JK Kitchen (已結業)

鍾意食粉麵既我，每次去到食越南菜，都肯定會食佢既撈檬，而做得好既撈檬，都從來唔會使我失望。這一碗越式香茅牛肉撈檬，表面的牛肉都不少，上有一些香蒜，吃落嫩口之餘，有佷香的香茅味道，較外面一般吃到的濃烈。把香蔥絲，蘿蔔絲和青瓜絲和拌麵汁和檬粉撈勻，一食，有一陣酸酸的爽口味道，檬粉本身很彈，吃落質感很好。

朋友約我去登龍街，我仲一心諗住係去食拉麵，點知係帶我去食越南野。抱住試試無妨既心態，就跟佢去搵食。MENU很美，所以拍下來，而餐廳佈置統一，小清新、簡約美越式米紙卷，成日見但又未試過既菜式。到底米紙係點既樣架呢?!其實就好似再薄啲透啲既腸粉，包住所有材料，有蝦仁，米粉，蘿蔔絲同香草。就咁食會略嫌口味較淡，配上店家特定醬汁就會好好多。醬汁味道又甜為主，朋友話食到有辣味，不過可能就太微，我就食唔出。老闆娘炒米，睇個名，估佢應該係招牌菜。上碟賣相好似無咩特別，但望真啲可見米粉絲絲分明，軟硬適中，食落有咬口，並唔係淋哂。豬頸肉絲都係恰到好處，彈牙唔會過un。雖然係一碟普通小炒，但就食得出師傅既手勢

Jk kitchen CWB 越式生熟牛肉湯河，份量夠大，湯頭清甜美味，河粉嫩滑，牛肉有嚼口，鮮味可口。越式豬肉撈檬，份量夠多，檬粉比一般的幼細嫩滑，撈檬酸酸甜甜，配合青瓜絲等配料非常清新，豬肉煮得香和嫩滑，好吃！

約左朋友食飯, 佢話想食台灣野, 所以就黎左呢間JK Kitchen試試佢!一入到去就覺得裝修好有心思, 用藍白色調做主題, 幾靚而且幾闊落。炸雞扒肉燥飯 ($68)雞扒即叫即炸, 一上枱就feel到陣陣熱氣傳出! 香口而且唔多炸粉幾好, 而個飯面頭都有好多肉燥, 完全冇欺場, 唔錯。胚芽奶茶 ($26)呢杯野飲反而就一般, 可能啲胚芽溶唔到落奶茶嘅關係, 飲落去果陣好似成口漿住咁 不過佢地嘅服務都算幾好嘅, 抵讚!

以藍白色為主調的新派越式店，點了個精選二人套餐（$278），包括了沙律、小食、粉麵和飲品。 越式青木瓜沙律份量挺多，酸酸甜甜，很開胃的。 越式炸春卷，包住生菜一齊食，感覺沒有太油膩。小小一條，香脆美味！ 越式吉列炸蝦香脆美味，爽口彈牙！ 越式生熟牛肉湯河湯頭鮮甜美味，河粉嫩滑，牛肉有嚼口，鮮味可口。 越式豬肉撈檬，檬粉比一般的幼細嫩滑，撈檬酸酸甜甜，配合青瓜絲等配料非常清新，豬肉燒得香香的，不錯！ 金桔青檸清涼解渴！ 咸檸梳打咸香味濃！

同朋友出完街黎到呢間餐廳，好彩個日去到未算好多人，但係坐底一陣就FULL晒人呢間餐廳集合左唔同地方既菜式，真係滿足到唔同人既需要!咁我地就叫晒越南菜同台灣菜，同Pasta黎試下啦~呢個係"越式"既珍珠奶茶，可能係佢用左越式定唔知邊既茶既沖，所以係珍珠奶茶黎講都幾特別下!仲有呢杯唔會好甜唔似平時D台式珍珠奶茶咁，再加上有少少澀澀地咁，幾有特色呢個蠔餅就覺得麻麻，可能佢落得炸粉太多同埋太少蠔係入面，個比例唔太MATCH，但係都幾香口，炸得好脆!我朋友就叫左青咖哩牛腩飯，可能平時周圍都有呢類既飯所以我冇咩感覺但係辣度都好岩我口味D牛腩都唔會好硬，撈飯食一流最後一碟主菜就係松露肉丸手作麵!個人比較鍾意食Pasta，呢到都冇令我失望，呢個手作麵好岩我口味，粗粗地又好咬口，亦都冇煮得太"淋"，個肉丸都好MATCH個手作麵，食唔停口!甜品就係呢個芒果窩夫，個窩夫好脆，仲要薄薄地岩晒我地食到飽晒既時候食，沾個芒果雪糕黎食真係一流，正!

