Go Dutch Cafe

營業中

休息中

今日同朋友行街，覺得有d熱，就上左去旺角登打士Go Dutch cafe食下野，飲杯野抖下。佢個裝修幾靚，檯比較大，2個人都可以坐大沙發，枱同枱之間有d間隔，私隱度比較高，可以放心係度做野傾計。我地叫左個白汁吞拿魚長通粉同龍蝦汁海鮮長通粉，個餐等左差唔多45分鐘先到，隔離檯催完幾次，等唔切個餐就走左，呢樣最扣分。不過野食食落都ok，兩個份量都幾多。吞拿魚比較新鮮，撈埋d通粉幾入味，食落都唔錯。海鮮果個材料好多，龍蝦汁夠濃，不過🦐果d好細。而野飲我地就叫左玫瑰花茶同桂花荔枝特飲，兩杯都少甜，飲落有花嘅香味，份量ok。

吃貨小妹間唔時都會相約小胖男友周圍去一d樓上cafe到食飯傾下計 貪可以坐得舒服之餘又可以消磨時間旺角登打士廣場嘅一d樓上cafe都係我哋經常去嘅選擇有別於其他cafe 環境清靜 除左適合情侶拍拖談心外 喺度煲下旅遊攻略做功課都係一個唔錯嘅選擇柯華田碎碎朱古力 勁濃朱古力味 最過癮係上層既朱古力脆脆 飲左半杯已經有飽肚感覺小胖男友唔知係咪良心發現怕越黎越肥 叫左杯清新d既青蘋果乳酸大熱天時飲酸野就最開胃要讚下呢自家制既芝心煙肉雞柳長通粉第一次食流心既雞柳 外脆內軟 真心好味 有驚喜 另外卡邦尼意粉亦算唔錯 份量都幾多下重點 去cafe點可以唔order小食 叫咗呢個摩天輪小食拼盤 一次過滿足到五個口味釀芝士蘑菇雞先將雞翼去咗骨 再釀滿芝士 熱辣辣既雞翼+芝士 諗都諗到無得輸 咖哩角同埋吉列炸蠔 好邪惡呀另外仲有澱粉質系列既炸薯角同埋好特別既薯仔蝦卷 口感好過癮 值得一試兩個人食咁多野真係可以坐耐d 慢慢食 拍拖消磨時間既最佳活動

和好友難得久別共聚，想尋找一間舒適隱世的cafe，想不到環境舒服之餘，還意外地高質素！自己是英式早餐的超級fans，當然叫了一個all day breakfast，我選了classic版的，包括了雞蛋、香腸、煙肉、蘑菇、蕃茄和茄汁豆。一上到台，我和朋友都真的非常驚訝！沒有想到份量竟然這麼足料！而且味道也相當不錯，喜歡香腸的煙煙韌韌，連蘑菇都十分入味，吃完之後，真的很有滿滿的飽足感呀！飲品方面，無咖啡不歡的我，叫了「維也納咖啡」，果然沒有令我失望，濃濃的cream，讓咖啡增添香甜感，但又不失咖啡的香醇！十分推介呢！整體上，店員非常貼心，食物質素又好，Cp值超高，下次經過一定會再幫襯！

