Ikigai Concepts (已結業)

今日同朋友一齊行街見到一間感覺唔錯嘅入境餐廳，佢嘅特色之處就係好似日本餐🍣但係混合左西餐🍽咁，所以好特別就試吓啦。咁我同朋友就一人叫左一個意粉，分別係日本蕃茄意粉同日式花蜆意粉🍝。咁個蕃茄意粉嘅蕃茄味好濃郁，佢地用左好多蕃茄去整呢個蕃茄醬出黎，而且食蕃茄🍅時候就feel到佢係新鮮蕃茄，因為佢唔太酸，反而佢會有陣甜味出黎。而個意粉吸收曬蕃茄🍅嘅味道，好入味。而花蜆意粉🍝同樣出色，蜆肉完全冇沙，整得非常好，出面嘅餐廳完全比唔上，而且意粉亦吸收曬蜆肉嘅味道，好鮮甜👍🏻。

咁我同班姊妹👯‍♀️放假去行街，女仔當然一定要去食甜品啦🍦🍨🍰，經過一間日式餐廳見到佢啲甜品都唔錯所以就入咗去試吓。咁我同d姊妹就叫左紅豆抹茶布甸🍮、抹茶意大利芝士餅配士多啤梨🍓、焦糖布甸慕斯蛋糕。紅豆抹茶布甸🍮雖然唔大，但味道同用料都好足。紅豆嘅質素幾靚，而且個抹茶布甸整得都好出色，好滑同好濃郁嘅抹茶🍵味，加埋紅豆咁食，d香味充斥係口腔入邊。抹茶意大利芝士餅🍰都整得好好，好濃郁嘅芝士味同抹茶味🍵，但2樣又唔會相撞，互相輝映，而且加埋d士多啤梨🍓係上面點綴，簡直係錦上添花。咁我地3個一人叫左一樣花茶，我覺得3個花茶都互有特色。咁我最鐘意嘅係浪漫。因為佢有玫瑰花🌹同洛神花，令到壺花茶好濃嘅花香味🌸🌼，而且加左d接骨木糖漿🍯，d茶甜甜地，好好飲。

食物質素👍🏻👍🏻👍🏻👍🏻👍🏻服務態度👍🏻👍🏻👍🏻👍🏻餐廳環境👍🏻👍🏻👍🏻👍🏻回頭率👍🏻👍🏻👍🏻👍🏻👍🏻荃灣西有一間高質嘅日本餐廳 ，入到去環境整潔，座位都好闊落，靜靜地談心都係一流嘅地方。日式花蜆意粉個花蜆意粉好正👍🏻，先講個意粉，5會整到好淋，好彈牙。但重點係個蜆，出面食真係好少食到冇沙嘅蜆👍🏻，餐廳好用心咁處理d蜆肉，而且蜆肉份量都幾多，又大隻👍🏻。炭燒美國肉眼配和風沙律牛扒我地叫左5成熟。雖然佢係炭燒，但佢一d都5鞋👍🏻，肉質仲非常鮮嫩👍🏻，一咬落口，d肉汁咇曬出黎。而個和風沙律都好正👍🏻，d菜好新鮮，d醬都整得好好👍🏻。

朋友推介我過嚟食甜品嘅，咁呢間餐廳就係位於荃灣，睇落係食日本野⛩，真係估唔到佢甜品都會咁有水準，一入到去就見到大大水吧，聽聞呢度嘅花茶🍵都係唔錯嘅，一於要試埋佢。咁我就叫左焦糖布甸慕斯蛋糕同純潔（茉莉花，洋甘菊🌼，花旗參）。我本身對於幕斯蛋糕都有興趣，加埋因為上次朋友同我講呢度嘅慕斯蛋糕🍰好好食，所以我就決定叫佢。黎到嘅時候，比佢嘅賣相吸引左，而且味道都5錯，佢嘅布甸🍮嘅甜度啱啱好，而蛋糕都好鬆軟，加埋個雪糕🍦同少少曲奇🍪碎，令成個層次拉高左好多。另外，我叫左純潔（花茶🌸），佢有茉莉花、洋甘菊🌼同花旗參。d茶好清甜，而且有淡淡嘅茉莉香味，令人心曠神怡。

荃灣有一間出名嘅餐廳，入去就見到餐廳非常之大，睇到餐牌都好多款式，我今日就係選擇左食下午茶，食返個甜品同埋飲杯花茶🍵啦chill下。我同朋友一齊share焦糖布甸慕斯蛋糕🎂同各自叫左期待（薰衣草，大吉嶺茶）同陶醉（桂花，檸檬，綠茶）。個焦糖布甸🍮同慕斯蛋糕係我食過嘅最好食，個蛋糕🍰好軟熟而個布甸甜度啱啱好。而且特別嘅係佢地將曲奇🍪碎放係雪糕🍨嘅下面，令雪糕好似一粒明珠咁。咁再講花茶，期待係大吉嶺茶做茶底，再加薰衣草，沖出黎嘅時候有好香嘅薰衣草味。而陶醉有桂花、檸檬🍋同綠茶🍵。飲落去嘅時候有好香嘅桂花味，加埋檸檬🍋令到個茶酸酸甜甜咁，好好飲。

