Herpa Cafe (已結業)

2008年12月25日銅鑼灣到到都限時又貴食聖誕餐..真的有點不是味兒..好開心...一直有食開此cafe..比較太迫人..今晚一早預定了..價錢好抵...$148一人..心想當晚會難吃嗎?....怎料非常好...我朋友說整體很好..食物有水準..環境有景觀..坐得一d都不迫..可能很多人都在家開party 了, 所以不太多人...不過這個價..自己煮都不止吧..好就介紹今晚吃了什麼鮮蝦蟹籽沙律...好鮮蝦味* * *蝦仔濃湯 &/ 周打海鮮湯 ...好足料* * *煙火雞胸 .. 好好味..可惜只有一塊..* * *朋友要了 澳洲A-5雪花和牛 - 很有牛肉汁 芝士龍蝦拼忌廉汁炒蜆殼粉 - 想像不到有這麼新鮮及大隻呢..忌廉汁炒蜆殼粉很入味好香芝士* * *聖誕節甜品 - 這個真的有點不好吃..如果能改回平時食開的cheese cake 會好些..希望下次有所更改* * *凍檸茶作完結每位HK$148 是日紅、白餐酒買一杯送一杯由於本人是vip..所以不用加一, 他入會是免費的... total 我們付了3百食了一餐很好的x'mas dinner....下年一定要來

平日去呢間cafe 冇咩人，靜靜地幾好。但今日1:00上到Herpa cafe，見到都好多人。我地冇訂枱都預左要等。幸好都吾係等好耐，但1:05坐低之後，我地好似成為透明人，水都冇一杯。我咪出聲同d侍應講︰「唔該比三杯水」，佢叫我等等。等左五分鐘，我再問，d侍應都係叫我等等，再等五分鐘，再問一個白恤衫以為高級少少0既女侍應︰「唔該比三杯水」，勁好禮貌同我講「咪黎緊羅」。嘩…今時今日的服務態度真係一流。我地叫左三份午餐，一份咖哩牛仔骨、一份照燒鰻魚飯、一份焗龍利柳飯。我地係清楚並知道焗飯要等約十五分鐘。誰不知，先黎一份咖哩牛仔骨後，半個鐘先見到焗飯，但照燒鰻魚飯仲未見影？條鰻魚一係未"湯"，一係未釣。最後，1:45先有飯食。食完主菜，完全冇人幫我地寫飲品，三催四請先有個哥哥仔彩下我地。隔左一陣，有個侍應攞啫喱杯比我地。嘩…態度絕頂，將三杯啫喱「拍」一聲，好似丟下枱咁…仲黑口黑面，語氣勁粗問︰「邊個要奶嫁？」最後埋單的時間，已經係2:20。一心係靜靜地，安安樂樂食個lunch，點知受氣兼無癮。仲搞到我地遲左返公司添…呢d 地方，唔去都唔係損失，但去左一定損失 — $$$$。

返工要黎開依頭~黎到岩岩好2點半~ 可以食Tea Set~ 依個鐘數基本上冇人~ 所以可以安排坐到卡位看風景~ 個View確係唔錯~望晒成個灣仔跑馬地山景~ 不過如果個窗口底d大d就更好喇~ 而且個窗架唔太乾淨~ 座位很舒適~2個人座卡位就真係好正~ 仲有好多飛機模型~都幾特別呢~ 講返d食物~ 叫左個蒜茸汁龍利柳意粉~ 龍利柳很大塊~抵食~ 但問題出於醬汁和意粉~ 意粉是港式意粉~ 煮到熟透沒半點咬口~ 醬汁本來也算可以~ 但問題在於員工的大意~ 究留下了膠袋的殘片在汁裡頭.......... 再來叫了熱咖啡~ 不太熱~放了糖都完全溶不了的~ 而且咖啡品質不好~不香~有酸味~ 可能因為牛奶雪了太久~ 令咖啡變冷了~ 而且究看見一片片的奶塊在咖啡面上飄浮......=.= 整體上食物真係好唔掂...... 不過點都係一個悠閒好地方黎既~

星期四晚, 我同honey仲有d朋友去左herpa cafe 食和牛A5,之後個個部長介紹美國牛,我叫左呀, 5成熟,又多汁, 又唔太血紅,啖啖穀香, 好好咬口...自從上次係日本食和牛之後,另一個味覺享受~又唔係好貴, 飲完紅酒, 食完扒, $170 幾...百幾可以食到好似300幾既水準, 好goooood~~~~不過, 個紅酒就一般...而個泡芙波波係個waiter 俾錯我地, 我地即刻第一時間影低左先....^^Very happy night~