放工好多時都會約朋友到旺角行街， 然後就會找地方吃晚飯， 今次來到這間樓上cafe位於旺角登打士街人流非常旺的地方。 入到去滿滿的客人非常熱鬧，感覺這間樓上cafe有很多熟客， 大家除了在這裏食飯之外還可以傾偈，玩下boardgame。當晚我們點了卡邦尼意粉$108， 龍蝦汁海鮮 炒椰菜花意大利飯style$128， 朱古力吐司配炸雞塊和脆炸薯角$78， 香蕉奶昔$72， 熱香芋朱古力$45。熱香芋朱古力～ 第一次飲香芋朱古力， 原來兩者的味道很夾， 薄薄的一層香芋味和濃厚的朱古力味， 完全飲到兩種層次， 非常好飲。香蕉奶昔～ 有一層香滑的忌廉， 香甜的香蕉味， 甜度適中。卡邦尼意粉～ 賣相美麗， 濃濃卡邦尼醬的份量很多， 如果喜歡食卡邦尼意粉一定要試下。朱古力吐司配炸雞塊和脆炸薯角～ 好喜歡這一款小食， 又可以食到甜品朱古力吐司， 還有炸物。 吐司脆卜卜朱古力醬濃郁非常好吃， 炸雞塊和炸薯角都是我的最愛， 與朋友一邊傾計一邊吃美食，好開心。龍蝦汁海鮮炒椰菜花意大利飯style～ 好欣賞這一款菜式， 用椰菜花粒代替飯， 口感清新爽口， 又不會太膩， 推介這一款。整體而言第一次到Go D

又來這家樓上咖啡廳嘆飲品休息一會兒這間環境挻寧靜的 所以又再來🤣~~~~~~~~~~~~~~~~~~~~~~~~~~~~~~·栗子朱古力HKD$45·榛子咖啡 HKD$48·藍莓芝士蛋糕 跟飲品加HKD$28~~~~~~~~~~~~~~~~~~~~~~~~~~~~~~飲品也不過不失呢~ 不過少甜應該會更好太甜的朱古力/咖啡感覺不太好🤨蛋糕有點兒硬😂😂存放太久嗎🙄😍~~~~~~~~~~~~~~~~~~~~~~~~~~~~~~

今晚Happy Friday，朋友約我吃飯吹水。佢約我去旺角的樓上café。依家，旺角開咗好多樓上café，論修裝，呢間十分唔錯。這間café有兩層，因為樓下坐滿了，所以店員安排我哋上樓上坐。這層空間感更大，木餐檯襯棗紅梳化，很合襯。晚餐幾抵食，跟餐包價值$40的熱飲。想轉飲特飲的話，加多少少錢就可以。除咗叫了兩個dinner sets之外，我哋仲叫多一個小食【傳統荷蘭特色小食拼盤】，這個小食的名字跟餐廳名字如同一徹。至於食物就有三款，分別有炸薯蓉肉丸、荷蘭熱狗腸和酥炸芝士包，幾得意的，炸得鬆化。飲品就叫了檸檬茶和金桔紅茶，大大杯的。襯番啲熱氣小食就啱晒。晚餐分別是【D11 龍蝦汁炒海鮮椰菜花意式飯】和【D12 D12 德國鹹豬手配薯角】。【D11 龍蝦汁炒海鮮椰菜花意式飯】個汁味道鮮，內裡有蝦、魷魚和青口。而啲 “飯” 就好特別，是將椰菜花整碎來代替直正的飯，真係好特別架，又很好味，又健康。其實依家啲人都開始流行這種食法，少吃澱粉質，所以很值得推介這個 “飯”。【D12 德國鹹豬手配薯角】切開上的，方便share食。這隻豬手不是全烤的，所以層皮不是硬嗰種，而係軟腍嗰種，不會太熱氣，而

今次和朋友聚餐,他們預先訂了位,原來在旺角登打士廣場10字,現在這間GO DUTCH CAFE環境和氣氛都不錯,最適合傾談的地方,首先介紹芝士肉醬意粉芝士味好香肉醬有小小咬口蒜蓉汁雞扒飯啲雞扒炸到皮脆肉嫩保持有肉汁法式煙鴨胸長通粉造得長通粉不會霖還有小小𡁻口應該係咁樣先好食,黑松露白汁雜菌意粉/炒椰菜花(意大利style)是我第一次食相當特別椰菜花粒粒當飯食,有爽口感覺炸物摩天輪有炸咖哩角,炸有皮薯角,脆炸花枝丸,炸雞鎚,炸物炸得好有水準非常好食有别於一個的餐廳，他是真的即叫即炸。沒有翻叮食飽之後閒談近況,然後去樻裏入面攞了啤派玩鋤大D,我看見其他客人玩電腦上網打機,有玩捉棋,真係各色其色,GO DUTCH CAFE值得推介。

