Go Dutch Cafe

營業中

休息中

大家唔同時間放工，先到先等等朋友期間有d餓叫左個小食拼盤食住先係摩天輪架裝住5款小食全部剛炸起熱辣辣炸蝦用薯仔絲包住炸，食落爽爽地咖啡角用春卷皮包住，好脆炸蠔外脆內軟，無腥味芝士蘑菇雞翼，雞翼已去骨，方便食每款有3-4件，薯角都好多3個人食都夠分之後我地叫左2個晚餐牛肝菌汁雞柳炒椰菜花(意大利飯style)係椰菜花切碎炒，蓋上有汁的菇和雞肉上我覺得食既時候要拌混，令椰菜花沾到中間既汁會好食d感覺健康，又無食意大利飯咁漏徳國豬手配薯角豬手肉香，有少少煙燻味面頭少少似蜜糖甜，鹹鹹甜甜，配黃芥辣好味環境舒適

今日放咗工約咗朋友喺旺角等，行過登打士街有個妹妹好熱情咁派傳單，我哋就決定試吓呢一間Cafe。上到去見到環境好闊落，氣氛好舒服。我哋坐咗喺梳化位，感覺幾Chill。因為係放假前夕,所以特別想對自己好啲，於是叫咗個德國鹹豬手配薯角，黑松露白汁雜菌意大利飯，洛神花茶，同埋Latte。個豬手好有口感，味道唔會話太咸，配上脆脆薯角, 令人感到滿足！而個意大利飯熱度啱啱好，都係唔錯嘅選擇。我杯洛神花茶跟埋Honey, 自己調教濃度，酸甜適中，好好味！ 我朋友杯Latte 都應該唔錯，因為見佢好快就飲晒

Long weekend 前夕，當然要善用這個晚上。所以找了一間樓上cafe 好好relax 下。.Go Dutch Cafe 個名好得意，而且位置方便，在油麻地站及旺角站之間。在登打士街，H&M正對面，方便「來由各方」的朋友「江湖一聚」。.面口有個iconic 的燈燈，下面有好多旅遊書，我之前會去日本，當然拿一本東京的來看看。..而且有好多board games，唔會悶豬豬。..食物及飲品都有很多選擇，我選了Set Meal 中的D7 及D11。..D7 是白汁香草三文魚意粉三文魚放得好靚靚呀～..D11龍蝦汁海鮮+炒椰菜花有創意又減肥之選呀，沒有飯類，而是用更健康我椰菜花粒粒代替，也很足料有好幾個蝦蝦呢。.小食方面，「Go Dutch 摩天輪」必叫。好睇，好食又好玩。.有5個輪的，5款小食有：-芝士蘑菇雞翼-炸蠔-薯角-咖哩角-蝦卷.好好玩的小食呢，份量很多，$138好抵叫。.每款小食份量都好多，足3-4人食。..飲品方面，叫了個紅棗茶（熱），好多紅棗，味道香甜。.茫果綠茶（凍）都好大杯。.因為飲品真好多款，如果有選擇困難症，可以選自己星座的飲品吧。

這間樓上Cafe非常熱鬧，當天晚上7點半已坐滿九成客人，不少是大班朋友，店內還有旅遊書和boardgame選擇，是個朋友聚會的好地方👍🏼——————————🔹牛肝菌汁雞柳長通粉 $128這個長通粉份量很多，質感有點粉🤔，混合濃郁菌香味的汁，和微微煎過的雞柳，整體非常入味，食幾啖已有點飽肚感，一大班朋友食就啱晒😋🔸卡邦尼意粉 $108這個卡邦尼意粉相對遜色，煙肉沒有炒過，所以食起來有點似火腿，沒有煙肉的香味。味道主要是忌廉，與傳統卡邦尼的蛋黃和芝士味不同，個人認為忌廉味太重，把所有味道蓋過，很邪惡😖🔹傳統荷蘭小食拼盤 $78這個小食拼盤賣相吸引，有炸薯蓉肉丸、荷蘭熱狗腸和酥炸芝士包。最喜歡吃荷蘭熱狗腸，食起來很香，還帶點香草味🌿其餘兩種小食，則有點過鹹~🔸焦糖碎碎朱古力 凍 $62這杯飲料面上有很多朱古力脆片，飲落有很濃郁朱古力味。但本身有點期待裏面會有啲打碎了的朱古力，有點可惜😆🔹榛子摩卡咖啡☕️ 熱 $48想不到這杯摩卡咖啡有很濃榛子香味，面上有層厚厚的泡沫和忌廉，口感香甜順滑，不錯👍🏼☺️

