Herpa Cafe (已結業)

今晚目的地係灣仔o既天樂廣場36樓~~herpa餐廳我的菜色是鵝肝拼西冷牛排鵝肝非常yummy....!之前先有羅宋湯或忌廉西蘭花湯加蒜蓉飽繼而有鴨胸或煙三文魚沙拉朋友們食龍蝦拼羊扒最後仲有兩樣就係甜品(ice-cream) 及咖啡或茶啦....!總共埋單位位128元, 不用加一, 因為有九折咭!值得一讚是可以訂到sea view 的房間, 真是very good.....!

25/7(三) 2:30pmOT的第5天,相約近來頗清閒男友人午聚.天時暑熱,多走兩步也會被溶化掉,步入近在咫尺的商廈,乘電梯往36樓的Herpa Cafe去.推門入進,一室海藍調子,飛機模型散落有序,坐於倚窗廂房,環境明窗淨几,頓時讓人清明安定.老闆奉上下午茶及午市餐牌,我倆躊躇了片刻,點了下午茶餐:蒜茸汁龍柳飯跟凍檸水及燒汁雞扒意粉跟奶茶.蒜茸汁龍柳飯--魚柳件頭大,煎至微脆,可惜的是龍柳口感好極有限,沒雪味已叫收貨!此外,蒜茸汁蒜香不甚明顯,拌碟的急凍雜豆及飯粒則沒啥特別!燒汁雞扒意粉--港式煮法的意粉一貫偏腍,雞扒不夠入味,配以燒汁,味道很老香港!體型健碩的友人也吃剩不少.凍檸水--估計不是水喉水,沒不應該的異味.平庸的食品+閒逸的格局+合理的價錢($68)=白兔仔壹隻

E間CAFE既名就聽過,什麼飛機模型主題餐廳丫麻,都係第1次上去食不過,上到去先發現原來係擺模型,等我仲以為坐0係勁似飛機入面食野TIM=,=我ORDER了1個SET LUNCH忌廉湯, 幾好飲,有栗米味,不過可惜既就係無咩料!主菜-龍蝦汁海鮮螺絲粉都好多料下! 食落去唔會話漏!亦都夠汁,唔會話好乾咁! 有成4隻青口^_^不過,唯一既美中不足係,竟然無"海鮮飯"常見既魚柳仲送埋餐飲+甜品D野食都上得幾快!好,之後我要講下佢既環境啦!1入到去就係有好多木台啦,最入有D好似獨立房仔咁D SOFA勁好坐,勁有彈性(H)望落去係摩利臣山既VIEW (雖然摩利泳池既賣相極度不討好)但都幾靜下,幾岩傾計 入面有勁多飛機既模型..至於WAITER的服務態度,就1般啦唔係好好禮貌又唔係無禮貌-V-食完已經勁勁勁飽! $38 + 10% SERVICE CHARGES!咁抵,你仲想點?

唉... 上次朋友介紹來過一次, 覺得環境都ok, 於是今次介紹d 朋友上來食... 點知朋友叫佐個焗龍蝦T-bone 意粉餐, $128 dinner, 食食下竟然發覺有條象巾係入面... 嘩... 有無攪錯... 我同個話事人講, 佢著住西裝, 可能係老闆. 佢話俾張八折咭我喎... 你地話有無攪錯.我已經打佐電話去食環署投訴, 希望佢地可以盡快處理呢單case....

因公司在灣仔, 間唔中都會去這裡吃lunch. 不過, 個人認為這間只不過像是茶餐廳級數的西餐廳. 食物不太難吃, 但好明顯是"師傅"味道, 羅宋湯就係一個好例子. 很好喝, 但之後整個下午都要喝很多水. 好處就係幾平, 同埋service都唔差.

昨天因幫友人慶祝生日，到了這間根上cafe晚餐。是晚三人各了一個set，味道很不錯，雖然上菜的速度稍為慢了少許，但我覺得去得樓上cafe的，都不是十分趕時間吧，它又不是十分之慢我認為可以接受，期間可與朋友慢慢傾都不錯的。值得一讚是這裡的牛扒弄得不錯，當然不可以說是很高質素，但以樓上cafe來計，算是很不錯，不會弄得很韌，恰到好處。

尋晚同男友黎踢枱腳，我揀選咗哩間黎食，當然個環境，出面既風景，鋪裡面既飛機模型擺設，每個侍應既service都唔錯，但ｄ食物就好一般喇！羅宋湯：有少少辣，好多料，好入味，美味啊．男友要個芝士焗牛柳跟炒飯：件牛柳用cheese同酥皮包住黎焗，八成熟到，有ｄ漏．我就要個龍利柳跟意粉：龍利柳就好正，白汁唔係咁夠．甜品Tiramisu：酒味好夠，多到蓋過tiramisu原本既味道．餐飲：熱檸茶，熱檸水．加HK$20有焗田螺：焗到好膿，麻麻地．兩碟主菜既伴菜係蜜糖豆＆番茄，好生囉，i hate it．我有DBS信用卡，唔使加一，HK$176．

這間餐\廳是以airplane model 做主題. 環境幾好, 算靜. 叫了羊仔膝和紅酒燴牛尾, 紅酒燴牛尾好像好食一點, 不過羊仔膝都ok 既. 不過我最鍾意這間餐\廳的蒜蓉包, 真係好好食... ^^.. 講到service, 厘道就差d, 我了個waiter 比隻碟我, 佢\竟然比茶杯下面隻碟咁大既碟比我, 唔ok.!

