Igatti (已結業)

今日經過屯門市廣場呢間蛋糕店，見到有朱古力拿破崙，最鍾意食朱古力嘅我一定要幫襯啦😜買咗外賣返屋企，staff好細心幫我加咗一包冷凍包，因為我住九龍車程都要一個鐘先返到屋企，返到屋企雪咗一陣先至打開黎食，餅底依然好趣，兩層不同嘅朱古力cream好滑，唔會太甜，第一層嘅朱古力類似有曲奇的味道，勁好味，第二層嘅朱古力加埋拿破崙餅底口感非常夾👍🏻👍🏻👍🏻可以媲美酒店級的味道😋😋😋值得推介👍🏻

😋好少見到拿破崙蛋糕仲甘好味道見到屯市新開依個蛋糕店🍰，一眼就望拿破崙，好少有細細個散賣，岩既我同老公兩個人食，甘就買左兩件。想食成個都有得賣🎂，幾百元好合理。雖然下星期先生日，但提早食就ok啦！吾知算吾算係生日蛋糕呢？哈哈！🤣買左兩件雜莓拿破崙蛋糕🍰，個皮好脆，味道同我係機場食個個有得比，😋賣相味道都值得推薦。唯一少少可惜係最底層個皮貼住張蛋糕紙，感覺有少少浪費🥺。 整體來說，我會再買來食！推！🤗🥳💞

今次去左屯門就試下呢間拿破崙，發現款式都幾多，同生意超多人，平時買完野轉個圈就已經買唔到拿破崙，今次12點幾去，岩岩新鮮到貨，見到一盒盒大箱有唔同味拿破崙，即時買左草莓，芒果，朱古力，綠茶各一件，仲有送保冷劑服務幾好，返到屋企即時試左個芒果同草莓，居然皮脆生果仲幾好唔錯，而又唔似出面拿破崙太甜，食完午餐，就試埋朱古力拿破崙，係我最鍾意人個隻比利時朱古力味，勁好食，綠茶就拎左俾朋友食，朋友食完都話想買多件黎食，但係再落去綠茶已經賣哂，下次有朋友生日可以買個原個拿破崙328蚊都抵食

本身係拿破侖愛好者，見到屯門難得有專門店就諗住try try佢。而且新開啲staff都好好，仲好有禮貌。仲會比大家試食唔係拿破侖嘅蛋糕。呢間舖主打拿破侖，連個staff都話最好，係必食同出名，初開冇咁多種類揀。買左件芒果拿破侖番屋企，滿心期待，個樣好係唔錯，啲皮又好多層，望落好似好好食咁。但一吉落去，個皮軟嘅，芒果又怪怪地，真係有啲失望。五十幾蚊呢個價錢同帝苑差唔多，如果平啲都冇咁傷，完全唔值呢個價….

買了芒果及綠茶拿破崙，一下刀就覺得唔對路，酥皮淋…忌廉實而冇香…芒果唔甜都算啦，拿破崙點可以係淋㗎！整個感覺係唔新鮮，給客人放置過久的甜點！絕對不會回購！難怪當時沒有其他人購買…在下午1時左右購買，回家先放雪櫃一陣就食，只係30分鐘以內時間，極度懷疑是過夜貨…2件餅，4個人都吃不下，實在太難食沒人想食多幾啖！$58/件這個質素，非常失望，可能係我咁多年嚟食過最差嘅拿破崙，想不到有邊間比佢差。本篇完。