Herpa Cafe (已結業)

平日去呢間cafe 冇咩人，靜靜地幾好。但今日1:00上到Herpa cafe，見到都好多人。我地冇訂枱都預左要等。幸好都吾係等好耐，但1:05坐低之後，我地好似成為透明人，水都冇一杯。我咪出聲同d侍應講︰「唔該比三杯水」，佢叫我等等。等左五分鐘，我再問，d侍應都係叫我等等，再等五分鐘，再問一個白恤衫以為高級少少0既女侍應︰「唔該比三杯水」，勁好禮貌同我講「咪黎緊羅」。嘩…今時今日的服務態度真係一流。我地叫左三份午餐，一份咖哩牛仔骨、一份照燒鰻魚飯、一份焗龍利柳飯。我地係清楚並知道焗飯要等約十五分鐘。誰不知，先黎一份咖哩牛仔骨後，半個鐘先見到焗飯，但照燒鰻魚飯仲未見影？條鰻魚一係未"湯"，一係未釣。最後，1:45先有飯食。食完主菜，完全冇人幫我地寫飲品，三催四請先有個哥哥仔彩下我地。隔左一陣，有個侍應攞啫喱杯比我地。嘩…態度絕頂，將三杯啫喱「拍」一聲，好似丟下枱咁…仲黑口黑面，語氣勁粗問︰「邊個要奶嫁？」最後埋單的時間，已經係2:20。一心係靜靜地，安安樂樂食個lunch，點知受氣兼無癮。仲搞到我地遲左返公司添…呢d 地方，唔去都唔係損失，但去左一定損失 — $$$$。