Green Orange

假期前的最好節目是吃一餐豐富而美味的，選這間餐廳使我感到選對了。先來杯MOS氣酒，甜甜的水果味，配法國聖馬田生蠔較濃烈的蠔味，真的配合。再來鬆軟的麵包，每啖也有果仁的味道。雜菌忌廉湯， 菇味香濃，濃傑度適中，香滑可口。香煎鵝肝配白松露烤菇意大利飯，鵝肝煎到恰到好處沒有多餘的油流出來，細滑可口，白松露的香味跟意大利飯非常配合。燒慢煮牛肋骨，這個配上了芫茜沙律真的特別，芫茜的香味突出了牛肉的肉味，牛肋肉用了慢煮方法處理使肉汁完全保留在肉內，配上阿根廷油醋，淡淡的油香配上牛脂更是美味。慢煮三文魚，這煮法把魚肉煮得綿綿滑滑，而且油脂也沒有經高溫改變味道，魚也沒有任何腥味，廚師使用甜豉油及薑，這個西菜中煮的做法不錯。最後來一杯Verde Fada作結，紫蘇葉配青蘋果的組合就是特飲的感覺。味道: 值得一試環境: 整潔，餐具刻了餐廳的名字比較特別衛生: 乾淨企理服務: 周到價錢: 公道

未放工已經想着今晚的晚餐，剛巧老公在附近開會，順便在上環吃晚飯。餐牌有套餐或散叫，我們都選了自己愛吃的。食生蠔當然要配一杯酒，味道甜甜的，易入口。<法國生蠔>蠔味較濃，入口有陣陣的海水味。麵包軟熟，點一點雜菌忌廉湯，質感錦滑，味道更佳。<香煎鵝肝伴白松露烤菇意大利飯>飯粒煮得夠腍，有着濃郁的菇味，鵝肝都頗脆口。<慢煮牛肋骨>上枱時已經見到牛肋骨的骨和肉分開，更切開一件件，除了保留了牛肋骨肉汁外，肉質軟滑幼嫩，其實不點醬也可以，我覺得點芥茉醬會遮蓋了牛的味道，相反點阿根廷油醋便突顯了牛的味道，所以我愛點阿根廷油醋。最厲害是芫荽沙律，芫荽味道濃郁，但這次作為伴菜，就平衡了牛的濃味。<慢煮三文魚>三文魚口感無過熟亦唔會太乾，魚肉滑溜，蔥和醬油的味道帶甜味。薯仔皮有點脆，薯仔很滑。<Ba La Bing>“巴啦冰” 睇個名覺得好開心，而它由玫瑰花和洛神花製成的沙冰特飲，甜得來又帶點酸，味道不錯。<Verde Fada>這杯特飲紫蘇葉味突出過青蘋果味，清新冰涼。餐廳環境寧靜有氣氛，店員會經常留意每張枱

今天在中環上完 training，香港區少去，和同事逛完街順道一齊食晚飯，上網 search Green Orange 口脾不俗 ,一試無防地方唔算大，但環境清靜，燈光柔和，令人感覺舒服叫了個2人套餐，經理推介今天精選生蠔，特意叫了杯紅酒襯扥，澀味可以接受，甜味適中中型 size 蠔，色澤光亮新鮮，肉身飽滿，加了幾滴檸檬汁，更覺清香，非常可口朋友叫了杯綠茶雜錦蔬菜沙律加了蛋黃醬汁，顏色有紅，黃，綠……真是一種口和眼的享受2款餐飽，較喜歡芝麻味道那款奶酪南瓜湯香濃美味，口感滑溜脆炸薯條檸檬松露風味忌廉薯條炸得香口，外脆內軟，用特制檸檬松露汁沾食，滿口是松露芳香 黑松露意大利飯飯大大粒有咬口，今天有2款都是松露味，大大滿足了心頭好法式豬鞍扒配海鹽燒汁豬鞍切開一片片才上枱，真是貼心服務😄😄，肉質嫩唔柴口，而且汁液豐富，鮮甜無比甜品是自家制朱古力慕絲 Brownie cup面層Mousse 較甜，反而下層的雪糕滑溜，甜度適中。總括而言，這一餐都算滿意😉😉

