Go Dutch Cafe

營業中

休息中

又到咗Happy Friday，朋友約我吃飯吹水。佢約我去旺角的樓上café。依家，旺角開咗好多樓上café，論修裝，呢間十分唔錯。這間café有兩層，因為樓下坐滿了，所以店員安排我哋上樓上坐。這層空間感更大，木餐檯襯棗紅梳化，很合襯。晚餐幾抵食，跟餐包價值$40的熱飲。想轉飲特飲的話，加多少少錢就可以。除咗叫了兩個dinner sets之外，我哋仲叫多一個小食【傳統荷蘭特色小食拼盤】，這個小食的名字跟餐廳名字如同一徹。至於食物就有三款，分別有炸薯蓉肉丸、荷蘭熱狗腸和酥炸芝士包，幾得意的，炸得鬆化。飲品就叫了檸檬茶和金桔紅茶，大大杯的。襯番啲熱氣小食就啱晒。晚餐分別是【D11 龍蝦汁炒海鮮椰菜花意式飯】和【D12 D12 德國鹹豬手配薯角】。【D11 龍蝦汁炒海鮮椰菜花意式飯】個汁味道鮮，內裡有蝦、魷魚和青口。而啲 “飯” 就好特別，是將椰菜花整碎來代替直正的飯，真係好特別架，又很好味，又健康。其實依家啲人都開始流行這種食法，少吃澱粉質，所以很值得推介這個 “飯”。【D12 德國鹹豬手配薯角】切開上的，方便share食。這隻豬手不是全烤的，所以層皮不是硬嗰種，而係軟腍嗰種，不會太熱氣，

餐廳：Go Dutch Cafe (旺角)地址：旺角登打士街43H號登打士廣場10樓全層近排忙於考試，打完了一個大佬，終於有時間可以出來鬆一鬆了，出了旺角逛街，又來到我最喜歡的登打士廣場嘗試還沒有試過的Cafe🤓今次是10樓的Go Dutch Cafe～「Go Dutch」，這個詞盛載著英國和荷蘭背後的一段歷史，至今亦有不少的人（尤其西方人）會用這個詞來形容「同枱吃飯，各付一半」的意思😂不過在香港，這種「Go Dutch」現象卻很少遇見，畢竟華人很喜歡爭着吃飯付錢，或是上司請下屬，或是男朋友請女朋友，今次就等我來和自己「Go Dutch」吧XD牛肝菌汁雞柳長通粉 $128長通粉配上煎香的雞肉和雜菌，濃郁的牛肝菌汁再加上幼苗🌱，配搭起來就成為了荷蘭田園的感覺和風味～傳統荷蘭小食拼盤 $78荷蘭傳統的特色小食，在香港確實比較難吃到🤓當然要試一試啦，共有三款食物，每款有四件，等我逐一介紹吧～炸薯蓉肉丸外皮香脆得來有點硬，薯蓉和肉丸混在一起成了肉醬，與平時吃開的薯蓉不一樣，陣陣胡椒香味突圍而出，覆蓋了整個薯蓉，確實值得一試~荷蘭熱狗腸🌭味道有點像德國餐廳吃到的肉腸，雖然外表有點乾巴巴的感覺，不

旺角登打士廣場一向出名多餐廳同Cafe，係覓食好去處黎🥳🥳誤打誤撞入左係10樓嘅Go Dutch Cafe喇～入到黎環境幾大，裝潢幾文青，另一邊又有間包廂，幾岩一大班朋友聚會！坐低見到餐牌都幾多選擇，選擇同普通西餐廳差唔多，而我地兩個人就點左兩個set🤣飲品方面因爲見枱枱都點花茶，都想跟風點😂😂但最後我地都點左凍朱古力，正！食物上台喇！上餐速度都幾快喎！同埋碟意粉真係好香黑松露味，每條意粉都包住哂d白汁，大份之餘個人覺得味道仲比一般嘅西餐廳好食👍🏻👍🏻另外友人就點左個鹹豬手，好細心咁同我地去左骨，食落啖啖肉，個皮又烤得好香脆唔會話好硬！同埋食落個薯條都幾唔錯🥰🥰外脆內軟，應該係即叫即炸，唔係預先炸定！最後仲點多左個大磨菇，一見到d芝士同黑松露就覺得女有罪惡感！不過唔理喇！美食當前就食完再算😝😝磨菇好juicy好濃黑松露味！超正！埋單就$382兩個人，味道係超水準發揮，對得住個價！真心推薦一下👍🏻👍🏻👍🏻

