INN - I’m Not Nothing

營業中

休息中

-I’m Not Nothing-@荔枝角.約左朋友仔放工後食飯，唔想去太遠，便選擇荔枝角工廈的餐廳。今次朋友仔揀左I’m Not Nothing。.餐廳好有情調，裝潢精緻，好適合拍拖約會或媛妹聚餐。.牛油香煎帶子伴忌廉菠菜配香脆酸種麵包多士 ($98)帶子以牛油煎香，外層金黃肉質軟嫩。我同朋友仔都好鍾意這個忌廉菠菜，菠菜煮得好嫩，食落完全無渣，加埋個濃郁的忌廉順滑。.配埋香脆的酸種麵包多士，無論味道還是口感都好夾。.牛油香煎蟹餅伴檸檬忌廉脆多士 ($138)蟹餅好足料，食得到啖啖蟹肉個種，並不是結實蟹滑質地個隻。蟹肉加埋洋蔥粒和紅蘿蔔粒，令口感更豐富。.脆多士用的是法包，塗上厚厚檸檬忌廉，食落好清新。.海鮮墨汁意大利飯 ($178)我同朋友都好喜歡的一個飯，墨汁意大利飯煮得硬度剛好，每粒飯都被豐盈的墨汁忌廉包住，帶點鮮甜香味。.大蝦同青口都好新鮮，食落肉質爽口。.綠茶雪花冰 ($108)用料滿滿，超大碗的雪花冰。.雪花冰做得好輕身，入口即溶。加埋輕糯的麻糬、甜度剛好的紅豆、綠茶啫喱和雲尼拿味雪糕，成個配搭都好豐富。.就咁食都已經好好味，但如果嫌雪花冰太單調，可以加埋濃郁的綠茶糖漿，帶

今日放半晝，同朋友嚟荔枝角食晏。揀咗億利工業中心 2 樓呢間人氣歐陸餐廳「INN - I’m Not Nothing」。餐廳裝潢優雅，以高貴嘅純白色為主，門外放置了古希臘風白柱，配上室內嘅水晶燈飾同復古吊扇，佈置華麗有格調，氣派一流。點咗兩個 Lunch Set，套餐配有是日餐湯及 $28 或以下餐飲，如果想轉其他飲品，亦可享半價優惠。是日餐湯為粟米忌廉湯，湯身杰度啱啱好，入口好香好滑，粟米味濃。香煎北海道帶子墨汁扁意粉 ($128)  帶子肥大肉厚，底面都煎至微焦，食落軟嫩又多汁。意粉烏漆黑亮，墨汁味突出，質地爽滑彈牙，加上甜美帶子，鮮味無窮！燒美國豬肉眼扒伴蘋果果醬 ($138)  肉眼大大塊，連住適量脂肪，肥肉爽彈，瘦肉軟嫩，入口肉味香濃又有油香，加上微酸微甜嘅蘋果果醬，完全中和咗豬肉嘅膩感。最後輪到甜品時間，炎炎夏日，當然唔少得一碗冰涼解暑嘅雪花冰啦！點咗客 Melon Kakigori ($108)，外形夠晒搶眼。牛奶冰鋪滿粒粒新鮮蜜瓜同哈密瓜，入口啖啖都係 juicy 果香，清新解暑。加入另上嘅煉奶，再混和中間嘅忌廉一起享用，多重層次，甜而不膩，非常美味。

荔枝角既工廈不嬲有唔少隱蔽又有驚喜既小店，今次嚟試試呢間bookmark咗都一段時間既INN!-全日早餐烤多士好有誠意：係搽咗牛油同埋蒜蓉~ 炒蛋滑嫩. 亦有我鍾意既沙律🥗 仲有蜜瓜最後仲總結，成件事is refreshing!-燒美國豬肉眼扒伴蘋果果醬好juicy喎個pork ribeye! 難得地有一定厚度而又唔會dry. 伴碟都豐富，有grilled薯仔&蕃茄、青瓜雜菜，仲有沙律🥗. 好鍾意咁balanced既組合😎-咖啡岩鐘意齋啡口味既人☕️-Mixed berry kakigori重點係：呢度竟然有氷kakigori食!! 仲要係好食既氷!! 以為係日本氷，但佢係台灣好興嗰種雪花牛奶綿綿冰，入口即溶🤩 其實我個人係鍾意台灣嗰種綿綿雪花冰多啲，所以呢個氷超岩我口味😏 仲有勁多新鮮jumbo藍莓同埋士多啤梨🍓正!

