Grand Restaurant & Bar (已結業)

母親節前夕，以為四處餐廳都好難揾位。點知Mikiki 內的餐廳水靜河飛，隨便走進這間"Grand Restaurant & Bar"星期六、日的晚上竟然有85折優惠，當日母親節依然有優惠，莫非生意難做又或是餐廳本身有些問題……？ 食完就知道原因。餐廳環境寬敞，以四人卡位為主，沒有太大壓迫感。至於裝潢簡潔富時代感，氣氛幽暗營造Grand 的效果？但是筆者不太感受到Grand的氣氛。雖然沒有預先訂枱，但是當時餐廳內只有兩、三枱客，店員安排我們坐於餐廳最盡頭最隱蔽的位置，真係叫天不應叫地不聞，每次想揾店員都要走出去揾，超級唔方便。【前菜】蜜桃果肉酸酸甜甜，羅馬菜翠綠新鮮，菜的表面上放上果仁去增加口感。【湯】味道普通沒有留下任何印象【麵包】麵包熱烘烘呈上，麵包表面比較硬身，有些似法包，裡面則鬆軟，配上牛油及黑醋味道不錯。晚餐有四款，包括湯或沙律、主菜、餐飲及甜品。當中揀了這份【西冷牛扒配紅酒汁 $318】牛扒的表面燒烤過的坑紋吸引。切開後，牛扒比較薄身，肉色呈淺粉紅色，按照筆者的要求熟成度。肉質尚且鬆軟，但肉味不夠濃郁。薯蓉竟然有意外驚喜！大部分餐廳的薯蓉都是開粉而成，但食這個薯蓉可以食到未有

放工後，原本過九龍城晚餐，上 open rice 睇吓有咩食，無意中見到呢間餐廳， comments 也不錯，所以決定來一試。 餐廳環境原本都清靜，不知是否後天父親節關係，多了一家大細來進餐，原本清靜的環境，多了份嘈吵。

新蒲崗區最好吃的西餐廳，服務一流，環境一流，人少。因為在屋企附近，所以經常幫襯，已經成為我們的飯堂之一。午餐有麵包或沙律，主菜、甜品及餐飲。晚餐菜色差不多，但價錢便接近貴一半。試過晚餐後，我們便通常會選擇在午餐幫襯😉很喜歡吃這裏的燒雞，入味，香😋其他食品也很好味，甜品也很有特色。最識得讚的是無論何時這間的客人都不多，由於這店是在商場裏的偏僻一角，門口也會不顯眼，所以很多人都沒有留意。和朋友談天是一個好地方。

新蒲崗唔只有街坊美食，今次試西餐一樣有驚喜～Mikiki二樓嘅西餐廳，裝修唔錯，加上座位好闊落，幾舒服Set lunch有餐包、湯或沙津、主菜、甜品同飲品，幾豐富餐包係暖嘅，牛油亦唔係雪到硬個種，唔錯蕃茄湯味道唔濃，但酸酸地幾開胃半扒燒得好香，羊味好重但唔會太羶，叫左7成熟亦冇過熟。砵酒汁味道唔算特出，但只食羊扒味道已經好好。可惜羊扒太肥，可以食嘅肉好少....伴碟嘅薯仔同樣好味，豆角好爽口（只係個人口味唔太喜歡豆角，可以轉就更好）友人點嘅牛扒要五成熟，切開後仍帶少少粉紅，肉質唔錯亦有牛味，配埋紅酒汁好香，少少可惜係肉唔夠厚，所以肉汁同口感有少少欠缺。要讚一讚薯蓉，其冇用即沖薯蓉hea人，食到薯仔粒，而且好香好creamy甜品真係喜出望外，冇諗過百幾蚊嘅set lunch會食好高質嘅甜品。雪芭帶乳酸味，配上酸嘅紅莓汁好夾，係好清新嘅甜品，食完主菜食都唔會膩最後仲有飲品，超滿足食物準備得好用心，味道好好，對番質素黎講價錢唔算貴，絕對係令人滿足嘅一餐

