JUST'er Bar & Restaurant

營業中

休息中

尖沙咀山林道嘅JUST'er 小店💛我每次經過都見到座無虛席😉今次約埋朋友食個靚lunch順便預祝埋中秋🥮門西淋牛豬仁雞 vs蝦兵蟹將呢個名超級過癮😆入面有焗多汁豬仔骨、一隻多汁龍蝦、慢煮蒜香春雞半隻、啤酒薯條🍟豬仔骨真係幾好出色，BBQ醬汁調得啱啱好，唔會過分酸同咸！龍蝦同個名一樣仲係好濕潤夠鮮甜，唔會焗到過晒龍，好驚食到龍蝦成舊膠咁，呢度就唔會啦！春雞表面鋪滿蒜香，因為係慢煮嘅關係，雞肉仲係好嫩滑架🐥啤酒薯條炸到好香脆，份量都俾得幾多！呢個份量兩個女仔來講真係啱啱好啊，唔使$500就有海鮮又有肉食！真心唔錯✨JUST'er Bar & Restaurant (尖沙咀)尖沙咀山林道13號地下A1-A2號舖

門西淋牛豬仁雞 VS 蝦兵蟹將 $445一上枱就驚嘆咗句 咁大份嘅💛呢個platter有海鮮又有肉啱曬選擇困難症嘅朋友龍蝦好大隻多膏鮮甜彈牙🤩連蟹鉗都啖啖肉炸軟殼蟹脆卜卜😆好juicy一啲都唔乾身最重要嘅係軟殼蟹都有膏😍豬仔骨都好大份足足有6條骨 搽滿咗燒烤汁 好惹味😛蒜香春雞啖啖肉 啲肉汁爆曬出嚟 超級juicy😝啤酒薯條香脆美味食唔停口2個人一齊食食完都要捧住個肚咁走😂Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟

今日同朋友去野餐敍舊 夜晚決定去尖沙咀食飯 朋友推薦我哋呢一間餐廳🤩日本風南瓜白汁雞肉扁意粉南瓜汁入邊有好多南瓜蓉 食得出係新鮮南瓜打磨 雞肉都幾鮮嫩😆芝士大啡菇黑醋沙律我哋有一個朋友係食齋嘅 所以叫咗個沙律俾佢 大啡菇好大朵🤤門西淋牛豬仁雞VS蝦兵蟹將 *九折配意粉配美國安格斯西冷9oz +$40呢個套餐有炸軟殼蟹 原隻龍蝦 燒春雞 我哋加錢叫咗安格斯西蘭 揀咗五成熟 軟殼蟹炸得好香脆 龍蝦好大隻 蝦肉結實 咬落好爽 仲要好多蝦膏😋

經過會見到佢地既霓虹燈好搶眼✨而且餐廳格局幾特別 用左落地大玻璃～野食質素中上水準 另外佢地仲有好多海鮮菜有龍蝦食有機會再試下佢地既海鮮😋📍垃圾八爪魚🐙 HKD48雖然唔知點解佢叫垃圾 但係好好味XD炸粉好薄好香口 另外跟左個蛋黃醬但本身調味已經不錯 唔洗點都一啖接一啖🤤如果配埋啤酒一定好爽！！必點📍厚玉子燒 HKD58口感幾紮實 上面放左柴魚碎同日本燒汁～味道甜甜地 好飽肚🥢📍焗多汁豬仔骨配啤酒薯條HKD138豬仔骨好入味 食落有啲似中式叉燒味～肉質唔係好淋果隻仲有啲咬口既豬仔骨🍖兩個人食份量都幾多 仲會食到D脆邊位啤酒薯條🍟真係好脆 而且食落好乾爽唔油膩～📍黑松露牛肝菌卡邦尼扁意粉🍝 HKD112一上碟好香 醬汁creamy 扁意粉好掛汁✨鋪滿左豆苗仔係神來之筆 我好中意生食(´▽｀)減去左好多油膩感！！黑松露味都幾濃～🥤真士多啤梨🍓奶昔🥛 HKD51食到一粒粒既士多啤梨果籽同埋好濃奶味～🥤蜜糖柚子沙冰 HKD45唔會太甜 係韓國柚子蜜冰涼版～

