Greyhound Café (時代廣場)

營業中

休息中

因為有coupon未用完，訂咗位一家人食晚飯，去到見到入面有幾張大枱，但門口果位招待話客人埋緊單，叫我地等等，跟住等咗接近半個鐘，終於叫我哋入去，點知係坐原本就冇人嗰啲大枱，咁點解我哋要企咗成半個鐘先入得呢？😵‍💫 訂咗枱都咁，唔怪之得俾walk in果d鬧爆啦！明明有枱都唔俾人入！啲食物剛剛上枱嘅時候，我其中一位屋企人先黎到，但係門口冇人幫佢掃針紙，企左好耐，我哋同其中一個侍應講，佢話叫我地搵reception，跟住又等咗好耐，我哋再問另一位侍應reception喺邊，佢黑面話佢哋冇reception🙄就係咁，我屋企人企咗成10分鐘先入到嚟😑其實d食物叫做ok, 但咁嘅服務態度，就算有半價coupon，下次都唔會幫襯，費事貼錢買難受

今日去了時代廣場的GREYHOUND CAFE, 諗住食一餐好些的泰國餐。我點了一個Mango Shake, 一個蟹肉奄列和一個龍蝦粉絲煲。個飲品同奄列就質素一般，到了個龍蝦粉絲就赫你一跳，隻龍蝦就迷你到只有兩隻手指粗。(只有我以前在太古城Greyhound cafe 食過的一半size），煲裡頭的粉絲就成口油。食完之後，個胃痛了一晚。另外，可能今日喺TIMES SQUARE Dining coupon 的deadline, 所以有好多人用coupon 去食lunch 。(但喺我唔係)，所以人都好喺好忙，但又唔係好想去招呼人。我食完個appetizer, 之後等咗差唔多半個鐘，就去問個待應有冇漏order, 個待應就望都唔望我，就話我哋喺唔會漏單，check 都費時check, 就走咗。我估我以後都唔會再幫襯。一流個店面，高水準的menu,普通甚至有些揾笨的食物，九流的服務，最後都幾贵的消費( 我一個人HKD 565），奉勸各位，唔好學我咁笨去幫襯，周圍大把好選擇。

今天在Greyhound Café用餐，初入餐廳時已被告知用餐時間為90分鐘，我們點了一個米紙卷 和其他食物。其他食物在30分鐘內陸陸續續已送餐，食物份量先不評價，但感覺比一般人份量還少。只有米紙卷還未送餐上來。第一次跟餐廳待應跟進是所有食物已送餐後5分鐘，看到待應走向廚房位置，覺得應該很快會上，所以繼續食。第二次跟餐廳待應跟進是10分鐘後，看到待應亦都有走向廚房位置。第三次跟餐廳待應跟進是15分鐘後，其中一位待應跟我說，今日廚房會比較忙，廚師會分類一批批做，所以會比較耐，叫我們耐心等一下。我們理解客人多廚師辛苦的道理，那就等一下。第四次跟餐廳待應跟進是一小時，一小時了! 我們實在等不了，說來不到就取消吧，我地理單走人。這時待應才去點餐機檢查 看看是不是漏下單，心諗 唔係吓嘛 而家先來查，之後待應番來回覆話 原來米紙卷一早已經售罄，話幫我地取消。個一刻真心想爆，等左整粒鐘先來話比人知賣晒，早D講，我地都可以點其他野食，又限人用餐時間，賣晒又唔同人講，呢間餐廳質素點解可以去到咁差，又唔係平。真係一次非常差的用餐體驗!  列入黑名單。

🍳早午餐颱風天也生意很好的brunch但今天的餐點口味普通，配菜薯泥太濕不行，黑糖優格好吃🍛象廚泰式料理Cp爆表，在高貴信義區中少數價位合理又好吃的泰式料理!推薦：涼拌海鮮、椒麻雞、黃咖哩雞每一道都超下飯，份量實在，吃貨友善🤤🤤😝😝

又係times coupon，就過嚟食晚飯啦，第一次去times分店。但呢間野真係不知所謂，佢有佢方法令你用唔盡折扣。一早book好，門口超長龍，又冇人理，5分鐘後終於有人理我，又話佢唔負責reception。好啦搵到人，入到了，坐低後點菜完全冇人理。落好菜，食咗30分鐘杯飲品仲係欠一杯，終於搵人問，答我地”冇晒！”。賣完？好，再點，你睇住佢有行去落單咁，等到放棄都未上。烤魷魚應該係蒸完之後先至再焗兩下，仍然食到魷魚嘅濕氣，冇烤嘅感覺。淡淡蟹肉咖喱配海蝦，醬汁太多蟹肉太少，味道仍可以。大蝦青木瓜沙律，普普通通冇乜特別埋單就知乜料。兩杯失蹤嘅野飲，從冇打單，即係唔好話漏單喇，仲發現剛好就係冇落單，就用唔到多一張coupon！其實我冇刻意計叫咗幾多，好隨意，但三番四次唔落單，我就明喇。離開前，隔離仲慘，揮手想落單，點知行過黎嗰個又話自己唔係落單。你間野分得那麼細，都做唔到服務，食物又普通，執咗佢算啦！