今日男朋友帶咗我去一間位於荃灣西嘅日本餐廳，餐廳非常闊落💓，感覺係行中高尚嘅路線，黎慶祝真係一流。咁我同男朋友就叫左日式花蜆意粉同蒜香同埋風紫蘇小魷魚意粉。個花蜆意粉好香，而且蜆肉又多又鮮2️⃣，最重要係冇沙💓，餐廳應該用左5小心機同功夫去處理。而且意粉都煮得好好，好入味💓。而小魷魚意粉個人覺得仲正，因為我比較鐘意香口嘅野食。魷魚加埋蒜頭簡直一流，2樣一齊炒，出黎嘅味非常香口惹味💓，而且魷魚同意粉嘅份量都好多，好正💓。

食午餐又係提神嘅時間，今日見到一間睇落幾舒服🔅嘅日本餐廳，佢環境空間感好大，一路食嘢一路做文件野都好舒服。我叫左炭燒美國肉眼配和風沙律同一杯咖啡。我簡左7成熟嘅牛扒，佢地嘅牛扒整得幾好，牛扒嘅肉質鮮嫩🔅，而且又大塊，而且油份啱啱好，5會好多油，配埋沙律簡直係絕配🔅。沙律可以中和左牛扒嘅油，而且d牛味留係口度再咬一啖沙律，個味好正🔅。而咖啡嘅香味、濃度、同甜度都啱啱好。同牛扒嘅味道都好夾，呢個lunch簡直令我充滿精神🔅。

喺荃灣有一間隱世既日本餐廳，入到去係我鍾意嘅日式擺設，佢有一個日式陳列架，上面擺滿左一啲日本清酒，日式嘅杯等等，好有心思。1️⃣忌廉泡芙配士多啤梨開心果咁我同朋友就share呢個忌廉泡芙，佢有4粒，咁我地一人兩粒，因為佢係一口泡芙，所以我地成粒放入口，入到口，估5到一咬開，d cream係泡芙度爆曬出黎，勁正。加埋d士多啤梨，酸酸甜甜咁，令到我地好想再叫多份。2️⃣浪漫（玫瑰花，洛神花，接骨木糖漿，紅茶）佢有玫瑰花、洛神花好吸睛。而佢係紅茶底，加埋d接骨木糖漿，甜甜地咁同埋令到玫瑰花同洛神花嘅香味出曬黎，令人有戀愛嘅感覺。3️⃣純潔（茉莉花，洋甘菊，花旗參）有茉莉花香嘅味道，飲落去會比較清淡，亦都有花旗參嘅甘香。

今日去荃灣搜尋美食，見到一間好闊落環境幾靚嘅日本餐廳，唔止環境靚🌟，睇佢餐牌都仲有好唔同種類嘅食物，仲有好靚嘅甜品添🌟。咁我地就叫左牡丹蝦天使麵同日式花蜆意粉。先講牡丹蝦天使麵，d蝦好新鮮好大隻🌟，肉質彈牙好有口感🌟。d麵都煮得好好，5會好易斷🌟。黎到嘅時候嘅賣相都好好，有d洋蔥粒同少少葱花係上面。而個日式花蜆意粉都好好，佢地嘅花蜆好鮮甜🌟，而且冇沙，處理得非常乾淨。意粉都煮得好，吸曬d蜆嘅味道🌟。

今日去咗一間荃灣嘅日式餐廳，一入到門口就見到自助清酒機，一共有27款清酒🍶，客人可以因應自己口味去選擇。特色花茶🌷🌼純潔（茉莉花，洋甘菊🌼，花旗參)花旗參嘅味好重，飲完之後會有淡淡的茉莉花香。陶醉（桂花，檸檬🍋，綠茶🍵 ）個人就比較鐘意陶醉，因為桂花、檸檬、綠茶嘅味道真係好夾，飲完有種清新嘅感覺，好舒服。紅豆抹茶布甸🍮布甸就用個杯裝住，賣相都5錯，不過最正嘅係佢嘅味道，紅豆加抹茶真係世一。忌廉泡芙配士多啤梨🍓開心果忌廉泡芙嘅賣相好靚，4個泡芙用品字形組成，側邊有士多啤梨同開心果做點綴。泡芙都係一口泡芙，而一咬落去入邊嘅忌廉就咇曬出黎，加埋士多啤梨嘅味道，酸酸甜甜。