今日全日都落著毛毛雨，行街行到攰攰地來到登打士廣場早點吃個晚餐，來到十樓Go Dchu cafe內里裝潢風格別緻，柔和燈光下，氣氛好舒服，我地點左兩個套餐，牛肝菌汁雞柳長通粉和黑松露白汁雜菇意粉，燒蜜糖雞翼一杯紅茶熱情果和一杯柑桔檸蜜，首先是燒蜜糖雞翼，香噴噴，烤至雞中翼外脆金黃內肉入味肉滑香甜，加上蜜糖更惹味意粉煮剛好，煙韌可口，索左白汁和黑松露惹味口感十分豐富，夾雜著雜菇一起吃好好味！好友的長通粉見他吃到津津樂道，連說左兩次好吃，飲番杯熱柑桔檸蜜好舒服和滿足！

登打士廣場有好多cafe 、今晚跟友人來到以荷蘭為主題的Go Dutch cafe。一出𨋢就看到了門口的波波燈樹、旁邊還放著幾本旅遊書可供食客翻閱。我們點了個Carbonara 、份量蠻多的、有不少煙肉和火腿、足夠兩個人吃呢。香蒜焗西蘭花以小砵送上、蒜味好濃、簡簡單單不用加芝士都不錯。另外點的桂圓紅棗茶、以透明玻璃器皿盛上、帶點日式感覺、幾特別、唔算好重紅棗味、不過可以免費添飲。友人的凍朱古力珈琲、味道幾濃。

龍蝦汁海鮮炒椰菜花意大利飯 💲128自家釀制芝心煙肉雞柳長通粉 💲98白羊座（荷蘭旗） 💲15（補差價）處女座（紅粉戀人） 💲20（補差價）芝士煙肉黑松露焗大啡菇 💲55✅ café提供旅遊書及多款桌遊 種類偏向多人遊戲🎲 加上餐廳既座位主要都係大卡位 好適合一大班朋友黎食飯慶祝🥂✅ 一般西餐廳好少有椰菜花意大利飯😍 而呢度既賣相獨特 而且龍蝦汁夠濃🦞 仲食得出一粒粒椰菜花 配合各款海鮮 成碟都食得好滋味😋✅ 自家釀制既芝心煙肉雞柳整得好用心🐣 將芝士釀入雞排咁炸 口感豐富🥰✅ 白羊座係藍柑桔加乳酸 望落好夢幻🇳🇱而處女座就係玫瑰沙冰🌹加上士多啤梨雪糕球🍓 飲落去就甜甜的 差價合理 推薦大家試下👍🏻✅ 大啡菇釀入煙肉同黑松露去焗 唔會得芝士咁單調🧀 食落有層次🍄👅Taste：3.5/5💰CP值：3.25/5🙋🏻‍♀️Service：3.25/5👁‍🗨Stylishness：3.25/5

同認識多年的朋友食飯，去咗呢間在登打士廣場的cafe，諗住可以一邊玩，一邊食。最初入去感覺不錯，門口一盞燈突顯格調，燈下有幾本旅遊書，看來要Plan旅行的話來這間也不錯。餐牌整得幾靚，成本report咁厚（實在太大本，只影咗set dinner menu 前後），大多數是飲品，畢竟是cafe 嘛~我同兩個朋友點了兩個set dinner - 咖喱雞扒飯 & 牛肝菌雞柳長通粉 和 Go Dutch摩天輪 (小食拼盤)。飲品就椰香朱古力、椰香鮮奶和青蘋果桂花花釀~都是熱飲。飲品很快便到，椰香那兩杯是我的朋友點的，雖然我沒有試，不過都聞到椰味好香。而我的青蘋果桂花是青BB一杯，不過味道也不俗，唯涼了之後覺得太甜。 食物未到，先玩board game吧。可惜cafe 的頗為殘舊，也不是重點，而且我們拿出很多（大概四至五盒）可以三人玩的遊戲也不齊全，可能是客人將組件遺失或是整亂到第二盒。不過作為cafe供應，我覺得都應該整理一下，而不是要另加$20入會有新淨又齊全的board game。 問題一次過講，不知為何cafe一進去便聞到有煙味，正常餐廳室內已全面禁煙，不知是煙味是從何來。最後一個問題，

