影片
以上資料只供參考, 請與餐廳確認詳情
相關文章
啲麵又凍又少,墨魚有雪味,奶茶淡而無味,蛋糕又無味,一啲cheese味都冇,不知所謂,服務差食物超差..
繼續閱讀
是次與朋友同行四人到餐廳晚膳，惠顧4個set，轉餐飲欠缺彈性，同價錢的不可以轉，最滾的就是聽到落單的服務員「禮貌地」回答﹕「我地LI度D餐係咁架喇...」食物質素﹕羅宋湯，我見到湯的顏色較沉，不似一般的羅宋湯，因本人不好羅宋湯，餐湯亦沒有其他選擇，遂見狀索性不喝。同行朋友表示似用清水開淡了，味道帶酸，3人喝了兩啖就不喝了。蟹肉意粉，淡而無味，對比其他食物尚可。PIZZA 不錯。雞胸沙津，最簡單及安全的食物，生菜幾好食。蛋糕，SIZE偏大，味道尚可，但因機製，欠HOMEMAKE感覺。芝士焗飯，味道帶酸「叔」，服務員表示是「調味料問題」，本人就半信半疑，信不信由你。蝦+蜆肉意粉，蜆肉帶有腥，蝦似浸過死水，吃下感噁心。朋友向經理投訴，餐廳立即處理更換有問題的食物，並承諾暫不會再賣出有問題的食物。可以不稍一回，同樣的食物又見到在鄰座出現，我見對方也投訴食物，表示魷魚也有問題......
繼續閱讀
italian tomato都食過好幾間,呢間好有問題,無樣野好食,最過份係用唔新鮮的食物,無肚疴算你好彩!
繼續閱讀
今晚同朋友去左廣東道Italian Tomato食dinner，食到臭蝦、稀紅湯、怪味飯。仲差啲搞到call食環署嚟掃場添！一入到去，七點半左右，竟然有好多位，以為地點問題，所以少啲客，不過後來估計到點解喇！叫左四個set dinner(三個意粉，一個飯)加一個salad。大家share食，首先飲湯，只提供雜菜湯，味道稀稀，餐包又凍。跟住嚟pizza，都ok無乜野，之後開始食pasta，朋友食左其中一碟海鮮意粉o既一隻蝦，話有啲霉，另一朋友食另一碟意粉則形容為無味。我食果隻蝦亦有臭味並吐了出來。話口未完，隔離果枱客搵經理投訴，(1)啲蝦唔新鮮；(2)飯味古怪；(3)蕃茄怪味；(4)意粉唔好食。經理轉頭返番嚟話廚師食過無問題，果枱客更加興。呢個時間，我地亦加入，向經理投訴啲蝦霉，投訴的聲音更加大。同時，我地個飯亦啱啱嚟到，我地即刻每人食一啖，大家都覺得難食，說不出的怪味。跟住經理全部換晒第二樣野比我地。隔離枱客鬧左一陣搞左一陣最後亦走了，而經理亦說是晚不會再賣蝦。之後來了一對情侶，佢地又order了那碟意粉，竟然仲有蝦！我地靜觀其變，無幾耐個女仔話覺得啲蝦唔好食，我地跟住同佢講之前發生o既事，佢地勁忟，最後又叫經理換左。但激氣的是，果間野仲賣比客食。我地講講下，開始研究需唔需要call食環署嚟掃場。但因為證據已被攞走，我地就搵下有冇其他客食同一樣野，見到有一枱六個女仔，其中一個食淨一隻蝦。轉頭諗住問下佢啲蝦有冇事，去到發現她已食晒，她亦表示有腥味。我地繼續傾偈食飯。隔左一陣，隔離枱對情侶走左，職員即刻執枱及放左個reserve牌(那時都己經九點幾，但直到10:30間野收擋都冇人坐過果張枱，好明顯想將啲客同我地隔離，以免我地搞事！) 無耐隔離遠少少果張枱嚟左5個客，有兩個又食蝦，我地諗住，如果今次都仲有古怪，就即刻call食環署。當那兩個客食完蝦之後，都表示爽及沒有問題。至此，我們亦無話可說！不過，這間餐廳如何，大家都心裏有數！
繼續閱讀
難得又同best fd行街，行到6點鐘大家已覺肚餓。幸好早一點到達，到6時半已滿座，可能大部份人都食buffet關係。我同fd只食一般的意粉再另加$32，就有湯、餐包、甜品及飲品，雜菜湯算不錯，起碼不會是罐頭湯。我要了蕃茄蟹肉意粉，味道清清地，蟹肉不是普通的假蟹柳，而意粉夠爽，但不彈牙的。Fd每次都會食忌廉煙肉雞蛋意粉，今次亦不例外，佢講得咁好食，我就試了少少，忌廉汁味道香濃。終於到食蛋榚時間，有大約10款蛋糕任揀，最後要了藍梅批及意大利蛋糕批，真係好失望。兩個蛋糕的批底都是腍腍的，中間的蛋糕是無味的，而且質地好鬆散，我o地兩個人只食了三份一就放棄了。如果下次真的再o黎，我不會加錢食蛋榚了。
繼續閱讀