同老友慶祝生日，就喺網上搵咗間風評唔錯嘅餐廳。餐廳係樓上舖，入到去畀我嘅第一印象係幾高級，燈光柔和，氣氛好浪漫，好適合情侶共進晚餐。餐廳提供二人套餐，睇落唔錯，有齊麵包、湯、沙律、小食、主食、甜品、咖啡或茶。沙律菜好新鮮， 顏色配得好靚，配上蛋黃醬，餐廳亦有提供橄欖油同意大利醋，供客人選用。今日餐湯係南瓜湯，配橄欖和芝麻麵包，南瓜湯做得好香滑，南瓜味香濃，麵包我個人就比較喜好橄欖麵包，味道較特別，配南瓜湯 一起吃，味道好夾。脆炸薯條檸檬松露風味忌廉 ~ 薯條炸得好香脆，沾自家製嘅檸檬松露忌廉醬，感覺清新，一啲都唔覺油膩。黑松露意大利飯 ~ 意大利米粒粒圓潤，煮得唔糊，有咬口，加上黑松露同雜菌嘅香氣，食完口腔仲留有餘香，令人回味。法式豬鞍扒配海鹽燒汁 ~ 豬扒燒得外脆內嫩，好juicy，最貼心嘅係侍應送上時已經砌成一件件以方便食客，海鹽燒汁亦做得唔錯，配豬鞍扒食，好好味。自家製朱古力慕絲布朗尼杯 ~ 用杯上，香濃朱古力漿下隱藏著雲呢拿雪糕，仲有少少果仁，再加上美味嘅布朗尼，令鍾意食甜品嘅我，雖然已經好飽，亦將佢清杯。最後嘆埋香濃咖啡和檸檬茶，感覺好完美。

今日朋友選了這一間鄰近上環地鐵站食fine dining為主的餐廳。 這間餐廳佈局時尚簡約，氣氛浪漫，環境唔錯， 都叫幾有情調。一開始侍應哥哥給我們介紹了當晚的set dinner menu， 睇落去啲食物好吸引， 無論係頭盤、 餐湯、 主菜和甜品， 都係高質素的出品。 首先我們點了法國生蠔和Italy Banandini Procecco 先打開一下味蕾， 來自法國Sint Maartin 的生蠔味道非常不錯， 口感Creamy，還有濃沃的海水味， 與當晚的Prosecco 非常匹配。跟住我們選了意大利香茅羅勒炒魷魚， 香茅配羅勒葉的味道非常清香， 魷魚不會煮得過熟之餘， 爽口彈牙， 非常新鮮。 另外， 值得一提是當晚的南瓜湯， 南瓜味道非常濃沃, 每人只得一碗有啲唔夠喉感覺😅。由於我哋非常鍾意黑松露的味道， 所以點了黑松露意大利飯， 意想不到是意大利飯煮得恰到好處，沒有煮得太稔， 幾乎每一羹入口的飯都是充滿著黑松露的味道食Fine Dining 當然唔少得要嗌牛扒，尤其我們是食肉獸的關係， 當見到有啲好食嘅部位一定唔會走雞， 我們於是點了medium rare既美國頂級牛腹扒配阿根

見完客見時間尚早，搵左間靜靜地又坐得舒服的餐廳食個fine dining relax 下。6點左右到，餐廳比人感覺好新淨好有情調。叫左個二人set dinner. 通常食fine dining 姐都會另叫生蠔，成件事先完美😌😌呢個係法國Saint Martin 蠔- 好creamy 好重蠔味-一啲都唔細隻，絕對係啖啖肉-仲叫左杯Prosecco，好撘！沙律-份量好夠，完全唔似坊間得一少碟Parma Ham & home made pickles -hams有3種，配埋芝士食一流！-Ham 的質素值得一讚南瓜湯-好濃好滑，好似食緊一大個南瓜咁！意大利風香茅羅勒炒魷魚-個樣睇落有啲中式但一食落口就好意式-羅勒加香茅將整個調味提升左，甘香得來驚帶點複雜，係有驚喜的味道黑松露意大利飯-非常滿意的一碟，黑松露味非常濃厚，食得出唔係劣質黑松露。餐廳一啲都唔吝嗇，每一啖都食到黑松露-飯係正宗意大利飯的煮法，偏硬身，姐大愛！好多餐廳為左迎合港人口味將飯煮到好淋....美國頂級牛腹扒配阿根廷青草醬-完全食得出係頂級，牛味好濃！-叫左4成熟，師傳將火喉控制得好好，並冇overcook. -配埋青菜醬同埋大

