INN - I’m Not Nothing

營業中

休息中

第二次來，適合三兩好友收過過來吹水約飯。特別鍾意杯牛油果奶昔🥑唔會好甜，幾好👍圖1⃣️就麻麻地，啲肉有啲柴，實在一般。意粉同鱈魚柳都整得幾好味，尤其推薦鱈魚柳，我一個唔係好鍾意食魚嘅人都覺得好食就真係有啲料到。圖三係提前係openrice訂位，然後來到點超過500蚊，店家就會送嘅一款蒜香蘑菇薯蓉配法包。哈哈呢個係好食嘅😋整體環境都幾好，建議大家提前訂位啊，話曬有嘢送阿嘛🤔️人均💰200+，食飽飽回家。

睇過食評先至嚟食,見到夠$500就送蒜蓉焗田螺 ,其實睇見評價好壞參半，但係免費都可以試試。叫咗海鮮墨魚飯 ，少少偏鹹，但可以接受。至於慢煮豬扒，其實真係唔得，有睇過其他食評都話好.....硬, 但係朋友想試試最後有一半 真係似煲湯瘦肉嘅質感, 如果有食評反應煮得唔好食, 係唔係應該調教一下或者以第二款菜式代替呢 浪費了塊豬扒,可能就咁煎仲好食。至於飲品我點了杯mixed berry smoothie， 以往飲開嘅酸酸地比較開胃, 而呢個偏甜,味道一般。 試過便算了...

今日男友放假，我地特別揀左呢間位於荔枝角工廈的西餐食午餐，因為近工作地點，而且裝潢浪漫溫馨，帶點宮殿優雅感覺。日間有透光感，花草裝飾好靚好岩打卡影相，晚上更加浪漫有情調。lunch set 有10款選擇，價錢$108-178，有沙律、意大利飯、漢堡、意粉、豬、牛、羊……都有，跟餐有餐湯及飲品，都好豐富吸引。栗米湯口感creamy細緻，帶點香味，入口溫暖順喉，味道不太咸，飲完更開胃。我地揀左意粉同豬肉眼扒，賣相美觀，份量十足。香煎北海道帶子墨汁扁意粉 $128兩粒帶子都厚身大件，微微煎香，肉質好嫩滑，墨汁好鮮味，帶點蒜香好惹味，意粉煮得剛好，保持彈牙口感。雖然食到個咀黑哂，但真係好味，停唔到口。燒美國豬眼扒伴蘋果果醬 $138熱辣辣好香好吸引，切開豬肉眼扒，已經感覺好嫩好易切，入口好多肉汁，估唔到咁好味，而且不多調味，更特顯豬肉味道，配清甜蘋果醬，更帶出豬肉味道。要襯熱食，先入口又熱又嫩彈多汁，凍左會感覺無咁多肉汁，仍有嫩彈口感。Melon Kakigori $108最後點左個好岩熱天的雪花冰，有3款口味，我地揀左配搭兩款蜜瓜的款式，超級靚，見到咁多生果好開心好想食。可以自己加煉奶控制甜

店員安排坐喺廁所位隔離，好大浸味。明明就好多位置，提出左一次冇理會，之後再提出先安排調位。食物方面，嗌咗煎鱸魚同海鮮墨汁飯。條鱸魚煎得塊皮又軟，味道仲要好腥，完全入唔到口。墨汁飯啲海鮮全部都係冰鮮野，份量又少，完全唔好食。同員工投訴，反映咗後完全冇反應，完全冇諗住解釋或者比任何解決方法。到最後埋單，再問經理，佢只係求其答咗我一句我：反映咗啦！完全冇反省或者道歉嘅態度，服務態度完全唔得。 簡直係俾錢買難受。

餐廳環境很有歐式宮庭feel，十分浪漫和大氣的裝修和擺設，包括水晶吊燈、羅馬柱、雲石金屬的餐桌和餐具、藤椅、花瓶擺設等，整體偏暗調，十分有儀式感~💓🌷香煎虎蝦蕃茄意粉 $158虎蝦外層煎至金黃酥脆，內部保持彈嫩的口感，虎蝦也很大隻，很容易就能把一整塊肉取出。整道菜蕃茄味也很濃郁，蕃茄經過烹煮後釋放出酸甜的汁，配上口感柔軟順滑的意大利麵，推介推介🫶🏻💐。🌷牛肝菌黑松露意大利飯 $138牛肝菌和黑松露都是珍貴的食材，有濃郁和特殊的味道，整體十分鮮美。醬汁十分濃稠，每粒米粒都會沾上醬汁，米粒使用意大利短粒米飯，是綿軟又爽口的口感～🌷哈密瓜雪花冰 $108雪花冰口感綿密細緻，有牛奶香，不會太甜，旁邊有配煉奶可淋上去吃🤤圓狀的哈密瓜很易入口，一口一粒，水果都十分新鮮爽甜🤤🌷Chocolate banana smoothie結合了濃郁的朱古力和香甜的香蕉，兩者的味道十分夾，口感滑順~

