Itamama (東港城) (已結業)

因為呢間餐廳係開係我屋企附近，所以我成日都食佢～今日有個朋友入嚟將軍澳搵我，因為星期日所以間間都好多人排隊，最後決定食呢間itamama~我地點左個鮮野菌忌廉天使麵、小食拼盤、雜菜湯同埋西柚梳打。個天使麵個汁好淡...無味...一啲都唔出色☹️😪個天使麵口感都好一般～煮到好林。反而個小食拼盤我覺得幾好，因為個薯條好好食，好有哈迪斯感覺～👍🏻佢配嗰個他他醬簡直救全家～如果唔係嗰醬我覺得成個拼盤好一般。

今日放假同屋企人去左將軍奧坑口樂意餐廳itamomo 食下午茶，環境裝修都唔錯，睇餐牌好似好多野食，由於今天是星期五下午3:00，都唔使點等位就入得。服務員態度都好友善，今日叫咗一個自選雙拼意大利蕃茄濃湯扁意粉(流心蛋+鮮野菌），隻蛋煎得幾靚，個番茄湯都好好味，另外叫左一個白汁香草芝士焗薯條，芝士鋪面好香，啲薯條都幾好食，芝士同薯條好夾，口感好好。另外叫咗一個意大利泡沫咖啡，同埋叫左一個意大利鮮奶咖啡。

好多時想去試下，但都太多人，所以冇去，今日早少少到，等左幾分鐘就可以入座。環境幾好，服務員態度都好好，好專業。芝士野菌炒滑蛋牛角酥配薯條$42第一次食加炸粉既薯條，好香口，係咸左少少。個牛角酥上菜個陣已經聞到好香，個蛋真係超滑，同個牛角酥好夾！！炸魚柳薯條配沙律菜$37，一開始睇菜單以為係大家樂款式，一試炸魚柳個粉好薄，魚柳肉滑超滑，第一次食到咁有水準既炸魚柳法式紅酒牛肉農夫包$38，個包一開始食就香口，但好快凍左就會好乾，好硬值得一讚係佢唔會淨係放一層好薄既牛肉，個餡都深既，分開黎食個牛都OK既，但夾埋個包黎食就有d晒，唔係好夾。另外仲點左個欖油乾蕃茄野菌天使麵$42 ，份量正常下午茶既份量口感好既，不過有dd淡。飲品，免費熱飲，凍飲加3蚊，點左個凍咖啡，凍奶茶，凍奶茶好飲，茶香夠，好滑整體黎講，環境加食物係中高等，尼個價錢係抵食，值得試下既

今日自己一個行東港城，想搵啲唔太貴又好味嘅嘢食，就見到呢間價錢中等嘅意粉就入去試啦。呢度嘅選擇真係幾多下，而且係下午茶時間，所以價錢再平啲。我就揀咗煙肉卡邦尼溫泉蛋腸通粉。通粉賣相都唔錯，一開始吉爆左個溫泉蛋，啲汁流晒出嚟，所以成疊通粉都好似有次小湯喺下面咁樣。通粉都幾有咬口，唔太林又唔太硬，配菜都幾多下有煙肉啦，翠玉瓜啦，紅椒啦，蘑菇啦。溫泉蛋同卡邦尼真係好夾，唔錯唔錯。嘢飲方面呢，我就帶咗一杯凍檸蜜，佢用嘅蜜糖就係菜蜜嗰隻蜜糖，都幾清新。如果想食啲平平哋嘅西餐，要求又唔會好高，都可以試吓呢間餐廳。

第一次老遠嚟到坑口東港城連地鐵站點出都唔知路過見到間意大利餐廳喺出邊好似未見過同朋友睇左陣Menu就決定入去我哋兩個人叫咗三樣嘢餐廳內氣氛唔錯~三文魚凱撒沙律分量非常多不過略嫌麵包粒唔夠多調味適中三文魚亦唔太鹹黑松露野菌湯加酥皮因為本身好鍾意飲酥皮湯所以見到有就好想試點知令我好失望大家樂絕對好食啲酥皮唔夠鬆而且食落味道有啲酸？個黑松露湯就好飲嘅叫做可以彌補不足推介各位唔好加酥皮海鮮龍蝦汁燴飯飯唔會太硬龍蝦汁都幾突出而且海鮮都算新鮮幾好食最後嘢飲揀咗熱情果Lemonade熱情果味出消暑解渴好飲