4份食物既外賣，16:36落單，等左45分鐘。等左30分鐘個時第一次催個樓面女仔(黑衫，小肥，紥辮，戴眼鏡)，當時話等多5分鐘，ok我再等多15分鐘，然後行左入去揾個女仔，佢仲示意我等然後行左去。最後我係收銀位置對住幾個staff，大聲問左一句究竟有無人可以答我野，個女仔至去揾份外賣，同時有另一個女人行過搭咀話未有呀，根本我睇住個份外賣10分鐘前已經擺係岀菜位一邊。佢拎比我既時候仲唔耐煩想我拎咗份外賣就算，我即刻著左質問佢點解會擺埋一邊，佢淨係repeat幾句唔好意思，然後有個著白恤衫既男人(應該係經理)行過嚟問有咩事，佢講左句’佢話要解釋喎’，然後就走左去。個經理話唔好意思同解釋，又問我咩payment可以退錢，我話唔係退唔退錢既問題，係service問題，個男人話個女仔第一日返工，我話呢個係你哋公司內部既問題，大家睇到岀面成村人等緊無人理，同時有個女人都走左入嚟話係岀面等左20分鐘都無人帶位。當時下午4,5點根本唔係full house，樓面我見到起碼有4-5個staff，但個個行黎行去唔知做緊咩，好幾枱客係咁舉手都無人理。咁既服務，真心垃圾！

今個月已經去過三次呢間喺時代廣場嘅分店… 因為就嚟九月尾、好多人都想快啲用晒嗰啲coupons😌食物質素係唔錯、但係着白恤衫綁圍裙嗰啲阿姐就真係不敢恭維！講嘢唔啱音之餘仲服務態度極差！成日都好似趕住收工咁… 9:15已經隊晒啲單嚟話要先埋單、啲食物都未上齊！問佢收幾點、佢話收十點、我問點解要咁早埋單、佢就話係呀、我哋係要而家買單先！9:53pm 又走過來提醒話夠鐘啦！我哋問唔係收十點咩？阿姐就好大聲話… “咁你哋咪坐多7分鐘囉！”所以一個米缸只要有一粒老鼠屎就影響晒成個缸米

有日去時代食晚餐嗌左個鮮魚露炒生菜，點知入面有小強🪳極度唔衛生！！！仲要個經理聲稱絕對可以去告食環署，不能因為有曱甴而比仼何優惠，全單9折已是恩惠。仼何歉意都沒有可以證明銅鑼灣分店衛生問題一直非常惡劣！呢種態度我作為食客絕對不能接受！

因今日有啲事架車泊咗喺Times Square，順便同老婆試吓呢間之前喺K11 musea見過都想試嘅餐廳.可惜有啲中咗伏。環境：先講餐廳門面，其實係幾靚仔入到去亦都座位好寬敞地方好乾淨，環境亦都幾靚，侍應嘅招呼都幾Nice。食物order左有：炸鴨蛋配甜酸醬🤔味道中規中矩，炸得好乾身，但係蛋黃依然有流心嘅效果，呢下工夫要讚，但係味道或者唔係太啱口味，所以好難判斷，只可以話係中規中矩。煎牛柳粒😔呢個有啲出事，明顯就係薄荷醬落得太多，同時間橄欖油亦都落得太多；令到成碟成品好油膩，牛樓嘅質素就一般，咁呢樣當然明白始終一分錢一分貨，但呢個整法真係有啲重手。海鮮冬陰功炒米粉😋炒米粉就做到不錯，救鑊氣、乾身，海鮮嘅料好多，味道亦都適中，老婆都讚好。整體來講價錢唔貴，但味道就有待改善。

星期五晚食尾輪待應一副快D食完細走既面口個阿姐趕時間收工咁款牛扒滾水焯熟咁 鐵板都可以濕淋淋咁第一次見表面近乎冇煎過嘅痕跡完全唔香口 肉質渣到廢事評 黃咖喱蟹肉飯 成個湯飯咁 O晒嘴未至於難食但呢個價就完全唔值同外賣店質素差唔多但價錢貴5倍 除咗環境同我認知一樣無論服務定食物都唔合格 顛覆咗我對greyhound印象喺九龍個邊食過好多次greyhound唔明點解時代廣場依間呢間會差咁遠

