Hunger Burger

營業中

休息中

Monday evening, were in SSP, so thought I'll give the dragon centre a visit. Couldn't decide what to eat and decide to settle for burger. Order the hunger burger from hunger burger and fries. $108 for the set with a coke. Honestly, Jollybee is downstairs and can do better.The burger was just okay, the meat amd the sauce went okay together,the fries were not great for me, the seperate sauce they had bring literally no flavor to the fries. Defo not worth the value. I mean it's okay but no wow fact

🍔 南亞風香是拉差醬雞堡 | Sriracha Chicken ($54)香辣惹味的是拉差醬配嫩滑雞肉，麵包鬆軟有層次！東南亞風味與美式漢堡的完美結合，$54超值推薦～ The sriracha sauce packs a spicy punch with juicy chicken, all nestled in a fluffy bun. A bold Southeast Asian twist on a classic burger – totally worth $54! 📸配送飲品 Pair with:低糖豆奶 Low-sugar soy milk!

個黑松露芝士牛堡又乾又硬又冇味，仲要即刻食都唔熱個醬完全冇黑松露味，蕃茄成兩寸厚，舊肉好鬆散，每個配料都好似分開咁，唔似食緊burger，balance得好差，仲要賣成$60（淨係得包），$20比多佢🗿唉嬲得滯相都冇影🗿大家想買個難受就嚟呢間

聲稱芝士瀑布漢堡，卻只有淋上包面芝士醬，圖文不符雞肉是普通質素薯條劣質，即使是新鮮炸起，亦不美味套餐價$78，只配罐裝汽水以西九望中心food court 質素來說，價錢太貴，性價比低，不值得再光顧

今次來到Hunger Burger嘗鮮，真係畀嘅驚喜喺呢。佢哋啲漢堡包，一啖咬落去，飽滿嘅牛肉🥩香噴噴，肉汁四溢，簡直係爆香到㷫街。拉絲大啡菇牛堡包入面啲大啡菇爽口得滯，牛肉再加上個cheesy嘅味道，真係過癮到不得了嘅感覺。而家講開啲脆薯啦，外皮炸到金黃撈撈，入口即溶，又松脆又有彈性，真係乎合我嘅口味。仲有，唔少得啲小食拼盤。話說呢個小食拼盤真係得嚟！雞翼炸到香脆，帶點辣勁嘅泰式辣醬加上去，滋味十足！唔踩地雷，食到心滿意足。最正嘅係睇落去平平無奇嘅黑松露芝士牛堡，每一啖都是黑松露同芝士放肆嘅狂歡，科學食緊𠵱家！係呢，下次經過嘅時候，肯定又會行多兩步黎這裡嘆番個！係咁啦，街市內行街亦都可以發現咁正嘅漢堡店，真係唔使去咁遠旅遊呀✌️🤤！咁滋味、咁抵食！港式嘅食評，講求緊係實在嘅食物享受，Hunger Burger絕對撈到落。

叫左會炸鹽酥雞，嚟到點知係辣！第一，佢完全無寫名係辣第二，點菜時亦無表明或者問我係唔係要辣。當日自稱老闆娘話多數人要辣，所以照落辣由幾時開始鹽酥雞係辣㗎？仲要係無味道㗎！得個辣字好過份呀，服務態度又差。一定唔會有下次

漢堡肉新鮮有肉汁，蔬菜都新鮮(生菜爽脆)，個包就正正常常咁啦(有芝麻既），加埋片大啡蘑菇(都juicy既），唔會有多餘嘅醬汁搞到個包濕曬。但啲肉汁仲彈濕我部電話😅簡簡單單一個漢堡包咪就係咁囉，幾好吖。我唔係成日嚟，希望佢可以努力keep到，等我下次黎有得再幫襯。今日太晏食嘢，所以只能夠食得落一個包。下次試埋佢啲薯條同埋佢個炸蘑菇我都好想試~~

第一次去九龍城廣場8樓food court搵食，竟然咁多選擇，好興奮，有感自己大鄉里出城。兜咗幾個圈，最終揀咗Hunger Burger，睇落店舖好乾淨，職員手搓漢堡扒，好似有啲特色。雖然餐牌選擇唔太多，但有我鍾意嘅黑松露芝士牛堡（ $59 ）。佢嘅焰辣雙芝士牛堡（ $57 ）都好吸引，但呢幾日有啲唔舒服，唔敢食辣。外賣返到去，個漢堡包仲係暖嘅，雖然個樣唔出眾，但材料夾得算整齊，冇散開，又冇話邊食邊跌嘢出嚟。漢堡好多汁，醬汁分量剛好，有微微松露味，蕃茄、生菜都算新鮮，芝士夠香，整體感覺唔錯。

___________🏖店鋪狀況🏖___________ Hunger Burger位於西九龍中心8樓的food court內，店鋪招牌裝修都有點西式快餐店的感覺，風格偏簡約，Counter上有個大大的餐牌，一眼睇曬👀- _____________🍽食物🍽_____________🧀 芝士瀑布雞堡 $60 推介指數 ■□□□□🌶📝是個芝士控，所以一見到餐牌上的這漢堡就直接order了。可惜，第一眼見到實物，直接想說一句「請問那裏瀑布了？」根本就是直接將裏面的芝士片放在面頭吧了...跟餐牌上芝士會流到底層的照片也太大分別了吧🥹🥹🥹而且漢堡入面再沒有芝士了。另外漢堡裹甚麼醬也沒有，淡得就直接是在啃雞排、生菜及洋蔥... 非常一般！說真的，就算$30都未必會想再食。-🍟 黑松露薯條 (跟餐轉 +$8）推介指數 ■■□□□薯條品質算不錯，夠熱夠脆，可惜就是只不過是直接將黑松露味的沙律醬放在一旁，沒有甚麼特別，而且本身已經要加$18 upgrade 做set meal，轉黑松露薯條又另外要加$8。Umm...感覺有點不太值。-_____________🥂飲品🥂_____________🍵 消茶

