J.S. FOODIES (又一城)

營業中

休息中

·食物方面·-明太子三文魚籽意粉比好多三文魚籽 都算幾有誠意個汁煮到啱啱好 好易掛汁係意粉明太子味都好夠成件事好creamy好好味😋-三文魚湯意粉 偏重口味但個椒麻味會令人好想一直繼續食三文魚唔會腥 亦都冇骨肉仲好juicy🤩-士多啤梨梳乎厘梳乎厘好鬆軟 個個口感100分好有蛋香 同埋個cream好正 食得出唔係用平野🤣水果略有少少酸但可接受 不過下次再揀都係食番原味！！！比較抵食 始終主要係想食梳乎厘同cream🤣已經encore過幾次 食物依然keep到水準🥰🥰·服務方面·自己覺得都唔錯一舉手就有員工過來有keep住fill滿我杯水😂員工亦有細心同我講梳乎厘製作需時 提我早啲落帶位流程員工態度唔似留言講到咁惡劣都係順序叫飛等左大概半個鐘就有得入可能自己都做餐廳 明白當中難處冇野係完美 好野就要耐心等 無謂雞蛋裡挑骨頭·環境方面·乾淨 坐得舒服只係bar枱會細少少但都足夠放食物

本人希望向貴餐廳 J.S. Foody（又一城分店）投訴其員工在服務上的不當態度，望貴方能協助處理及轉達意見。本人於 2025年6月21日中午約2時至3時期間，獨自到訪 J.S. Foody 用餐，打算點選兩份不同的主餐（其中一份準備打包回家）。點餐時，負責的女侍應以明顯質疑的語氣對我說：「你一個人吃？」即使我已清楚表明會打包，他仍反覆強調餐點「很大份」，言語與態度中充滿不俏與否定，讓我感到極為不受尊重，並帶有對單人顧客的歧視成分我一直認為，無論是一人或多人用餐，顧客都有權根據個人喜好選擇想吃的餐點。侍應不應以任何形式質疑顧客的選擇，更不應因顧客是獨自用餐而作出帶有偏見的評論或態度。今次事件令我對該餐廳的專業程度與服務質素深感失望，亦影響了我對貴餐！整體消費體驗的觀感。希望貴方能正視此事，督促該餐廳改善員工的顧客服務訓練，避免類似事件再次發生。

餐廳以木系為主調，簡潔明亮。💯明太子醬北海道三文魚籽意粉 最驚喜就係意粉嘅質感，因為用咗spaghettini 嗰種比較幼細嘅意粉，同時保持到彈牙爽硬嘅質地，再撈埋明太子忌廉汁，又細又爽硬嘅意粉質地，令到口感比一般傳統嘅意粉有新意。明太子汁忌廉味比較重，又有啲三文魚子增加粒粒嘅口感，整體係好味。💯龍蝦燴意大利飯 $298Risotto 飯嘅龍蝦汁係龍蝦湯嗰種味道，但係又比預期清新一點，帶有鮮甜，有蝦膏味得來又唔會太膩，好味道。至於龍蝦肉都有炭燒嘅香味，質地爽硬，唔錯。附上一小碗唔知係汁定係湯，飲咗一飲，係龍蝦湯嘅味道，濃郁夠味，味道唔錯，可惜係好細碗。👌🏼慢火烤西班牙鴨胸沙律 $149鴨胸肉有一兩片唔係太夠熟，就好嫩滑，又有一兩片熟啲，就口感較硬實，但係整體都有一浸炭燒嘅香味。至於沙律菜底就普通咗啲，都係一般嘅沙律菜。汁亦都係酸酸地冇咩特別。👌🏼抹茶焦糖燉蛋班戟 之前喺呢度食過原味梳乎厘班戟，覺得係暫時喺香港食過最好味嘅，既柔軟又有蛋香味。今次就試吓期間限定嘅抹茶味。抹茶味喺預期中嘅嗰種澀澀哋嘅味道，面頭有啲焦糖脆脆。雖然係預期中嘅味道，不過食落都係覺得原味係最好味，因為抹茶嘅甜味會掩

