Jacomax (已結業)

難得既2日連假,訓到中午,同男人過海食pizza,佢話以前偶爾食過哩間鋪頭既pizza,好想懷念下,去到發現哩度真係好適合大班人一齊食,因為pizza 好大個,兩個人好難食得多野,睇完餐牌,決定食個four chesse加錢加蘑菇,男人藐藐咀,有d 不滿,叫佢揀佢又唔揀,唔理佢,叫杯啤酒飲下好過,Pizza 黎到,滿滿既芝士同埋芝士,男人就話得芝士冇其他野,我咪話叫你揀唔揀,的確,芝士多到薄餅上既茄醬味都唔太feel到XD見佢黑口黑面,咪叫個黑椒雞翼,襯曬佢既面口,黑椒雞翼隻隻飽滿,外皮焗到脆卜卜,黑椒粒惹味,入面既肉白雪雪,滑溜溜,5隻雞翼,佢都食左2隻,結果仲食淨左2件pizza,請店員妹妹代為打包,見到人地食招牌蘋果pizza好正,但係唔好甜食,所以冇叫,下次約多d人一齊再試.

之前已經好想嚟試藍芝士蘋果pizza，奈何幾次經過都排曬隊，唯有轉場去幫襯其他黃店。今次嚟到已經就嚟九點，門口雖然無大排長龍，但亦坐無虛席，要等一張枱。因為我哋放工好肚餓，於是叫咗兩個pizza share，分別係好出名嘅Gorgonzola Cheese & Apple 同穩陣之選嘅Margarita。我哋首先食咗鹹嘅Margarita，個蕃茄唔會太酸，啖啖都好香芝士味，令人忍唔住一啖接一啖！好快清咗個Margarita,跟住就到久仰大名嘅Gorgonzola cheese & Apple！老實講，唔係好識欣賞🙈唔係難食嘅，但又覺得怪怪哋咁，唔係我哋鐘意食嘅味道咁囉。我會因為個Margarita再嚟，等我下次試吓其他Pizza先！

藍芝士蘋果薄餅 • HKD$178薄餅上面發發地毛d色就係藍芝士黎，聞落都真係幾臭🤣但食落就好濃郁，而且配埋蘋果薄片，咸咸地又甜甜地咁都幾過癮～最正係個薄餅用石爐即烤，一路等已經聞到超級香，食落個餅底勁香之餘外脆內軟🤤有機會要試埋佢哋其他Pizza😚炸魷魚 • HKD$88份量都合理～味道方面都唔錯，冇油溢味之餘魷魚味都幾出👍🏽而且食得出都幾彈牙，都幾新鮮😊Tips: 除咗上環店之外，佢哋喺銅鑼灣都開咗新店呀～

成個環境都好昏暗嘅感覺呢都幾有情調。食咗食咗香烤黑椒雞翼，卡邦尼意粉，忌廉蟹肉大通粉同埋暴龍pizza同一個有火箭菜嘅意大利風乾火腿Pizza。雞翼呢一兜就有五隻，係大隻小小啦既雞翼，可能係巴西種？外表焗得都好靚仔㗎令立立。2個 Pizza呢都好食，意大利風光火腿火箭菜係有可以拉絲既芝士。卡邦尼意粉呢，都好香好好食啊！但係蟹肉大通粉真係冇得頂呀，同外國水準一模一樣，蟹肉絲鮮甜 醬汁濃厚稠竭，大通粉個窿盛汁。當日很每一啖都係愉快嘅感覺，喺香港食到一啖呢個大通粉無憾啦yeah唔好睇我張圖得幾條啊，因為我哋人多呢個係我嘅份量。

呢間想食好耐！！但長期勁多人排隊，試過一次夜晚去，排左成廿幾人都有，就放棄左🥲 今次平日下午嚟到，唔駛等就入得😀試左好出名既藍芝士蘋果Pizza🍕 芝士好香同時蘋果好香甜，平衡返個口味，一人食半個pizza都唔會膩喎！正呀！同埋呢個組合好特別，平時用生果整野食都唔易整到好食架嘛～咁又做得唔錯喎！不過，另外個意粉就真係唔抵！呢個價錢食到一個好普通甚至講唔上係好食既意粉😳 入面有魷魚、蝦。成個粉好乾身，又好淡，食唔到有啲咩特別🙈 仲要都幾貴😳

