Italian Tomato Café (已結業)

哈哈~個"津"字唔識打...講返個cake,choco同津子味一d都唔出,cream又唔幼滑,成個cake大大個,係好抵,不過好似食膠咁,真係好差

幾年前,佢哋D cake真係幾好味,依家就非常唔掂,D cream一食就知用魚膠粉開,實到死,完全冇功夫可言,係人都識整啦,真係美心都好過佢多多聲呀!

上次我去食dinner la~我同我的朋友仲食緊，我地未食完，D待應就話要收，好聲好氣同佢講我地遲點仲食，佢就話我地顧住傾計唔食野，佢係都要收，我好angry 同佢講話乜這餐廳不准人客傾計的嗎？之後佢就話係，超冇禮貌，人地都係唔想浪費，想同朋友一邊傾，一邊食，佢咁都話唔得，我真係火都來，比左錢不是來受氣的呀

我d同事都好鍾意o黎呢到食dinner buffet. 我就好耐之前去過一次，因為細妹話想試，所以同埋佢\個friend 一齊去囉，本來想叫多個friend，但佢\一聽見italian tomato就話唔去。最後我地都去o左，可能有心理準備d service差，所以一心真係諗住食cake.冇其他expectations. 三個人食o左兩個pizza, 2個pasta, 3個salad, 1個飯及7件cake, cream cheese cake and chocolate mousses cake 好味，其他都ok. service真係差，水吧姐姐會工作時間講自己o既手提電話，係講o左ok耐，哥哥仔好似我欠o左佢\o既咁叫佢\收收碟都黑口黑面，最好笑係有個姐姐送錯餐\，人地食o左之後佢\大叫(係大叫)，「唔係你o架!」，個客人好無奈咁問佢\：「咁點呀，我食o左喇。」呢個情境唔係一次，一個多小時我最少聽到兩次，仲有好多好笑野。所以最後總結係，食物ok，服務唔ok，和和果果。建議同一d脾氣比較好的朋友去會開心d，因為佢\地d service脾氣差d就會忍唔住鬧佢\地。

當天去吃的是$120自助餐！一開始服務員的態度極差，不時呼呼喝喝，既然付了$$，只有忍。到了取食物，要好像飢民般排隊輪候，再等侍應拿來，那為何不可以讓客人直接order呢？試了幾個熱盤，只能說是坐在餐廰吃著便利店的叮叮意粉，所有意粉都沒一滴汁，全是乾淨淨的，難極了。沙拉又說已經派完，沙拉都沒有，但$就收足．．．．．．又沒有人侍應收拾抬面，碗碟放到再高也沒人理，最後都是自助收拾啦！只能說蛋糕是不錯的，吃了幾款，有綠茶慕絲，藍梅cheese cake，咖啡蛋糕都不錯！！又是只此一次，下不為例的餐廳！！

平安夜同朋友0黎呢度食下午茶，點知假期冇tea set，於是叫左兩件cakes大家share。我地叫0左new york cheesecake同意式芝士撻，個new york cheesecake 冇乜特別，唔覺有芝士味道！D cake明顯差過以前好多倍！個意式芝士撻...唉...老實講，我地係畀佢個賣相呃0左！食落去一D都feel唔倒有芝士味，簡直同普通蛋糕冇分別！cake唔得都算喇，我覺得呢度幾迫，坐又坐得唔舒服，D service又確實係出名差！食件cake都唔開心，肯定冇下次！

我最鍾意佢d野食唔貴~ 又有水準~~d cake 又正....我super推介ｂｌｕｅｂｅｒｒｙｃｈｅｅｓｅ　ｔａｒｔ．．．．

個環境勁靚,d野勁好食,嘆lunch,tea,dinner都唔錯,最好既就係食dinner buffet,乜野都叫得,又正,如果叫意粉呀飯呀o個d,佢地係會即刻落單,即刻焗出黎架...d cake又全部都叫得,可以試晒咁多款,不過有個tips,如果去食buffet既話,多d人一齊去先好,咁就可以叫多d款一齊食,一人食一d,咁就唔使少少人又叫多多野,叫晒d野食返黎又食唔晒,又食唔到多款...隔仲有個日本書店添...食完可以入去行下,個feel都幾正架~

好鍾意呢度既意大利飯, 雖然料唔多, 不過都好creamy. 反而意粉我就覺得硬身左少少. d cake都唔係每一款好味, new york cheese cake 同綠茶蛋糕都麻麻, 冇咩cheese 味. 推介lemon cheese tart, 藍啤梨tart.

跟朋友吃set dinner，有西湯、餐包、飲品、main dish﹝pasta/rice﹞加cake﹝任選﹞，$65。這裡的cake 真的不錯，不過cream 多了一點。另外，三文魚沙律都只是$20，價錢一點也不貴，味道不錯。^^

食物一般，甜品（ｃａｋｅ）唔錯．．．不過servuce 真係麻麻，ｄ人十問九唔應，我去個次仲壞冷氣添呀．．．仲有我見到何家莉呀，哈哈！

來過幾次, 不過都是幾個月, 或者更耐前的事了.散叫比自助餐仲低食食物都過得去的,普普通通d cheesecake 唔係隻隻好食服務質素都okie 的...

琴晚係度食buffet，但係好似無以前咁好了。間餐廳都幾熱，好似無乜冷氣咁！叫0左蛋糕同意粉，都幾好0既，不過有d蛋糕0既款式就無得食。

食物只係好普通.service好差,收銀個一個差,waitress又差,又趕人走咁.我係7:45pm叫野食,8:00都未有.之後話我地8:00都食完,所以冇喎,好激氣!!!環境都只係一般.$120食buffet 好似好抵,其實一d都唔抵.要受氣!!!

好心佢地方咁細就唔好學人搞乜野buffet啦~ 我食咁耐buffet都未試過要排隊"叫"野食排到出門口(記住係"叫"的, 因為唔係即刻有得比你食, 叫完之後要埋位等多兩三個字先會拎比你)如果你一心係去食cake o既都會失望, 因為比你選擇o既款式唔多, 而且唔係特別好食... 完全唔明點解咁o既buffet都可以full. 同埋要我比每位$120咁o既價錢要食到一肚氣就真係好唔順.