今日情人節、特登放半晝同老婆出去撐枱腳同行下街街。雖則已經接近老夫老妻既地步、啲大時大節整色整水既野依然少不得。情趣丫嘛...同老婆大人食飯、我一向都係俾佢揸fit，佢想食乜就偏向佢口味，我相信有好多男人都係咁。唔係話男人無主見、係好多男人都好憎左諗右諗又度呢樣又度果樣。係男人既就決定左今日食中餐就中餐、西餐就西餐，咪同我扭扭捏捏！係咪好大男人？所以咪留俾女人揀囉、咪話我地唔民主題外話都係唔講咁多。今日系Mikiki行街時老婆大人話想食西餐，又唔想再行咁遠行出街慢慢搵、就去搵商場水牌search一search。見到樓上2樓有間未試過既新餐廳、去門口𥄫下個lunch menu有啲岩key、間新店睇落又幾闊落就入去試試。一入門口有兩個靚靚大卡位、可惜有人坐緊、無機會享用。餐廳裡面環境幾靚、裝潢同設計好明顯落足本錢。個人頗欣賞佢既窗簾既運用，間單既橫紋半透式拉簾，採光足夠之餘又唔會燦眼。一條條既光線斜斜咁射入黎影相仲幾靚添。全場唯一大缺點就係個大電視。其實呢度又唔係酒樓，又唔係Conference Room，整咁大個電視系度其實真係好格格不入。但既然餐聽個名寫到名係”Resturant &

今天2月13日情人節前夕選了一晚環境不錯的西餐廳預祝情人節😍今晚還沒有情人節套餐。所以只能叫普通套餐（面包，湯，主菜，飲品，甜品）面包好有口感（鬆軟，甜而𡁻口）三款醬料配搭主餐牌點單，另加$16/隻新鮮生豪十分新鮮，不需加料都鮮甜易入口前菜太少，桃是罐頭款（不新鮮）忌廉番茄湯還可以芝士煙肉粗薯條（有點燶，薯條不夠脆）主菜：帶子意大利飯（過咸，口感剛剛好，不太霖，不會太硬）主菜：澳州牛扒、七成熟。太薄，乾，有點燶檸檬茶，自己加甜甜品：似chocolate brown,薄皮不總結：不是貴就好味，點餐選合口味。

隨著Mikiki及譽港灣的落成後，不少同區工廈亦改建成甲級商廈，新蒲崗逐步變天，區內面貌煥然一新。附近亦慢慢開了又「摺」了不少有特式的西餐cafe小店。今次試新的是 ~~ Mikiki 新開的 Grand Restaurant & Cafe，餐廳舖位前身最初是「金牌小籠」，之後變了間叫「金鍋鍋」的火鍋店。在進餐時聽到餐廳的經理跟客人說，其實他們是跟從前「金鍋鍋」和是同一個老闆的，類似說是火鍋店生意不濟，故轉營西餐。是日午餐，點選了黑松露野意大利飯，味道尚算OK。黑松露味道亦濃厚。另一個午餐選的是烤美國穀飼豬配燒汁，肉質算是OK， 配來的燒汁亦算中規中矩的。是次用餐的最特別的，就是他們贈送的甜品，雖然不是什麼很特別的甜食，只是個提子味的Jelly，但是聖誕前夕，他們很窩心的加了一片聖誕老人朱古力。 給個讚 ! 整體來說，他們的午餐價錢以商場舖來說，地下舖及小店，比算是貴了一截，然而味道亦不甚出眾，但是座位很寛敞舒服，所以可以算是OK吧！