今天於上環吃晚餐，餐廳主打西餐，除了散叫，亦有二人餐和四人餐供選擇，我們選擇了二人套餐。雜錦麵包可以蘸醋和橄欖油。湯和沙律不用二選一，兩樣都有，是日餐湯是南瓜湯，很湯郁。炸薯條很香脆，黑松露不會很突出，檸檬味的中和令忌廉醬更美味。美國牛腹扒上枱時已切好一塊塊，方便入口，上面鋪滿阿根廷青草汁，令牛扒更香口入味。血色馬利扁意粉配大蝦，蝦肉十分爽口，意粉十分香滑。飲品要了凍檸茶，配自家制的朱古力布朗尼慕絲杯，最底是雪糕，中間是布朗尼，上面會慕絲，層次分明。

九月的新開始，約了朋友去了上環的樓上鋪吃晚餐。什麼也不用想，要了個二人套餐，由麵包、沙律、餐湯、小食、主食、甜品及飲品，總共八款，什麼都有。麵包熱烘烘，配橄欖油和黑醋。沙律清新開胃，南瓜湯香濃幼濃。薯條熱辣辣，脆卜卜，配檸檬松露忌廉，很特別，甜而不膩。大蝦扁意粉共有五隻爽口的鳳尾蝦，醬汁配搭恰到好處。牛腹扒配的是青草醬，要了八成熟，充滿肉汁而且香口，配白酒，易入口。朱古力brownie mousse 大大杯，配上雲尼拿雪糕，大滿足。

我們的紀念日，係上環揀左一間西餐廳去食，上度去個感覺都幾好氣氛，好適合兩個傾下計頭盤係生蠔，好大隻海水味濃，係爽口既海鮮龍蝦湯，帶子好鮮甜又有好多片，龍蝦味又濃而且唔會好咸，加上麵包岩岩好白酒忌廉青口，個汁好味到不得了，青口唔會有沙，加上個汁真係無得頂黑毛豬架，好驚食豬扒好似柴皮咁，佢完全無，肉質好好，好冧，又有豬既香味，煎得岩岩好安格斯西冷扒，唔會燒到好生，仲係鮮嫩，西冷扒無咁多脂肪，所以唔會好油，啲牛肉味出晒黎口感好好，好有咬口兩款都有配菜，夠晒飽，個蒜頭好好味點小得甜品

朋友今個月生日，約咗佢係附近做岩盤浴，就諗住做完再食lunch 慶祝。預早問定朋友話想食西餐，見openrice 依間餐廳評價唔錯，所以就早1星期book 定。通常openrice book嘅餐廳都會早1，2日打黎confirm，但依間係唔會嘅…就連我地遲咗少少都無打黎催…咁係好定唔好呢！？🤔2點上到去，連埋我地得2枱人唔算多，店員安排咗窗口位比我地，都座得幾舒服。食物都ok，但唔算得別出色。如果入座前提1提我地3點鐘係落場時間會比較好，食到尾有D比人趕埋單嘅感覺。

我覺得呢間餐廳同其他餐廳唔同嘅係，呢度有個幾專業嘅酒吧，仲有條配特別嘅酒 Verde Fada, Geinseng Elder 喺食嘢之前飲番杯👍🏻忌廉白酒煮青口，好鍾意佢呢個忌廉白酒汁仲有濃濃嘅蒜香味好creamy愈食愈開胃，但係我要留肚食我最期待嘅主菜😁虎蝦海鮮濃湯見到呢個顏色就好想飲啦！裏面有青口大蝦帶子等等嘅海鮮，湯嘅質地好濃郁厚滑，濃濃嘅蝦香味。主菜朋友叫咗燒西班牙黑毛豬架，見到呢個黑毛豬嘅肉質已經知好嫩滑，厚身得嚟，可以咁滑同粉紅色。而我就叫咗頂級安格斯西冷扒，縮到啱啱好，而且仲有好香嘅香草牛油配埋一齊食好正！温熱朱古力味濃嘅brownies配雲呢嗱雪糕，加埋呢杯濃滑奶茶為呢一餐畫上完美嘅句號💗