Pancake動L動L真係好好食🤌🏻🤌🏻蛋香味好重🧈🥚同埋好軟熟溝埋啲cream食 唔會太甜🥹上完主食先再叫因為要等25分鐘先會有🥲所以可以叫定 再慢慢等同埋中午lunch set係勁抵食🙌🏻🙌🏻野飲+意粉都好正宗再加叫個小食🍟🍟兩個人係好夠食仲要上野食都好快所以肚餓去食係勁岩岩好同埋明太子意粉勁多醬😻😻勁cream 建議大家可以一叫嚟上下又一城嚟講唔算貴又好坐好食🤌🏻

As for lunch, we ordered pasta and burger to fill our stomach first. Bolognaise, as what it is supposed to be. The pasta is a bit thinner than typical spaghetti but not as thin as angel hair. My friend’s pasta in soup. The soup tastes really yummy but it’s just a bit too bland when eating together with the spaghetti. Burger. No special comment from my friends. Then it comes the dessert time!This tiramisu is good. Though they say it’s a pancake, but the texture is more like a brownie. Indeed i q

有讚有彈食物水準仍然keep到pancake 仍然好食。但服務水準強差人意。不會再去受氣。平日下午不是繁忙時間光顧，服務強差人意、全體職員尤其高級職員不但沒有笑容、有服務要求時候更加顯露出不滿表情。問問題完全冇反應之後行開、但員工之間閑話家常時笑容滿面。加左單、但沒有update單、追問下員工說話敷衍及有怪責顧客的表現。我的其他朋友一樣有同樣嘅不滿服務經驗一向是忠實顧客，希望提出此意見望餐廳能多多改善顧客服務應比較積極提供協助顧客及對話嘅禮貌的重要性。

每次來到又一城逛街，也很喜歡來這間餐廳光顧。因為這間餐廳的食物種類，很多賣相也10分吸引，好像來了日本一樣。除了有很吸引的意粉、漢堡包之外，班戟的種類也10分多，來到光顧的食客多數也會點選一款。🌟J.S. 雙層脆邊牛肉煙肉漢堡漢堡包的煙肉非常香脆，牛肉也很鬆軟，加上蕃茄及生菜顏色非常吸引，有水準之作。🌟士多啤梨藍莓香蕉班戟這是必叫之選，藍莓及士多啤梨的顏色非常漂亮，加上香蕉10分健康，幸福班戟非常軟熟，有空又甜非常吸引小朋友歡迎。🌟明太子醬北海道三文魚籽意粉明太子份量10分多，意粉軟硬適中，每次吃不停。略嫌價錢偏貴，如果有套餐比較好，因為飲品的價錢也十分之昂貴。

身為班戟控已經光顧過不少餐廳他們的提米拉素黑班戟真的很值得推薦！!非常罕見的黑朱古力班戟賣相極好，份量也十足，三層大大件即使不配合任何醬料吃也有濃烈的朱古力味令人驚喜的是混合着朱古力碎的淡忌廉裏面竟然包着一個雲呢拿雪糕軟滑的忌廉，加上冰凍的雪糕再配搭熱騰騰的朱古力班戟 這種豐富層次感的味道，實在讓人幸福得難以用文字形容 ✨至於環境雖然不算是好坐的 Cafe 但有許多適合單獨人士的坐位能好好享受 me time

本身入去一間賣衫鋪頭行下👯🏻‍♀️點知發現咗一間靚靚甜品店！🍨仲話主打奇跡のpancake??🥞 1️⃣士多啤梨開心果梳乎厘 $139呢個係期間限定嘅pancake🥞出呢篇文嘅時候應該無咗lu😂純分享啦～賣相非常吸引🎄紅紅綠綠好有聖誕feel甜度適中 所以食落無太大負擔整體味道酸酸甜甜🍓 充滿空氣感嘅梳乎厘pancake🌬️口感豐富！ 2️⃣炸魚薯條 $159份量夠兩個人食！🍟🐟海鱸魚柳皮脆得黎薄食炸魚就就最驚啲粉會好厚刮口 但呢個可以放心食食落幾多汁之餘而且食到魚嘅鮮味🐠用料有心機推薦推薦✅ 3️⃣café latte ($42)✏️呀龔 回頭指數:🧡🧡🧡🧡/5

己經食過幾次，因小朋友喜歡所以有時間都黎。每次基本都是order一樣的食物，食物好食。但今次有好大隻🪰，仲嚇到鄰桌客人要求轉枱，職員見住都比唔到反應。感覺唔好的一餐！