終於食到Jacomax！呢間畀杜生吹奏過嘅意大利Pizza專門店成日都大排長龍，今次下晝四五點去，可以靜靜地咁邊同朋友傾計邊食pizza，真係正呀😝😋 藍芝士蘋果薄餅 Gorgonzola & Apple $178香港人對Pizza嘅認識都係不外乎Pizza H_t同Pizza B_x嗰啲千島海鮮同超級夏威夷，藍芝士蘋果呢個組合真係好特別🥳 睇住佢哋真係即拉即焗個pizza，見到圖中黑黑地嘅就係藍芝士，好似發咗霉咁嘅，其實就係要發咗霉先好食呀😝 有啲似食緊白汁蘑菇嘅感覺，鹹鹹地，仲拉到絲🤪 蘋果片薄薄地，咬落去仲有啲蘋果汁，甜甜地燶燶地嘅蘋果香味同芝士鹹味溝埋一齊都幾正😗 Pizza批底唔算好薄嗰隻，食到批邊都唔覺得口乾，絕對係高質製作😆

終於食到想食好耐但一直無機會食嘅JACOMAX!! 之前見到好多人排隊 今次晏晝~2點嚟唔洗點等位 但入面都幾乎滿座-忌廉蟹肉大通粉勁勁勁香濃嘅忌廉味 份量岩岩好 如果再大碟D 應該會漏到食唔哂蟹肉偏多 好足料!! 加上忌廉汁好夠 食落唔會好乾-蒜香蕃茄辣椒大通粉開頭食會覺得酸酸地 好開胃但後尾越食越辣 應該唔只落咗辣椒油 (我估有落墨西哥辣椒?)不過都幾惹味-香烤黑椒雞翼雖然表面有少少膿 但皮脆肉嫩好JUICY-建議大家先食忌廉蟹肉 後食蒜香蕃茄辣椒如果唔喺後者嘅重口味會蓋過哂D前者嘅味道-雖然以上2款大通粉都唔喺餐廳推介 同埋大通粉口感有少少硬但其實味道唔錯 值得試吓另外見好多人推介PIZZA 但今次得2個人食 怕食唔哂 所以唔敢嗌下次搵多啲人一定要試藍芝士蘋果PIZZA

一直都好想食jacomax 之前勁多人排隊 我真係搞唔掂 今日終於比我食到 真係好開心 🥳叫咗兩個Pizza外賣 第一當然要試吓想想食既 藍芝士蘋果pizza 仲有一個係意大利風乾火腿火箭菜pizza 藍芝士蘋果Pizza真係超級勁好食 可能我真係好鍾意食藍芝士 覺得啲芝士味真係好濃好香 仲有粒粒芝士係個Pizza面度 配埋蘋果嘅清香 簡直不得了意大利風乾火腿火箭菜pizza 呢個都好好食 火箭菜好新鮮風乾火腿亦都唔會焗到太硬 清清地都唔錯 希望下次可以食埋其他款式 咁就真係開心晒

講起呢間 #黃店 最出名就一定係呢款Pizza，早幾個月前外賣食過好好味，最近去堂食就失色咗，唔知是咪因為舊班底去咗新舖幫手呢？#藍芝士蘋果薄餅 $178 7/10——————————————即叫即製熱辣辣，餡料以藍芝士為主，不過無拉絲嘅🧀😂面頭有薄薄蘋果片🍎。一啖咬落去感受到芝士鹹香，酸甜蘋果片會中和返，所以都唔會太膩，一個人食3片都OK啊～

接男朋友食lunch❤❤❤， 每次經過上環都覺得好多小店， 每一間都好想試， 不過今次係畀佢哋嘅藍芝士蘋果pizza吸引， 雖然只有兩個人， 不過都決定去試一試。 我哋去到十二點幾其實餐廳已經好多人， 因為一開始已經睇咗 藍芝士蘋果所以其他pizza同pasta就冇研究, 怕食唔曬😛。 不過因為唔想食個lunch都食甜嘢所以叫多咗個雞翼。雞翼基本上係一點就嚟， 都唔係唔熱但係非常普通。 然後pizza終於嚟啦～ 賣相已經非常之靚， 蘋果嘅厚度係啱啱好， 焗完唔會好乾， 但係咬落口一啲都唔濕， 同pizza好match❤ 另外好鍾意佢啲pizza係唔會咬一啖可以成塊芝士扯落嚟， 真係拉絲效果， 偶然會咬到一啖臭臭芝士， 真係好正呀～～～ 本身怕食唔曬不過而家覺得自己可以食四份三個😛😛