My Lunch time🍴 Greyhound Cafe☕️💫..呢間中高價既泰式餐廳🍽，係泰國頗有名氣，主打fusion泰菜，在港分店越開越多，首推甜點如椰子千層蛋糕 & 香蕉朱古力蛋糕。 今日有時間同朋友來到銅鑼灣吃個lunch 聊聊天放放風🌀。下午設有 Satisfying Lunch (A + B +C) $138🔸Appetizer (choose one) 🔸Main Course (choose one)Daily Signature Soup 是日餐湯Daily Signature Salad 是日沙律 蘑菇忌廉湯濃郁滿有蘑菇香🖤 & 凱撒沙律夠翠綠🥗，前菜不錯吃！主菜點左2款New items, Tom Yum Seafood Rice Vermicelli (+$28) 冬蔭海鮮炒米粉略嫌有點過碎但味道可以，海鮮大蝦大隻，加青檸汁味道更清新；Grilled Wagyu Tenderloin on Turmeric Rice (+$38) 泰式辣醬燒和牛配黃薑飯，呢個有點小驚喜😍，黃薑飯加上黑糯米煮後更煙韌有口感，飯粒唔乾帶濕潤，黃薑調味比例亦得宜喔！最後餐後唔少得

以前去親泰國，都緊要去‘’Greyhound ‘’食返餐，衣家無得去旅行😐好彩香港係美食天堂，香港都一樣食到‘Greyhound ’咋👍 泰式辣汁青木瓜沙律配軟殼蟹$158木瓜絲酸酸辣辣又爽口，開胃之選。軟殼蟹炸過後外脆內軟，咬下仍然軟綿有汁，Yummy😋 泰式甜酸明鱸魚 $328鱸魚先炸過，然後起肉，食上嚟非常方便👍 魚肉夠扎實，有口感，魚皮炸過後更加美味🤩 醬汁酸酸甜甜，好醒胃😋😋😋 配菜索晒啲汁，非常惹味😍 泰式黃薑炸豬頸肉 $108 豬頸肉微微燒過，爽口，入味，配兩款醬汁：黃咖哩汁好香，有花生醬味；酸甜辣醬更惹味，兩款醬汁都各具特色👍 好想試呢度嘅奶茶、咖啡，但驚飲左瞓吾著，只可以飲檸水😐朋友就要左凍檸茶，原來啲冰都係檸檬茶雪嘅，溶左杯茶都吾會淡左，真細心👍嚟到緊係要食芒果糯米飯啦～點知已經沽清，唯有下次再試啦😅 椰子雪糕配粟米和紫糯米 $88原個椰皇上，賣相一流👍椰子雪糕好香，有椰肉，粟米，紫糯米配搭，口感味道更有層次🤩 傾下講下，又過左一個愉快嘅晚上👍

1.等野食20分鐘2.🐔乾到韌3.飲水自取；一個人食飯我要拎晒自身財物自取水再返埋位飲。。。因為我唔舒服我要食藥我今日覺得這餐很可憐叫做好食啲既最後一間的Greyhound.以後都唔再去

今日同朋友到銅鑼灣行街，到Greyhound 午餐先。午市套餐有多款選擇，前菜、主菜和餐飲，價錢合理。兩款午餐選擇了一個湯，一個沙律，餐湯係蘑菇湯，有蘑菇粒，味道香濃。沙律菜爽甜，開胃！河蝦冬蔭公湯河$138河蝦爽口大隻，冬蔭公湯味濃郁，越食越辣又惹味，河粉好闊條，索曬啲濃湯味。另一個餐係燒羊架配黃薑飯，燒羊架面層鋪滿蒜片，加了乾辣椒，最正係羊架肉質軟腍。仲配了個佛掌瓜湯，夠清潤。飲品叫了泰式奶茶，香草味香，泰式咖啡味道濃郁。再加錢$48/件叫埋甜品，呢度出名係千層蛋糕，叫了栗子味同原味。

Greyhound推出咗一個 bangkok street favourites 嘅menu~一解思鄉之愁！泰國最令我難忘嘅地方就係街頭嘅船麵，雖然材料簡單，但係濃濃嘅牛骨湯底真係令人難以忘懷，而呢碗麵真係講得上神還原🫶🏻湯底有特色之外，仲有生熟牛肉再加上牛丸做配料，好似返咗鄉下咁呀！🥹更加唔少得嘅就係要加魚露做點綴!天時暑熱最啱就係食沙律，呢個小清新青木瓜沙律，有少少辣辣地食落好開胃做前菜就啱晒！配咗豬頸肉一啲都唔寡😍豬頸肉有成半點嘅份量，啱晒食肉獸！另一款經典泰菜就當然唔少得明鱸魚啦！不過呢度嘅香茅明鱸魚就更加有特色，除咗湯底酸酸甜甜有肉碎、酸菜、椰菜好多唔同嘅配料之外，明鱸魚本身已經處理好切件炸過，每塊炸魚大細啱啱好好易放入口，明鱸魚仲要係小骨多肉，份量都唔少，啖啖肉！連酸菜湯底別具特色~值得一提嘅係特色檸檬茶，因為冰塊已經用咗檸檬茶組成，唔怕溶咗之後會淡，加上餐廳嘅特色係用咗青檸配製檸檬茶，呢種味道可能只係greyhound 先搵到☺️食到最尾當然唔少得甜品啦，呢個椰子雪糕🍨🧉配粟米加上紫糯米賣相討好，雪糕份量都好多，兩個人share都冇問題！椰子雪糕完全冇令我失望，因為雪糕放喺