Go Inside Kitchen (已結業)

同愛人去觀塘上樓工廈食晏，入坐時只得兩枱，食完時七十幾個座位嘅餐廳已經變得九成滿，由頭到尾得兩位侍應，但都見應付得來，仲比起好多餐廳多左一份殷勤加快捷，唔會hea做。是日餐湯，甘粟忌廉，配上塗滿蒜蓉牛油嘅法包，個湯用忌廉拉花上枱，齋睇都食指大動；愛人叫左香煎三文魚扒伴刁草忌廉汁，三文魚煎得乾身，魚肉好滑，見老公全程無點過汁，佢話件魚本身已經夠鹹；我叫左新鮮空運澳洲西冷伴紅酒汁，半成熟，塊牛夠牛味，不過不失；＋$15黑松露蜜糖雞翼，有兩隻，無乜黑松露味，$15當買兩隻蜜糖雞翼，尚算ok;+$12有甜品，有三款揀，好似有泡芙、藍莓芝士，及我叫嘅雲石芝士蛋糕，兩件平平無奇嘅小立方蛋糕，一食第一口真係不得了，好滑，好香芝士味，唔太甜，立時想再叫多個round，但見太多客，唔想再等，唯有下次再嚟食過。

整體而言，食物質素也偏高，也是值得一戰。 這裡的環境也很適合一家人聚餐，寧靜和舒服。而侍應的服務態度也不錯，很細心和能夠照顧客人的需要。唯美中不足的是，看見這裡的侍應並沒有一個用餐時間，只能站著吃飯也要同時工作。同時，看見老闆和職員都以惡劣態度喝罵侍應。希望在這方面能加以改善，成為一間由裏到外都值得我們欣賞的良心小店。

因為openrice訂座有85折， 所以就定咗呢一間鋪頭， 我11點45分就去到， 舖頭雖然未正式開門 ，但係服務員都好殷勤咁招呼我 ，我同我朋友嗌咗個午市套餐， 個湯同埋蒜蓉多士簡直係一流， 店員話個多士係親手整嘅， 果然個多士係熱辣辣 ，仲係軟軟嘅， 唔同出面啲多士咁硬 ，個蕃茄湯簡直係靚到絕 ，用啲cream嚟去畫花 ，的確令到啲湯生色不少， 意大利飯有蕃茄， 令到個飯唔黏膩 仲有啲清新嘅感覺 ， 比起其他嘅意大利飯，更有特色，值得推介

觀塘區的工廈多了很多不同的食肆選擇，這個星期又剛好在觀塘區工作，正好可以在下班時間找間位於工廈之中的餐廳，靜靜地品嚐美食。單看這間Go Inside Kitchen的名字就知道，店主毫不介意讓你走進廚房，看看他們的用心烹調。事實上它的裝修也是用了open kitchen，一進店便看到廚師的功架了。兩個人點了兩份主菜，首先上枱的是澳洲西冷扒配紅酒汁，西冷扒煎得外脆內軟，我們叫的是七成熟，可以看到內裡的肉帶有少許粉紅色，不太生又不太韌，而且肉味香濃，算是一份高質素的西冷扒。配菜的薯角亦是炸得非常香脆。另外一份主菜是西班牙海鮮意大利飯，單是賣相已經相當吸引，海鮮配料有青口、大蝦和帶子，各款配料都處理得相當用心，很爽口同時又帶有鮮味。與一般西班牙海鮮飯不同，這次的飯底是意大利飯，半生熟的質感剛剛好，被番紅花染成了搶眼的鮮黃色，吸收了海鮮的味道，一口接一口的很快便吃完了。在工廈裡覓食向來都是我的嗜好，今次能夠找到這間質素不錯的餐廳，雖然地點不太就腳，但也值得下次特意再來支持一下。

以前都成日係觀塘番工，一直都有個情意結，都想睇下觀塘有咩改變，所以約左男朋友去左觀塘其中一間餐廳食飯。加上佢又住係個度，佢番屋企都冇咁辛苦。去到工業大廈既地下，搭個升降機就到。去到門口已經聞到好香既意大利麵味，令我更加食指大動，門口擺左幾本書，由於太肚餓所以無留意係咩書。開放式既廚房，陣陣野食既香味已經令人更加想食野，餐廳既裝潢用左美式工業革命既元素，完全符合工業大廈既元素。坐底之後睇左一陣，思前想後最後點左兩個菜式。香煎帶子黑松露闊條麵($178)　侍應姐姐上菜後，起初我已經會唔夠飽，原來個碟底好深，兩個人食絕對夠飽。帶子煎既火候恰到好處，外脆肉嫩，食落口好軟熟，唔硬。闊條麵唯一要改善既地方，可能煮既時候要混合忌廉汁，有少少碎，比較難叉起黎食。但係個忌廉汁絕對係一流水準，首先個汁完全包住哂個闊條麵，證明個汁夠濃，唔會稀，其次食到好滑既忌廉，再加好濃既牛油味，味道唔太鹹。最後黑松露份量唔太多，味道唔會搶過忌廉味，唔會有暄賓奪主既感覺，食多幾啖真係會有飽和狀態，證明個汁絕對足料。大家可以試，推薦一下。煎刺身級三文魚伴薯角($168)　菜式以木盤呈上，以吸晴度黎計，絕對係成功，以清潔衛生黎

