Itamama (東港城) (已結業)

細個返學嘅時候未到第二日嘅開始都唔訓，第二日返學日日都分秒必爭，食唔食早餐都無所謂。人大咗無論係一個人或者朋友同事親人都好享受早起身食早餐飲杯嘢，為嚟緊嘅一日加油。百份百同意樂為同一個集團，早餐尤其係列扒類嘅選擇同味道都差唔多，食物配料有啲唔同，多咗 幼滑嘅薯蓉，茄汁豆變沙律菜，朝早食吓清新嘅菜，係一個好選擇，雖然意樂價錢較高少少，但禮貌同服務都會好啲。脆脆炸魚柳配香草豬肉腸魚柳新鮮炸好，外脆內嫩。香草雞扒雞扒較薄身同乾身，但唔鞋，一啲都唔油。香煎豬扒，豬扒醃到好鬆軟，係我鐘意嗰種，朋友覺得有咬口嗰種好啲。香草豬扒配扁意粉，意粉軟硬適中，仲有多條香草豬肉腸。鮮奶炒滑蛋配火腿·餐肉英式提子鬆餅可以加$5轉特色牛角酥，唔係好脆，但好鬆軟。加$3可以轉蒜香牛油厚多士，厚身又香脆，蒜茸味香。加$8配無糖高纖鮮奶燕麥片，香滑又健康。加$8配粟米火腿貝殼粉，湯清清哋，幾好。加$10轉凍焦糖奶泡咖啡，夠香滑仲夠甜添，我好鐘意。