JK Kitchen (已結業)

呢間餐廳約適合談天，人不算多，所以店員可以顧及每位客人～～～青咖哩雞唔算好好食，顏色係青青地，但完全食唔到有咖哩味，而且稀得濟，汁的份量唔夠多～～～只係布D椰奶味~雞係雞肶肉～～～啲肉好散～～～飯偏乾～～～整體食物不算好食～～～但蓮子椰汁冰好飲，唔會太甜，又有啲蓮子薏米可以咬幾好～一共106⋯

本來男朋友帶我去食拉麵不過行過門口聞到一大浸油煙味即刻冇晒胃囗不過竟然比我係附近見到有呢間越式餐廳　所以男朋友就帶咗我想去食午餐見到有菠蘿豬頸肉炒飯我二話不說就落單了因為見到菠蘿兩個字已經胃口大增了見到呢個炒飯份量也不少豬頸肉也有半碟有多而且個炒飯亦十分出色材料亦十分多我每一啖飯也食到有粒粒新鮮菠蘿而且加上有蝦肉及肉鬆及蛋我三扒兩撥便食曬成碟了最後餐飲叫咗杯凍檸茶炎炎夏日飲番一杯凍檸茶真的賞心樂事

餐廳佈置精緻，環境不錯，感覺清新。用餐為平日晚上，不用預先訂枱也可即時入座。雖則標示為多國菜餐廳，可是餐牌上未有太多選擇。米紙卷: 足料，但醬汁味道不合。牛油雞翼: 外層炸得脆，但沒牛油蒜蓉香味忌廉烟肉意粉: 普通，份量適中三味魚: 不清楚所指的是哪三種味道，如果是甜酸辣，可能欠缺了辣的成分（被甜味覆蓋）。整體感覺一般。

係銅鑼灣見完客啱啱好見完就係午飯時間行過登龍街見到成條街都係出名拉麵好及日式餐廳偏偏俾我見到呢間樓上舖係主打越南及台灣嘢食廢話唔多講即刻上樓試吓先雖然係樓上鋪但已經坐滿喺附近返工嘅打工仔見到佢哋有午餐所以就叫左一個越式牛肉香茅撈檬$65起初以為啲個撈檬都係平平凡凡嗰啲加個酸甜汁嘅粉麵點知佢就係個汁道做咗手腳佢加左香香濃濃嘅香茅牛肉汁令成個撈檬更加香濃更加充滿肉味及香茅味跟餐果杯檸檬茶不過不失呢間下次可以再encore

星期五放工 難得可以從令人勞累既工作走出黎 更係約三五知己食返餐好架啦 好既假期由好既一餐開始!友人想食越南野 最後決定試新野 揀左JK Kitchen一入店舖環境舒適 主調色白色同tiffany blue令人感覺整潔活潑 牆上亦有好多精美的佈置 係令人滿意既用餐環境 睇得出店主花既心機我地唔算肚餓 所以唔係點左好多菜首先係越式春卷 幾足料所以口感豐富 炸得好香脆 有一定水準另外就係每次食越菜我都必點既生牛肉湯河 牛肉冇太大驚喜 反而係河粉令我印象深刻 比較幼身但唔會好"林"好易斷 非常好食 湯底岩我口味 唔會太重味太油還有就是雞排肉燥飯 分量足 肉燥幾入味 雞排厚得黎肉質不鞋口 唔差整體黎講食物未到難忘但都唔錯 注重環境既朋友應該會幾滿意

第一次打食評就用這間越南菜館作起始復活節假的第一晚和女友約好在銅鑼灣要選越南菜的話一定會到由細食到大的香河今晚諗住來個新嘗試 用openrice search到這間越南台灣菜餐廳 價錢比起其他座落登龍街的餐廳都適宜得多 就決定試試餐廳不難找 在中心的十七樓上到去 半間餐廳沒有人客的 未開放另外半間餐廳有一大張枱已作預留枱被編排坐到餐廳的一角不用等位 在晚上食飯時間算意外收穫環境算清靜的 餐廳以白色及藍色作主色 給人清新的感覺未開放的那邊 靠牆是一張長sofa上面放著不同的水果咕 幾有趣我們點了一個$258二人餐飲品先來我選了柑桔檸檬 她選了青檸梳打一看到兩杯飲品她都不懂邊杯是她選的柑桔檸檬柑桔味十足 十分潤喉青檸梳打 幾清新 中規中矩前菜選了越式春卷及炸蝦 炸得好香口好脆 炸蝦唔會只食到出面的麵包糠 蝦的香味都品嘗得到 配以沙律醬 不錯炸春卷內亦十分足料 有木耳 蘿蔔絲 亦都好香好脆 配以典型越式菜的魚露 好好味如果份量多一點就更好然後是這個越式青木瓜沙律 沒有沙律汁 略為單調沒味 自己加添魚露會更好 份量適中接著便是生牛肉湯河 一大碗的 有牛腩 普通肥牛 比起平時食開的生牛肉湯面算