呢間食過一次媽媽鍾意食佢嘅班戟於是見唔使等位食多次今次食咗🔻慢煮三文魚忌廉湯意粉🔻蘋果肉桂班戟一路食都好開心㗎 兩款食物都好味👍🏻到差唔多食完甜品兩位望落高級啲嘅員工就係咁望住我哋張枱一食完就即刻收走哂啲餐具當時只係食咗60分鐘 而用餐時間係90分鐘最後望到我覺得好煩厭起身埋單又係即刻嚟清枱 好不愉快的一餐

​朋友之前食過呢間餐廳，見約個地點係九龍塘，大家都無乜 idea 食乜，朋友食過覺得幾好食，就建議食呢間。烤牛肉紫蘇汁沙律｜⭐⭐｜$159沙律菜係梅嘅，烤牛肉又未去到好出色，唔建議食。粟米天婦羅｜⭐⭐⭐⭐⭐｜$68一堆栗米粒整成粒波沾炸漿炸到脆卜卜，好好食。龍蝦燴意大利飯｜⭐⭐⭐⭐｜$298龍蝦不過不失，除左原有嘅龍蝦醬之外，餐廳仲跟多一小杯再濃郁d嘅龍蝦醬，俾顧客因應自己喜好調較味道，呢方面值得讚好👍🏻!蕃茄海鮮意粉｜⭐⭐⭐⭐⭐｜$198意粉偏幼身，有d似天使麵，口感好爽滑。蜆肉同帶子都好大隻，好食!蘋果玉桂梳乎厘班戟｜⭐⭐⭐⭐｜$148空氣感同飽實感拎到個平衡，不過蘋果玉桂同梳乎厘班戟唔係 perfect match，個人認為就咁蘋果會適合d。Mango Passion Fruit Frappe｜⭐⭐⭐⭐｜$55飲到芒果奶味帶少少熱情果味，兩者比例算唔錯，整體黎講幾好飲。整體感覺：服務幾好，味道屬於中上，價錢尚算合理，餐廳環境都幾適合朋友聚會。

去到又一城呀女話想食西餐, 搵左幾間都係好正式食牛扒意粉嘅唔係好岩心水搭電梯開門咁岩見到有人食緊意粉同班戟🥞有甜品d細就實岩食啦一於去試試gogogo! 2點幾去都等左一陣, 隨機入都冇乜期望 諗住只係普通日式西餐, 望落價錢有d偏貴, 都有d想縮😂 但又搵唔到其他餐廳岩食 最後食落樣樣都有驚喜,物有所值! 班戟兒童餐同龍蝦燴意大利飯都跟左個迷你湯 對於我呢d重儀式感嘅人黎講 好滿意好滿足🤣好好味 😋絕對值得一試

🐝九龍塘 l leisure cafe Cafe 風格文青，喺I.T. 入面，星期五晚上唔算多人，等左10分鐘左右就可以入坐。楓糖炸雞煎蛋班戟 $149 4/5 鹹食班戟，意外地夾，美式炸雞配楓糖班戟加埋流心煎蛋，味道好豐富，水準以上！一份有兩片班戟同兩件炸雞，份量幾大，建議將楓糖漿淋落班戟，再一次加上炸雞同埋煎蛋一齊食！黑松露忌廉意粉 $145 4.5/5 必食！！黑松露份量俾得一啲都唔手軟，有海量菇菇！好好食！一份份量都幾多，女仔應該未必食得曬！煙肉蛋漢堡 加 黑松露酸忌廉薯條醬 $149 + $20 3.5/5味道正正常常好食，漢堡扒稍嫌冇乜肉汁。不過勁推黑松露酸忌廉薯條，黑松露酸忌廉醬清爽，黑松露味濃郁。如果唔係特別好中意食漢堡，可以只叫薯條！Tapioca Jasmine Milk Tea - Hot $39 2/5Tapioca Mango Milk - Iced $39 2/5不推薦這兩杯飲品，水準以下的珍珠奶茶總結，可以encore既cafe！

黑松露忌廉意粉嘅味道香濃，忌廉滑溜，黑松露嘅香氣亦唔錯，搭配意粉口感都幾好。不過對於唔太鍾意忌廉嘅人來講，可能會覺得有啲膩。至於海膽卡邦尼意粉，海膽味道鮮明，搭配培根同意粉，味道幾正，令人唔會覺得單調。不過，海膽嘅量可能可以再多啲會更好😋😋