今日約左朋友在旺角聚會，友人提議到登打士廣場覓食，係油麻地地鐵站出黎只需5分鐘，夠近夠方便。 星期六中午時間唔算多人，餐廳格調柔和，的確係鬧市中既清幽好地方。友人點了肉醬意粉，意粉烘焗後稍微彈牙，值得一讚係芝士份量頗多，配上肉醬味道不俗，好味過大家樂我就點了一客雞扒漢堡配炸薯條。雞扒煎得剛好，皮焦肉嫩，沙律醬也頗為清新。至於自家炸薯條🍟大大條，熱辣辣，食得痛快。友人點既檸檬草茶清香消滯，不覺意飲多兩倍都要去廁所。我就點一杯latte,咖啡豆唔酸，奶香稍濃，對我來說剛剛好。 整體來說$110 換來鬧市中小休一會，值得推介。

繼上年8月看完『L 風暴』，今天孖🏸新🌟一起去看『P風暴』。 看戲之前想吃個午餐……近近地，就去旺角食；食完可以去朗豪坊睇古生😍😍地點是非常的方便，去到旺角，好快就到登打士廣場。 門面簡單的白色牆身配上食店名，一眼就知道目的地已經到了。🍻第一次去嚐荷蘭菜，我們就輕鬆地食午餐啦…😗😙🐷🐷🍻雖然食店主打荷蘭菜，但店內放滿了去台灣的旅遊書。 邊食邊聊邊看下旅遊書，滿有寫意。🍻波波燈放置店中心，全場焦點。🍻Go Dutch摩天輪 Go Dutch Ferris Wheel Platter : 好得意。。。 轉呀轉……轉出自己喜歡的炸物……很有趣🍻Go Dutch摩天輪 Go Dutch Ferris Wheel Platter : 覺得這菜式很有特色, 邊食邊聊天, 更加可以自由選擇心中想食的小食, 轉呀轉, 為我們的相聚時刻添上一點點的孩童情懷及歡樂的氣氛。每一格車籠仔各自放了食物，很適合佐飲品，真的一。芝士蘑菇釀雞翼 Stuffed wing with cream cheese and mushroom ( 3 pcs )日式吉列炸蠔 Japanese cutlet oyster ( 3

Go Dutch? 走進荷蘭？朋友介紹話呢間樓上cafe不錯，特意來試試！點了Set Meal的德國鹹豬手配薯角嘩！好肥美的鹹豬手，點得豬手，就預咗肥。此豬手的肥膏與肉比例啱啱好，肥膏位置彈牙！肉的部位非常嫩囗，唔會"鞋"，味道入得o黎又唔太鹹！最欣賞佢嘅筋位，軟硬道適中！吸取好多骨膠原呢！十分滿分的話，我會俾九分！日式炭燒雞串甜甜的BBQ感，肉質嫩口！鳳梨沙冰，so fresh!!! 果然是值得推介的樓上休閒cafe!

一出𨋢就見到寫意空間，相信裝璜舒適的餐廳，食物亦有一定的質素！Cafe包攬全層，非常欣賞簡約的牆身設計！侍應服務周全！牛肝菌汁雞柳長通粉黑松露食得多，今趟食牛肝菌汁。好香好濃，每一口通粉面及心，都充斥著菌汁的濃芡，但又唔會膩！雞柳都別有用心，先炸後再混合長通粉，食得出炸雞的脆口，讚！蜜糖雞翼皮脆肉嫩，夠juicy! 榛子碎碎朱古力比榛子朱古力香濃，粒粒碎朱古力更增添口感，而舖上面的脆片都好脆口！推介！