位處商廈頂樓，窗邊卡位是望到小小遠海景及開揚樓景，不過窗玻璃幾污穢，日光日白之下很是礙眼，浪費了。卡位還有飾櫃擺放不少細小的飛機模型，叫做有點心思。5點半前重有的下午茶餐價錢不貴，選擇頗多，而且分量也不小。拿破崙意粉有香腸、三色椒及菇菌等，材料算交足貨。意粉軟硬適中，略嫌拿破崙醬汁偏酸了一點。焗豬扒飯滾熱上檯，兩塊薄身的無骨豬扒幾滑而帶些少咬口，不錯。可惜不是炒飯底，而且食落有些硬實的飯焦，是其敗筆。醬汁亦嫌「漏」滯。服務幾好，很是有禮。雖然感覺是有誠意的經營，不過也有明顯要改善的地方，看看那碟意粉便知：就是不要再用已經崩了幾處的碟子。

we 4 girls have booked the day before and they reserved us a not-so-good seats as the title here.after checking the map here, it's easy to get there.spagetti is all good. but the rice is bad. it's pity that we didn't use the 20% off coupons from 3G...the banana boat is good...they can help us put a candle on the banana ;P(coz one of my friend had her 18th birthday ) but they don;t have birthday cake offered.we sat for about 3 hours long!!!

上網搵灣仔CAFE 時搵到呢度36/F 係天樂廣場最頂樓如果BOOK 到WINDOW TABLE, 個VIEW 其實真係唔錯 (除左佢唔係全玻璃而係鋁)今晚同朋友食飯, 順道傾公事無BOOK 位, 但等左一陣都被安排到坐WINDOW TABLE, 不俗傾幾耐都無人趕, 因為都唔FULL HOUSE, HAHA坦白講, 以餐廳價錢, 裝修同燈光既少少瑕疵都可以接受ORDER 左帶子羊扒餐, 朋友叫左三文魚天使面兩樣都OK我同朋友都坦言呢度好在唔駛迫價錢相宜可以再黎唔明D 飛機擺設做咩....

四十多元一個午餐，包餐湯、主菜、飲品及花奶jelly，填寫一張簡單表格，成為會員，有九折．訂了位就一定有位，不會罰站．當然四十多元一個午餐，不可有太高要求．餐湯：有紅有白，我就喜歡紅湯，水準有一定保證．主菜咖哩豬排：經過多次嘗試，咖哩豬排最好味．咖哩當然是港式有薯仔，但薯仔越來越少．咖哩就不太辣，愛辣的人會認為不夠喉．豬排有兩三塊，是煎香後才放下咖哩汁內，肉質未被鬆肉粉破壞．飲品：凍飲不加錢花奶jelly：一般羅拔臣水準個別年青侍應，做事大意，反而一位侍應阿哥，有禮貌亦細心．坐卡位有開洋灣仔境觀，但有座椅套有明顯汙漬，感覺不良好．整體來說，是灣仔午飯選擇．

又係睇openrice而選擇既開飯地點。上到36樓咁高，仲要係全幢商廈唯一既餐廳，咁靜都做得住，好野! 全間餐廳都係得個5-6檯客人，好彩有一大班人係度搞聚會，算唔錯。每個餐都配一客餐湯，初時諗住飲羅宋湯，不過聽到講野好快既侍應話有南瓜忌廉湯就改變主意，好可惜我從來未飲過咁稀既南瓜湯!餐牌上套餐選擇甚多，最後叫左︰1. 烤羊架 - 唔係好腍，味道唔算特別2. 三文魚意粉 - 最平($6x)，不過係最好食既一碟3. 豬仔脾沙律 - 豬肉唔係好滑，個沙律係港式既4. 酥皮焗三文魚 - 唔特別，所以都冇咩印象最後黎個忌廉泡芙，不過不失咁喇。侍應席間不斷叫我地入會，話有九折咁話，不過佢食食物都麻麻，入會都唔知會唔會再黎!不過佢環境幾靜，仲有d海景位，一對情侶或者一班人黎傾下計都唔會趕你走!

今天再來吃 lunch , 食物質素好了好多 , 份量也回復以前的一樣　 . 我們叫了兩個 set lunch , 首先來兩個餐湯 , 然後再來主菜 , 吉列龍俐沙拉和雞排配飯 , 好飽 , 兩個人 share 一個餐再加一杯飲品也夠 , 龍俐有兩大件 , 不過好像不太新鮮 , 下次還是不要叫炸的食物 , 沙拉有好多 , 正 ! 雞排飯幾好 , 雞排不會太硬 , 煮得剛剛好 , 黑椒汁好香又不會太辣 . 飯後甜品各人有一杯啫喱 , waiter 會拿來問要不要加奶 , 服務幾好 . 埋單時記得要加 10% 服務費 .

