J.S. FOODIES (又一城)

營業中

休息中

同朋友慶祝生日🎂我哋有策略地排隊，我哋講到明先到先排結果我朋友爭贏咗佢先排派左唔夠一個鐘我哋終於可以入去食今次係坐吧枱位，都OK呀兩個人可以正整地地傾吓計我哋即刻落單啦waiter 就同我地講，pancake 唔可以後上，如果落咗嘅話就會同正餐一齊嚟，我哋唔緊要啦好肚餓啊！ 我哋叫咗個黑松露意粉我好味呀好多黑松露汁，份量超大我好鍾意食菌類食物，貪佢冇乜脂肪跟住重頭戲就嚟，黑松露薯條，同樣份量都係好多，我哋兩個女人仔都食唔晒，我有兩個食飯可以加茄汁食可以食佢嘅黑松露忌廉醬重頭戲當然唔少得🥰🥰🥰pancakes 😆好多士多啤梨好開心，又鬆軟，又有蛋香。 10個like !!少女打卡一流

東京超人氣梳芙厘pancake店早幾個月係又一城開左，佢係銅鑼灣Hysan Place Flipper’s既姊妹店。開左幾個月次次經過都大排長龍，難得星期六下午唔係好多人，排左半個鐘就人得！雜果梳芙里pancake: pancake超級鬆軟，十分有空氣感唔會硬邦邦 而且啲cream超級香滑 配埋香蕉士多啤梨同藍莓真係好正！ 不過都幾濟，食左一舊已經有啲飽Truffle fries:薯條炸得好脆，配上cream cheese同truffle好好食，而且好大份，超滿足

J.S. Foodies貴為Flipper’s的姊妹店，難得在香港開設分店，人氣固然是一時無兩，光顧時雖然餐廳開張已經有一段時間，但當日平日晚上八時左右到達仍然座無虛席，門外更是大排長龍。桌上放有一些紙板道具供食客自拍留念，不過座位空間相當擠逼狹窄，想與朋友輕輕鬆鬆聊聊天吃點東西的話似乎就不太適合了。明太子醬海膽意粉 ($198)意粉上舖滿馬糞海膽及北海道三文魚子，海膽鮮美甘甜而三文魚子亦鹹香飽滿，意粉屬於個人偏好嘅硬身質感，亦能充分掛滿醬汁。明太子忌廉醬稠密厚重但明太子味欠奉，感覺上與奶油撈意粉無異，而且醬汁份量多得誇張，即使不斷拌勻再邊吃邊蘸但仍剩餘不少醬汁，加上缺少明太子鹹鮮味作中和之效，令整體感覺膩上加膩。法式焦糖班戟 ($129)這裡除了Flipper’s梳乎厘班戟之外亦有供應一系列獨家班戟，當中又以法式焦糖班戟最備受好評。巨型四層班戟裡裡外外塗滿輕盈細滑的鮮忌廉，質感濕潤鬆軟，面層加上焦糖燒製成甜蜜脆皮，彷彿是與焦糖燉蛋合二為一，加上新鮮士多啤梨和藍莓，甜而不膩。Green Tea Frappe ($39)抹茶沙冰上加上鮮忌廉及抹茶KitKat裝飾，賣相吸引但味道強差人意，

事隔一個月又再黎重溫令人感動既pancake，今次試新口味tiramisu，pancake口感似朱古力蛋糕，口感有彈性得黎厚實，雪糕味道似 crème brulee，如果再多啲咖啡就仲正。但又係新菜式既藍青口真係接受唔到，雖然上菜既時候已經講左係美國青口所以重口味，但食落係臭腥味，最貴又難食。______________________________🏠 J.S. FOODIES📍 九龍塘達之路80號又一城LG2樓30號舖i.t blue block💸 HKD 250 per head‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

因為有朋友想試吓，所以一行人9個入去試試。門口寫著‘齊一半才可進入’，暫時得我和女兒，慢慢等。Waitress 禮貌地幫我們安排，已差不多人齊了，但還未有齊枱。Waitress 便安排我們先坐下，齊人還未有位時，隔離枱的女士也讓給我們，感謝。食物如一般的西餐廳，不過pancakes 真是很大份，自己食吃不完。女兒欣賞他們的意粉Burger 就一般。

好想試佢嘅pancake, 於是星期日冒住排長龍都去試，結果排咗半個鐘左右就有位喇今次兩個人叫咗三樣野：1. 松葉蟹蟹籽意粉：味道適中唔會太咸，蟹膏蟹肉都好好味，意粉軟硬適中，夾埋一齊簡直係剛剛好！十分推介2. 蕃茄汁青口配薯條店員落單時細心提醒青口會比較濃味，食落去有鹹海水味，但個人覺得好香好好味呢係略嫌青口可以再大粒d就好啦，另外薯條都十分熱辣辣香脆3. 法式焦糖班戟來到主角班戟啦！原本掙扎要梳乎厚身pancake定係依個好，最後見到「人氣推介」就選咗依個法式焦糖班戟。班戟中夾住香蕉、莓等生果，每層面都有脆脆地嘅法式焦糖，食落有驚喜，推介！兩個人埋單500幾蚊。野食份量適中唔會話太細碟，同埋服務態度都幾好！希望下次encore再嚟試下其他pancake主食！

今日 Happy Friday，去又一城試下呢一間好 hit 嘅漢堡包加 pancake 店，餐廳就喺it服裝店隔離，座位都好鬆動，不過就要排隊入去冇得訂位，我哋揀咗芝士漢堡，仲有Lemon Ginger，幾好食，下次會再試！

Strawberry Blueberry Banana Pancake: There are many strawberries, blueberries and bananas, and there are all kinds of creams and combs. The combs are made by Flipper's. Of course, there are certain guarantees. Pretty nice with the sweet dish.