本身諗住同個fd係旺角行街，去下樓上舖買衫。點知一出地鐵已經滂沱大雨，只好臨時搵地方避下雨。我地決定提早食dinner,搵間坐得舒舒服服嘅cafe hea陣。依間cafe係登打士廣場十樓全層，所以環境好闊落，因為大堂都算坐滿人，店員帶左我地去旁邊嘅一間偏房，房仔冇咩人靜靜地好舒適！裝飾都好有文青feel，打卡一流不過偏房要拎board game玩或者借旅行書睇都要行出行入，有些少唔方便，不過就勝在少人，似包房咁樣。我地叫左dinner set,會送一杯40蚊嘅熱飲，想叫凍飲或者轉特飲就要補差價。朋友叫左法式煙鴨胸長通粉，上面佈滿芝士同幼苗，仲有成五六片鴨胸，每片都好厚身好足料嫁！而我就叫左白汁吞拿魚長通粉，吞拿魚份量充足，食到尾都仲餸到啲通粉，醬汁濃郁。兩份長通粉都即叫即焗，上到枱熱騰騰會燙手！飲品方面，我地叫左熱情果紅菜同荔枝紅茶，貪佢唔洗加錢兩杯都唔會死甜，調配得唔錯。

今日同老公又黎登打士廣場尋找靚靚cafe坐抵談談情吹吹水為準備黎緊既旅行計劃一下，今次揀左十樓呢間歐陸風情的cafe，環境優雅清靜有氣氛，門前更放滿超多既旅遊書可以借黎睇，咁岩有我想去既地方，可以邊食邊睇喇！我就揀左我最愛食既豬手「德國鹹豬手配薯角」$148豬手啖啖肉，喊度剛剛好不會太喊，豬手超有口感一點都不膩，點埋芥末醬一齊食超惹味！直得一食！呢到既飲品名都好有心意，用左十二星座取名，又有得睇埋星座添！睇到心心眼，每杯都好想試試，最後揀左「巨蟹座」既「夏日麼麼茶」採用菠蘿加檸檬調製，酸酸甜甜十分開胃！

好耐都無係cafe坐咁耐喇，難得今日同朋友吹水吹唔停，係呢間歐陸風情既cafe坐左幾粒鐘都未講完，呢間cafe氣氛十分好暗暗地又靜靜地，好岩傾計談情餐廳內仲擺放住不同的閃令令既旅遊書供客人睇，十分有意思又細心呢！太餓了，先黎個自家釀制芝心煙肉雞柳長通粉，我個人超鐘意食芝士，所以芝士控既人一定會超愛，每條長通粉都滿滿的芝士，加上芝士鋪滿整碟長通粉超滿足呢！雞柳肉質超滑又帶點脆身，好好味！再黎杯以星座取名的特製飲品「獅子座」以芒果和水蜜桃混合調製出甜甜的水果茶！超美味！

之前聽黎過呢間餐廳嘅朋友講過話Ok， 今次特登同女朋友一齊黎試。一入到間餐廳覺得個裝潢幾浪漫，入口個燈飾已經好靚。燈飾下面張檯仲擺滿旅遊書俾客人睇，岩晒我地傾旅行行程，可能落雨關係，餐廳裏面唔多人菜單都設計得好有心機，仲有簡單咁講下荷蘭的基本資料。我地一行兩個人叫左 一個花茶，一個香芋奶茶，一個摩天輪小食拼盤，仲有個白汁雞柳長通粉。小食拼盤有薯條，雞翼，炸蠔、咖哩角同埋炸蝦。啱晒d咩都想試下ge人，味道亦都相當唔錯。炸蝦外面有用意粉卷左一卷，非常有心思。白汁雞柳通粉亦都唔錯，算係不過不失。野飲方面，花茶好好飲又大壺，最後係呢間環境咁舒服嘅Cafe 坐低嘆左好耐茶。一個悠閒的下午就咁過左～下次要再黎幫襯