Hunger Burger

營業中

休息中

位居深水埗，果然價錢可以平好多，就可以食到到正野。漢堡包的皮都幾脆，應該係烘過嘅。我地叫咗兩種漢堡包🍔1 - 大啡菇牛肉漢堡大啡菇 juicy 就係basic嘅，煎得好香噴噴，調味得算係幾好。除此之外，仲有生菜片🥬 番茄片🍅牛肉嘅份量都無減少到，同我另一個包差唔多。牛肉嘅味道新鮮，裡面仲有微微量嘅tender pink color 而且芝士都大塊，覆蓋哂牛肉和啡菇 2 - 黑松露牛肉漢堡黑松露應該係嚟自黑松露醬～ 但味道都香濃惹味 感覺好過真嘅黑松露醬，同牛肉都好夾。跟餐 Set (+$15)- +$4 就有道地嘅消茶 - 蒜蓉焗西蘭花🥦 or薯條西蘭花都算係幾大膽嘅做法，因為其實好易會焗到變左黃色。但就我睇落覺得焗得OK。而且有足夠嘅蒜蓉味道。成件事份量應該有半隻西蘭花🥦咁多。

雖然我無老到活在西九龍中心仲有舉辦明星活動o既年代……不過佢低消費又多鋪頭襟行，由讀書o個陣已經成日過o黎飲飲食食，買下衫買下袋，欣賞下d 海報中其實都唔係好o翕得出名o既明星，咁又一日。尤其個商場有foodcourt，有時同friend o黎唔知食乜好，食foodcourt 就剛好，總有一間o岩你心水。只不過d 位就唔太好坐囉，好窄同埋斜外內，其實設計都係想d 人快食快走，唔好掗住晒o係度~呢間burger 店門面幾eye catching，有d american tuck shop o既style。食burger 我通常都會睇下有d 咩特別d o既款式，立即就俾呢個芝士瀑布雞堡($55) o既圖吸引o左……要等20min，即叫即製，不過坐o係度聽下foodcourt 播住o既「o個」個年代o既時代曲，好快就有得食了！隻包上面淋上o左一層厚厚o既芝士，個「瀑布」比menu 個圖仲要大，足料絕無欺場！d 芝士微鹹，口感濃郁，再瀋上香草同少少辣粉，惹味非常~ 內裡o既雞肉也實淨肉地，配上生菜與洋蔥，簡直係享受。已附膠手套，唔會拎到成隻手都係汁！加$15 可以升做combo，呢間鋪特別在可

依家去到西九龍中心嘅8樓food court，多咗勁多餐廳可以選擇，已經唔係當年淨係食頹飯嘅感覺。見到間新開冇幾耐嘅burger舖頭，梗係要試吓。呢間舖頭非常貼心，知道有好多人都驚食burger配薯條好熱氣同埋有啲唔健康，所以特登推出左西蘭花嘅套餐，Burger加$15就可以配西蘭花同埋嘢飲，而且仲有肉類配西蘭花嘅食物，適合啲注重健康同埋唔食澱粉質嘅人。西蘭花用咗蒜同埋鹽去調味，焗出嚟非常之香口。今次特登仲加多左一塊牛肉漢堡，非常之滿足。

今日同老公去西九龍行街，因為佢鍾意行鴨寮街，附近好多平嘢買，我哋行到攰攰地在去咗西九龍中心8樓美食廣場，因為上面有好多好嘢食，而且價錢仲好合理，性價比好高。今次就揀咗佢最鍾意食嘅漢堡包🍔漢堡包有幾個款式，而且可以跟餐加嘢飲，如果兩個人食仲可以食二人餐，有兩個包，小食，飲品。黑松露芝士漢堡 漢堡包份量非常大，漢堡包皮上面鋪咗一層芝麻，加上包皮煎過，令到芝麻特別香口，而且中間嘅黑松露醬份量都好多，中間嘅芝士已經溶化咗落去塊漢堡上面，食落口特別香，而漢堡用料新鮮，牛肉味好重，肉質非常鮮嫩，入口味道層次好豐富，而且口感都好好 ，呢個漢堡包真係比出邊大型連鎖店嗰啲好食好多，好值得喺度推介。另外跟咗個小食，單支骨炸雞翼，雞翼都整得好好味，雞翼皮炸到金黃色，而且仲保存到入邊嘅肉汁，外面香脆惹味，入邊肉質幼嫩，雞肉仲係好滑，正 。薯條都炸到好香脆，加上少少調味，整體嘅味道都好好。最後都係要飲番罐汽水，呢個先係食漢堡包嘅重點。下次都會再嚟呢間漢堡包店食，因為店員都好有禮貌，而且價錢又公道，食過返尋味

