How To Live Well (荃灣廣場)

營業中

休息中

因為上次食呢間時(食評係2023年1月24日刊登嘅呢篇: https://www.openrice.com/zh/hongkong/review/yeah-%E8%A6%81%E6%B8%9B%E8%82%A5%E5%95%8A-e4690821),收據寫話憑收據7日內再去任何一間分店堂食,可享九折優惠,咁老公又話有嘢想試,於是我上網book咗噚晚(28-1-2023 Sat)嚟,我同老公帶埋亞姨嚟,而佢哋都有根據我上網訂坐時,安排有靠背椅嘅枱俾我哋.呢張枱同對面位距離好遠,真係適合搭枱嘅客人.我哋又睇完menu後,決定要:4. $78.00嘅Baby Cigar特飲呢個有coffee jelly, milk, double espresso 同 tiramisu sauce.上面重有件餅乾.我試吓,餅乾鬆脆同甜甜地,杯嘢飲唔苦亦唔甘,我都飲到,不過咖啡味係好淡,而咖啡味嘅主要來源係咖啡啫哩粒,對我哋嚟講,呢個可以話係甜品.味道:4.5分2. $168.00嘅香煎北海道帶子,日本白飯魚仔,意式長通粉熱騰騰香噴噴,有3隻帶子,帶子仍juicy,日本白飯魚仔係炸脆咗但好少,意式長通粉爽口彈

今日 (24-1-2023 Tue)大年初三冇去拜年,同老公求祈喺呢喥搵未食過嘅餐廳食晚飯,我記起呢間,於是走嚟,睇完menu,都決定食呢間,坐低後,經理話用QR code落單,同90分鐘用餐時間,我哋掃完QR Code後,就決定要:3. $28.00嘅忌廉蘑菇湯份量都幾多,個包好脆但橄欖油好濃.而個湯好熱,蘑菇蓉唔少,不過口感唔係好杰.味道:4分2. $158.00嘅日式照燒烤雞扒竹炭漢堡配有薯角,雞扒幾厚,食落竹炭漢堡鬆脆,但一食個雞扒就覺得好油膩,係因為沙律醬同照燒汁,而佢係有落紫菜,不過件雞扒係juicy嘅.味道:4.3分薯角就有少少辣味同香草味都幾濃,薯味就一般.味道:2.5分1. $158.00嘅自家日本四元豚叉燒,班尼廸蛋,酸種包呢個等好耐至到,重以為漏單.首先.班尼廸蛋蛋黃係好深色嘅.我一食叉燒.又係覺得好肥好膩,原來佢哋用五花腩,膩到就算有沙律醋我覺得唔掂;而個酸種包整到都幾硬.味道:2.8分4. $68.00嘅抹茶朱古力撻由於冇雪糕,我哋落單時唔揀後上,咁佢哋都會上前confirm係咪唔使後上.抹茶朱古力味道唔太甜, 抹茶味重啲,朱古力味就輕少少,口感亦滑,係牛油嘅

HOW真係非常非常有驚喜💛Cafe Lover又黎喇☺️•明太子忌廉汁煙肉意粉 ($178)。成碟都係煙肉，3條人食極都個有！。個明太子忌廉汁好正。對於鍾意忌廉汁既我真係覺得好鬼正，痴線我一定encore！。意粉唔會太淋，口感唔錯。3個人share食岩岩•黑松露醬和牛洋蔥圈漢堡 ($188)。朋友好堅，完美咁切到3份！。個和牛都幾厚+有肉汁，食3份1都好夠☺️。不過好似唔係好食到黑松露醬，唔知關唔關分咗3份事😂。伴碟有沙律洋蔥圈薯角，1個人食應該會好飽😝•Thai Krapow ($168)。呢個pizza都好驚喜，店員一放低嗰陣泰式香味就已經好正。有辣豚肉碎，白豆角，車厘茄，金不換等材料，係泰國既風味呀。熱辣辣食好正，薄批個邊脆到呢🤤。豚肉同白豆角鋪滿左個Pizza，真係每啖都好滋味•水蜜桃果粒茶 ($68)。黎到都係好香，不過飲落就無咁濃。有淡淡既香味，可以消滯•💛環境舒服，雖然寫咗限時90分鐘，不過如果唔full其實都可以坐耐d傾下計

荃灣區悠閒格調的Cafe越開越多，生活緊張，大家都想放放空，今天來這裏慢活一下。餐廳裝修以木系為主，透過落地大玻璃窗可看到街外景致，同時又可以讓光線透進用餐區，令一室明亮開揚。店內還放置不少綠色植物，營造出更多舒適感。進店時已是四時半，餐廳沒有供應下午茶，我們就把午餐作晚餐吃吧。餐牌是一張張大卡紙，印刷精簡，午餐菜式選擇不是很多，很快可看完。這裏也是手機點餐，掃一掃檯上已開的單子附上的碼就可以點餐了，很方便。單點的食品可加15元跟個餐湯及麥茶。今天是粟米湯，湯的口感很綿密，內有很多粟米蓉，附上的一小片多士也脆口。麥茶是凍的，帶微甜。紐西蘭羊架，椰菜花蓉燴洋薏米。羊架我們要七成熟，可能比較熟所以肉質不夠嫩，應該再生少少才好吃，不過羊味還是不差，醮上醬汁，也可吃得津津有味。洋薏米口感煙韌韌，需要慢慢咀嚼才嚐到其獨特味道。柚子蜜烤無骨春雞，脆炸芝士圈，烤甜波椒。雞的體積不少，切開兩半層疊放於碟上，雞身烤得金黃微焦，鋪上幾條柚子蜜的醬汁，一點點蕃茜碎。柚子蜜味甜，雞肉入口時頓感鹹甜混雜，出奇相配，吃得很舒服。三件芝士圈，炸得也出色，鬆化可口。Flat White，用透明玻璃杯盛載，看到深啡色澤

