好浪費🙈黎到戲肉喇，佢地個荔枝玫瑰烏龍茶真心正，兩種味好夾，又唔搶對方個味，而且我好中意有玫瑰既飲品，愛不釋手～