走進 猶如走進個人的秘密花園在舒適的空間裡放下忙碌的工作聽著輕音樂撥放出喜悅的音符好好享受Relax一切美好！餐廳係旺角登打士街43H號登打士廣場10樓全層性價比高Cafe嚟講食物比想像中好食，每樣都唔差即叫即製味道好好，不過一定要襯熱食吹凍咗就少少硬一人一個餐夠飽嘅份量多( 德國鹹豬手配薯角 )( 傳統荷蘭小食拼盤 )( 牛肝菌汁雞柳長通粉 )環境其實幾好靜靜地可以傾下計又有遊戲借比你玩不過夜咗就多後生仔嚟佢哋一傾計即刻成個環境滿滿的熱鬧睇你好唔好彩總括嚟講想搵個地方一班人傾下計玩下遊戲吹下水，呢間餐廳不失為一個唔錯嘅選擇

登打士廣場好幾層都係有board game玩嘅cafe，喺地下大堂根據廣告牌揀左10樓Go Dutch Cafe。入座前職員提醒每位minimum charge係一杯飲品式一個set。黃昏時間人客唔多，兩個人都有得坐卡位sofa，舒服鬆動。因為未係晚餐時間，所以點一個tea set先，點菜時職員再次禮貌地提醒每位minimum charge係一杯飲品式一個set，no hard feeling。芝士煙肉焗薯角非常之熱辣辣，分量又多，差唔多相等於一客快餐店焗豬扒飯，問職員拎茄汁時佢地都係好有禮貌。套餐跟$40飲品，包括最普通嘅茶餐廳飲品同水果紅/綠茶。留意返，一位嘅minimum charge就係一杯飲品，即係$40加1！Cafe黎講呢個價錢真係好少有！晚餐時段點左一個白汁鴨胸長通粉，分量足，兩個人都差啲食唔晒，味道唔錯，水準勝過唔少收百幾蚊嘅cafe！Board game種類都多，亦有卡類棋類，受歡迎款式都有3-5盒，大家唔洗爭~仲有雜誌同旅遊書添！由tea time坐到dinner time，冇俾職員趕過，任坐唔嬲，呢個價錢同食物性價比，一定會再黎！

見到menu 有個low carb餐可以叫即該過黎試下 一入到門就見到有個好靚嘅燈擺設 而且又有好多board games 1. 牛肝菌汁炒椰菜花 (意大利飯style) $128點解佢係low carb呢？係因為佢入面個啲唔係飯 而係將椰菜花切碎 再拎去炒 配埋啲牛肝菌汁 同埋菇 好濃郁 而且好味過食飯 好少餐廳有㗎2. 香蒜白汁焗西蘭花 $50好多蒜 超級香 而且西蘭花拎去焗 配埋白汁 有少少水分 真係好正 唔會好冧 又唔會好硬3. 天蠍座 果茶杯 $58有士多啤梨 橙汁底加紅茶

一踏入店內就會看到一張別緻的小木桌，桌上有一個樹形的裝飾，還掛上多個籐球小燈泡，營造出浪漫溫馨的氣氛。桌上還擺放了各式雜誌書籍供客人借閱。咖啡室設有最低消費：每人一杯飲品或一份套餐，單點食物不計算在內。拖肥碎碎朱古力 ($62)店員已提示去冰的話味道會較甜，但沒想到真的太甜了。而且喝不到拖肥的味道。石板街多士盒 ($78)賣相花了點心思，為雪糕加添了耳朵，外型像小熊一樣。多士一共有三層，中間放滿了細小的多士粒。多士香脆，再配著要融掉的雪糕一起口感豐富。

At first, asked for some water only and gave me attitude when I just wanted some water instead of an actual drink. The owner then came owner and had the AUDACITY to say to me with an impatient, and grumpy attitude about the minimum charge for drinks.On top of that, we had to wait 45 MINUTES just for our food to arrive, which is unacceptable.You know, I wouldn't mind paying for paying the minimum charge for drinks, but if you charge $40 for a 凍寧茶，that is freaking absurd. Will not be back, not sur

今次黎到呢間位於旺角既cafe,一入好非常優雅，裝修同燈飾都好高貴，最岩同朋友仔黎呢道，服務員服務一流，熱情既招待。個paste又非常之好味，係我既至愛。世界級值得一試。

旺角登打士街廣場樓上cafe永遠都係傾計聚會既常處，介紹返呢間連食物質素都好掂既cafe😍入到去俾個大吊燈吸引左，配上窗邊景色，好chill☕️德國鹹豬手配薯角$148豬皮有蜜蜂味，點上平時燒肉配開既黃色芥末醬，好滋味😋摩天輪🎡$138薯仔炸蝦卷，超級推薦！薯仔幼條綁係一齊，再加上蝦，鮮得黎又香脆！芝士蘑菇釀雞翼炸到雞翼尖好酥脆，雞中翼走骨啖啖肉👅日式吉列炸蠔內裡既蠔仲好軟身，無因為炸而流失水分～仲有咖哩角同薯角，認真豐富！卡邦尼意粉$108又係勁好食，煙肉碎鋪面更添層次，唔止火腿咁簡單，醬汁都整得好好，旺角既樓上cafe黎講，呢間超曬水準！抹茶奶昔唔會重粉味，加上忌廉飲落好順滑又唔會太甜👌🏻玫瑰果茶佢另上左糖水，我無加落茶度已經好飲，事關玫瑰果放左好多，味道夠曬出👍🏻

