Gelato-go

營業中

休息中

這間來自美國的人氣連鎖甜品店早幾年開到香港，顧名思義就是主打意式雪糕，鄰近著尖沙咀站非常方便。 與傳統的美式雪糕比較，空氣含量遠遠較少，質感會較為紮實及綿密，脂肪含量並遠遠較低，相對更健康。 除了意式雪糕外，還有多款雪葩、三文治、甜品及飲品等供應，相當多元化。平常就吃得多Gelato，這次試一試蛋糕及牛角包。 Cheese Cake - $60 香濃幼滑的芝士慕絲塗滿了香甜的藍莓醬，有大大粒藍莓和桑葚，餅底是鬆軟的海綿蛋糕，莓香四溢。Kinder Bueno - $60 中間和底部都有鬆軟的海綿蛋糕，塗滿軟滑的芝士慕絲，表層香濃的朱古力醬有濃郁榛子香，還有少少香脆的榛子碎，有一塊繽紛樂。Ham & Cheese Croissant - $30一層疊一層的酥皮富牛油香，外酥內軟，夾著一片鹹香的火腿和淡淡奶香的芝士。

今次黎到呢間人氣雪糕店 — Gelato Go食雪糕😋😋佢地主打多款口味意大利雪糕🇮🇹，每日新鮮製造～另外仲有甜品、麵包、飲品等選擇，全部都好吸引！！得閒同朋友黎食個下午茶都唔錯❤️❤️🍨2-Scoop Gelato $75✨📍開心果➕士多啤梨開心果係佢地既人氣口味，想試好耐！！雪糕質地綿滑、入口即溶～仲食到好香既開心果味，好好食🤤🤤士多啤梨都唔錯🍓！味道酸酸甜甜，重果香👍🏻👍🏻📍芒果➕焙茶芒果味道濃郁🥭，不過偏甜～口感好fresh🌿🌿焙茶都有驚喜！啖啖充滿焙茶香☕️，甜度啱啱好～而且份量都好多，最啱同朋友share！！雪糕仲有好多口味可以揀，下次要試埋其他🤩🤩

♡‎ ♡‎‎ ♡‎ ♡ 尖沙咀 - Gelato Go ♡‎ ♡‎‎ ♡‎ ♡‎ 經常經過美麗華後面 都見到呢間Gelato 感覺好吸引呢～同埋只賣冰品嘅餐廳肯定有過人之處入到去好有美式雪糕店感覺有超多款雪糕揀 而且每款都好足料有張海報介紹咗Gelato 同普通雪糕嘅分別✅冇咁肥，因為只用奶，不用cream ✅不含人造色素✅較新鮮，不會儲存一個月今次要咗士多啤梨frutti杯上面係士多啤梨切片 加左cream 可以揀3隻雪糕口味揀咗士多啤梨、開心果、cannolo🍓士多啤梨超香濃🍓 係真士多啤梨味亦都有粒粒果肉係入面另一半最喜歡呢個🫒開心果味甜甜地 食落好有nuts 味🥛cannolo 就好似cookies and cream 味我最喜歡呢個我覺得三款食落都比一般雪糕更加軟滑而且味道亦都好真◆*．◆*．◆*．餐廳資訊◆*．◆*．◆*．📍 Gelato-go (尖沙咀)尖沙咀彌敦道176The Nate號地舖喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee尖沙咀🔎發掘同類美食：#ee甜品#hkfo

前幾日同朋友去咗尖沙咀食韓國野，食飽之後經過見到有Gelato食就試下😋 Gelato-go 係美國人氣連鎖甜品店，主打Gelato同雪葩，無添加人造色素、香料、任何防腐劑或乳化劑，用全天然成份製成。除咗Gelato，仲有多款意大利甜點、三文治、蛋批、咖啡等等，可以同朋友坐低食下雪糕甜品都唔錯。٩(˃̶͈̀௰˂̶͈́)و 🍨 2-Scoop Gelato $75Gelato口味超過20幾款，有開心果、咖啡、黑芝麻、朱古力、薄荷朱古力、Oreo, Coconut, Tiramisu等，可以揀杯裝或者筒裝同加toppings ٩(˃̶͈̀௰˂̶͈́)و 店員仲俾我試咗幾款口味，黑芝麻好濃郁幼滑，值得一試😋最後我就叫咗最多人食嘅開心果💚 估唔到杯裝有咁有大球，同我拳頭差唔多大🤣 食落充滿果仁味，開心果味突出，唔會太甜，Gelato 都好幼滑😋 另一款就叫咗Oreo味🍪Oreo都好香濃，甜度啱啱好，仲有原塊oreo喺入面(⁎⁍̴̛ᴗ⁍̴̛⁎)☕️Tiramisu $70呢度仲有其他蛋糕同輕食，有芝士蛋糕、檸檬撻、蛋批等等。我就揀咗tiramisu ☕️，味道幾香咖啡酒味，食落輕盈，口感層次都好豐富😋

意大利雪糕愛好者不能錯過🤤美國連鎖意式雪糕店Gelato-Go登陸香港一段預時間巳經人頭湧湧，皆因店舖的Gelato每日新鮮即製，可以食到不同特色口味及人氣開心果Gelato，主打各款新鮮Gelato，每日供應約20款，每星期會更換部分款式。招牌口味Gelato-Go以白朱古力配上覆盆子醬及開心果碎，酸酸甜甜；推介開心果口味，以西西里開心果作原材料，香濃幼滑。另外還有芒果、檸檬等雪葩及Oreo、Tiramisu、紅肉火龍果雪葩等口味選擇。除了Gelato外，店內亦有提供不同三文治、蛋糕、鹹點、茶及咖啡。