見到食評唔錯,於是去試下啦~一去到...依度係cafe???餐廳黎架喎,完全唔同feel既個位壞左一支燈,真係光既o者...睇餐牌,無咩特飲既...叫左海鮮薯蓉,牛柳配鵝肝+意粉,煙鴨胸沙律,湯就一紅一白,凍奶茶同凍朱古力杯凍朱古力好warm,熱朱古力+少少冰...好快變左杯暖朱古力白湯唔錯,好清,不過有舊唔知咩蔬菜...紅湯就ok,配湯既蒜蓉飽幾香,唔錯煙鴨胸沙律d菜唔知落左咩香料,同埋好油下...主菜海鮮薯蓉黎先,5成薯蓉,3成菇,2成海鮮:2隻青口煮左太耐好um,2條仿魚肉蟹柳,2隻魚肉仿帶子,1隻唔錯既墨魚仔,真係多,同埋幾塊唔知咩扮既鮑魚片...好茶餐廳feel呀! 係個薯蓉幾好食...鵝肝好薄,而且仲似乎沾有膽汁,有點苦的!不過牛柳唔錯,夠juicy,意粉就一般啦甜品係提拉米穌,點解配既汁咁酸既?唔係檸檬汁呀? 而且食落似好重酒,d cream好棉花糖,好彈呀~到埋單,個waiter叫個waitress搞,佢搞搞搞搞左好耐先黎,不過完全唔覺佢做過咩,全程都只係見果2個waiter做曬,起初仲以為係請唔夠人tin~埋單二百幾,好似見其他人食午市平好多?集成附近某茶餐廳dinn

lunch 只要$37 (after 10% member discount), 有幾種不同扒, 跟意粉, 飯, 薯菜我要了鑊仔牛柳, 的確很稔, 但完全沒有肉味, 伴意粉, 有陣水喉水味, 即時叫更換因為預早訂桌, 4個人有卡位梳化座, 有海景, 即使座大堂也有arm 會轉的梳他座, 所以食物一般仍會經常來

同朋友食dinner~想坐得耐d就黎左呢間啦~唔洗book位都有間半開放式房仔，又闊落又好坐~仲有好靚ga迷人灣仔夜景我叫左個牛柳拼龍脷~牛柳好好味~唔會太生~又唔會太韌~個汁都唔錯~配菜d蜜糖豆係甜的~難得難得，龍脷我就1左個朋友，因為我唔係好好魚~不過朋友話味道不錯~薯仔都好好食~好滿足的一餐\~我朋友個豬仔骨都ok多肉，不過就唔係好入味~個甜品係一個扮林明噸ga綿花糖~幾特別今之服務非常之好~個個笑到四萬咁ga口~d檸茶大杯左但都keep住水準~比個好佢\埋單都係$147

上星期五落地域攪埋d野~因為想坐低傾野~又好肚餓~所以就上左呢間啦~~點餐果時~落單係個新人落~所以落得好慢...叫完10分鐘後~有個人行過黎話得番一個D餐~咁咪叫另一個囉~佢又話呢個餐七點就已經無曬...我七點三上黎的~餐湯10分鐘先上~主菜就30分鐘先上...好彩我得閒ji~同埋d waiter們唔似神遊咁~我飲緊個湯佢行埋黎問我仲要唔要~我個朋友碟野仲有5、6舊鴨胸佢問我朋友收得咪...可能佢地有個party太多野做啦~呢間野真係幾抵食，而且又好坐~食物質素中上，份量大~不過服務就唔太得啦~

第一次光顧時對它的印象不錯, 所以再到這晚餐. 可是當晚的服務不盡令人滿意. 首先座椅軟墊已下陷, 明顯須要更換, 所叫的tonight special遲遲未到, 明顯是漏了單, 因為鄰桌遲來卻比我先上菜. 催侍應後不到五分鐘便到, 但西冷過生, 應只有五成熟, 切不開, 亦沒鋸齒刀. 然侍應卻說是八成熟. 後經微波爐加熱. 勉強吃完不久後, 部長便要求我們結單, 因下一位人客正在等.整體服務態度算有禮貌, 但令我不想再光顧. 今次遇上有客開派對, 環境頗嘈雜.