今次係用外賣app叫的大約等咗30mins就有攞到上手個時重係熱👍🏻👍🏻外賣app嘅價錢大約係堂食價再加多$30蚊感覺有啲啲貴😖😖.(堂食餐牌價錢)Hawaii pizza $178Poricini and ham rigatoni with truffle oil $165Meat balls alla marinara $60.🍕餅底幾出色！！一咬落去 口感好煙銀食得出係手工pizza餡料唔算太特別味道普通 但餅底值得一讚牛肝菌松露通粉好好食 大推！👍🏻👍🏻👍🏻雖然價錢有啲貴份量又唔多但味道真係好好松露油超級香 隔住個膠袋都聞到鍾意松露嘅唔可以錯過！芝士肉丸就普普通通冇咩特別肉丸紮實 唔會一口就散開蕃茄醬都唔錯 幾開胃

🌕🌕🌕🌕🌗藍芝士蘋果薄餅 ($178)😋厚薄一致嘅蘋果片鋪滿咗成個Pizza，清甜而且清新😋藍芝士份量唔係好多，但都食到藍芝士嘅特別味道😋Pizza批底薄身，批邊好脆😋成個Pizza好神奇，鹹甜鹹甜，眨吓眼就食晒🙁食得比較慢，Pizza最後凍咗啲，芝士就冇咁香🌕🌕🌕🌕🌑🍽忌廉蟹肉大通粉 ($158)😋粗管粉入面充滿咗忌廉汁，一啖一邪惡😋忌廉唔會好heavy，兩個人share一碟啱啱好😋無限咁多蟹肉絲喺忌廉汁入面，好足料，襯返個價錢🙌🏻忌廉汁可以開得杰身啲，令啲汁更加掛喺意粉身上🙌🏻坐喺餐廳中間應該係風口位附近，Pizza好快就凍咗🙌🏻週末lunch time都好多人排隊，至少預半個鐘至一個鐘

47人而家遭受緊啲咩，我相信大家都知。有好多黃店免費提供食品比佢地，Jacomax係其中一間，希望大家可以大大力懲罰佢地🙏🏻（個list不斷有更新，煩請大家勤力啲search） 藍芝士蘋果薄餅Price：$168📌呢個pizza真係世界級好食！配料係藍芝士蘋果，聽到芝士以為會好膩好漏，但 一 啲 都 唔 會 ！反而好開胃，配埋甜甜地嘅蘋果，意外地Perfect Match😋😋蘋果片帶小小脆 ，上面仲有啲蘋果蓉，加埋一齊食口感十足🤩pizza好薄，邊位亦烘得啱啱好，就算食到後面都唔會硬到好難咬到👍🏻兩個人食，可能要叫多個小食/意粉先夠😝

This is a good choice for casual dining. A nice place for gathering, the only down side is that they do have a 90 minute time limit when they get busy.As this place was recommended to us we did our homework and ordered the dishes that had the "thumbs up".We picked two starters .Fried Calamari, the pieces were cut quite small so did not get the chewiness that you get from squid.  The batter was crispy and not soggy.Black pepper chicken wings, these were yum, nice and flavoursome with tender meat

呢間人氣Pizza店，我早喺2017年灣仔鋪嘅時候已經試過啦，當時一試佢嘅藍芝士蘋果pizza已經好驚喜，之前從來都未食過甜嘅pizza 到之後見到佢原來係黃店，更加加咗好多分，上次喺銅鑼灣店因為Pizza已經賣晒所以試唔到，今次特登帶朋友嚟上環食佢嘅招牌菜。今日兩點幾到唔需要等位就可以入去，大概10分鐘左右已經上晒菜。重點推介既藍芝士蘋果pizza熱辣辣，芝士味好重，如果蘋果多啲就更加好啦，朋友話攤凍啲更加好食。Calamari都是正常發揮。