每月一回又到觀塘同朋友開餐，今次去熱選餐廳，有得上網訂座之餘仲有85折，餐廳唔會有多餘既裝修，只要坐得舒適食物先係最重要!招牌沙律二人份（$88）黑醋同橄欖油另上方便自己調配，平時配料都係三揀一，今次有齊煙三文魚、巴馬火腿同雞肉粒，原本清腸胃既頭盤已經咁豐富加勒比海飛魚籽煙三文魚意粉（$148）意粉彈牙，魚籽同忌廉重手咁落到意粉，要食就趁熱，凍咗忌廉變杰身就冇咁好食西班牙黑毛豬鞍架（$188）粉紅豬鞍帶少少脂肪，咬落去肉汁充滿口腔，唔建議點醬汁食，因為本身已經好香肉味，薯條外脆內軟食到停唔到口

相約朋友們晚上觀塘飯聚，本想訂APM或OPC的食肆，但最後避開那邊的人潮來到工廠大廈，離地鐵站其實也不太遠，食物質素和服務也滿意，點了四份晚市套餐共享，包括意大飯，牛扒，豬仔骨，魚扒，每份套餐均有蒜蓉包，餐湯，沙律，甜品，飲品奉上，份量也很足夠，價錢合理，飲品沒有酒類供應。推介牛扒，五成熟沒有一般港式的overcook ，不過肥肉略多；bbq豬仔骨非常巨大。另外見旁邊客人叫的豬手賣相也很好，應該可以一試

和朋友在觀塘午飯，在openrice 搜尋一下，眨到這餐廳頗多好評，決定入去試一試。午市套餐超值抵食，一個價錢已包含湯，主菜及飲品。蒜蓉包蒜香味十足，烤得很香脆。粟米湯賣相精緻，拉花有心意，每一淡都有香濃粟米味。黑松露蜜糖雞翼雞翼烤得脆口，蜜糖及黑松露味並重，兩者味道配搭得宜。香煎三文魚扒伴刁草忌廉汁三文魚魚味味濃，肉質鮮嫩，入口即溶。西班牙黑毛豬豬鞍架伴蜜糖蘋果汁豬味突出，肉質鬆軟嫩滑，一點也不韌。熱檸水及熱檸茶享用完這兩杯餐茶，非常滿足。

星期六唔洗返工更係要揾好野食啦，其實觀塘區APM附近既工商業大廈有好多隱世美食，以性價比高為主，所以我都好喜歡去尼邊尋寶。今日去左APM旁邊時運工業中心既"Go Inside Kitchen"食lunch，尼度裝修簡約清新，地方闊落，有多款set lunch選擇，午餐已包餐湯、蒜蓉法包連餐飲，唔夠仲可以追加温泉蛋、焗蠔、沙律、雞翼或甜品😚是日餐湯係粟米湯，有拉花的，好靚呀😍唔會太鹹，淡淡粟米香～ 不得不提係佢個蒜蓉包，整塊法包舖滿牛油蒜蓉，非常好味👍🏻👍🏻👍🏻 最衰無得追加，如果唔係我一定追加😆我地加咗溫泉蛋同焗蠔，兩款都抵食又好味👍🏻西冷牛扒$98八安士西冷牛扒我個人不喜歡太生，所以點左七乘熟，肉質充滿牛香，感覺唔係醃製加工過，七乘熟對我離講剛剛好，肉中間帶點紅，配上香脆薯角及伴菜，完全唔需要配醬汁，絕對超值👍🏻😋德國豬手$118大大隻香脆豬手唔太肥唔太瘦剛剛好，豬手焗到表皮香脆，皮下脂肪又足夠，以致內裡肉質又不會太乾，豬手焗制時間恰當，配襯薯角及黑椒汁，值得推介👍🏻😋另外佢既甜品有兩款選擇，士多啤梨泡芙同埋藍莓芝士蛋糕，我地試左芝士蛋糕，甜度較硬度適中，絕對有水準👍🏻