我和朋友經openrice，按評價是但揀左間樓上Cafe 晚餐。GO DUTCH CAFE 嘅經營時間竟然去到4/5 am! 如果係夜貓一族，黎呢到是不錯選擇，仲有好多旅遊書俾你慢慢睇。大門就有盞好吸睛的燈!Cafe 分兩邊，明明大堂有位，但帶左我去偏室，偏室冷氣機聲好嘈! 有啲影響傾計~Set meal 包主餐同40蚊樓下熱飲。小食選擇薯類偏多。落單後等左一陣，終於有飲品。友人好似點左一個芒果紅茶，我就叫左個柑桔檸檬。友人說飲品偏甜，但嗜甜的我就覺得好好味。＜咖喱汁炸蝦天婦羅飯＞不過不失，Cafe水準。炸蝦好脆!又熱! 咖喱唔辣，又夠香! OK好食~＜法式煙鴨胸長通粉＞賣相吸引，滿滿芝士。新鮮焗起，連隻碟都熱。鴨胸偏咸，但整份餐分量算多。多到我都食唔哂!

難得又到weekend, 今日天氣麻麻，落大雨又行雷閃電，最好就留喺室內，就約咗男朋友去Cafe坐下傾吓計，一齊plan 下旅行嘅行程，咁梗係要搵間Cafe慢慢坐慢慢嘆，上網就揀咗呢間cafe一到門口就比呢個裝飾吸引左，好靚，入到餐廳裏面唔多人，自己可以隨便揀位坐Menu 有set meal, 叫咗個自家製芝心煙肉雞柳長通粉，同埋叫咗個摩天輪, 好似好多人都叫首先嚟咗個摩天輪，好得意，令我諗起幸福摩天輪嗰首歌,好幸福啊😍五格都有唔同嘅小食，有炸薯角、咖喱角、炸雞翼、炸蝦同炸蠔，炸得好香脆，當中芝心蘑菇雞翼最好味，因為好芝味之後就嚟咗個意粉，個賣相都唔錯，雞柳炸得鬆脆可口，汁好有芝士味，不過再多啲汁就比較好嘢飲方面朋友叫咗個榛子咖啡，奶味比較重我就叫咗個玉桂茶慢慢嘆，仲有蜜糖可以加呢度係一個俾你慢慢Hea坐同朋友傾計嘅好地方，同埋佢有旅遊書提供俾客人睇下次會再黎

Book位時話叫部份野食有半價優惠入到黎先講10頁menu得2-3頁有優惠叫有Discount嘅野食係唔包係Minimum charge入面所以咩時段黎每個人點都係要叫一個Set/野飲提醒大家入黎前要睇清楚 同埋只收現金跟住入黎坐低等左個半鐘先有野食UNO都玩左10幾鋪啦 都未到野飲又黎少杯個大陸女侍應態度又差 西口西面食物正路 但偏貴普通一杯熱綠茶都成$40d board game又少又舊性價比極低唔會再黎我同d friend已經列左呢間野落black list:@

中午與同事來到旺角的Go Dutch cafe 食lunch, cafe 地點很方便。我們不難找到cafe 的位置。cafe 環境很美，很優雅，很有鬧市中的世外桃源感覺。這裡的環境很合適三五好友黎談心。這裡的set menu 都好多選擇，也很吸引人。最吸引我的是這裡的飲品，是用十二星座命名，而且材料很豐富，很吸引人，我一看就愛上了。這間cafe 食物選擇很多，有意粉，局薯。甜品也很吸引，價錢也不是太昂貴，很合我們心意。這是荔枝特飲，味道清甜可口。這是蜂蜜綠茶，味道也很正，很清甜，很適合夏天飲用。雞肉長通粉，味道一流，外脆內軟的雞肉，很香口，很好食。咖喱炸蝦意粉，味道也很正，蝦很新鮮，分量十足，價錢也很合理，十分推介。