佢有優惠時段價錢係唔錯，一般普通正常Cafe嘅價錢香煎北海道帶子墨汁扁意粉，呢個幾好食，但係比較偏鹹同埋會食到個嘴黑晒安格斯西冷牛扒配紅酒汁，紅酒汁唔會有重酒味，點一點係好食啲，叫咗五成熟西冷牛扒，肉質普通一般，但係要加啲鹽先好食，因為佢調味唔重，個人認為加鹽係好食啲Latte 凍嘅正常發揮冇咩特別mixed Berries smoothie，甜嘅，但唔會過分甜，都幾好飲如果係為咗打卡而去就唔太值得，因為其實冇咩地方可以影到相，亦都唔太靚

-I’m Not Nothing-@荔枝角.約左朋友仔放工後食飯，唔想去太遠，便選擇荔枝角工廈的餐廳。今次朋友仔揀左I’m Not Nothing。.餐廳好有情調，裝潢精緻，好適合拍拖約會或媛妹聚餐。.牛油香煎帶子伴忌廉菠菜配香脆酸種麵包多士 ($98)帶子以牛油煎香，外層金黃肉質軟嫩。我同朋友仔都好鍾意這個忌廉菠菜，菠菜煮得好嫩，食落完全無渣，加埋個濃郁的忌廉順滑。.配埋香脆的酸種麵包多士，無論味道還是口感都好夾。.牛油香煎蟹餅伴檸檬忌廉脆多士 ($138)蟹餅好足料，食得到啖啖蟹肉個種，並不是結實蟹滑質地個隻。蟹肉加埋洋蔥粒和紅蘿蔔粒，令口感更豐富。.脆多士用的是法包，塗上厚厚檸檬忌廉，食落好清新。.海鮮墨汁意大利飯 ($178)我同朋友都好喜歡的一個飯，墨汁意大利飯煮得硬度剛好，每粒飯都被豐盈的墨汁忌廉包住，帶點鮮甜香味。.大蝦同青口都好新鮮，食落肉質爽口。.綠茶雪花冰 ($108)用料滿滿，超大碗的雪花冰。.雪花冰做得好輕身，入口即溶。加埋輕糯的麻糬、甜度剛好的紅豆、綠茶啫喱和雲尼拿味雪糕，成個配搭都好豐富。.就咁食都已經好好味，但如果嫌雪花冰太單調，可以加埋濃郁的綠茶糖漿，帶

今日放半晝，同朋友嚟荔枝角食晏。揀咗億利工業中心 2 樓呢間人氣歐陸餐廳「INN - I’m Not Nothing」。餐廳裝潢優雅，以高貴嘅純白色為主，門外放置了古希臘風白柱，配上室內嘅水晶燈飾同復古吊扇，佈置華麗有格調，氣派一流。點咗兩個 Lunch Set，套餐配有是日餐湯及 $28 或以下餐飲，如果想轉其他飲品，亦可享半價優惠。是日餐湯為粟米忌廉湯，湯身杰度啱啱好，入口好香好滑，粟米味濃。香煎北海道帶子墨汁扁意粉 ($128)  帶子肥大肉厚，底面都煎至微焦，食落軟嫩又多汁。意粉烏漆黑亮，墨汁味突出，質地爽滑彈牙，加上甜美帶子，鮮味無窮！燒美國豬肉眼扒伴蘋果果醬 ($138)  肉眼大大塊，連住適量脂肪，肥肉爽彈，瘦肉軟嫩，入口肉味香濃又有油香，加上微酸微甜嘅蘋果果醬，完全中和咗豬肉嘅膩感。最後輪到甜品時間，炎炎夏日，當然唔少得一碗冰涼解暑嘅雪花冰啦！點咗客 Melon Kakigori ($108)，外形夠晒搶眼。牛奶冰鋪滿粒粒新鮮蜜瓜同哈密瓜，入口啖啖都係 juicy 果香，清新解暑。加入另上嘅煉奶，再混和中間嘅忌廉一起享用，多重層次，甜而不膩，非常美味。