想靜靜地同朋友食下飯傾下計, 樓上cafe最適合不過~今日就去左間位於旺角鬧市中既樓上cafe喇!cafe裏面燈光昏暗, 頗有情調~有好多旅遊書, 鍾意旅遊既朋友實岩晒另外仲有好多遊戲供玩樂~同朋友一齊玩最開心不過丫食物方面有唔少選擇~有set dinner~~ 仲可以散叫添小食....超多飲品揀, 有成幾頁紙咁多!!!杯杯都好吸引, 哈哈草莓碎碎朱古力好好飲呀!! 勁like呢杯野飲!!首先朱古力味夠濃, 草莓汁又好鮮甜~裏面有oreo碎, 個面又有朱古力脆片~完全係多重享受, 口感豐富荔枝沙冰嘩, 好高喔!!!大大杯, 超抵飲~荔枝味清甜又fresh蜜糖雞翼有6隻, 外皮脆脆的, 雞肉幼嫩~不算太甜德國鹹豬手配薯角豬手好有份量, 大大隻切晒件外皮一d都唔乾, 肉質鬆軟又juicy~薯角外脆內軟冇乜油牛肝菌汁雞柳長通粉個汁濃度適中~調得好好味呀!! 食落一d都唔會覺得膩~配料有雜菌同雞柳, 都幾足料~長通粉唔會太硬或太軟呢間cafe既質素堅唔錯呢

今次帶好姊妹去旺角登打士街「Go Dutch Cafe 」共度午餐，餐廳環境優美，座位舒適，真係一個食野同傾計的好地方。午餐時段，我哋就叫咗一份白汁香草煙三文魚意粉，煙三文魚份量十足，而且意大利煮得硬度剛好，味道很不錯。另外點了餐廳最出名的德國鹹豬手配薯角，鹹豬手煙燻味重，不會太鹹，肉質腍鬆，不鞋口很易咬，炸薯角熱辣辣，新鮮炸出嚟，十分香口。睇到個Go Dutch 摩天輪超吸引，必點之選，食物方面有芝士磨菇釀雞翼，日式吉列炸蠔，泰式咖哩角，薯角及薯仔炸蝦角。每款都新鮮炸出嚟，幸好不是油泣泣，我最喜歡日式吉列炸蠔及薯仔炸蝦角，香酥味十足，不油不膩，愈食愈滋味。飲品方面，嘆番杯茶最緊要，餐廳都有多款健康茶款選擇，我就點了薰衣草花草，好姊妹就飲檸檬花茶，茶葉份量剛好，沖兩次味道依然不變，飲得好舒暢。

來到旺角飯聚，少不免要食樓上cafe呢，這次發掘了一間高質的cafe!我和朋友都是西餐迷，見到餐單上有許多burger挑選，已經感到十分期待，最後左思右想下，選了豬柳漢堡包（$78）。餐一上，我和朋友大吃一驚！沒想到竟然會如此豐富！豬柳肉質鮮美，而且多汁，包亦非常香口，食落非常開胃！個人十分看重餐中的薯條，這往往顯示了食物的質素的高低，薯條非常香脆，和坊間軟淋淋的薯條完全不一樣，而且吃得出，絕對是自製新造的。飲品上，選了「西班牙咖啡」，喜歡咖啡的我覺得非常好飲！而且口感獨特，有香濃咖啡香呀！整體而言，食物質素真的很不錯！環境又舒服，很適合朋友來飯聚呢！

同fd行街行到有啲累，是但係登打士廣場搵間cafe食下午茶，見到10樓呢間有位咪試下。我同我個fd各自叫左個餐，我就叫左個小食餐奶油醬多士加薯塊同三件炸雞加左杯榛子碎碎朱古力，杯野飲係無得加錢叫，要原價叫，小食加埋杯野飲要成140蚊，價錢略貴。我4:10分叫完個餐，杯野飲好快就送黎，但個小食呢等左差不多25分鐘都未送黎。我個fd好聲好氣問個女侍應「唔好意思，我地爭兩個餐未上。」點知個女侍應西口西面咁答「咁我催催吖！」然後不屑咁行走左，嘩，個表情嫌麻煩到呢，好似係我地錯咁！食物無問題，環境都無問題，但係個女侍應態度差到一個點，我地食過咁多樓上cafe，都係第一次遇到個態度咁差既侍應，我同我個fd都話肯定以後都唔會再黎😡😡😡😡