​​ ​ ​ ​ ​ ​ ​ 這間佔地極廣的日式餐廳座落荃灣，提供Omakase及串燒等，亦設有自助清酒機，外觀及配套不俗。是次品嚐了午市Omakase，有秋刀魚、深海池魚、槍烏賊及赤海膽等壽司🍣。​​ ​ ​ ​ ​ ​ ​ ​ 前菜蟹膏豆腐和的蟹膏味道濃郁，豆腐亦帶有蟹的鮮味。茶碗蒸的材料有魚子、蝦和冬菇，正常水準。           15貫壽司中，讓人有較深印象的是秋刀魚壽司，秋刀魚當時是當造期，魚肉脂香味美，配上赤醋飯的酸味，整體味道和諧。其餘的壽司沒甚特別，不作詳述。令人失望的是赤貝壽司，赤貝沒甚味道，而且壽司飯在夾的時候散開了。醬油漬赤身的味道較鹹，掩蓋了魚自身的味道。食物質素普通，性價比不高。​​

鑒於屋企人今日正日生日 帶佢去食好嘢😋 拉埋哥哥四人同行一齊去食🥰呢間餐廳新開 去到餐廳差唔多滿座 好彩有訂位 座位闊落 環境乾淨 幽靜！我哋今次叫咗三個意粉一個牛扒😍 壽星公梗係要食牛扒 牛扒好厚身 叫左5成熟 肉質嫩滑唔鞋口 屋企人都話好食😋我哋三個試咗唔同味道嘅意粉 叫左個日式西西里紅蝦意粉、日本蕃茄意粉同北海道帆立貝三文魚籽意粉 每一款都各有特色 最鍾意日式西西里紅蝦意粉 蝦肉鮮甜彈牙 紅蝦有我隻手掌咁大隻🤣 四個人賣單都只係一千蚊鬆啲 性價比好高 生日、紀念日都可以考慮吓去呢間🙈 食返個有質素嘅晚餐🤣

聽講呢間餐廳嘅意粉好出名 聞名不如見面 一於去試吓佢！😋佢哋有六款好出名嘅意粉 有日式西西里紅蝦意粉、北海道帆立貝三文魚籽意粉、牡丹蝦天使麵、日式花蜆意粉、蒜香和風紫蘇小魷魚意粉同埋日本蕃茄意粉🍝 價錢$138至$298不等日式西西里紅蝦意粉 $298今次試咗呢個最貴嘅日式西西里紅蝦意粉 有兩大隻紅蝦 紅蝦嘅味道鮮甜 有蝦膏 肉質彈牙新鮮 蕃茄酸酸甜甜 醬汁濃郁 同意粉真係好夾 意粉味道好出色 好彈牙 唔會好淋 味道好出色 價錢同食物成正比！下次一定要試吓其他意粉 每一個意粉嘅外貌都好吸引 呢度嘅環境都好舒服 好享受😎

朋友話想搵一間高質嘅甜品食 之前聽其他人提起過 荃灣呢一間Ikigai Concepts 佢哋最近出咗唔同嘅日本意粉、甜品同花茶 今日我哋已經食完午餐 所以就試吓呢度嘅甜品🍮 我哋三人同行 叫咗每人一杯花茶 可以試吓唔同嘅味 我哋叫咗陶醉、期待同純潔 呢三杯花茶各有特色 我最鍾意陶醉嘅味道 用左桂花，檸檬，綠茶沖泡而成 有檸檬同桂花既香味 再配上綠茶 桂花有養顏嘅作用 可以排解身體嘅毒素 而且仲有暖胃嘅功效！雖然係三個人但係我哋都比較細食🤣所以叫咗一個甜品share食 叫左個忌廉泡芙配士多啤梨開心果 忌廉泡芙好大粒 裏面全部都係忌廉 食落口好滿足 士多啤梨酸酸甜甜 再配埋忌廉 好正🤣同朋友傾住計食個甜品 享受下午茶嘅時光👩‍❤️‍👩👩‍❤️‍👩

今日朋友帶咗我去一間荃灣嘅餐廳 佢知我鍾意食意粉🙈佢就推薦呢間！食完覺得有驚喜 所以推薦大家去食🤣牡丹蝦天使麵 $178我哋叫咗兩個意粉 一個係牡丹蝦天使麵 牡丹蝦好彈牙 爽口新鮮 顏色通透 亦都好大隻😍 天使麵有驚喜 唔會好淋 比較彈牙爽口 仲有洋蔥粒同蔥花 影相打卡都一流 食完好飽🙈蒜香和風紫蘇小魷魚意粉 $158小魷魚好彈牙 魷魚酥好好味😋 每一碟都好多隻 蒜香味好重 同意粉好夾 炒得好惹味香口 意粉嘅份量都好多 啱晒我個大食嘅朋友！！朋友推介完我之後 我會推介其他人去🤣性價比高 畢竟好食嘅嘢要分享架麻！😋