行經西九龍中心，food court入面多咗一間賣漢堡快餐小食嘅餐廳，價錢經濟實惠，仲有優惠，一於同朋友去食。餐牌有多種漢堡，有常見嘅牛堡、雞堡等等，仲有吉列類別添。食物全部即叫即煮即炸，熱辣辣。超經典芝士牛堡($50)，漢堡大大個，熱辣辣又香。肉塊好重牛肉香味，而且厚身，d肉汁邊咬邊流出黎，超juicy。而芝士半熔，配搭蕃茄、生菜、茄醬，就係傳說中嘅經典口味。麵包面好多芝麻，烘過嘅包係好食d，香。加$15仲可以升級套餐，有薯條及可樂，或者再加錢可以有其他小食/飲品。薯條屬於厚身，口感十足，脆脆地且香口，仲要份量唔少添。食哂成個套餐之後超級飽。大大啖吉列魚柳堡($49)，吉列魚柳炸過後脆卜卜，炸皮薄身，魚柳肉質滑嫩，同樣大大塊，大過個麵包。加入洋蔥、酸瓜，醬汁清新，配搭炸物完全唔會油膩。愈食愈開胃。如果take away，仲有店舖膠袋裝好一盒盒。堂食就可以坐係food court提供嘅座位。

好多時放工都會上西九行返轉，貪佢多小商戶，新穎貨品層出不窮，成日都會買到鍾意嘅嘢可以減下壓。佢八樓嘅美食廣場都有同樣效果，食物選擇多，好多時有驚喜，今日呢間新開漢堡店同樣帶到驚喜比我。之前美食廣場好似冇乜賣漢堡包嘅鋪頭，有與別不同嘅選擇今次梗係要試下。睇餐牌雖然簡潔，但都有D流行嘅配搭（其實係我自己鍾意食），例如黑松露同煙肉。好自然就點左黑松露芝士雞堡+芝士煙肉薯條（餐飲忌廉）。因為即叫即製，要等10~15分鐘，剛好可以落7樓蘋果商場行一圈。行完一圈返上黎已經準備好，睇份量同賣相都幾吸引。而且新鮮整好，熱力揮發令黑松露醬嘅獨特香味同煙肉芝士嘅鹹香味更加突出，鑚入我個鼻度。下午茶時間好易搵位。我習慣係食薯條先。一攞起，就surprise到，勁大Pat芝士，而且唔係表面一浸，係滲埋入去中間，沾滿每條薯條。芝士味濃郁到好似食緊Pizza，薯條亦炸得好香脆。再加埋煙肉，口感同味道都大大提升。輪到漢堡包，配料同醬汁都豐富充足，塊雞扒又厚又大，突出左個包嘅圓周範圍。咬落去可以感受到雞扒嘅鮮嫩，配埋醬汁同配料嘅天然味道，漢堡就係要咁，一啖享受曬唔同食材混合嘅化學反應。值得一提係漢堡嘅味道同薯條嘅味道

西九龍中心最出名嘅莫過於8樓嘅food court 🔥🔥， 裏面雖然係龍蛇混集但更加係餐廳入面臥虎藏龍嘅好地方👍🏼👍🏼 無論係港式食物又或者日式韓式西餐仲有一間滿足到自己，再加上密密麻麻嘅餐牌，簡直就係一個小小美食天堂❤️其中一間可以稱為曠野美食就係Hunger Burger , 我們一肚餓嘅時候就真係想大大啖咬啲嘢食，漢堡包就係一個好例子啦。拉絲大啡菇牛堡- 喺經典嘅牛肉漢堡上面再加上大大個啡菇提升更多層次嘅味道，牛肉漢堡嘅份量亦都唔細而且厚度亦都有一定嘅厚，大約係七成熟咁都算係一個黃金比例🔥🔥🔥 芝士大啡菇極度Juice，亦都算係為牛肉漢堡提供額外嘅水份，飽滿嘅感覺實在難以忘記香辣雞翼- 除咗漢堡之外亦都要叫返一啲小食， 雞翼絕對係男女老友都離唔開嘅食物，酥炸雞翼更加係難以抗拒😙😙😙😙😙 呢一個單骨雞翼食起上嚟簡單又方便， 外層夠晒脆而且係薄薄地一層，食完都唔會覺得Heavy，炸嘅時間相信亦都唔會長先顯得肉汁鎖死晒喺雞翼入面👍🏼👍🏼鮮嫩嘅係西九龍中心呢一個地方真係又有回憶而且開始變得越嚟越現代， 連食嘅嘢全部都聚首喺foodcourt , 確實係一大進步