香港美食多，無論西環上環中環灣仔一路數落銅鑼灣，再上砲台，北角都好多美食，今次落嚟到上環永樂街，大大個招牌五顏六色咁，都幾吸引，一於上去行一行，兩個人坐低，氣氛浪漫，燈光柔和，的是用餐好去處。點點名菜落落單，先嚟一個時令生蠔 燒北海道帶子蒸麥沙律伴柚子橙香醋汁 再嚟一個香煎鵝肝半白松露烤意大利飯兩個人食一個 燒美國頂級安格斯西冷扒配以火焰香蕉配雪糕 飲品叫一個lEar Grey Martini同一個Verde fada雖然冇叫湯飲，但係都有兩個餐等做餐前使用，餐包軟滑或加少少醋汁，都係一個好好嘅醒胃前食。先嚟一個時令生蠔，好大隻一人一隻，最主要就係口腔醒一醒先無論用檸檬汁或者係 番茄汁醬，都唔同味覺，都一樣咁好味，我就一開二，一半檸檬一半茄汁，兩種汁味各有清新，香濃，咁就兩種食法都同時得到。燒北海道帶子蒸麥沙律伴柚子橙香醋汁 火炙記磯燒帶子都試過，呢個係用火炙，再加埋啲柚子沙律，清淡香橙醋汁，又一回另一種感受，都相當清新。香煎鵝肝半白松露烤意大利飯意大利式飯，同中國蒸飯係唔同，同日本嘅醋酸壽司又係另一種處理方式，意大利飯係用汁醬生米煮成熟飯，當中用嘅白松露，味香且濃，已經係一個好大嘅味

Happy Friday梗係要chill chill，一早就book定枱同朋友食好西。生蠔好大隻，有手掌咁大，非常鮮甜！煙三文魚凱撒沙律，沙律菜新鮮，均勻沾上凱撒沙律醬，配上煙三文魚，作為前菜開胃。西班牙紅蝦闊條麵配海鮮濃汁，絕對有驚喜，海鮮濃汁非常鮮甜配闊條麵好夾，紅蝦爽口彈牙，可惜份量不多。燒西班牙黑毛豬架，黑毛豬好嫩完全不唔鞋口，配酒一流！我叫了一杯荔枝martini，鮮荔枝滲入了少許martini，而酒精不算太高，但充滿荔枝果香！價錢人均約$500左右

晚餐來到試環區的Green Orange, 原來平日都是滿座，好彩有book 位！晚餐有單點，有2/3/4人餐，我們決定單點食想食的食物。先上的是時令生蠔，大大隻，有手掌一般大，淡淡的海水味，加上檸檬汁，好好食！好新鮮！再上加熱了的面包仔，配上olive oil/醋，好食，先吃點東西填一下肚子。再來是煙三文魚Cesar salad, 煙三文魚有數塊都大大塊，配上新鮮脆卜卜的生菜，挺好食。燒西班牙黑毛豬架，店員好貼心已把豬扒切好一片片，好易share. 豬扒肉味濃，好juicy, chef只是輕輕的調味都好好食。配上的雜菜都好食，新鮮熱辣。西班牙紅蝦闊條面配海鮮濃汁超好味，濃濃的海鮮汁掛上了面條，啖啖濃味，紅面大大隻，把精華都吸進了面條中。最後上是朱古力布朗尼配vanilla 雪糕，都不錯，份量剛好。飲品叫了passion fruit monitor,好岩我口味，熱情果的甜味同薄荷葉好夾，冰冰淡淡的，好岩悶熱的夏天！

連寫左幾篇都係登龍街既食評，今日終於衝出銅鑼灣，泥到上環永樂街昌盛大廈 2樓既呢間西餐廳『Green Orange』，食下佢既晚餐。首先佢地理位置唔錯，地鐵站A2出口一出，唔洗1分鐘就到。一入到去，環境格局都中規中矩，好快量完體溫登記完就叫野食喇。先講下我同老婆叫左啲咩先啦：1. 時令生蠔2. 忌廉白汁煮青口3. 虎蝦海鮮濃湯4. 西班牙黑毛豬架5. 蟹肉明太子忌廉闊條麵6. chocolate brownie with vanilla ice cream點完野食無耐，就先serve左麵包比我地。個麵包都唔錯，夠鬆軟，點埋黑醋橄欖油一齊食，都幾開胃。食完包，當然就係上前菜啦。先泥既係生蠔，呢晚serve既係法國蠔。據我粗淺既經驗，法國蠔通常都比較細隻，但今晚呢隻比我expect既大隻，仲好鬼juicy。跟住就上個青口。記得前兩年去希臘度密月，幾乎餐餐都食青口（除左早餐），跟住就愛上左青口。今晚呢個忌廉白汁煮青口，都好好味，食晒啲青口我仲忍唔住飲埋啲汁。（有啲失禮😂）跟住就上蝦湯。蝦湯可以話係西湯入面，我最中意既湯。今晚呢個蝦湯，味道夠晒濃，啱晒我口味。入面仲擺左幾粒車厘茄，食落去又可以