今日去咗jk kitchen食lunch。間鋪頭裝修都幾得意。好清新，好有屋企嘅感覺。好鍾意間鋪頭嘅設計，好溫馨。叫咗個印尼菠蘿豬頸肉炒飯。個份量真係超大份，對我來講真係完美到爆！好鍾意佢嘅菠蘿炒飯，入邊有提子乾，仲有肉鬆鋪係上面，成個炒飯好惹味，加埋豬頸肉煮得啱啱好，豬頸肉點埋鋪頭自製既醬汁，酸酸甜甜，好好味。另外，叫咗杯金橘檸檬，係呢個夏天熱辣辣嘅天氣，飲一杯凍嘅金橘檸檬，個感覺真係爽！杯野飲唔會太甜，酸酸地，好健康呀！下次去銅鑼灣一定會再去上嚟食呢間咁特別嘅餐廳。

本身想同朋友食附近既燒烤 但天氣真在太熱啦所以都係決定係附近食亞洲菜裝修係我最鐘意既藍白色好靚啊！午餐加$20就有小食揀我地揀左香芽雞翼同炸春捲雞翼外層脆充滿香芽味入面晚雞肉仲好juicy 春捲配上醬汁食 好正而且炸得好香穌春捲皮同中式既唔同比較煙Un 有咬口 好過癮！炸豬排肉燥飯豬排份量好多！足料炸得勁香脆 豬肉一d都唔Un 好鬆軟！ 肉質都好好肉燥入而有雪菜 令到成個肉燥冇咁膩好食最後 飲留杯珍珠奶茶做完美句號

台灣野同越南野都食過，兩樣係同一間餐廳都有得食就未試過！上到去環境精緻，有d似cafe。諗唔到食咩就簡簡單單試下佢既青咖哩牛腩飯如何，平時食泰國野都好鍾意叫青咖哩飯。牛腩都幾多，夠淋同入味。青咖哩煮得好香，食得出落足料，不過比想象中辣。野飲就叫左杯凍香芋奶茶，連野食叫有半價！好大杯，不過一飲落去係暖暖地，並唔係凍既，但唔應該佢既味道。飲開台灣珍珠奶茶會覺得佢唔夠甜甚至苦苦地 但係越飲越好飲仲飲到有d芋頭蓉，口感非常好，呢杯一定要飲!同朋友另外share一碟煎蠔餅大大碟，蠔都幾多，粉唔會太多，脆脆的十分香口，蠔味好重，勁好食。

放工去銅鑼灣食飯，喺登龍街有間上樓餐廳幾特別，叫JK kitchen，點特別?！ 因為係一間台式越式餐廳，香港好少有台式配越式既餐廳，所以就選擇呢一間食。一入餐廳，感覺好舒服，假天花用左假草裝飾，配上白色主色，好清新舒適，亦設有卡位，又坐得舒服，又有少少私隱度，不俗。服務亦不錯，會主動推介食物，而且好有耐性講解，感覺賓自如歸。越式生熟牛肉湯河去食越南野，食生牛肉湯河是常識吧。湯底好香濃，陣陣濃郁牛肉味，生牛肉片薄薄的，一浸落湯底即熟，而且熟得剛好，入口即溶，而且河粉爽滑。加入金不換葉、辣椒仔等香料，perfect~青檸梳打一啜，一鼓清流由囗腔流入身體，好清新既靑檸味，加上涼浸浸梳打，好refresh~ 夏日炎炎，爽哂~食物質素可以，而且價錢相宜，環境舒服，服務一流，值得推介。

Sogo 做減價，緊係要行下響應一下啦，行到攰，就去登龍街食晚飯，我地一致揀左jk kitchen ，一間台式越式餐廳。呢間餐廳裝潢舒適，有卡位座，坐得好舒服，服務員亦親切有禮，感覺不俗。香辣炒老虎蝦每隻蝦都幾大隻，個汁酸甜且帶少少辣味，都非常惹味，而且蝦肉彈牙，多肉，份量亦算多，$108 有咁多隻，好抵食，加埋個白飯，一定夠飽。香芒窩夫賣相巧令，個窩夫又薄又脆，即叫即整，熱辣辣，加上芒果味濃郁既雪糕，味道好夾，再加上新鮮芒果粒，一流，而家芒果當做，芒果粒好香好甜，正香竽奶茶好香濃既竽香味，我平時飮開少甜，今次唔記得左叫少甜，所以甜左少少，不過我都飲哂，證明堅係幾好飲呢間餐廳整體質素平均，服務很好，而且位置方便，價錢相宜，值得一試。