今日去叫左2個set黎食 (1個pro, 1個唔pro), 望個樣都好吸引諗住冇有怕, 點知原來得個樣staff同我講個牛扒只有medium, 咁我地係冇問題, 但黎到係近乎10成熟!! 稍為冇牙力gei都咬唔到個龍蝦咸到爆炸, d蝦膏苦gei~個雞肉乾gei, 不過煮得係淋, 呢個可以讚1讚唯1叫做好食d就係個炸魚同炸軟殼蟹, 但點可能成個set只有呢2樣野好食本身諗住慶祝生日, 我地覺得佢差到連甜品都唔敢叫, 完全唔明個9百幾個like係咪造假, 總之呢間可1不可再

次次經過都見到呢間餐廳全場滿座 今晚特地預訂左枱試下佢🙈入邊嘅裝飾充滿玩味, 每道菜式嘅名都好得意好有創意🙈屬性真龍系奇異花($300)雖然呢個名唔知點黎, 但個龍蝦確實值得一讚! 龍蝦外殼微微烤焗過,龍蝦肉味好濃又唔乾~用叉就好輕鬆可以拮到啲肉出來,旁邊仲有啲蝦膏🤤隔離嘅蝦🦐都好大隻 絕不馬虎！特式一口手卷(可選帶子/軟殼蟹)$88見到飯團雖然唔多,但軟殼蟹大大舊唔孤寒, 而且無炸粉係啖啖蟹肉🙈整體來講算係幾好食😋下次要試埋個即切和牛先😍

假日同朋友係尖沙咀無聊🥱閒逛，係山林道搵見到呢間Just’er ，望落去環境唔錯，有點懷舊意識，就入去開餐囉😊。見到呢個～西門淋牛豬仁雞VS蝦兵蟹將拼盤，個圖樣已經好吸引，份量足夠2個人食，咁就唔唸咁多，一於點呢個食啦🥳。拼盤肉類有3選1，我哋選左豬仔骨，新鮮焗原隻龍蝦 🦞、炸軟殼蟹 🦀️、慢煮蒜香春雞（半隻）同啤酒薯條。上枱見到就覺得好吸晴😍，焗豬仔骨共有2舊，但難於切開，於是我就唔客氣用手撕開😂，肉質係柔軟嘅☺️，d軟骨都好味😋。新鮮焗原隻龍蝦 🦞，堅係新鮮，龍蝦肉好鮮甜彈牙，食落重有咸水味，而且好多膏，啲膏冇腥味好鮮甜，推介😘。炸軟殼蟹🦀炸到金黃色都好肥美☺️。慢煮蒜香春雞,睇落去感覺麻麻地，但撕開佢就勁多肉汁流出，髀位滑唔在講，連胸肉都不會太鞋，唔錯啊。啤酒炸薯條，待我哋食晒主菜先食佢，仲keep住香酥脆口，正啊😄！

如果想一次過食海陸空三樣野嘅話依到啱曬你!佢有個二人餐叫＂門西淋牛豬仁雞vs蝦兵蟹將＂($445)🤩佢有唔同肉可以選擇，我就叫左半隻雞，豬仔骨，龍蝦同軟殼蟹同薯條🤤佢嘅龍蝦勁鮮甜，只係要剝殼好麻煩，但好彩店入面有廁所，所以都食得好開心👍另外佢嘅雞嘅調味幾好，豬仔骨嘅BBQ汁都幾正軟殼蟹同薯條都炸得幾好食👍👍👍所以除左要剝龍蝦殼麻煩之外都幾好雖然係2人餐，但如果有一個細食少少嘅話都要打包，不過佢嘅外賣盒都好靚🤣🤣所以兩個人都好夠食無諗到普通係街上食嘅二人餐會有龍蝦，而且仲要係好食，真心推薦！

呢間餐廳經常座無虛席，今晚早食飯經過呢間餐廳見到有位，所以我哋就入咗去。🤭〈黑松露牛肝菌卡邦尼意粉〉🍄🥓🍝意粉一上枱，就見到好多黑松露喺面，醬汁嘅份量好多，每一條意粉都沾有好濃厚嘅卡邦尼醬。〈焗多汁豬仔骨配啤酒薯條〉🐷🍖🍟豬仔骨都好大嚿，肉質一啲都唔鞋，大概有五至六條骨，食到啖啖肉，再加埋BBQ醬汁冇得輸，都係必食之選。薯條食得出真係有啤酒嘅味道，炸得好香口。〈牛油果大蝦黑醋沙律〉🥑🦐🥗兩隻大蝦真係超大隻，加上稍為煎過，所以蝦嘅香味齒頰留香，牛油果好新鮮，冇黑色一點點，再加埋沙律菜，成件事好清新。〈海鹽櫻花奶昔〉🥡🌸🍼初頭以為只係一杯好普通嘅奶昔，點知都真係飲得出海鹽同埋櫻花嘅味道，鹹鹹甜甜好特別，仲有櫻花嘅幽香，啱晒我呢啲少女心。〈牛油果奶昔〉🥑🍼牛油果同鮮奶不嬲都係最佳嘅配搭，牛油果嘅份量落得好足，飲落都好滑又唔太甜，仲好飽肚添。