抵食，食物份量多，款式也多。如果有所有排類可轉為鐵板就更好。環境好舒服，不嘈吵，適合三五知己聚聚閒聊。

上星期六在言晚飯,食品比一般少,如果不吃肉類,選舉不多,$88元一位,價格相對地高了少許.而服務更不值一提,應該看看ANDY的廣告.

上星期四同幾個朋友去ＤＩＮＮＥＲ，　叫左ＳＥＴ食（＄６８），　叫左２個扒，　但無得ＯＲＤＥＲ幾成熟，個西冷好鞋，　個免翁牛扒好Ｄ．　鹹豬手好淋同唔香．味道太行貨．坐細房，幾舒服但有ｄ野咬．星期五同７個同事去ｌｕｎｃｈ，　訂左６個人位，　去到話加一位，個經理竟然好無禮貌叫我們其中一個人單獨坐後面張枱．個午餐唔貴（＄３８），　好多人但味道一般．　不過午餐個湯比晚餐個湯濃，　唔通晚上加左水？？

望著那個無敵灣仔全境，除了「嘩」的一聲以外，實在係靚得無o野可以再講！絕對是100分！只是，它的食物實在...。我點了一份銀雪魚配免翁牛扒餐，銀雪魚還勉強可以，但那個牛扒實在太離譜了，入口起碼要咬兩分鐘才能吞下，而且連用刀切起來也出現困難，結果我只吃了三分一便放棄了。朋友則點了一份三文魚扒餐，賣相看來不錯，但一入口，魚竟然是腥的...。在這美境，卻遇上這等食物，真是有點浪費。p.s. 這間餐廳其實是以飛機做主題，但不細心的話，實在看不到甚麼是與飛機二字有關的。建擬飛機迷不要浪費時間。

那晚和男友去食飯。呢度裝修特別，以飛機為主題。每個卡位設計成獨立小房咁，幾好坐。那晚我們點了晚餐，有三文魚莧菜天使麵及鮮茄海鮮焗飯。兩樣都很好味。莧菜煮得不夠專業，一般西陳餐只用菜葉，但呢度連梗都用埋，有點失色　（但有好似多點fibre!)餐湯羅宋湯味夠濃，配蒜蓉多士，真係好味道！未黎過，可以黎試下。

晚上路過, 一行3人去了試晚餐. 環境方面, 位於36/f, 卡位可看夜境, 不錯. 但如玻璃窗可乾淨點則更好. 飛機模型方面, 沒有太大特色.三人分別叫了皇牌精選, 田螺餐及龍蝦餐.餐湯, 主菜都美味, 豬仔脾, 龍蝦, 牛柳都很好. 西冷牛排則稍縑太熟. 隨餐附送的甜品, 是o者喱. 沒特別. 原本龍蝦餐的是雪糕, 但伙計說雪櫃跳了掣, 雪糕溶掉. V_V 因此也只有o者喱.

就它標榜的「飛機主題餐廳」，不甚吸引；但其他的東西卻倒吸引。雖然檯跟梳化的高度不相稱，但沙發坐得舒服，教人懶洋洋；晚餐由$58 至$128 不等，單看菜牌也吸引。由於近期吃過超水準的溫暖牌東風螺，儘管對田螺餐內其他的物事甚有興趣，但最終要了德國鹹豬手餐：德國鹹豬手餐不是甚麼燒或烚鹹豬手，是用燒汁煮鹹豬手- 鹹豬手口感不肥膩，啖啖肉，也不黏牙，不錯；配的是迷你椰菜球和車厘茄，量多，也美味。甜品則「普通」至「麻麻」：雖然欣賞它那個蛋糕上得份量細；驟眼看，是芒果糖漿配栗子毛士蛋糕，但一切都out of expectation - 是檸檬糖漿配朱古力忌廉蛋糕。糖漿的味道本身已經跟蛋糕的味道不夾，但蛋糕本身口感太實，有朱古力碎，但沒有朱古力味。餐湯和咖啡，竟有茶餐廳、港式扒房的水準；加上對中環廣場的夜半海景、中等的晚餐價錢，是個教人驚喜的選擇。（註：雖然不是full-hosue，但若要坐窗邊獨立卡位，得須訂位。）