Itamama (東港城) (已結業)

屋企附近商家愈開愈多新餐廳～同朋友食tea又有新選擇啦🤣下午茶餐～👉🏿✨日式芝麻燒雞炒珍珠飯 Hkd 40 💸📌見佢隔離有個廚師帽，應該都唔伏得去邊架啦😂當然係幾好食既，佢啲醬汁偏甜，開正我口味，最中意佢係加左栗米同洋蔥粒去炒，食落好有口感，而且都係甜既，雖然雞既份量唔多，啲飯又油左小小，但係好食架👉🏿✨氹仔豬扒包配薯條 Hkd 31 💸📌呢個係朋友叫既，完全唔得呀！佢後面係完全係燶晒，仲要好多黑色，點食呀大佬🙄同埋勁乾爭爭，一啲汁都冇，啲薯條又好鹽，好難食呀😭😭

先來意粉，幾好味，有大蝦，份量一般魚柳拼薯條，$50幾，似早餐紅洒牛肉飯，唔棘，小孩可食最有䏲頭，$15價錢貴，意粉應該良心價，$50，飯50，炸魚薯條30，特飲，+$8，總共值$138，所以貴了。但合理既鋪租人工收返$90所以216.7合理價格。

岩岩行過見佢新開咪諗住試試一入門口，樓面幾好入門口有歡迎又有禮貌但廚房完全唔掂我Order左個卡邦尼溫泉蛋長通粉等得耐都算....成廿分鐘.....炒到出黎完全唔creamy水到阿媽都唔認得湯粉咁.....雖然價錢唔貴下午茶連野飲收$40但都比少少誠意啊⋯⋯唔好衰到咁....總括黎講....呢間野...高級西餐廳既裝潢...平民化價錢....但野食衰過茶餐廳既質素....希望快點改善下.......

終於有機會試新開既餐廳，地方大，環境寬落。6點幾左右到，等5～10分鐘就有位，燈光少少暗，有啲情調。今次叫左個牛扒，同一個意大利飯。牛扒五成熟，肉質夠軟又唔會血淋淋，表面仲煎到有啲脆，芥辣醬可點可不點。本身已經夠味道！海鮮意大利飯用料都夠，有青口，蝦等等。味道幾鮮甜，飯唔會太濕。仲有好多種類食物，價錢合理，可再一試！

星期六日喺將軍澳食餐晚飯談何容易，所有餐廳都可以大排長龍，呢間亦唔例外。今日六點行過見到未有人排隊，所以就入去食左個早飯啦。餐廳都裝修得幾靚既，而且啲枱好夠大，唔會坐得好辛苦。叫左一個mama pizza,個餅底係脆既，配上流心既溫泉蛋，洋蔥，煙肉，芝士，新鮮出爐都幾好味丫。另外食左三文魚凱撒沙律，個sauce同平時食既有啲唔同，唔知點解好酸，係咪落多左檸檬汁呢？不過菜係新鮮既。最尾食左海鮮墨鮮汁意大利飯，我其實不嬲都對墨魚汁既野食有種偏好，所以見到都好鐘意叫，呢個飯無煮到好淋，係仲有咬口既，墨魚汁都有煮得好入味。不過上面啲海鮮，啲蝦就無乜問題，但啲硯就好多沙，希望可以改善下。我覺得每碟份量都好足既，兩個人share一碟都無問題！不過我覺得呢間都係似快餐/茶餐廳多啲，係咪值咁多人排隊就見人見智啦。

繼隔壁商場開設韓樂之後意樂所屬的集團又於坑口插旗開業了！就是這家位於東港城的意樂餐廳了～～據集團網頁介紹此新開業的意樂餐廳是家歐陸概念餐廳～～確實於裝潢及餐牌排版上比其他意樂分店高級一點雖然如此...但價格上沒有調高得太多這點是值得欣賞的！星期五晚近9pm的晚飯時間較夜而沒什麼人等位食物方面，我點了烤安格斯牛配烤野菜&香脆薯條老公則點了露笋蟹肉帆立貝忌廉貝殼粉另加$15，每人加配了一杯黑松露野菌湯黑松露野菌湯，份量大約是一普通水杯的份量配一小條的烤多士烤多士份量很少，可有可無吧～湯的用料很足！一上桌就有濃濃的松露香～～野菌打成碎粒～每一啖湯都有豐富的口感！正！！烤安格斯牛配烤野菜&香脆薯條，點餐後才覺得自己蠢了！因上月才在韓樂同樣地吃了安格斯牛這裡還要貴差不多50元呢份量也幾乎沒差...意樂就多了點點配菜吧！所以牛的質素也沒差...牛扒厚身，烤過後仍充滿肉汁有香濃的牛味！不過今次的醬汁不是自選，而是指定的自家製燒牛肉醬醬汁不是濃味如黑椒汁﹑蒜蓉汁的一類，反而偏向蘑菇醬那類帶香氣的～味道不錯的～～除薯條外，還有焗薯﹑粟米﹑甘筍&菜又薯條又焗薯..十分飽肚！焗薯不會過膩～粟米不甜的不好吃.

