Gram Cafe & Pancakes

營業中

休息中

生活離不開甜品，今日有時間可以去品嘗一下來自日本的人氣pancake，店內以綠色森林為主題，中間的班㦸樹好可愛。Caramelize banana焦糖香蕉班戟，香蕉香甜，燒至焦糖面，甜度提升，底層班㦸鬆軟，少少鹹，幼滑忌廉是原味，加上蜜糖，香甜幼滑。Mixed fruit & chocolate雜果朱古力班㦸，新鮮士多啤梨、香橙、奇異果、藍莓、色彩繽紛，班㦸鬆軟鹹香，伴原味忌廉食，不會太甜，感覺清新，唔會膩。其實午餐都好抵，餐湯是濃郁忌廉蘑菇湯、卡邦尼溫泉蛋意粉忌廉幼滑，送上迷你香甜班㦸甜品，大滿足呀！

今個暑假😫又要滯留在香港了說好的日本之旅又要成泡湯了。既然去不成日本，便要吃日本的東西了🥞🥞🥞Gram首間香港分店自進駐尖沙咀以來，一直廣受大眾歡迎，恰巧店鋪位於the one內，每次做過gym後，剛剛好運動公司就在店舖的樓上，總會在辛苦運動完之後“獎勵”一吓自己，而這家Gram分店實在是不二之選！我知道這所店有每天限量供應60份Premium Pancake，更知道Premium Pancake有著豐富的蛋香和棉花糖般的質感，可是，因為Premium Pancake的供應量問題及聽到朋友的意願後，終決定放棄Premium Pancake！最後改吃雜果朱古力班戟及焦糖香蕉班戟，味道也不錯啊！不過下次總要找個機會嘗一嘗Premium Pancake！

同友人食tea，入座時2pm,一心想食佢個限定pancake, 友人問一個男仔staff,係咪三點先有呢款pancake,個staff話3點3先有（但明明menu寫3pm🤷🏻‍♀️),咁我哋只好order其他野食先，唸住等到3點左右再order pancake…..點知到左三點，個男仔staff話已經賣晒！係！係已經一早order唒！💢問佢咁頭先你又話3點3先有？佢竟然答「你哋可以預先order」😡😡一啲咁嘅staff真係幫公司倒米，作為服務性行業，呢一啲咁簡單嘅溝通技巧都做唔到，重邊度有客繼續幫襯你地，最後我同友人冇食pancake就走咗，極度失望😞

呢間甜品舖喺日本好出名過江龍嚟咗香港開當時大排長龍 所以一直冇去試今日去完藝術館五點幾黎食甜品好開心撞正佢最尾個時段所以有得食.呢款超人氣招牌疏乎厘分咗三個時段出每個時段限量供應二十份如果係假日應該好快就會賣晒～一共有三個 賣相又好睇因為幫佢影相 侍應都提醒我哋盡快食先好食感口方面超鬆軟 同日本嗰啲有得比配埋蜜糖同埋cream 無咁乾身而且味道更出更滑另外再叫左個西瓜雪花冰西瓜好鮮甜 咁熱嘅天氣食超解渴 推薦

天氣熱辣辣，搞到個人冇晒胃口，行街經過見到啲mini pancake細細個好可愛，於是買番屋企試吓！外賣盒user- friendly，只要向上抽，就可以好輕鬆咁將個pancake拎出嚟，值得一讚！Mixed Fruit ($68)錦密嘅pancake配搭幼滑嘅吉土醬，入口陣陣鹹香，甜而不膩。Apple & Tea Cream ($68)層次分明，Pancake口感鬆軟，上面鋪滿香甜嘅蘋果粒，配搭埋風味濃郁嘅紅茶忌廉，茶味清香突出，味道清新開胃。

事緣太耐冇同閨蜜出來覓食，難得今日相約到尖沙咀行街，無意中見到The One有Gram cafe & pancake🥰對上一次食已經係幾個月前啦🙈決定今日重拾一下日本家鄉的味道Pancake選擇很多，我同閨蜜各自選了自己喜愛的口味😍等待嘅時候都流晒口水。焦糖香蕉班戟 $98我個人喜歡焦糖香蕉的口味，香蕉被焦糖燒過脆脆的同pancake特別夾，pancake鬆鬆軟軟，另外淋上少少楓糖漿令pancake無咁單調😍另外不得不提旁邊的cream都是很好味，不會太甜，夾埋pancake食一流雜果朱古力班戟 $108閨蜜就點左呢個雜果朱古力班戟，因為佢係生果控😆呢款雜果班戟就啱晒佢，色彩又繽紛，有奇異果士多啤梨橙藍莓🫐😋加埋朱古力醬一齊食，大滿足💯另外仲見到佢除咗pancake都有沙冰好吸引，如果唔係食完pancake太飽我都會想點一杯嚟飲😆😆唯有下次再同朋友嚟食過啦