原以為係食私房菜的餐廳想不到食物款式多,特別甜品十分吸引環境舒適整潔牆上有好多特式及精緻的裝潢,且放滿店主的照片適逢下午茶時間未算肚餓於是入內點了個甜品仙草芭菲HKD48分別有3款口味雪糕球選擇(朱古力,士多啤梨,芒果)個人選了芒果口味,貪其夠清新整杯賣相精緻每層都清晰可見其用料店員十分細心逐層逐層鋪上面上芒果雪糕微酸,味道中規中矩旁邊圍繞著鮮果及忌廉,還有芒果醬下面是仙草底層則是彩虹蒟蒻啫喱整體味道很好雖然係甜品,但出奇地不會太甜,恰到好處,口感軟綿綿,凍冰冰,蒟蒻有2嚼口,煙韌清新暫時係我食過最好味,用料最足的芭菲

一個人喺銅鑼灣灣仔放工，去咗登龍街度搵嘢食，抬頭望吓個廣告牌，睇到呢間Tiffany藍嘅餐廳就上左去好彩六點幾上到去，都仲有好多位，裝修好有特色，環境都好舒服好乾淨 因為一個人食，所以諗左好耐叫咩，餐牌又好精美，又見到隔離位食嘅嘢，個樣好似樣樣都好好味喎！服務員都好好人，有耐心等我叫我慢慢睇，好有禮貌最後叫咗一個生熟牛河，米紙卷，同熱珍珠奶茶 米紙卷嘅皮係做得比較Q彈，好有彈性，包得好實淨。都幾大條，非常之足料！好乾爽，好清新！佢配左一個醬，係紅色入面有啲花生碎，原來佢係花生醬黎架！配起上來又好夾喎 生熟牛河，有啲人可能唔係咁鍾意食嗰啲配菜，所以呢度好好係分開上嘅，咁你就可以自己決定落幾多同埋個邊d喇！我呢就全部攞晒，撈勻左之後即刻夾返啲辣椒上嚟，因為我只食得小小辣，但又鍾意有啲辣味，係好味d嘅首先個湯好夠濃，加埋啲配料之後仲加香，河粉軟硬度適中，就算冇餸，剩係得河粉同埋湯我都可以食好多，哈哈！生牛肉切得好薄，攪幾攪就變色，變咗色就即刻食啦，好嫩，好香牛肉味！至於熟牛肉係牛腩嚟嘅，相對就比較硬，但味道不錯，其實都唔係細碗架，我成碗食晒！真不錯！

今日一個人係銅鑼灣食飯 去咗jk kitchen，係一間台式同越南菜嘅小店。 鋪頭以白色配以藍色為主調，有好多綠色植物同假草皮裝飾四周，感覺好舒服同休閒。 叫了一個台灣牛肉麵同檸檬蜂蜜冰茶。 台灣牛肉麵 牛肉麵湯底很濃郁，係紅燒牛肉嘅味道。牛肉入味淋身，牛味很濃。 用上粗身嘅麵條，掛湯能力高。而且有一啲酸菜，蘿蔔等嘅配料，蘿蔔很淋，又清甜又入味。 麵中仲有生菜可以吸掉多餘嘅油份，好細心。叫咗主菜可以用半價叫野飲，好抵！檸檬蜂蜜冰茶 冰茶大大杯，係沖好咗嘅蜂蜜紅茶配以鮮檸檬。唔會太甜但又會均勻咁飲到蜂蜜同檸檬味，比一般嘅檸檬茶潤喉同特別。有時一個人食下野都唔係咁孤單姐xd!等喂食妹下次帶男朋友仔嚟食先！

這天來到這裡吃lunch , 這裡是一間精緻的樓上cafe 款，提供越南特色Fushion菜。雖然是樓上cafe，但午市都差不多滿座。我們一3個人點了以下菜色:芝士煙肉手作面:像Carbonara 味道，重奶油香味，味道濃得來又唔會好'漏'，又有D菇味!!火腿夠多, 足料! 手作面是店員推介比例受歡迎的, 面質很有口感, 咬落彈牙! 好好味!香辣炒虎蝦:帶點酸酸甜甜的味道，食落唔辣，好夠多汁，個人喜歡吃海鮮, 尤其隻蝦有好多汁的時間, 就會啜晒D汁先食隻蝦, 太棒了!玫瑰茉莉花茶:食飽飽飲啖茶消滯, 玫瑰X茉莉這配搭的一絕, 玫瑰茉莉花茶味道清甜，功效是養顏及減肥，玫瑰搭配茉莉沖出來的花茶具有排毒、安神、消腫、舒緩心情等作用，既滋潤又可美容。