曾經看過介紹這間餐的報章幾吸引，無意間到來新蒲岡，正是午餐時間。哈！是日午餐選擇不錯，即入!餐廳環境寬敞，裝潢頗氣派。單點食物價格不離地。先來餐前包，每人只有一小薄片法包，未免求其。前菜很快來。黑椒牛肉露筍沙律。牛肉嫰滑，意式沙律汁開胃，不過太少，要"齋"食菜。餐湯，椰菜花忌廉湯，味道天然，不稠不膩。鮮蜆炒意粉。略油，但蜆/海水味沖戚着整碟意粉，還有豐富的蒜蓉，意粉硬度，正是正宗的口感。如喜歡稔的，建議先揚聲。番紅花雞肉意大利飯。Woo~有數片西洋臘腸，賣相很像葡國飯呢！但非也。酸酸濃蕃茄汁，獨特的番紅花味，調配比例剛剛好!很好食!甜品是柚子汁蒟蒻，很醒神又不heavy的甜品!蒟蒻，我覺得好像沒膠質的桃膠呢！份量可以多D就更好喇。咖啡沒有crema, 失色咗。啡味炭燒，麻麻哋。但這一頓飯，確是抵吃“有賺“! 推介!

Mikiki 商場內食肆很多，原來就在最最角落的位置，還有一個很grand的餐廳，可以讓人很舒服的吃上一頓晚飯。燭光的晚餐。先來的是前菜，油醋蜜桃沙律。酸酸的醬汁總是令人很開胃，加上蜜桃的香甜，平衡了只是吃菜的單調，非常健康又惹味的沙律。麵包聽說是自家制的，上枱時十分熱手，包味香濃，略帶點點的甜。餐湯是蕃茄湯。濃濃的蕃茄味，甜而不膩，餸料很多，很有口感。主菜我選了牛面肉意大利飯。飯比較濕，加入了青豆溶，多了一陣陣的青豆香。牛面肉大概煮了很多個小時了吧，十分入味之餘，更是軟淋，不太用咬的。最後吃上一個甜品雪糕作完結。非常完整的一餐。

以前經常聽聞四處都有隱世餐廳, 銅鑼灣又叫隱世, 地舖也是隱世, 今天終於找到真正的隱世食店在九龍塘坐車進來還得用十幾分鐘, MIKIKI商場雖然很GRAND, 但人流不多, 樓上就有一間叫GRAND restaurant的西餐店是有種挺高檔的樣子啊, 不過店內人不多, 所以都很安靜餐包有送油醋也有牛油, 還有自家制的番茄醬, 選擇很多呢侍應為你送上熱騰騰的龍蝦湯! 龍蝦湯還真的濃得很像話耶! 濃湯加了CREAM跟一點點蟹肉, 龍蝦殼濃郁十分好喝!牛肉加香菇加醬汁令這個飯還滿濕潤的意大利飯更軟, 雖然味道不錯但可以用少一些醬汁啊味道來說, 一整個就是濃郁得很的感覺, 牛肉也很香, 跟飯粒完全溶在一起了

Lunch time 經過mikiki, 成日都見到呢間餐廳，個門面好似好grand 咁，一路以為好貴所以無試過。今日咁岩有同事想食就去試試，原來價錢都算超值，lunch set 由七十幾到百零蚊到。環境好舒服，張枱勁闊落。頭盤揀左蕃茄湯，個湯真係超濃蕃茄味，飲落幾醒胃，不過飲到底開始幾酸下，鍾意酸既朋友可以試下，餐包微暖仲幾軟熟，唔錯主菜叫左香煎立魚配檸檬醬汁，本身好少食魚，以為係果啲急凍魚柳，但原來唔係，食落有鮮味嫁喎，雖然啲肉有啲乾身，但原來我點漏左隔離果個醬。果個醬真係靈魂所在，甜甜地帶點檸檬微酸，有啲似吉士醬咁，好清新，就咁食pat 醬都已經好正，個底啲薯蓉同配菜都好好味。最後仲有甜品，朱古力brownie 配雪糕，個brownie 都好足料，入面有仲啲朱古力，不過食食下有啲甜。整體唔錯，下次會試下個燒雞，試左啖都好好味