正當研究究竟獨立叫兩個餐 / 二人餐最後決定二人餐好似性價比高啲- 拉絲大啡菇牛堡- 超經典芝士牛堡- 黄金炸雞球- 單支骨炸雞翼- 炸薯條- 汽水 x 2= HKD 186等左約15 mins ….可以問店家提供手套🧤個面包皮好明顯係嘉頓出品烘得微硬，整體個Burger 較乾身牛肉有淡淡牛味有口感，但不太juice炸雞球同炸單骨雞翼都普普通通薯條係我鍾意既粗薯條🍟其實佢除開2⃣️都成$9x 個餐呢個價錢黎講可以有更好選擇。

西九龍商場既food court小店食物價錢相宜，味道又唔錯。今日我同朋友揀左食Hunger Burger，因為一個Burger只係$50+，好抵食咁！😬😬1.焰辣雙芝士牛堡 $57個包面幾脆，芝士份量多到流出嚟😋😋漢堡扒都有少少肉汁，配合生菜、又有少少辣味咁，非常惹味！😋😋2.套餐價加左$15要單骨雞翼(因為薯條售罄左~仲加$7轉消茶套餐價加左 單骨雞翼😋單骨雞翼炸得非常脆口！好香！😋😋

西九美食廣場啲餐廳耳目一新咗，炸雞、漢堡包、串燒… 放眼望過去 真係嚟多幾次都試唔晒😝🤙🏻本來個人習慣初次attempt一間漢堡包店，都會試咗佢嘅牛肉類burger先。但今天重度芝士中毒嘅我，好明顯就係俾佢個改得好勁嘅名 左右咗我嘅選擇啦🤡🔸瀑布芝士雞堡🔸$59 (跟餐+$15)我以為會係中間夾住爆棚嘅芝士，無諗過係喺包面溶咗啲芝士But anywaysss, 味道先至係重點💁🏻‍♀️材料有: 雞扒、生菜、紫洋蔥、同芝士 完。從來冇食過咁原汁原味嘅burger🙂 真係清楚食到每一種食材自身嘅味道因為佢冇、落、醬、啊❗️除了面頭嘅芝士，裏面還是芝士咦⁉️咁應該好歡欣至係㗎，但你可以想像佢係純七八塊片裝車打芝士整溶去結果係巨鹹❕😖佢塊雞扒仲要醃得鹹，好似咬咗啖鹽落口🧂x1️⃣0️⃣ 要腎虧嘅感覺都唔講佢個包冇乜點烘過，雞扒少乾..Oh講埋 我想健康啲，薯格👉🏻改要蒜香西蘭花🧄🥦份量很可以，淋中帶脆，蒜香味很夠👌🏻但都係同樣問題.. 建議珍惜用鹽🙏🏻🤦🏻‍♀️［總括而言］我覺得可以溝個芝士醬出嚟，同搽返啲甜口嘅醬汁先。在那之前 搞唔掂❌ 可以話係我食過最難食嘅一個burger

➖ 黑松露芝士牛堡配薯格薯格個味幾好食而且仲好脆口，不過食頭五六塊都仲還好但之後就開始悶，我都係鍾意入邊淋身既薯格多啲，呢個炸到啲薯肉都脆埋變左啖啖都好脆口。食哂啲薯格先食漢堡已經凍左小小，但個包都仲係好鬆軟而且個包都幾厚索哂啲醬汁肉汁。佢個黑松露醬都幾香搽滿哂係個底。漢堡扒咬開充滿肉汁，但調味有啲鹹左小小一定要咬埋上面啲生菜中和返個味，不過個包太高每次都要上下咁咬黎食先掂🪧 個包面放左啲黑松露醬係到一拎起個包就成手都係，唔怪得佢有得拎手套，不過痴哂落隻手套到都係嘥哂，唔通佢想我食到吮埋啲手指佢

📍嚟過西九龍中心咁多次，終於第一次上嚟八樓嘅food court，平日時間多街坊街里同學生。唔好睇呢個美食廣場總睇唔算好大地方，但堂食嘅環境可以手話善用每個空間，而且中西日韓台匯聚㗎🌐！而呢次就俾Hunger Burger吸引咗，原因個招牌都幾美式vintage🤩🔻餐牌主打嘅漢堡款式多，想加錢跟餐要野飲但怕熱氣嘅話，仲可以嗌香蒜焗西蘭花/甜蕃薯條，代替薯條。🔻*倒著吃漢堡*我從來都冇諗過可以用呢個方法食burger😝🔻1. 黑松露芝士牛堡麵包包身滲透牛油味，又烘得乾脆。牛堡嘅嫩肉也可能因為本身帶黑松露醬，牛汁可能冇咁出，但牛同芝士嘅融合，更特顯美式風味。🔻2. 洋蔥圈配黃金炸雞球洋蔥圈香脆而唔油膩，炸粉啱啱好，食落去甜甜地。雞球炸粉簿簿嘅一層，一咬更顯佢juicy，絕對唔係「鞋雞」，肉質亦有層次！

價錢幾貴 但係個burger同麥記差唔多 而且焗西蘭花+蘑菇+魚柳 好乾最令我唔想再幫襯嘅原因係當晚嗰個男店員態度好寸冇乜禮貌 一副唔係好想做你生意嘅口氣 所以唔會再有下次