INN - I’m Not Nothing (荔枝角)荔枝角長沙灣道883號億利工業中心2樓203號舖呢間西餐廳真係太有驚喜啦！牛油香煎蟹餅伴檸檬忌廉脆多士絕對係嘆到你心花怒放！蟹餅外脆內軟，牛油香氣馥郁，搭配檸檬忌廉同脆多士，每一口都帶嚟一種絕妙嘅口感。牛肝菌黑松露意大利飯真係一道藝術品！黑松露香氣四溢，意大利飯煮得剛剛好，每一粒飯都吸收咗黑松露同牛肝菌嘅風味，再加上Parmesan芝士嘅豐富層次感，真係食到停唔到口！Melon Kakigori雪花冰絕對係夏日解暑嘅最佳選擇！雪花冰綿密細滑，搭配新鮮嘅蜜瓜同哈密瓜，一口咬落，清甜爽口，令人心曠神怡。呢間西餐廳真係充滿藝術氛圍，每一道菜都令人驚艷！食物唔單止好味，仲好靚好睇。每一口都係一種味蕾與視覺嘅享受，絕對係文藝青年必去嘅打卡勝地，值得一試！

原本對荔枝角食飯唔抱太大期望，今次去完INN後即刻改觀左，甚至願意為左佢而再去幫襯呢！因為係工廠內，搵到入口出𨋢轉個灣就會見到大大隻字既門口。餐牌都好靚架！欣賞晚飯時段都有唔少人流架，不過大家都好有質素，配合返內在氣氛，唔會嘈吵，滿有情調！☺️慢煮西班牙黑毛豬鞍架伴香桃醬：第一道上枱就係呢個黑毛豬喇！睇樣已經係好吸引🤩，食落果然唔會令人失望！豬鞍厚切，誠意十足不在話下，肉質唔會因為厚切而變得難咬，反而係更有質感同層次，中間有好輕微粉嫩，可見因慢煮而漸熟既層次，好高質呀！肉汁亦鎖得穩，咬開會有香甜肉汁，奇上香桃醬好夾呢！必推！☺️☺️唯一要挑剔係伴碟的沙律菜份量有點少，一啖食哂😝香煎虎蝦蕃茄意粉：其他都係好好味，不過長話短說，重點為妙，呢道意粉份量足夠，意粉粗幼及口感足，不會過硬軟，蕃茄調味恰當，不會死甜，虎蝦又大隻又鮮甜！Melon Kakigori:夏天恩物，密瓜雪花冰非常適合炎夏，加上啖啖真正既果肉，感覺清爽甜蜜加埋綿綿口感雪花冰，口感綿密之餘唔會似刨冰咁凍親口腔，配埋煉奶甜蜜蜜，真係好無敵呀！☺️☺️☺️同情侶點一份兩人share更加sweet!! 誠心推介！二人價錢都係$250左右/位，加

第二次寫食評，真心話，有值得讚的地方嗎？有㸃假囉！約咗朋友嚟呢度食嘢，因㸃評多人讚，去試一下，真失望！嚟到 6:30 不多等，還叫我哋食 90 分鈡！不過，一入去工廠大廈搭電梯內，已聞到一陣垃圾異味😬跟著入到餐廳，侍應好休閒，當時見到只有 3 枱客人，一位面無表情侍應走過嚟，帶我哋入座。之後，一間小店的招呼原來是黑面的，其他侍應服務態度也差無幾😓叫咗三樣食物的總評牛油果大蝦沙律……正常👌大虎蝦煮番茄意粉……汁太多變水汪汪，味道一般，碟上得一隻大蝦，而蝦頭賣相已經變黑了，唔值！😬慢煮黑毛豬豬鞍架……差到無朋友😆第一碟過嚟，好肥，切唔開唔熟，侍應答我，話黑毛豬肉質煮得耐啲豬肉話會嚡😆我哋未食過半生熟豬肉囉😱😱她才換上第二碟，怎知啲豬肉食落口，還衰過買豬肉煲完湯嗰 d 囉😩……無味，又肉身太嚡口，難食😑😑😑😑😑😑😑地方不大，空間太小，檯與檯之間有點迫，雖然都整潔，若有 5 成人進餐，實在嘈雜！招呼同食品都不合格，不會再來了！今晚用餐每人都要 $2xx ，用咁嘅價錢還有好多選擇吧！