遲遲還沒有吃lunch，經過發現這裏兩點就已經開始供應下午茶餐，於是急急走進去醫肚。餐廳門口狹窄，走進去才發現環境寬闊，座位甚多，是個歇腳的好地方。原先以為下午茶餐只有門口餐牌所展示的四個選擇，入到餐廳翻開餐牌後才發現選擇有十幾款之多，而且每款都頗吸引。最後點了一個鹹牛肉炒滑蛋意式包拼田園沙律，包餐飲都只是$42，價錢合理。鹹牛肉蛋炒得非常嫩滑，而且份量甚大，估計餐廳至少用了兩至三隻蛋來炒。不得不提其意式包外表鬆脆可口，入口卻又十分軟熟，加上上菜時包還是暖烘烘的更為這餐增加不少分數。

經常行東港城 都會見到itamama好多人排隊等位 每次路過都見到有個燒雞外賣promo$68,次次都話買點知次次都無晒今晚可以早d開飯 7pm就去到唔洗等位 直接入座個場都幾大 lighting唔錯幾外國酒吧feel叫左 3 個野食 2 drinks烤安格斯牛(medium well) 有炸薯條 有個焙螺絲粉個牛唔錯 唔難嚼 都有牛味百里香烤雞個雞上檯熱辣辣 d油一切 多到滴d皮烤完好似 人地飲宴差不多尾聲果個紅燒炸子雞 都係脆卜卜ga上面都有好多香草 好好味 肉質都好滑溜個調味醬 係凍ge但好酸溜溜 點左唔會膩 配雞好match小食拼盤有柚子雞翼，煎鴨胸炸魚塊，沙律菜香腸，炸薯條熱情果特飲(main course有半價) 今餐三百中左右. 但係值ge加上staff都好熱情招呼我好滿意

食過呢度嘅早餐，覺得服務同質素都唔錯，午餐又嚟試吓先。呢度真係幾大，就算食晏時間等位都唔需要等好耐。食物種類算多，有飯，粉麵，Pizza，漢堡，味道方面我覺得還可以，唔係差亦唔係好味，無咩驚喜。帆立貝菌王海鮮龍蝦汁意粉，味道可以，龍蝦味唔太食得出，海鮮有大蝦，帆立貝，青口，蜆係最多，飯入面有啲殻碎。黑松露菌王煙肉忌廉扁意粉，淡淡黑松露味，醬汁有啲淡同少。松露野菌汁焗雞扒珍珠飯(蛋炒飯底)，上面鋪嘅芝士做到少少拉絲效果，炒飯底就算食到尾無晒醬汁亦無大問題。魚柳芝士漢堡配田園沙律·香脆薯條漢堡幾好，有兩塊魚柳，又脆又唔會乾身，薯條唔係即炸係涷嘅，仲保持脆係因為包咗少少嘢嚟炸。加$15可配芝士白汁煙肉焗西蘭花，雖然有芝士食落都係幾清唔濃味。法式田螺焗薯蓉，薯蓉厚實，每人一兩粒唔錯。加$8配一份柚子蜜味芝麻雞翼，外面甜甜哋裏面又嫩滑。左上係加$8菠蘿檸檬特飲，都幾清新。

上星期五吃完晚飯，已打定主意下星期來試試午餐。 今日約了多月沒見的舊同事來試。今次第一次試午巿套餐，打開餐單，價錢不貴，可能此商場和隔鄰的餐館都是此等價單，競爭激烈。我們叫了米蘭肉醬扁意粉和車打芝士魚柳漢堡配脆薯。 兩主菜份量不欺場，我朋友都驚訝份量比想像中大，還要分一些予我，我當然卻之不恭。魚柳和薯條炸得很「轟烈」，很脆但相對很油，喜歡與否各人喜好。 意粉稍為煮耐了少許，有點過諗，味道濃但味精亦是有點多。一星期試了晚餐和午餐，我比較喜歡午餐，約朋友，性價比高、座位舒適、傾談兩小時都無問題。

今次是第二次試這餐廳，晚上8時入座，餐廳裝修很有格調，間格設計適合二人至一家人聚餐。我們叫了凱撒沙律、帆立貝菌皇青口龍蝦汁意大利飯及意大利巴馬火腿火箭菜比薩。主菜價錢定於中價，比薩份量不是很大，二人量剛好，雖不是手製，味道頗濃，落料足。 沙律不馬虎，醬料調較適中。至於飯，米不是正宗意大利飯，但配料搭夠，蝦汁味道濃郁，味精有點多。埋單大約二百元，算是性價比高合大眾的餐館。 吃完後我已想快快找日試試午餐。