荔枝角既工廈不嬲有唔少隱蔽又有驚喜既小店，今次嚟試試呢間bookmark咗都一段時間既INN!-全日早餐烤多士好有誠意：係搽咗牛油同埋蒜蓉~ 炒蛋滑嫩. 亦有我鍾意既沙律🥗 仲有蜜瓜最後仲總結，成件事is refreshing!-燒美國豬肉眼扒伴蘋果果醬好juicy喎個pork ribeye! 難得地有一定厚度而又唔會dry. 伴碟都豐富，有grilled薯仔&蕃茄、青瓜雜菜，仲有沙律🥗. 好鍾意咁balanced既組合😎-咖啡岩鐘意齋啡口味既人☕️-Mixed berry kakigori重點係：呢度竟然有氷kakigori食!! 仲要係好食既氷!! 以為係日本氷，但佢係台灣好興嗰種雪花牛奶綿綿冰，入口即溶🤩 其實我個人係鍾意台灣嗰種綿綿雪花冰多啲，所以呢個氷超岩我口味😏 仲有勁多新鮮jumbo藍莓同埋士多啤梨🍓正!

INN - I’m Not Nothing (荔枝角)荔枝角長沙灣道883號億利工業中心2樓203號舖呢間西餐廳真係太有驚喜啦！牛油香煎蟹餅伴檸檬忌廉脆多士絕對係嘆到你心花怒放！蟹餅外脆內軟，牛油香氣馥郁，搭配檸檬忌廉同脆多士，每一口都帶嚟一種絕妙嘅口感。牛肝菌黑松露意大利飯真係一道藝術品！黑松露香氣四溢，意大利飯煮得剛剛好，每一粒飯都吸收咗黑松露同牛肝菌嘅風味，再加上Parmesan芝士嘅豐富層次感，真係食到停唔到口！Melon Kakigori雪花冰絕對係夏日解暑嘅最佳選擇！雪花冰綿密細滑，搭配新鮮嘅蜜瓜同哈密瓜，一口咬落，清甜爽口，令人心曠神怡。呢間西餐廳真係充滿藝術氛圍，每一道菜都令人驚艷！食物唔單止好味，仲好靚好睇。每一口都係一種味蕾與視覺嘅享受，絕對係文藝青年必去嘅打卡勝地，值得一試！

原本對荔枝角食飯唔抱太大期望，今次去完INN後即刻改觀左，甚至願意為左佢而再去幫襯呢！因為係工廠內，搵到入口出𨋢轉個灣就會見到大大隻字既門口。餐牌都好靚架！欣賞晚飯時段都有唔少人流架，不過大家都好有質素，配合返內在氣氛，唔會嘈吵，滿有情調！☺️慢煮西班牙黑毛豬鞍架伴香桃醬：第一道上枱就係呢個黑毛豬喇！睇樣已經係好吸引🤩，食落果然唔會令人失望！豬鞍厚切，誠意十足不在話下，肉質唔會因為厚切而變得難咬，反而係更有質感同層次，中間有好輕微粉嫩，可見因慢煮而漸熟既層次，好高質呀！肉汁亦鎖得穩，咬開會有香甜肉汁，奇上香桃醬好夾呢！必推！☺️☺️唯一要挑剔係伴碟的沙律菜份量有點少，一啖食哂😝香煎虎蝦蕃茄意粉：其他都係好好味，不過長話短說，重點為妙，呢道意粉份量足夠，意粉粗幼及口感足，不會過硬軟，蕃茄調味恰當，不會死甜，虎蝦又大隻又鮮甜！Melon Kakigori:夏天恩物，密瓜雪花冰非常適合炎夏，加上啖啖真正既果肉，感覺清爽甜蜜加埋綿綿口感雪花冰，口感綿密之餘唔會似刨冰咁凍親口腔，配埋煉奶甜蜜蜜，真係好無敵呀！☺️☺️☺️同情侶點一份兩人share更加sweet!! 誠心推介！二人價錢都係$250左右/位，加