今日約左個好耐冇見o既朋友食tea，佢住屯門我o係中環，於是就揀左o係又一城呢間餐廳食想試左好耐，o係日本食過一次覺得都幾好味丫！呢兩年都好似興空氣pancake 多d，好似好耐冇食實的的o既pancake 啦～～朋友因為就快結婚，怕肥唔敢叫太多，所以只係點左個意粉同埋甜點食～～因為3點半去到，都唔洗排隊！非常好其實個意粉都ok，不過硬係隔離飯香，見到隔離枱個蟹肉意粉好似吸引d打開menu見到每一個pancake 都好想試，但係可惜朋友要減肥，只可以叫一個試下！最後叫左呢個tiramisu 味，好味！！好想再食埋其他呀～！！！下次再黎先：）

呢間餐廳咁Hit, 梗係要試吓啦, Pancake味道一般，但個沙律菜非常好食！杯熱朱古力都幾好, 唔會太甜, 座位寬敞，食完可以行IT，每個枱上都有道具俾你影相可以盡情打卡！

放假放平日的好處是....11點開門也不用排隊便可以輕鬆吃一個不用限時..又美味的午餐及甜品...😋一行兩人...大家的起身第一餐..一人一個Burger....再一人一個梳乎里pancake...飽到有點過份...但pancake真的好味道到唔捨得唔食晒去🤣Burger點了有牛油果有芝士要配埋個牛...將我最鍾意既三樣都配埋一齊...我點可以唔揀佢呀...牛既肉汁邊食邊流出...有點失儀...不過好食搭夠😂牛雖不可選熟度..全熟來講還算可接受..起碼唔乾！包很外脆內軟.....唯牛汁太多...底層飽越食越濕吸晒牛汁。Pancake很鬆軟...甜度適中......朋友要原味...我就加配雜莓...加番酸酸地會更開胃！

為免排隊11點開門我地11點半就到了剛好滿座但等左5分鐘就入得我叫左士多啤梨藍莓香蕉pancake （$119）第一啖覺得真係超好味中間軟滑，奶味蛋味調和得唔錯，甜度適中唔似有啲梳乎厘pancake 中間充滿空氣口感淋batbat 友人因減肥唔連cream 食，本人認為連cream 食口感同味道更rich更好味友人叫了JS salad （$79）沙律菜幾新鮮，水果都幾多，仲有少少yogurt 另上伴住食唔錯我掛住細味個pancake 唔記得左影相太早既關係本身想飲frappe 無叫到...下次會試下~~

本人一直以來都很喜歡吃梳乎厘班㦸 ，幾個月前知道又一城開了一間從日本過江的班㦸店，已經很想來試試，但是每次見到門前的長龍就却步了。今天放假，一早約好朋友，立下決心今天無論如何都必定要吃到。我們2人2時45分到達，幸運地竟然沒有長人龍，等了5分鐘就可以入座。聽說這兒的梳乎厘班㦸份量比較大，所以我們没有吃午餐過來，大家都各自叫了重點的士多啤梨藍梅香蕉班㦸和Tapioca Mango Milk。🍹Tapioca Mango Milk ($29)🥭芒果味很濃郁，很creamy，甜度適中，珍珠份量都不少，推介👍🍓🍌🥞士多啤梨藍梅香蕉班㦸 ($119）可能今天客人不算太多，約20分鐘，期待以久的班戟送到，三件大大件、熱騰騰的梳乎厘班戟就放在面前，上面有大大粒士多啤梨、藍梅和香蕉片，加上滑滑忌廉，蛋香一陣陣傳到鼻子裡。班㦸味道超好，質地是我喜歡的那種空氣感，不會太輕，與忌廉味道很配合，吃了會有飽足的感覺，但一點也不膩。總結來說，很滿意的一餐，到目前為止，這個是我吃過最好味道的souffle pancake。價格也不算貴，一定會再來試其他東西。💯·

法式焦糖班戟 ($129)賣相精緻又大份既Pancake，總共有3層，每一層既表面都有烤過既焦糖，香脆既焦糖加上鬆軟既pancake，口感豐富有層次，做到外脆內軟既效果，味道方面亦不俗，甜度適中，水果鮮甜，好味！Lobster Pancake ($298)十分有驚喜的pancake，冇諗過鹹既pancake都可以禁好味，原隻龍蝦蝦肉配以香濃既南瓜蓉龍蝦汁，醬汁既味道意外地同pancake好match，雖然價格有點貴，但物有所值，推薦！Tapioca Mango Milk ($29)

聞名不如見面😍傳說中既震震pancake 啊！想食好耐！無論星期幾都要排隊真係要day off先好黎🙈好中意佢份pancake好大份仲有好多士多啤梨🍓另外個意粉好濃味好好食 係膩左啲🙊飲品都有超多選擇🙋🏻‍♀️今次試左凍飲下次試下其他先💕