今天一早11:00am（對於我來說是很早了🤔)與幾位長輩在荃灣品茗，寒暄一番食飽飽之後就是我me time的時間👍😀。由荃新天地至荃灣廣場找尋心儀既聖誕禮物🎁，準備聖誕節變成聖誕老婆婆🤶 派禮物給小朋友🥰。離開荃灣廣場準備前往Aeon的通道上發現了這間HOW👍， 剛好今天未喝咖啡，而且過了午餐時間，餐廳坐位充足，所以馬上進入了這間cafe。餐廳地方闊大座位寬躺，面對窗外的一排座位很有日本餐廳風格，這部份的樓底非常高，面對着公園很開陽，在風和日麗的日子令人心曠神怡😍。手機點餐已越嚟越普及，點一杯Americano☕️。咖啡上枱熱度香氣100分，酸度中等，哈哈，已經開始習慣喝黑咖啡了☕️👍。一人坐在窗邊面對著公園🌳，藍牙耳機播放着我最欣賞的軒軒的歌曲，一個人休閒的享受一杯熱騰騰的咖啡 ，寫下當刻的感覺，頓時覺得這個世界是多麼的美好，自己是多麼的幸福和幸運🥰，境然不由自主地感動得眼濕濕🥹！這裡除了各式飲料，還提供午餐套餐，泰、日、越和西式小食/食物都有。要找天來試試吸引我的: 味噌燒牛肉沙律、香茅鮮檸白酒煮蜆和慢煮厚切日本四元豚肉伴法式燴菜😋，希望不會令我失望。近餐廳門口還有一部份是售賣一些布袋

呢間餐廳之前新開已經bookmark左一段時間 今次就想係荃灣搵間未食過既西餐廳試下 見佢餐牌有好多選擇 有沙律 意粉 扒類 班尼迪蛋 Pizza 仲有好多小食甜品飲品 我地大約晏晝一點幾去到餐廳 餐廳都坐滿左七至八成 入到餐廳好大 環境好舒服 見好多人都叫Pizza 岩晒多人一齊食我地叫左個慢煮四元豚肉 薯蓉 肉桂蘋果醬 賣相好靚 份量幾大 塊豚肉比我想像中大塊 底下有好多薯蓉 仲有豆同菜做伴碟 仲有好多肉桂蘋果醬 塊豚肉煮得岩岩好 好淋好多肉汁 薯蓉打到好香好嫩滑 肉桂蘋果甜左少少 不過都幾好味仲叫左個自家製四元豚肉日式叉燒 班尼迪蛋酸種麵包(需時20分鐘以上) 呢個主菜睇個名已經覺得好吸引 好想試 要等20分鐘以上絕對係值得 佢個賣相好靚 好大份 上面既醬汁甜甜地 幾好味 應該係大阪燒醬 日式叉燒份量有好多 好淋身 酸種麵包咬落好脆 仲有好新鮮既沙律菜 呢個班尼迪蛋成個配搭好夾 好好味 有驚喜飲品叫左杯Old Rubbish特飲 係一杯橙汁 西柚汁 益力多既特飲 賣相好靚 飲落酸酸甜甜幾開胃 估唔到呢個配搭又會幾夾整體黎講 環境好大 好舒服 每張枱都好大 座位坐得好舒服 食物好高

星期日想食返個悠閑嘅午餐嚟到呢間次次都比佢嘅木裝修吸引嘅餐廳呢度叫How to live well每個人對live well嘅定義都唔同我覺得同屋企人喺舒服嘅環境食好東西簡簡單單就已經係live well今次喺度食咗三樣好東西🤭1️⃣日式蟹棒芝士蛋卷🧀蛋卷表面鋪滿紫菜同木魚絲長度超過手掌，兩個人share食啱啱好入面包住芝士同大大條蟹棒雖然有芝士但唔會好漏值得一試2️⃣油揚脆豆腐沙律沙律菜新鮮，除咗油揚豆腐仲有豆皮入面仲有青瓜、蘿蔔漬物醬汁係酸酸地，我諗係柚子醋嚟非常開胃👍🏻3️⃣煎大蝦 ．龍蝦鰹魚湯扁意粉龍蝦鰹魚湯用壺仔另上自己慢慢淋落意粉度，湯同意粉好match兩隻蝦好大隻，仲好細心已經將個蝦身剝咗殼蝦頭都有膏食，蝦肉彈牙爽口意粉唔會煮得太淋，有咬口配埋切咗絲嘅青黃Zucchini成個意粉好完整🍝總結💭💭三樣嘢食都唔錯，本身想叫埋咖啡但兩個人食完嘢已經好夠留返啲機會下次再幫襯啦用返張單，7日內再去可以有9折呢😉

之前朋友經過，見到餐牌嘅食物好吸引，話約下一次要去試食，今日終於有機會啦！以晚餐來講，食物選擇類型不算豐富，但係適合OL或者愛打拳嘅朋友，都好多選擇。電子餐牌下單，好方便本來喺電話度睇，以為食物嘅份量好少，點知嚟到都算好大碟。