將軍澳人想食西餐 又想食平日 除左「xx亞」之外 終於有另一選擇 比前者價錢貴小小小小 但質素就高唔小 之後已經食過好幾次 無論幾時黎食 都推薦大家食飽飽都好 都要加埋個甜品焦糖燉蛋黎食🍮🍮 絕對有驚喜！

今晚食叫左三個菜食。海鮮龍蝦汁燴飯個汁幾濃幾野味，海鮮都有幾多，有蜆同蝦，飯粒都唔會煮得太唸。温泉蛋PIZZA幾特別，好少會見PIZZA會有温泉蛋，但食果時都幾呢HEA，因為佢D蛋汁會係咁流，個PIZZA偏細同埋薄。芝士焗西蘭花呢個真心伏，D西蘭花焗到出哂水，完全無芝士味，部份西蘭花仲有陣草青味，似烚西蘭花多過芝士焗。完全圖文不符，MENU係咁嘅！

細個返學嘅時候未到第二日嘅開始都唔訓，第二日返學日日都分秒必爭，食唔食早餐都無所謂。人大咗無論係一個人或者朋友同事親人都好享受早起身食早餐飲杯嘢，為嚟緊嘅一日加油。百份百同意樂為同一個集團，早餐尤其係列扒類嘅選擇同味道都差唔多，食物配料有啲唔同，多咗 幼滑嘅薯蓉，茄汁豆變沙律菜，朝早食吓清新嘅菜，係一個好選擇，雖然意樂價錢較高少少，但禮貌同服務都會好啲。脆脆炸魚柳配香草豬肉腸魚柳新鮮炸好，外脆內嫩。香草雞扒雞扒較薄身同乾身，但唔鞋，一啲都唔油。香煎豬扒，豬扒醃到好鬆軟，係我鐘意嗰種，朋友覺得有咬口嗰種好啲。香草豬扒配扁意粉，意粉軟硬適中，仲有多條香草豬肉腸。鮮奶炒滑蛋配火腿·餐肉英式提子鬆餅可以加$5轉特色牛角酥，唔係好脆，但好鬆軟。加$3可以轉蒜香牛油厚多士，厚身又香脆，蒜茸味香。加$8配無糖高纖鮮奶燕麥片，香滑又健康。加$8配粟米火腿貝殼粉，湯清清哋，幾好。加$10轉凍焦糖奶泡咖啡，夠香滑仲夠甜添，我好鐘意。

雖然是端午節，但經常食糉都食到有點口淡淡，難得放假就約了一班朋友一起午餐，順便傾下計。午餐menu 其實都多選擇，價錢就比一般快餐店貴小小，但質素就好些，同埋坐得比較舒服。咁我地就叫左三個SET我叫左松露野菌汁焗雞扒珍珠飯，個飯幾好吃，有黑松露香。我朋友叫左個蕃茄鴨胸炒天使面另外一個朋友叫左辣肉醬溫泉蛋焗扁意粉。整體黎講味道都ok，係快餐店以外既另一種選擇。

午飯時間去咗東港城食飯，午飯時間實在好難揾位，itamama係比較turnover得快嘅餐廳。已經唔係第一次嚟食，今日再嚟就試吓其他菜式。記得呢度嘅食物份量都算多,所以三人share左兩個餐。我自己叫咗個黑松露煙肉菌皇忌廉扁意粉，加＄8叫咗個水牛城辣味烤雞翼(兩隻)，加$8將飲品升級做mocha 。忌廉汁意粉唔錯，忌廉嘅味道太單一，有黑椒洋蔥蒜頭嘅味道。煙肉蘑菇洋蔥等等嘅配料，先炒香再混合意粉，食落有鑊氣。另外朋友叫咗帆立貝海鮮菌龍蝦汁意大利飯($71)。感覺比較港式一啲，汁比較多，啲飯亦都比較軟身，比起傳統意大利飯，雖然飯粒有彈性，但係冇半熟嘅口感。龍蝦汁都算鮮味，加埋有啲炒炸蒜，分外惹味。不過海鮮唔算好新鮮，蝦冇蝦味。雞翼稍為係偏甜嘅，唔算太辣，裏面鮮嫩仲保留少少肉汁。以一個港式西餐嘅質素來講都唔錯, 味道幾好,湯底同醬汁濃郁，但係未算足料高質。普通午飯性價比還可以。