🍽️香蕉榛子朱古力忌廉班戟 $78 +$10雪糕INN嘅班戟好出名，經常喺朋友嘅story見到😍係我哋今行嘅主要目標😋班戟充滿朱古力味，咬落會feel到微微煙韌，口感軟糯🥰香蕉同忌廉提供咗唔同嘅味道，仲令口感更軟腍👍🏻雪糕嘅雲呢拿味好濃郁，推薦大家試埋😋🍧蜜瓜沙冰 $108食完班戟見近期推廣緊沙冰，好吸引，忍唔住試埋🙈佢口感好綿密，而且份量超大，仲要鋪滿蜜瓜同哈密瓜球，好足料🤩尼度嘅糖漿係另上，大家可以按喜好去落。但佢質感濃稠，冇咁易均勻分布，所以建議大家分開落，食到淡再加～🍽️牛油香煎刺身帶子配海膽意大利飯 $188帶子加海膽嘅配搭非常吸引，但咁啱今日冇晒海膽，所以轉左蟹膏意大利飯。Risotto幾有蟹膏味，而且味道均勻，綿滑飽滿👍🏻帶子都幾大粒，外皮煎至有微微焦香，外脆內軟🥰🍽️墨西哥脆片配牛油果醬酸忌廉蕃茄沙沙 $108Nachos好香脆🤩有經典嘅牛油醬、酸忌廉，亦都有開胃嘅蕃茄沙沙，味道唔錯😌味道😋 7.5/10性價比💰 6.5/10環境🔎 7.5/10服務🫶🏻 7/10打卡指數📸 7.5/10٩(˃̶͈̀௰˂̶͈́)و 推薦指數🥰 7/10

平日去荔枝角都係去D2 place, 今日朋友帶我去左附近餐廳食飯。想不到工廠大廈入面竟然隱藏住一間好靚既西餐廳。餐廳環境舒適, 佈置十分華麗, 有多個打卡位, 適合情侶食飯和朋友慶祝生日。頭盤帶子忌廉菠菜配多士, 味道好creamy, 多士亦好鬆脆。香辣鯛魚柳扁意粉, 蒜香味濃厚, 魚肉亦十分彈牙可口。最推薦係佢既日式甜品, 今次叫左綠茶刨冰, 入面材料好豐富，份量亦好多, 有日本紅豆,雪糕, 芋圓加上綠茶醬, 十分美味。

今晚附近做完瑜珈同朋友輕食傾下計，知道荔枝角工廈都多特色餐廳🤪所以過黎搵日，最後揀左西餐😆經典法式龍蝦湯 $78龍蝦味濃，湯身唔太稀唔太杰口感唔錯，仲有唔少蝦肉👍香芒牛油果大蝦沙律伴秘製甜酸汁 $138沙律有意外驚喜♥️生果同蔬菜都好新鮮，芒果鮮甜👍醬汁甜甜酸酸，似用醋造味道值得一讚😆😆必叫之選香辣蒜香鯛魚柳扁意粉 $138辣辣地刺激你的味蕾，配上蒜味道好夾，份外惹味，鯛魚幾滑👍地點近地鐵站口方便到達👍

知道荔枝角一帶有唔少嘅餐廳，今次就試咗呢間西餐，openrice睇到佢環境唔錯，所以順便慶祝埋生日，可以打卡哈哈餐廳雖然唔係好大間，不過環境都幾骨子，而且啲裝飾餐具配搭一致，成件事好decent。我哋兩個人總共嗌咗一份香脆雞翼配香草辣椒醬，兩份燒三文魚柳芥末籽意大利飯，同埋試咗一份綠茶kakigori沙冰。香脆雞翼配香草辣椒醬雞翼炸到外層個皮勁脆，有少少似係炸蠔咁樣樣，有塊野保護入面舊肉。所以食落去係外脆內多汁，點埋佢嗰醬係好惹味。燒三文魚柳芥末籽意大利飯如果食意大利飯怕好”漏”嘅話，呢一個係一個唔錯嘅選擇，因為佢嘅芥末味道會中和到嗰種感覺。話就話有芥末，但係一啲都唔辣，食吓食吓就可以食晒成份。綠茶kakigori沙冰佢嘅沙冰係用牛奶去整，口感非常綿密，配料係非常之多，而且係好煙韌，所以食落係好享受同埋好震撼。份量非常多，建議兩至三個人share。

之前聽朋友介紹這裏很多工廈都有隱世美食，今天下班特意來到荔枝角朝聖。進店的環境幽暗，氣氛浪漫。剛好最後有一桌空位不用排隊。我跟朋友2人點了燒安格斯肉眼扖伴紅酒燒汁($308)及香煎虎蝦蕃茄意粉($158) 2個主菜。燒安格斯肉眼扖伴紅酒燒汁比我2隻手加上的尺寸更大，厚切，擺盤配菜有火箭菜、紅蘿蔔、沙律菜。賣相精緻吸引。我們點了五成熟，切的時候十分鬆化，鮮紅色的肉汁緩緩流出，啖啖的紅酒香，肉眼扖肉質入口十分嫩滑，富有牛肉味道。香煎虎蝦蕃茄意粉，虎蝦有3隻手指粗，煎香后蝦殼都十分入味。虎蝦蝦肉爽口彈牙，蝦頭的蝦糕香濃。意粉長長的，充滿蕃茄味道，口感煙韌。最後來一客雪花冰甜品($108)，一大碗雪花冰，佈滿藍梅及草莓，賣相絕對是打卡首選。入口即融，帶點雜果的果香，混以練奶味道會更為吸引，絕對是夏天的必食解暑佳品。荔枝角的工廈簡直是美食的卧虎藏龍，下次可以再尋找更多不同的美食。