幾年前嘅西九龍中心真係好唔同經過裝修之後上面發現咗咁多嘅美食行下行下就發現左呢間新進駐嘅漢堡餐廳經過一問職員話食物係即叫即製我就決定試吓呢間非常吸引不過等候嘅時間大約15分鐘同朋友傾一陣計好快就有得食叫咗個二人餐168因為今日揀咗兩個黑松露芝士牛堡每一個都要加$8，入面可以選擇兩個漢堡我揀咗呢個係因為我好鍾意食黑松露呢個份量漢堡黑松露味非常重而且牛肉漢堡扒又非常厚身咬落去又嫩口肉質唔會乾朋友都非常滿意仲越食越好味牛肉都算高質素漢堡入邊加咗蕃茄同埋生菜非常新鮮食落感覺冇咁油膩包含咗蕃茄同生菜嘅感覺更加新鮮呢個牛肉漢堡真係好出色出色再加上有芝士嘅濃郁配搭簡直冇得輸真係食到停唔到口另外仲有兩款小食配搭我揀咗薯條同埋香辣雞翼，返到屋企已經冇現場咁脆，但係依然都熱辣辣上面放有少少鹽，味道調校得非常好雞翼燒到外皮帶有少少脆辣辣地食落更加開胃雞翼燒過之後入邊依然有肉汁雞肉唔會乾身非常滿意二人餐可以有兩款飲品選擇揀咗兩罐可口可樂唔使加錢又凍冰冰漢堡加可樂係一個完美嘅配搭食完呢餐真係非常邪惡返去做多一陣運動下次再食

上左西九龍中心8樓food court 搵食！真係好中意呢度，中日韓泰美港式都有得食，價錢又好，又多位坐！我都幾中意特登上嚟搵食！呢間可能新開嗎？見咁多人買就知好野！果然好正嘅burger店！叫hunger burger！我都叫左個burger try try, 見到大大poster又排第1就食佢，辣嘅burger我少食，不過真係好正喎！！呢個焰辣雙芝士牛堡好味丫！多芝士同牛堡已經好食，再加左辣嘅瓜嗎？好香口惹味！先55元！！原來仲可以加配料，洋蔥丫車打芝士片，大啡菇，炒蛋等等都有得加！都係加4蚊5蚊左右！正！不過就咁都已經好好食了！！仲有好多小食可以食，雞翼，炸雞， 黑松露薯條等等！吾錯！全部即叫即整，仲有手套提供！真細心！

今日喺西九龍中心買嘢，就想食啲嘢，見到food court有好多新餐廳，見到啲炸嘢食好吸引到同埋想食漢堡包！佢有好多款漢堡包揀，好多都好有特色例如吉列芝士瀑布雞堡，但係我第一次食想叫d招牌經典先！我叫咗個經典芝士牛堡，佢係即叫即整，所以等左10-15分鐘都好值！入口熱辣辣，冬天食好暖心！佢塊牛好有牛味係靚牛，同埋有溶溶地既芝士！佢個麵包就地一般漢堡包，我覺得可以再用靚d既包咁先唔會浪費佢靚料～佢無酸瓜我好滿意因為唔鍾意😂配番d番茄菜食已經好飽飽個單骨雞翼炸得好香脆，同埋我鍾意食單骨係因為食起黎好方便，可以好容易咁食曬d肉～佢點埋個台式辣醬好惹味～同埋份量都好多有5、6隻！

已經有好多年冇嚟過西九龍8樓嘅food court, 幾年之後今次再嚟返，開多咗好多餐廳，呢度唔單止有超平價嘅兩送飯，平民價錢嘅咖喱，仲有水準唔錯嘅burger店。呢度嘅burger比出邊街舖嘅價錢平少少，但係水準絕對唔會差過其他。今次叫咗一個芝士大啡菇牛肉漢堡，仲加一塊雞扒。塊牛肉漢堡非常之厚，起碼都有2/3cm,調味亦都唔錯，雞扒整得非常之嫩滑。一啖咬落去，口腔就會充滿着肉汁同埋蘑菇汁，味道極之豐富。加$15仲可以配埋飲品同埋薯條，薯條嘅份量都唔細㗎，所以真係幾抵食。