巴馬火腿油醋沙律有兩大塊薄切巴馬火腿，唔會太咸，撈埋沙律菜同少少黑醋同橄欖油幾好食～垃圾八爪魚冇人話你係垃圾，係你自己話自己係垃圾啊！呢個垃圾八爪魚一啲都唔垃圾，佢炸得好酥脆好香口，炸皮唔會好厚，加埋八爪魚好好咬嘅口感🫶🏻很好吃厚玉子燒好厚身而且唔會好甜～不過略厭蛋香唔係好夠黑松露牛肝菌卡邦尼意粉一上檯好香～口感煮得啱啱好唔會太硬太淋～忌廉汁都掛到麵條上面而且唔會太膩～唔錯！真•士多啤梨奶昔唔會太甜而且好香奶味！幾好飲！玉桂花蘋果紅茶我勁鍾意呢個！玉桂味勁香而且加埋蘋果甜甜地飲落去勁舒服！可以一試啊！

次次lunch 要唸真係好麻煩，發現佐敦有間地道餐廳🍴坐位舒適，落地大玻璃，打卡都正！見我拎住牛油果 avocado🥑 milk shake奶昔$47同真·士多啤梨奶昔$51 就知！士多啤梨🍓奶昔真係好有士多啤梨味！另外上面有我最鍾意嘅獨角獸🦄️ ！牛油果奶昔係我fav !另外叫左牛油果大蝦🍤黑醋沙津清清腸胃$88，大大隻蝦同大半個牛油果，另外，佢嘅黑松露牛肝醬卡邦尼意粉$77最好食😋卡邦尼醬好濃郁！

之前生日因為太愛呢到既霓虹燈設計🤩決定今次特登帶朋友再嚟到JUST’er試吓 打下卡去到門前同佢既霓虹燈裝飾一樣✨已經全院滿座!朋友一望下個餐牌 令佢最意想不到既就係尖沙咀竟然有間價錢相宜 裝修又不錯既餐廳🌝 睇黎冇帶錯佢黎啵👧🏼👦🏻我地2個人 分別叫左一個頭盤沙律 - Parma Ham Salad 🥗 超級多人推薦既 - 垃圾八爪魚🐙焗多汁豬仔骨配啤酒薯條🍻 巴馬火腿油醋沙律 🥗$108一上枱都幾大碟！大大塊Parma ham係碟面！佢個汁除左用醋 仲加左超多香草🌿配菜落去 都幾醒胃架😍食完都已有飽肚感垃圾八爪魚🐙 $48一於試下佢有幾垃圾 但完全不垃圾佢d炸粉好薄身 炸得好香口 八爪魚本身仲有醃過 所以好夠味！必食之選‼️🐷焗多汁豬仔骨配啤酒薯條🍻$138豬仔骨肥瘦好均勻 同個名一樣超多汁！而燒汁係融入咗舊肉到🤤對於我呢d鍾意重口味嘅人係超級岩胃口 配埋呢款脆口既薯條(其實口感似番薯)好match🥰之後我地仲order左兩杯飲品😍🍹🍪曲奇馬上瘋 $47 & 青檸柚子梳打 $45見到差唔多每枱都有人叫 我都試返杯先🤪一黎到見到有塊Oreo係上面已經心心眼！濃濃既Oreo奶昔 唔算好甜