第二次寫食評，真心話，有值得讚的地方嗎？有㸃假囉！約咗朋友嚟呢度食嘢，因㸃評多人讚，去試一下，真失望！嚟到 6:30 不多等，還叫我哋食 90 分鈡！不過，一入去工廠大廈搭電梯內，已聞到一陣垃圾異味😬跟著入到餐廳，侍應好休閒，當時見到只有 3 枱客人，一位面無表情侍應走過嚟，帶我哋入座。之後，一間小店的招呼原來是黑面的，其他侍應服務態度也差無幾😓叫咗三樣食物的總評牛油果大蝦沙律……正常👌大虎蝦煮番茄意粉……汁太多變水汪汪，味道一般，碟上得一隻大蝦，而蝦頭賣相已經變黑了，唔值！😬慢煮黑毛豬豬鞍架……差到無朋友😆第一碟過嚟，好肥，切唔開唔熟，侍應答我，話黑毛豬肉質煮得耐啲豬肉話會嚡😆我哋未食過半生熟豬肉囉😱😱她才換上第二碟，怎知啲豬肉食落口，還衰過買豬肉煲完湯嗰 d 囉😩……無味，又肉身太嚡口，難食😑😑😑😑😑😑😑地方不大，空間太小，檯與檯之間有點迫，雖然都整潔，若有 5 成人進餐，實在嘈雜！招呼同食品都不合格，不會再來了！今晚用餐每人都要 $2xx ，用咁嘅價錢還有好多選擇吧！

🍽️香蕉榛子朱古力忌廉班戟 $78 +$10雪糕INN嘅班戟好出名，經常喺朋友嘅story見到😍係我哋今行嘅主要目標😋班戟充滿朱古力味，咬落會feel到微微煙韌，口感軟糯🥰香蕉同忌廉提供咗唔同嘅味道，仲令口感更軟腍👍🏻雪糕嘅雲呢拿味好濃郁，推薦大家試埋😋🍧蜜瓜沙冰 $108食完班戟見近期推廣緊沙冰，好吸引，忍唔住試埋🙈佢口感好綿密，而且份量超大，仲要鋪滿蜜瓜同哈密瓜球，好足料🤩尼度嘅糖漿係另上，大家可以按喜好去落。但佢質感濃稠，冇咁易均勻分布，所以建議大家分開落，食到淡再加～🍽️牛油香煎刺身帶子配海膽意大利飯 $188帶子加海膽嘅配搭非常吸引，但咁啱今日冇晒海膽，所以轉左蟹膏意大利飯。Risotto幾有蟹膏味，而且味道均勻，綿滑飽滿👍🏻帶子都幾大粒，外皮煎至有微微焦香，外脆內軟🥰🍽️墨西哥脆片配牛油果醬酸忌廉蕃茄沙沙 $108Nachos好香脆🤩有經典嘅牛油醬、酸忌廉，亦都有開胃嘅蕃茄沙沙，味道唔錯😌味道😋 7.5/10性價比💰 6.5/10環境🔎 7.5/10服務🫶🏻 7/10打卡指數📸 7.5/10٩(˃̶͈̀௰˂̶͈́)و 推薦指數🥰 7/10

平日去荔枝角都係去D2 place, 今日朋友帶我去左附近餐廳食飯。想不到工廠大廈入面竟然隱藏住一間好靚既西餐廳。餐廳環境舒適, 佈置十分華麗, 有多個打卡位, 適合情侶食飯和朋友慶祝生日。頭盤帶子忌廉菠菜配多士, 味道好creamy, 多士亦好鬆脆。香辣鯛魚柳扁意粉, 蒜香味濃厚, 魚肉亦十分彈牙可口。最推薦係佢既日式甜品, 今次叫左綠茶刨冰, 入面材料好豐富，份量亦好多, 有日本紅豆,雪糕, 芋圓加上綠茶醬, 十分美味。

今晚附近做完瑜珈同朋友輕食傾下計，知道荔枝角工廈都多特色餐廳🤪所以過黎搵日，最後揀左西餐😆經典法式龍蝦湯 $78龍蝦味濃，湯身唔太稀唔太杰口感唔錯，仲有唔少蝦肉👍香芒牛油果大蝦沙律伴秘製甜酸汁 $138沙律有意外驚喜♥️生果同蔬菜都好新鮮，芒果鮮甜👍醬汁甜甜酸酸，似用醋造味道值得一讚😆😆必叫之選香辣蒜香鯛魚柳扁意粉 $138辣辣地刺激你的味蕾，配上蒜味道好夾，份外惹味，鯛魚幾滑👍地點近地鐵站口方便到達👍