今日去左好耐冇行嘅深水埗西九龍中心，正係中午時份緊係上去8樓搵食！呢度真係乜野食都有，好推薦大家上嚟搵食，又吾貴，又大碟，今日呢間仲好好食，我覺得同出面尖咀出名嘅burger 店有得揮，價錢平一大折！呢間叫hunger burger ！2個人食有2個小食又野飲都係百中多d蚊！好平！即叫即整！我嗌左 拉絲大啡菇牛堡同 焰辣雙芝士牛堡！先講菇那個！好多菇汁！同牛漢堡超夾嘅！仲有生菜蕃茄，呢個配搭冇得輸。另外朋友食嘅辣芝士牛堡都好特別， 好惹味， 麵包烤乾得好乾身脆口，好味！小食有四款選擇，我哋嗌咗兩款雞翼，單骨炸雞翼同埋香辣雞翼！炸雞翼好食，好似m記個隻雞翼仲要熱同脆，又加左 甜酸辣都好似，香辣雞翼都出色！仲保留肉汁！正！仲餐仲包左薯條汽水，食到勁飽，最後薯條都食唔曬 ！好味抵食之選！

今日我和朋友出去鴨寮街買嘢，鴨寮街有很多野睇，行完街就去了隔離個西九龍廣場，上到美食廣場，有很多人在這裏進食，但係我想食漢堡包薯條，居然比我搵到一間，看他的圖片漢堡都很吸引，就決定食這間，這個廣場地方闊落，點了食物就可以在這裏進餐我點了一個黑松露芝士雞寶，意想不到的好食雞扒堡雞扒煎得香脆嫩滑，非常ᴊᴜɪᴄʏ 每咬一口都充滿雞肉的肉汁，加上熱融的芝士，麵包外皮香脆包心柔軟，雞扒滑嫩絲毫不老，黑松露真係好香好好味架套餐揀左薯條和雞翼，因為個人鍾意薯條🍟新鮮炸出來，香脆有調過味，正🤩 炸薯條有著清脆口感與馬鈴薯的獨特香氣，熱辣辣卜卜脆，炸雞翼係我次次會加既野，因為佢外脆內煙韌😚，幾抵食。個質地我好中意，如果佢比個汁或者可以加啲椒鹽既話會更好😆 整體性價比係冇得輸，味道上面都絕對係平均水準之上，所以大大力支持💛

西九龍中心food court最近大變身，開咗好多新嘅食店，今日我就揀選咗呢間Hunger Burger。有質素嘅漢堡包，動輒都要$80，但呢度嘅定價就只係$50上落，始終呢一區價錢都要比較大眾化，先可以吸引到區內食客。仲有提供學生餐優惠。小店人手不多，而且新鮮製造即叫即整，所以都要耐心等候，不過見到開放式廚房入面非常企理，所以都好安心食用。店面仲有提供茄汁同芥辣醬，可以自由添加。第一次試，就揀個平實啲嘅漢堡，呢個超經典芝士牛堡究竟可以有幾經典？漢堡簡單就是正宗，厚厚嘅牛肉漢堡扒，上面加上芝士、蕃茄、生菜，再配上醬汁，牛肉汁同時滲透麵包入面，簡單而滋味！食漢堡包通常只會配薯條、薯角、薯格⋯，總之就係炸嘢，但呢度仲有得揀西蘭花，而我就另外叫咗一客香蒜西蘭花配魚柳。西蘭花用蒜鹽炒香，充滿濃濃嘅蒜鹽味。魚柳份量都唔少，一大塊魚柳扒，店員將佢分成四件，肉質都算滑，上面灑上蒜鹽同香草，真係夠晒香！

平時好鍾意周圍行街,尤其是係深水埗因為又多嘢食又多嘢買,今日天氣有少少熱所以行去西九龍商場貪佢有冷氣行到有少少攰就搵地方食嘢，知道西九龍商場8樓有個美食廣場有好多嘢食，見到一間賣Burger嘅舖頭好吸引，所以就試吓呢間Hunger Burger 人流非常多，性價比極高呢度都好多食物選擇,好多都有套餐，因為朋友都好鍾意食Burger 所以我哋就決定嗌左個至尊二人餐 $168 ，有兩個包選擇+兩款小食，仲一人有一罐coke😋小食方面就叫咗個單支骨雞翼，雞翼炸到金黃色，熱辣辣一啖咬落去啲肉汁好Juice，而且雞肉仲係好嫩滑，一啲都唔油膩，火候控制得好好，黑松露芝士牛堡芝士牛堡賣相十分之好，而且份量仲好足，比一般大型漢堡包店仲要多一倍份量，中間塊漢堡做到好厚好有牛肉味，而且仲有好多肉汁，配埋佢中間塊香濃嘅芝士，令到個牛肉味更加突出，好有層次，呢個漢堡好值得推介黑松露芝士雞堡加大蘑菇同樣都係份量好多，漢堡包皮做得好鬆化，雞堡嘅份量亦都好多好大件，而且雞肉仲係好嫩滑，加上大蘑菇爽口，黑松露味道亦都好夾，加埋一齊好有層次，味道更加突出咁好食嘅漢堡包店，全部即叫即做，睇得出廚師係落足心機，每一樣野都做