以為過江龍就係好野， 點知失望到極點。 Tiramisu pancake $118 賣相係靚嘅，但食第一啖已經覺得唔好食。Pancake 係鹹既，感覺怪怪的，而且又乾，又實， 唔似 pancake，似蛋糕。真係難食到一個點 ！紫薯沙冰 $45 只有輕微紫薯味，明顯太多冰，結果係用淡而無味來形容。連加一服務費 $179，咁既價錢，咁既質素，食得唔開心，以後唔會再來。

外甥女就到三歲生日，知道她愛甜野，決定買日本🇯🇵人氣班戟同她慶祝🎉。石板街班戟面上鋪有煙韌棉花糖，，朱古力脆脆，三層啡色嘅班戟，包住一層白色忌廉同一層吉士忌廉，咬一口，口感挺豐富呢。另外還有一粒士多啤梨車厘子點綴，賣相和味道俱備。雜果班戟Fruit pancake呢份比呀妹同外甥女食。雜果班戟三層，頂層滿滿生果，橙子🍊，士多卑利，藍莓，最緊要有個粉紅❤️型啫喱，芝士味淡香，pancake 鬆軟。

今日同朋友喺The One行街，見到有Gram Cafe，即刻諗起好耐之前喺日本食過一次，個pancake非常好味好深刻，我引起左我對佢嘅慾望。店舖裝修同日本大致一樣，衛生防疫措施做得好足。食物方面同朋友各嗌咗一個pancake。《雜果朱古力pancake》首先見到一大堆水果已經好開心，款式同埋種類好多，pancake有三件，整得幾soft，而側邊嘅忌廉都打得好幼滑，雖然有卡路里，但咁多水果感覺上食得健康。《意大利芝士蛋糕pancake》作為Tiramisu嘅粉絲點可以唔食呢個呢，三層嘅pancake之間夾雜着吉士同埋忌廉，層次分明又豐富，吉士有奶油味，配埋pancake一齊食真係好香，好好味，而本身嘅咖啡味唔重，適合大部份人嘅口味！ 疫情未完未去得日本，掛住日本嘅pancake就可以嚟呢度一解思念！

臨收工喺尖沙咀見完客，可以提早收工，立即同同事去THE ONE嘅Gram cafe & pancakes-日式班戟專門店, 食個甜品開心吓！menu主打日式班戟，有每日限量嘅招牌梳乎厘班戟，仲有鹹班戟同甜班戟、三文治、法式多士等，都好多選擇架！意大利芝士蛋糕班戟 $118一心想叫招牌梳乎厘班戟，不過睇完menu又比呢個意大利芝士蛋糕班戟吸引住！想試下佢將pancake同Tiramisu二盒為一！一共三層嘅班戟，夾住兩層厚厚嘅吉士忌廉！忌廉份量特多！啡色班戟不會過甜，比原味多左小小朱古力味，想食甜D可以連埋伴碟嘅朱古力碎碎同煉奶一齊食！啖啖香濃嘅Tiramisu味！仲有食極唔膩嘅班戟! 多重口感，推介！雜果朱古力班戟 $108 本來想試招牌梳乎厘班戟，但最後都係決定揀呢款雜果朱古力班戟！睇相就覺得好fresh好吸引！上枱果然同圖一樣，三塊漲卜卜嘅班戟上，放到滿滿色彩繽粉嘅雜果，包括有奇異果橙、士多啤梨，同藍莓。仲有香滑忌廉同朱古力醬加埋一齊簡直無敵！班戟質地係軟綿綿又香甜，好容易就清哂成碟！

尖沙咀The one之Gram Pancake走自然田園風的店面，一片綠，乾淨企理，燈光充足，視線舒服呢☘️..🥝雜果朱古力班戟Pancake with Mixed fruit & chocolate每份有3片 pancake，而呢款係比較fresh既配搭，有好多唔同水果鋪面，有士多啤梨、奇異果、橙同藍莓等等。Pancake旁的原味忌廉，倒真的不甜，而且芝味很重，整份pancake好適合不愛吃甜的朋友哦..🍌焦糖香蕉班戟Pancake with Caramelize Banana個人比較喜歡此款，焦糖香蕉係經典配搭，永無死（笑）先講講香蕉，切開一半，面上有焦糖塊，很香甜兼口感脆，旁伴一細樽楓蜜給你倒下去，相信愛甜的朋友會比較喜歡呢