今晚去左 Go Dutch Cafe 同朋友一齊食晚飯，第一眼望入去就好中意Cafe 既裝潢風格，俾人一種放鬆既感覺，特別係一入門口燈飾，真係好靚，睇得出好有心思佈置同設計。無論係同朋友仔聚餐定同男朋友仔拍拖食飯，呢度既氣氛都好適合👍🏻我地一坐底就嗌左野食杯野飲，等左冇幾耐就等到野飲，我嗌個杯蜜桃梳打，唔太甜又唔膩，唔錯😊之後就到野食，我地嗌左2個小食，蜜糖雞翼同日式炭燒雞串，兩款小食賣相可口，特別係蜜糖雞翼，就連我呢個唔太中意食雞翼既人都覺得值得再試。😋😋另外兩款主食，日式咖喱蝦天婦羅飯 同 白汁蘑菇煙肉意粉 都幾滋味，特別係白汁蘑菇煙肉意粉味道濃郁，份量足，真係好適合忙碌左成日既打工仔黎補充體力💪🏻！

今日放工就約左朋友去旺角行下街，平日都好少食cafe，難得岀下街無意中行過見到就去試下啦。上到去嘅外觀都令人注目。一入餐廳中間有個波波燈佈置 幾吸引。空間幾大幾闊落唔好有壓迫感 平時啲餐廳都好迫！呢間燈光暗暗地幾有情調好岩閏蜜 情侶摸下杯底傾下計 幾舒服。我地叫左個套餐，道先蜜糖雞翼同日式炭燒雞串，以為得幾串幾隻，原來都幾多下。味道都唔錯。之後叫左香草白汁煙三文魚意粉，日式咖哩蝦天婦羅飯，好大盤，應該4-5個人食就差不多。蝦都幾新鮮，咖哩飯幾入味，白汁意粉幾濃郁，幾好味。杯野飲大大杯，岩哂一邊傾計一邊飲。整體感覺都唔錯，抵食！

旺角雖然出名係鬧市，但係樓上鋪都好多㗎，得閒搵啲咖啡廳，食個晚餐，輕輕鬆鬆咁為嗰一日畫上一個句號ʕ •ᴥ•ʔ今次又來到登打士街廣場，因為登打士街廣場入邊真係有好多咖啡廳，好多都係高質餐廳，呢度係喺9樓，全層都係一間餐廳所以地方好大，空間好夠٩(˃̶͈̀௰˂̶͈́)و，入邊嘅擺設同埋燈光都令人感到舒服^ω^，好享受！嗰度有一個好靚嘅燈光擺設，望住佢就好似陶醉喺入邊咁，咩煩惱嘅感覺都冇晒，而且仲有啲relax嘅感覺！^_−☆我嗌左個晚餐套餐，咖喱雞扒飯，飲蜜桃沙冰。D4餐 $88 飲品補差額，另設加一服務費呢度嘅咖喱飯真係好好味，送飯一流，絕對唔係辛辣嘅感覺，超級容易入口，仲有少少開胃嘅感覺，係雞嘅份量都好多，其實整體來講成個飯都好夠飽！值得推薦呀！(⁎⁍̴̛ᴗ⁍̴̛⁎)

今晚同咗朋友聚餐想搵個地方，旺角應該係比較方便了。咁所以我地就揀咗個cafe，啱哂大家可以吹水吹耐啲嘛！呢個cafe氣氛幾好，唔算迫爆餐廳，所以傾計都唔會覺得周圍好嘈無哂癮，而且無用餐時間，感覺餐廳方面都幾有良心啊，唔會趕我地走。之後我地被店員推薦叫了佢地嘅三人餐，小食兩款、主食都又兩款（$448)雖然佢係set，但睇佢嘅menu都有好多款式可以選擇，有選擇困難症嘅我地都諗咗好耐啊。最後我地點咗蜜糖雞翼、雞肉串燒、咖哩大蝦飯、蘑菇煙肉意粉。雞翼一上枱已經好香的蜜糖味，焗得幾好。雞肉串燒也不錯，每人都吃到四五串，幾滿足。當主食嚟咗之後開始有點嚇到...大蝦天婦羅香脆入軟、白汁意粉又唔會太膩，但是！它們份量也太多了！店家對客人會不會太好了，吃完小吃，還有兩大盤的主食！就算我們三個人也吃不到，最後只好打包回家勿浪費！