試過一次呢個餐廳品牌，環境好適合打卡，甜品都唔錯。荔枝角分店喺工廈，會更加想試下佢食物質素同打卡嘅環境，同另外兩間分店有無分別，所以今次就幫襯下。望下餐牌先環境似宮廷，但比較昏暗燒安格斯肉眼牛扒10安士伴紅酒燒汁--Medium Well$308肉眼七成熟，都唔會太硬，仍然有肉汁。配以各種蔬菜同薯條，味道非常足夠，所以呢度嘅燒汁都係比較清，唔會好濃好鹹。值得一提嘅係，呢度蔬菜，有比較少見嘅款式，例如BB紅蘿蔔。燒美國去骨野雞仔伴芝士乳酪醬 $198雖然餐牌寫去骨，但上枱都係有骨嘅春雞。燒得幾香，但唔點汁係無咩味道。芝士要趁熱淋落去，唔係乾左就只可以蘸。有醬汁之後，鹹味就會好足夠，可以配合埋薯條一齊點，唔一定要點茄汁。藍莓抹茶紅豆忌廉班戟 $78呢間嘅法式班戟幾出名，有幾款口味可以揀，所以會試下啲少見嘅款式。抹茶紅豆，本身就係日式甜品常見配搭，一般紅豆好甜，抹茶會無咁甜，甚至要苦，兩種香味自然好平衡。西式甜品一般偏甜，呢度都唔例外，所以呢度嘅抹茶忌廉都係好甜嘅。再加焦糖醬，班戟嘅甜有幾種層次，不過無飲濃茶嘅話，幾啖就會膩。藍莓用酸嘅生藍莓，所以呢個配搭犀利嘅位，就係加左藍莓之後，看似亂試

放工去荔枝角工廈搵食，呢間評語都吾錯，而且比較靜，好適合同知己或者拍拖去既地方首先點咗兩份主菜香煎虎蝦蕃茄意粉虎蝦好大隻，成隻碟咁長，好多肉蝦肉都好彈牙，意粉軟硬度適中，仲有好多蕃茄醬燒美國去骨野雞仔伴芝士乳酪醬雞有半隻，好飽，雞肉又多又嫩，皮乙脆脆地，又無肥膏，仲有好多配菜，芝士乳酪牆都好creamy 好好味最後點多一份甜品綠茶紅豆班戟加雲呢拿雪糕球好香綠茶味，紅豆又多又淋，仲有藍莓，忌廉同埋糖漿，加上雪糕大大個 ，好好味

浪漫工廈餐廳 · 適合拍拖 小聚會工廈入面有間西餐廳門口以白色為主裏面比較暗 營造好浪漫氣氛 感覺進入另一世界燒三文魚柳芥末籽意大利飯 $148芥末籽一粒粒融入意大利飯食落口感比平時意大利飯無咁油膩 燒三文魚燒到岩岩好無乾身 配埋意大利飯一流不是平時用好多cream 煮出黎既意大利飯慢煮西班牙黑毛豬鞍架伴香桃醬 $238香桃醬應該唔係人人喜歡但值得一試因為好好食黑毛豬慢煮鎖住肉汁咬落好有厚感而香桃醬比較清新 非常夾Melon Kakigori 🍈 $108綿綿冰一定要叫真係好那好食 又大份生果大大粒 圍住個冰 加埋煉奶 甜得黎又有爽口生果配搭

係D2 place睇完戲，老友話過對面億利介紹樓上餐廳，又好😍燒三文魚柳芥末籽意大利飯-店員會好溫馨咁講聲味道比較濃，果然好香濃芥末籽味，三文魚柳厚粒，risotto收汁控制得好，好好食燒美國去骨野雞仔伴芝士乳酪醬-雞烤得金黃，保留到肉汁，咬時雞汁一起伴入口，回味，底部有薯仔蓉及蕃茄，芝士乳酪比較杰，但好濃芝士，愛吃不要錯過😍期間限定-蜜瓜雪花冰-🥰跟相片一樣，大量蜜瓜同哈密瓜，雪花冰質感細緻，加上凍煉奶糖水，更加增加層次香甜味道，蜜瓜味度適中👍🏻環境舒服，一邊食一邊傾計好地方