✨🥞最有名氣疏乎厘𝘗𝘢𝘯𝘤𝘢𝘬𝘦店之一限定三食微笑𝘗𝘢𝘯𝘤𝘢𝘬𝘦 ·͜·睇埋文字再決定去唔去朝聖😌當日慕名到呢開名氣沖天嘅疏乎厘甜品店朝聖，被𝘚𝘮𝘪𝘭𝘦 𝘗𝘢𝘯𝘤𝘢𝘬𝘦 嘅迷之微笑感染就叫咗佢🤣，點知笑唔到到最後... 🥞 𝘗𝘳𝘪𝘮𝘪𝘶𝘮 𝘚𝘮𝘪𝘭𝘦 𝘗𝘢𝘯𝘤𝘢𝘬𝘦 $138👉🏻賣相Pancake Size偏細同厚實🤔，有別於空氣感路線，擺碟亦比較樸素😂，除咗一短唧花，就只有一粒微笑小饅頭👉🏻食法 & 味道❶ 官方建議先食用咸食流心蛋漿底層，當排除萬難成功移走上兩層之後，見到橙黃暖烘嘅蛋醬蠢蠢欲動，的確幾安慰☺️🥰 味道係普通蛋黃漿味，不過不失❷ 第二層為忌廉朱古力脆片，忌廉線滑，朱古力亦發揮打破單調口感之作用，惟兩者份量不足，特別係朱古力脆片😟未能滿足甜品控嘅渴求🥺 ❸食到頂層都佛系了🧘🏻‍♀️，如表面所呈現，就係雜果小顆粒加小量忌廉👉🏻環境為商場內半露天餐廳，座位唔算擠擁亦唔算闊落，裡面少許侷促和嘈吵，衛生環境尚有改進空間🧐👉🏻整體感覺就呢款微笑Pancake而言，食法係幾特別，惟價格未能反映係味道賣相以及環境上，CP值略低🥲，不過見佢哋嘅招牌疏乎厘pancake幾吸引，可能更值一試😜

好鍾意尖沙咀The one 商場，好行又舒適而且美食雲集🍽、喺度shopping high tea☕️, 真係一件美事💕Weekday 嘅下午，人氣pancake 店Gram 依然座無虛設，要食疏乎厘班戟更加係限時供應，一個小時只能製作五份，我今日就沒有這份運氣喇🤨熱辣辣嘅pancake ，一層疊一層，望住白白滑滑嘅泡泡忌廉，不期然的就會心花怒放，輕鬆敲碎香脆嘅焦糖，又香又甜嘅香蕉🍌同pancake真係好夾，而且甚有飽腹感， 啱晒有小小餓又好想食甜品嘅我😍😍😍講到外型當然不及呢個xxx吸晴，色彩繽紛，紅黃藍綠嘅水果，用料新鮮又健康，美味唔使多介紹，要留住呢一刻嘅浪漫，記住相機食先😜

焦糖香蕉pancake脆卜卜嘅焦糖加軟身香蕉同pancake, 口感豐富！本人很喜歡果仁，果仁有種淡淡的蜜糖味，配合pancake 食就剛剛好！雜果朱古力pancake雖然pancake 唔夠鬆軟，可能太多麵粉？但食落仍然有蛋香，加上雜果就好refreshing! 而且雜果種類都有好多, 奇異果、橙、士多啤梨、藍莓，加埋朱古力醬，酸甜的味道平衡得很好，值得一讚既係個cream 甜而不膩，同個pancake 好夾！日本餐廳果然唔同啲，非常貼心照顧我哋嘅隨身攜帶😂

日式班戟以鬆軟綿滑疏乎厘口感聞名，這間來自東京的 Gram cafe & pancake 以三層重疊、入口即化的臣型班戟作賣點，曾經是長龍店。不過因為只在限定時間供應，我們無緣改吃了兩款普通班戟，分別是焦糖香蕉及雜果朱古力口味。焦糖香蕉班戟 $98焦糖香蕉做得非常好，焦糖薄片香脆微甜，緊緊貼實香蕉，軟硬口感對比效果一流，配合糖漿及鬆軟的班戟，甜蜜蜜的快樂。雜果朱古力班戟 $108水果非常新鮮及多款，士多啤梨、奇異果、車厘子及橙，全部都是我最喜歡的水果，忌廉輕巧香軟、朱古力醬味濃，組合理想。班戟質素唔錯，環境開陽，性價比合理。