今日同兩個朋友係銅鑼灣唱完K，又係時候搵野食！點知大家想食嘅野都唔同，又唔想食food court，唯有上openrice睇下有咩餐廳可以滿足到的地三個人。最後睇到呢間JK Kitchen好似唔錯就上嚟試下。6點半個時唔係好多人，但之後就越黎越多，到的地走個時已經坐滿人。餐牌好多選擇，主要係越南菜同台灣菜，仲有幾款Pasta。晚市叫Main，野飲會有半價，我就要左杯珍珠奶茶。奶茶味同平時飲開嘅唔同，會苦澀啲，應該係越式嘅奶茶。我覺得幾好飲，唔似台式咁甜咁"漏"～我比較鍾意食台灣野，叫左個炸蠔餅，但就有啲失望。因為炸粉偏多，而蠔仔比較少同細粒。不過個味道就夠味，撈飯一流，但如果加多啲蛋漿可以會好啲，食落無咁粉。朋友叫左個青咖哩牛腩，個汁唔會太稀，辣度適中。牛腩炆的好林好入味，而且都好多嚿公認最好食嘅松露肉丸手作麵～估唔到竟然係意式嘅手作麵最好食，手作麵爽口彈牙。肉丸比得上IKEA（又平又好食）！松露味好濃，食到停唔到口仲叫左個芒果窩夫，芒果味好fresh不過個窩夫係薄脆，口感欠奉，如果厚啲會仲好食！

喺銅鑼灣食野，到到等位都等親懵，今次黎到永光中心樓上舖，唔洗等位！so lucky!!!!;)呢間餐廳係食越式野嘅，餐廳大約十多張枱，室內裝修簡約得黎又好別緻，環境十分舒適!越式香茅牛肉撈檬💰HKD65都幾大碗！食完真係夠晒飽！撈左撈檬汁後甜甜酸酸咁好開胃。個人覺得啲撈檬汁比出面啲汁香啲，不錯啊。另外牛肉份量都算多，炒過嘅牛肉唔會太靭，都幾惹味。整體上個撈檬十分不錯越式生熟牛肉湯河💰HKD65朋友食呢個，佢話啲粉唔多夠滑，不過還好啦。春卷💰跟餐加HKD20炸得都幾唔錯，個人覺得點左汁後好似冇咁油，而且入面嘅餡都幾足料，脆卜卜，好味！每個套餐跟一杯野飲，叫左杯熱柚子茶，冇特別。另外叫左杯凍檸茶，但係朋友話唔係好夠味。總結環境十分舒適，而且食物都唔錯，唯價錢有點貴。

家姐話想食越南野,見呢間無負評,即管試下!見D相睇落唔算多人,所以無book位,上到去比想像中細,最多應該容納大約30-40人倒,入到去有位女士係咁叫,唔好入黎,未有位,唔好行入黎,係咪叫我地走既意思呢?跟住另一位女士(似係老闆)話:今日比較多人,叫我地坐係出面等一陣,D員工睇落似係family或者朋友一齊做,反正上到黎,家姐又未到所以決定等一陣,等位要係門外等,出面一D冷氣都無,又熱又焗,走去廁所洗個面,雖然個廁所係後梯,竟然都有裝飾過,呢間餐廰D裝飾同出面D食肆唔同,睇得出有設計過,連個後梯廁所都兼顧埋,幾周到!家姐剛剛到,就岩岩有位,仲要係卡位...正!唔屎同人逼,打開個餐牌睇下,好多食家都話呢間係食越南野,其實又唔算係,因為佢仲有台灣野,西餐,甜品,反而以為主打既越南野選擇唔多!諗下食咩好,睇下D價錢,唔算貴,好...叫野食!因為想咩都試下所以叫左個越式併盤,豬扒肉燥飯,芝士煙肉意粉;飲品:凍檸茶,凍香芋奶茶,凍柚子茶,上菜時間都幾快!越式併盤($98)有:庶蝦,魚餅,雞wing,春卷,炸蝦卷,應該無記漏掛,每樣有2件庶蝦D蝦肉好少,無庶味;魚餅一般,雞wing大路野,春卷無驚

午餐選擇尚算多 在眾多選擇下 選了兩個伏春卷 - 要額外加錢的 熱辣辣 脆卜卜 很香口 但絕不會是特意來吃的原因豬頸肉菠蘿炒飯 - 豬頸肉好差 沒有味道 感覺是煎出來的 可是一點也不脆 lum beh beh 十分奇怪菠蘿炒飯是這餐最正常的了 味道很香 菠蘿味很重 可是 筆者比較喜歡吃再乾身一點的炒飯 粒粒分明 這裡還沒達到我的要求金吉青檸 - 最差是它 藥水味道似的 什麼金吉 青檸 通通沒有它們的味道炸雞魯肉飯 - 看樣子已經不大吸引 炸雞的炸粉與雞肉很容易散開 亦不脆口一點兒味也沒有 很油膩 （可參考這篇的最後照片看油的程度）魯肉飯- 看顏色已經知道不太對勁 味道比看起來更加清淡 配上水汪汪的「白飯」口感非常噁心魯肉蛋 只是上了色的雞蛋 但是是清淡而無味的saap蛋茶味不夠的檸檬茶炸雞 - 多膩 街外買到的也不及它們的這麼膩題外話： 如果你的午飯時間是讓老闆看得很緊 沒有彈性 切忌來食飯 等升降機簡直是噩夢 在午飯時間時 上落電梯保守估計需要總共十分鐘 電梯亦有讓人不安的感覺 很不可靠加上這家餐廳像是以家庭式經營 繁忙時段時 上菜時間保守估計要20分鐘 因為餐廳是儲起同樣菜式的o