行開一田，試下呢間評價唔錯西餐廳。星期四夜晚，人流唔多，一入去就有位，而且啲座位都好闊落，環境唔錯。叫左兩個set dinner, 是日餐湯，西蘭花湯，挺難飲餐包有啲實得濟，但味道唔錯。主角牛扒，叫五成熟，真係做到依家出面好多餐廳都over cooked，所以呢樣要讚下。牛扒夠厚，有牛肉味，外面有炭燒過嘅味，但最邊邊位食到少少燶味，好少好少，但有啲美中不足。但伴碟嘅薯蓉，味道我就不喜歡，味道撈得唔夠香，如果撈反啲牛油香草更佳。黑毛豬都值得推介叫七成熟，好爽口，好好食，配埋個汁好正相比牛扒個紅酒汁，我鐘意呢個多啲。叫左幾隻澳洲oyster，16蚊一隻，好抵食，新鮮，好鮮甜，又帶海水味跟餐甜品係類似日本小蕃薯煮左啲薑糖水，再加雪糕係面，好特別，我不好蕃薯，所以覺得一般，但友人表示好味。我覺得呢間餐廳價錢合理，環境，食物質素又嘅，值得再黎食吖。

新蒲崗既西餐廳一向性價比都高, 但一般都係街鋪多今次殺入大商場, 唔知仲keep唔keep到水準呢 餐包都算吸引, 有牛油, 紅pesto同埋醋醋同紅pesto都好好味, 算係誠意之作前菜肝醬配黑醋啫喱肝醬幼滑香濃, 黑醋啫喱有助消滯可惜係塊包有少少韌海膽雲吞清湯海膽當然係鮮甜啦雲吞清湯感覺相當清新不過感覺同海膽唔算好夾建議分開食效果更好海龍皇湯相當出色味濃帶甘, 唔會得死鹹配料亦相當鮮甜自己喺湯壺倒入湯碗好有高級餐廳氣派慢煮牛仔肉牛仔肉本身已經比較腍再加上慢煮既關係, 真係入口即化加埋濃濃既牛肉汁, 同軟滑既傻蓉誠意推介

新蒲崗開左個新商場未行過, 就同朋友行下順便睇下有乜野食係商場的一角, 見到間西餐廳就行左入去醫肚餐廳裝修都幾Grand, 十分整齊, 侍應都好有禮貌, 我地想坐卡位都即時轉到菠菜蜜桃果仁沙律蜜桃勁甜, Juicy, 而果仁都好脆口餐包平時餐包只係會比牛油你, 係度食連餐包都有三種配料比你沾, 餐包本身好熱, 食落口唔會得陣風, 好結實檸檬汁龍利柳龍利柳身好結實, 食落有口質唔會散,  配上檸檬汁, 開胃得黎, 仲唔會有膩口的感覺, 現場整雪糕師傅係你面前整液態氮雪糕, 製成品相當有心思, 好似係度畫畫咁

近期到處都在減價 我便四出尋寶 這天本來想與好友到九龍城吃飯 但因為放工後到Mikiki shopping 得太盡情 忘記了時間, 所以臨時改變地點 到Mikiki吃晚飯~ 二樓的Grand Restaurant & Bar看起來好像不錯 電子螢幕顯示的set dinner不貴 而且這天人客不多, 由於shopping 已經耗盡所有氣力 不想花時間等位, 就到這裏試試 翻閱過餐牌後 發現set dinner 最抵食 價錢百多元就已經句括了沙律、餐湯、麵包、主菜、甜品及飲品 不過, 朋友就沒有太好胃口 決定單點意大利飯便算 這天的餐湯是南瓜湯 湯面放了一層泡沬忌廉 攪勻後會令湯質更細滑 而南瓜湯湯質濃稀適中 帶有有南瓜香味 不過, 我覺得如果有點南瓜蓉的話 口感會更好 隨晚餐送來麵包, 並配上三款醬汁 牛油及黑醋是我的選擇 先把麵包塗上一層薄薄的牛油 再撕成小塊蘸點黑醋來吃 麵包即時會變得更香更美味 沙律是的份量不算很多 不過, 比起一般的西餐廳 這款沙律顯然有心思得多 因為內裏加了桃肉及果仁碎 令沙律的味道變得酸酸甜甜 非常有口感~~~ 主菜是海鮮茄醬扁意粉 內裏的海鮮不