Italian Tomato Café (已結業)

前幾日食左佢個綠茶紅豆muffin, 尋日試埋香蕉朱古力muffin. 我覺得呢個無咁好食. 唔知係咪心理作用, 覺得呢個muffin油d. 同埋muffin裡面d朱古力溶晒, 攪到我食到le咁hair!不過同樣地件頭十足,食完好飽.

食物確實幾好味，幾抵食～０的ｃａｋｅ係門市外賣０個０的ｃａｋｅ，完全唔會因為係ｂｕｆｆｅｔ而變得細件０左！不過空間細～ｓｔａｆｆ態度差！見到你檯面擺滿晒ｄ空碟又唔執．叫佢又好唔耐煩！

環境不錯,且價錢合理。不過款式只有意粉和cake. Cake 好好食。

如果想平宜又唔想吃茶餐廳或麵包Cafe的出品，這裏的意粉算不錯，至少不是港式，忌廉汁意粉好重忌廉味。蛋糕雖然一般，但款式選擇多，價錢合理。裝修和服務就麻麻喇！不過夠free又唔駛坐得逼（除了buffet時段）。

意粉味道普通，因我喜歡食焗的，熱烘烘好好味。但它做不到。蛋糕方面，當然算不俗。但其它蛋糕店都會做到此水準，所以都普通。要自己招呼自己。是更不足之處。

上星期去食lunch, 叫了其中一個lunch set ($48), 主菜(龍利柳飯)okay, 個餐湯(忌廉湯) & 熱咖啡都唔掂呀! 咖啡唔夠熱添! 已經失色喇!

我坐又未坐底, 野都未叫, 佢d野更加食都未食, 就要比錢佢!? 如果我轉個頭佢都無位, 我cancel唔係度食又或許到時食到一肚氣, 咁我真係覺得貼錢買難受了!如果佢係超級好味, 名不虛傳咁好味, 個個都係咁留法的話, 我都會留100蚊既.

佢呢個留位費既policy出左好耐下...雖然呢個方法都幾騎呢,但若果有心食既, 畀左先都問題唔大, 因為到你最後埋單時會refund返, 都無咩損失既...

今晚唸住入去吃pizza, 去到門口又無人招呼, 等左一陣有個侍仔叫我地出門口等, 好快有位!但又唔登記又唔mark人數!然後, 佢出黎叫d人排好隊等入坐, 無端端走埋一堆人之中, 問個d人幾多位, 跟住叫個4個人留低100蚊留位費, 8點半回來便有位!呢個比錢留位既做法真真奇怪! 前所未有! 以前聽過話會派飛仔等位的, 估唔到變成咁!然後係門口等位的所有人都覺得有無攪錯呀, 好巴閉咩!酒店食都唔使咁做啦!跟著各人都離去..包括我們在內!

服務勁差, 以後唔會去, 佢班staff如不改善一下態度, 聽執笠啦!

之前同個friend黎呢度食,我地叫左一個意粉set lunch,一個cake set同一件藍啤利撻,總共食左86蚊個意粉set同cake set都有杯野飲,意粉set就有多夠包食,cake set就叫左mango cheese cake.我覺得全部都好好食,而且食到好飽,一個人都係食左43蚊,算抵呢~

雖然cake係招牌貨, 但其實唔係個個都咁正, 部份只係普通貨式... 反而pasta就令人有驚喜, 味道不俗... 至於cakes同pasta以外既食物呢, 我就覺得唔駛叫啦...(我同朋友一行6人去食, 佢都只係畀一張細圓檯我地, 齋坐都有少少迫, 放埋食物之後就更加狼狽...)

昨晚因為好友既生日,我們9個人去左呢樹為好友慶祝牛一,我地拎左8點鐘既籌,7 點50分到去o個度排隊入去,不久之後我地就有位喇,最先個waiter比左最邊邊既梳化位比我地,但係突然間有位阿太同個waiter講,"我地有小朋友架,我地一定要坐梳化!",可惜,個waiter "唔該"都無聲就同我地9 個人講,"你地坐o個邊啦",我地當時都忍佢地,因為就下d 小朋友嘛,但個waiter居然比左張6人檯比我地,9 個人又人男又有女,一張6人檯又點可以客納我地呢?我地要求個waiter移多張2人檯比我地,個waiter居然同我地講"我地今晚d檯唔夠架wo,點移比你呀?"(好似係我地錯咁wo),我地就反駁一句"我地一早就就book左9個人,但你地既同事比左張6人檯比我地囉",佢無聲出,死死氣咁移多張2 人檯比我地,之後出去order食物喇,個counter既男工作人員,居然當我無到比我後一位成熟長髮既女生order 先...完全漠視我,到counter另一位工作人員提一提佢,佢至知無比我order先(激氣),我地雖然係學生,樣子不是成熟的類型,但我地入得黎食野都係你地既客丫,一d都唔fair

食過佢個海鮮意大利飯, 價錢係好平, 三十幾蚊,但係obviously o個d海鮮係一袋袋o既急凍貨色.當然咁o既價錢唔可以expect d 乜...不過我寧願俾多d錢去食d好d o既

女友生日同佢去食咁o岩個日唔知點解淨係得6:30 個一場算la , 女友話鍾意冇計坐低左就即刻叫野食la不過其實都係食個幾樣野都唔駛選擇...熱野就差唔多全部都係意粉再有pizza+飯+沙律+熱狗上面d 野加埋大約20 款la不過意粉只係好似得兩種味道分別只係表面轉左幾粒材料onlycake 個方面都唔係好多choice味道都ok gei不過都冇乜驚喜lor