尋日知道山林道勁多cafe，即刻叫大佬同我去試另一間！咁岩佢今日系附近做gym，約左佢食lunch。餐廳內好多霓虹燈，如果夜晚黎應該仲好feel🎉 ⦁牛油果大蝦黑醋沙律🦐大蝦用上虎蝦，爽口彈牙！🥑牛油果好新鮮，配上大量的沙律菜，超夾！另外，黑醋汁酸may may 好開胃！ ⦁MK風鰻魚蛋包白飯鰻魚大大條，都幾厚肉。除左果蛋包飯上既蛋，隔離仲有兩舊玉子燒。超鍾意食蛋的我表示很滿足！🥰 ⦁牛油果奶昔用左新鮮的牛油果🥑配埋牛奶好creamy！奶昔要濃稠d先好飲！ ⦁真•士多啤梨奶昔超級香士多啤梨味🍓，濃濃果味，仲要唔酸超甜！

📌 JUST'er Bar & Restaurant - 尖沙咀山林道13號地下A1-A2號舖🗓(28/8) 星期日 ⏰ 晚上6點左右 🌐網址: https://s.openrice.com/QrbS0y3o4W0~ueeoDBA💈特式：尖沙咀山林道多嘢食就係人都知，但西餐廳就為數唔多，今日行過咁啱又想食西餐，所以幫大家試一試呢間西餐廳。🥩🍔🌭🌮🥗🥯🥘🍲🍝🍣🥟🍤🍱食物：今日叫左1個沙律，2個小食同1個主菜，等我同大家講下味道先......牛油果🥑大蝦🦐黑醋沙律🥗 - 牛油果好新鮮，有兩隻大大隻嘅大蝦，隻蝦仲要有略略炸過，好香口，酥脆到連殼都可以食埋，沙律菜好新鮮，不過個黑醋就好似太酸。垃圾八爪魚🐙 - 個名好特別，所以都叫嚟睇睇，炸魷魚鬚就試得好，但好少見餐廳會攞八爪魚去炸，但佢又做得幾好，炸得好酥脆香口，但又仲食到少少八爪魚味，做得唔錯嘅一個小食。厚玉子燒 - 呢個玉子燒真係好厚身，又有蛋香同唔太甜，加埋佢放埋d會郁吓郁吓嘅木魚片係上面，視覺效果都有埋。黑松露牛肝菌卡邦尼扁意粉🍝 - 黑松露味道好香，同埋佢d黑松露好似唔洗錢咁，勁多勁濃味，佢用扁意粉代替傳統嘅圓形意粉另一點

📍尖沙咀 《𝐉𝐔𝐒𝐓'𝐞𝐫 𝐁𝐚𝐫 & 𝐑𝐞𝐬𝐭𝐚𝐮𝐫𝐚𝐧𝐭》   #山林道人氣西餐  呢間餐廳坐低一翻開𝐦𝐞𝐧𝐮，就見到好多搞鬼既食物名，玩味濃，未食已經成功引起我地既興趣🤣✨水牛城雞翼 $𝟓𝟐 炸雞翼沾上酸酸辣辣既醬汁，味道岩岩好，少少辣、唔太咸，令人很開胃小食😝其次醬汁好夠，完全包住雞翼，淋滿汁嘅雞翼都𝐤𝐞𝐞𝐩到脆皮有驚奇🍗✨𝐉𝐔𝐒𝐓𝐄𝐑 科布 $𝟏𝟐𝟖 上枱超大盤，勁多料，有沙律菜🥗，雞蛋🥚、雞肉🍖、煙肉🥓、番茄仔🍅，混埋一齊幾好味好有特色，而且最重點係有大大舊牛油果🥑另外雞肉都好淋身唔知係咪用慢煮方法做，又嫩又滑👍🏻  ✨焗多汁豬仔骨配啤酒薯條 $𝟏𝟑𝟖 是日啤酒薯條賣哂，轉左薯格比我地，但都一樣好香口，可能落左啤酒去炸會特別脆，完全無出面食薯格放耐左會軟身既問題。豬仔骨份量唔少，醬汁食落好惹味，肉質亦都值得一讚，熟嘅程度啱啱好，唔會太生痴住舊骨，或者太熟☺️✨曲奇馬上瘋 $𝟒𝟕 作為曲奇愛好者，見到忍唔住嗌左杯，味道係偏甜，曲奇味同忌廉都幾出，不過唔好好飲得出𝐬𝐦𝐨𝐨𝐭𝐡𝐢𝐞既口感🤔✨菠蘿熱情果沙冰 $𝟒𝟓 🍍甜中帶酸，清新又涼爽，啱曬食熱氣野同夏天飲👍🏻味道：𝟖/𝟏𝟎