約左朋友去將軍澳 調景嶺一帶踩單車🚴‍♀️🚴而家香港有d單車可以隨時踩 隨時停唔似以前一定咁要去單車舖定時定地點還單車 真方便👍🏻踩到咁上下 有d肚餓😩😩起附近搵餐廳食飯先🍽🍽意樂 裝修好靚 環境相當不錯但人太多 店內環境好嘈😅擺設好有心機❤️pizza好好味 流心蛋真係做到流心👍🏻加埋芝士 煙肉 係絕配👏🏻飯煮得入味 但略嫌份量太少🤢出奇地清新 但冰打得不夠碎 可以再做得smooth d呢個比冰沙更值得飲😍

樣樣都好好食有水準，安格斯牛5成熟好juicy~黑松露湯好足料～Pizza餅皮夠薄夠脆～性價比高～夠valuable~環境舒適interior 有風味～影相打卡啱曬👍👍會再反兜😋😋

环境一般般，比较吵有很多家长带着小朋友来吃饭，座位和内部装修还不错，可以和渐入佳境的女神一起来吃。价格算是ok吧，平均一个人也是100左右，我和女友就吃了169，两个饭。因为是现做，所以焗饭和海鲜饭等都要等15分钟左右，收10%服务费。还是不错的餐厅，有机会会再来尝试他们的安格斯烤牛肉。

假日午餐人流極多,加上新店開張不久,要等候好一段時間才能入座。三文魚火箭菜是不錯的配搭,一份pizza價錢約70多元亦合理,可惜上菜時看到薄餅邊黑黑的明顯燶了一條邊,內心立時涼了一截。還好三文魚和火箭菜尚算新鮮,但仍心有不甘向女店員反映:為何薄餅這麼燶?她隨即回應道:唔算燶啦！究竟是觀點與角度問題,還是黑邊pizza是店方的特色?著實無從稽考,亦無法追究,因為相信店員並不在意顧客的想法和意見。然而對於新店開張的如斯服務,確實有點失望。味道方面本人認為不錯,芝士份量適中也不太油膩。只是吃至邊位要吐出燶掉的部份,感覺不太好。還望各openrice網友留言賜教,從相中pizza判斷是否不算燶?謝謝!

東港城Itamomo茶記扮餐廳，早前去食早餐，啲野好似去左啲茶記，仲要係唔好食果啲。今晚諗住試晚餐，叫個意粉半個鐘都唔到，我同佢講佢咩都唔講就咁行左去，你講聲發生咩事等我有個知字都好呀。當我話唔要個意粉要走你同我講話整緊？唔講我以爲自己去左食法國菜呀。你漏單就漏單啦，我唔吹佢佢都唔整啦，扮咩整緊呀，不知所謂。我轉頭去mos burger叫野連食十分鐘都唔洗。除非你對食冇要求同大把時間浪費，千祈唔好去呢間垃圾！

見呢間野新開張左幾日日日都好多人排隊今日就試試佢！黎到都排左半個鐘。入到去環境不錯，坐得都幾舒服Order左一個飯，一個意粉同埋一個pizza意粉正正常常，略嫌味精太多但做得幾好的是天使麵軟硬度拿捏得幾好，入面仲有好多菇菇，唔錯跟住落黎就係重災區首先講個飯，快餐店質素完全不符合呢個價錢嘅水準，真係去快餐店食番個焗豬扒飯好過，太冇誠意，好求其d番茄汁跟塊雞扒，失望雙重芝士蕃茄乾pizza超級油，成個pizza係比油浸滿，蕃茄乾係甜味，口感好奇怪！而芝士係冇味嘅「香口膠」芝士，餅底係叮叮餅底，真係好難食！佢比薩莉亞嘅pizza仲低質，不推薦！Set Lunch跟左兩個餐湯，又係味精湯，飲左好口渴總結：去意樂，都係食番意粉好d！