是日同朋友演出尋美味，又係登龍街！今次呢間JK KITCHEN係新開嘅台越美食，樓上店17樓，仲以為人流不多，原來都頗受歡迎！餐廳內人頭湧湧！MENU好有STYLE~用個招牌LOGO，好靚好優雅！成間餐廳純白色，好PURE，加埋LOGO TIFFANY色，好MATCH，帶少女情懷！有好多風景圖，越式風光！成間餐廳好似CAFE咁，擁有透亮的燈罩，又有STYLE嘅牆壁，加點植物小盤栽！看完MENU，我都係偏向台式食品！烤香腸肉燥飯 - 個烤腸好香好脆，同平日一般食開嘅5同，似臘腸又5似，個皮脆到你5信！肉腸入面嘅脂肪同肉紋理分明，令到D腸好JUCIY~又薄，混埋個肉燥白飯，好滋味！ 肉燥嘅粒粒好豐富！肥瘦肉都有！餐廳俾嘅肉燥醬又夠多！白飯5會好淋，撈入去岩岩好！好滿足好飽肚！我叫了一個薰衣草茶，安眠放鬆！舒服！味道淡花香！清新！而朋友叫了洛神花茶，消滯，酸味味，好甘香又濃！去油膩感！再來我都會再飲！餐廳芬圍不錯！夠寧靜！悠閒好地方！

行下行下cwb，見到有間生面口既餐廳logo，望落就是有一種吸引力，就同個fd上左去食一個下午茶haha整間餐廳比人一種好舒服既感覺。。。不論是木台上既decoration or the room design都好peace,連menu既格調同整間餐廳好一致！先叫左個春卷！我好鐘意個春卷既味不是太濃且不太油！之後當然叫左個麵hahaha食落覺得個湯好好飲！！！麵質就同出面差唔多～幾好～最後要左杯smoothie,亦係唔會太甜，之後同友人傾左一個下午！！！很好的環境～高級享受haha

週末又係試新嘢嘅時候！平時食越菜多數係河粉 今次發現亦有同台式菜相似嘅食物不能不食嘅一定係泰式海鮮 蟹要預約同埋收時價 小妹無緣品嚐... 於是點咗香辣大蝦 可以自選不同程度嘅辣度 唔受得辣但又想享受越試海鮮 可以要求小辣 放心 此「小辣」不同譚仔嘅「小辣」 係真係小辣 XD 一碟大概有8-9隻 每隻都粗過手指公 如果想食得徹底 就要連蝦頭都咬埋 因為蝦汁同醬料嘅精華都喺裡面！肉燥飯就食得多 配香腸真係第一次 呢種腸同平時喺小食檔食開嘅唔同（嗰啲唔係100%肉 部分係人造嘅）最正係塊皮 雖然只有薄薄一條 但微燶嘅佢係整塊肉最濃味嘅地方！最特別嘅係 飯底嘅某一角藏有一「pat」雪菜... 是越式獨有的嗎？不過小妹不好雪菜 好彩係放埋一邊...飯後 有最邪惡嘅炸牛油雞翼！面頭一粒粒嘅就係牛油 一入口就會融化 流入雞翼的肉和骨之間...食完咁多油膩嘢 最啱就係飲花茶 薰衣草茶同洛神花茶不但賣相高貴 味道也清甜 還可以消濟 建議大家唔好飲太多凍飲 冬天飲花茶也是健康又美味的選擇喔！ 唯一的缺點係座位太窄了 兩個女仔坐一邊卡位就唔夠位放袋了... 令人無法舒暢申展 難以開懷品嘗美食啊

今日自己心癢想食肉燥飯，就黎JK Kitchen。餐廳內用TIFFANY BLUE 同白色做主調。感覺有種高貴的感覺。入到嚟，侍應姐姐就好主動拎餐牌同水俾我！之後,我問佢有好介紹,侍應就好細心同我講解。炸雞扒好熱，食落去好有鹽穌雞的味道；雞扒肉質好淋，外皮炸得好脆。肉燥飯吁味道偏淡，肉燥外表比出面肉燥的顏色比較淡色：在蛋下面有雪菜，有少少咸；混埋飯度，味道剛剛好。而香竽奶茶，師博唔係放左好多冰，聞就聞唔到竽頭味、飲落去都唔太甜。

約左朋友攞返本皮革書。順便去銅鑼灣shopping下。佢係港島區人 佢話識搵食梗係去登龍街。哈哈 我好聽話 真是去左 盲鐘鐘揀左間台越小店。 窗明几淨 簡約主義 係我對呢間餐廳的第一印象 大部分係卡位 雖然迫了少少 但環境都唔錯。Menu好多選擇 我點了豬頸肉印尼炒飯。 豬頸肉 焗得幾香脆 厚度適中 唔會太老 附上酸酸貼貼的汁 好惹味香口 配飯一齊食 幾開胃。印尼炒飯 帶有淡淡黃薑香味 飯稍微濕了少少 但勝在配料足 炒得香。飯面灑上肉鬆 脆脆的。炒飯有提子乾 什豆 菠蘿粒係新鮮既 酸酸地 好開胃。整體感覺係幾好。已經食飽飽 諗住坐下抖陣就走 點知見到隔離枱食窩夫 自己都忍不住叫左個。減肥大計先放一邊 哈哈。 揀了朱古力窩夫 窩夫不是一般的賣相 先先係心形 覺得好靚 港女心態😂 薄薄的窩夫 都做到有外脆內軟的感覺 犀利。而且即叫即造 有誠意。朱古力雪糕超濃 I am loving it!! Yay~~ 配埋忌廉 士多啤梨 朱古力醬 整個甜品令人好滿足。下次再黎銅鑼灣 要試下佢個蜜糖厚多士先得。