今日黎觀塘呢頭做嘢，女友lunch搵我食飯，上Openrice一睇搵到呢一間系工廠大廈嘅餐廳之前喺觀塘實在中過好多次招，午飯時間食飯真係好難搵位，所以決定提早食12點可能早到嘅關係，餐廳暫時無咩人，坐低左慢慢睇吓餐牌叫嘢食，叫完嘢食餐廳就慢慢開始坐滿人啦有趣嘅招牌好彩一早嚟，坐低三十分鐘之後已經坐滿晒人套餐有平有貴蒜蓉包餐湯好精緻法式煙肉芝士焗蠔 （$12）黑松露蜜糖雞翼（$15），好香嘅黑松露味德國黑椒豬手，一個字‘讚’香煎雞扒配番茄忌廉汁意大利飯，都非常有水準

約了位舊工作夥伴聚餐，一觀OpenRice 有那些餐廳可以訂位，發現這間不只有網上，還有網上訂位八五折，便與友一試。 各人點了一個套餐：一個是西冷牛扒，而本人則點了一個西班牙豬鞍架。套餐配上餐湯、麵包及餐飲。主菜未見如網評的驚喜，但也不覺不失，西冷扒有點熟得過熟的情況，而豬鞍反加的內質也較預想老了黜。 而現場烤的蒜蓉包，味道滿足。唯一讓人不愉快是本入希望餐廳幫忙與友人合照時，該待應態度不太好，可以拒絕但態度婉轉些。

剛剛系觀唐見完客，我們都唔系好想食餐記。所以揾佐間西餐廳，食好少少！呢間餐廳個位置都算方便，位置便利！由於間餐廳係喺工廈的5樓。店舖面積都比較大同埋坐得好舒適。入到去，店員服務十分周到，安排好坐位後立刻送上餐牌。枱面一早已經擺好水俾我們飲用。好香嘅蒜蓉包 (免費). 本人唔多食包都覺得唔錯！靚靚餐湯，呢個又系跟個set送的。個湯不單止靚，仲好香蕃茄味。黑松露帶子闊條麵 ($92)。啲麵軟硬適中，加埋大大只帶子，好味。澳洲西冷扒 8 oz $98，份西冷唔會overcook，味道唔錯。法式芝士煙肉焗蠔 $12只，两只起計。田園沙律 $12 黑松露蜜糖雞翼 $15. 啲雞翼好好食法式焦糖燉蛋 $12. 食完又想食多個

We went there for lunch, the food was ok for this price but extremely under-staffed. The wings were the best one among all dishes!One staff is extremely forgetful while the other better one got yelled at by the owner in front of all of us! We all felt very awkward!

今日星期日休息，所以訓到成1點先起身，訓醒後同老公諗住去駱駝漆大廈行下，我地岀到去差不多3點，所以搵地方食個下午茶老公之前同同事lunch食過呢間，所以叫我試下呢間Lunch set有成11個選擇，真係好難決定食咩好，因為每樣都好想食。最後我地決定左食火腿焗芝士簿餅同澳洲西冷Lunch set有餐湯送，呢個我唔知係咩湯，但飲落去清清地，唔錯原來仲有蒜蓉多士送，蒜蓉有好多，食落去好香，有4塊咁多我加$12叫左個田園沙律，菜好新鮮，配醋食好健康，無沙津醬咁肥之後再加左$24叫2個芝士焗蠔，勁多芝士，夠熱!我地每人再加左$15叫黑松露蜜糖雞翼食，呢個雞翼好好食，雖然黑松露味道食落去唔太濃，但勝在用蜜糖去焗層皮脆脆地，好食我地好誇張，加左好多野食，但因為真係好平。最後加多左溫泉蛋。呢個蛋真係超正，配岩鹽食已經好好食，好滑！呢個pizza有勁多巴馬火腿，芝士又落得勁多，真係好邪惡，d料真係落得唔手軟，薄餅邊好脆，好食西冷好厚身，叫左5成熟，煎到剛剛好，而且好香牛味，份量算大，薯角夠香口Set餐送餐飲今餐真係好豐富，每人150蚊左右就食到咁多野，真係好抵食，飽到連晚餐都慳返唔洗食啦

第一次用open rice 訂位，仲有全單8折優惠三個人食左不過600 焗蠔，還可以，不過不失。黑松露雞翼，見大家推薦先叫的， 嫩滑，但 鹽黑松露味不夠重。黑醋 煙肉蜜瓜沙律，不錯酸酸甜甜的配搭不錯，喜歡他的黑醋。羊架 risotto 正面照upload唔到上黎。都係不過不失啦。豬手，朋友點的，不錯， 外皮好脆。肉也不會過老過鞋。正價的 泡芙山，有24粒，朋友覺得好吃，我自己對 泡芙冇研究，覺得還好。藍莓cheese cake， 覺得味道偏淡， 唔夠cheese味。呢間係社企餐廳，店員其實都好用心服務，但反應有時候，有點令人不知所措，不過無傷大雅。