曲奇、意大利芝士餅雪糕 🍪🍦 (L) Oreo & tiramisu ice-cream $75左手邊嘅係曲奇同埋tiramisu 味Gelato，底下嘅曲奇味好似食緊凍版嘅Oreo ，味道偏甜，而tiramisu 味牛奶味比咖啡味重🥛，口感creamy ! 開心果、朱古力雪糕 🍫 (R) Pistachio & chocolate ice-cream $75右邊嘅係開心果同埋朱古力gelato，用咗黑朱古力嚟整食囉冇咁邪惡👍🏻，而開心果味係舖頭嘅best seller，食落去有開心果碎同埋充滿nuts 味，係一杯相對冇咁甜同比較健康嘅gelato 😋

唔開心的時候好多人都鍾意購物，你地又會點樣令自己開心番呢? 我就會食最愛的Gelato，食完就開心晒🥳經常都會去Gelato-go，佢係美國人氣過江龍意式雪糕店，於尖沙咀開設香港首間分店，主打各款 Gelato意大利雪糕及水果雪葩。每日意大利雪糕師新鮮即製，雪糕口味超過20多款，包括招牌開心果、香濃朱古力、焙茶、提拉米蘇、乳酪等。💕Gelato 脂肪含量相比雪糕較低，無加任何防腐劑和人造色素，食得健康好多架! 餐廳亦提供多款蛋糕、法式麵包和飲品。今日我就揀左一個All Day Special Set $85，包兩球雪糕，加 $7就可以要一杯飲品。🍦Gelato 意大利雪糕兩球意大利雪糕，揀左開心果味和芒果味，招牌開心果好香濃，裏面有一粒粒既開心果，芒果好清甜好清新。仲加左 $2要個Cone，雪糕入口幼滑，食得好開心!🍵Matcha Latte 抹茶拿鐵抹茶Latte，抹茶味香濃，口感醇厚🍰🍓🌹Strawberry Rose Cake 士多啤梨玫瑰蛋糕 $60見到蛋糕甘吸引，忍唔住食多個士多啤梨玫瑰蛋糕，賣相好靚! 玫瑰花係士多啤梨慕斯，中間仲有士多啤梨醬，餅底係朱古力，唔會太甜，好啱女

相信呢間 Gelato-go大家都唔陌生，每次佐敦去尖沙咀一定會經過嘅雪糕店😝一向鐘意食雪糕嘅我，好鐘意意式雪糕，貪佢配方忌廉較少、牛奶較多，而Gelato 脂肪含量比較低，唔怕愈食愈肥，所以我都成日去Gelato - go！一入到餐廳就已經比佢啲雪糕吸引住，味道夠多，今次就揀咗開心果味、曲奇味同Tiramisu~開心果真係唔係間間好食，但呢間算唔錯，第一口開心果味好濃，仲有啲好細開心果碎，口感幾濃厚~Tiramisu幾有驚喜，啡味重得嚟帶少許酒味，味道豐富😋曲奇奶味較濃，會有cookie碎係入面，軟滑帶香脆😋真係好滿足！！除咗雪糕呢間仲有咖啡、cake等！仲叫咗杯咖啡配雪糕，過一個甜甜嘅下午都唔錯😝Gelago - go🐻尖沙咀彌敦道176The Nate號地舖

同朋友去尖沙咀行完街 飲完茶好想坐低嘆杯野飲食下d甜野經過一間店有個超立體雪糕🍦喺門外面，原來喺Gelato-Go除左出名招牌Gelato，仲有多款意大利🇮🇹靚靚甜點、三文治、、千層酥、蛋糕、各款撻/批，咖啡，奶昔，真喺好多選擇勁吸引到我哋眼球😍呢度既Gelato必食，口感超香滑，味道剛好不會過甜雪糕🍦櫃有多種口味嘅Gelato，我哋款款都好想食，所以揀左 #三球 ，試下唔同口味芒果🥭味好清新，好鮮甜，好Fresh✨開心果味超大愛，充滿果仁味道，雪糕夠哂香滑，仲有棒子都超好味😋我仲叫左杯奶昔，原來用Gelato做店員仲好好，差唔多每款Gelato都比我試味，慢慢揀自己想杯奶昔要嘅口味✨🥰最後我選擇左椰子🥥味 ，真係好驚喜，唔會好甜，又好香椰子味，超級推薦✨

凍冰冰食雪糕係種反差萌。凍到經已分唔出係我有敏感牙齒，抑或寒底體質對凍嘢敏感。Gelato最抗拒唔到pistacchio，幼滑creamy嘅texture開心果濃度中中挺挺，不敗組合係配多球fruit-base 嘅口味，lemon🍋💁🏻‍♀️Lemon 口味酸中有甜，食落其實都係偏甜，不過酸度同時同開心果夾到之餘又唔突兀。個人認為最抵食係3球，不過一個人食就真係太full，想解膩可以跟set配指定嘅咖啡產品

朋友都知我最鍾意食雪糕，尤其係意大利雪糕gelato，以前去意大利旅行真係每日都要食，不過香港唔算多，近排愛上尖沙咀嘅gelato-go😍佢口味好多，有creamy啲嘅vanilla、oreo等，又有light 啲嘅芒果同焙茶等，好似每日都有啲唔同，我仲未試晒咁多款呀🤣我食過嘅口味嚟講，我就推介mascarpone wild berries、開心果同埋焙茶☺️真係好好味😋而朋友就每次都一定會叫薄荷朱古力，再配搭其他兩款，因為三球最抵食🤣成日食完晚飯經過都會忍唔住入去買雪糕，明知好邪惡，不過食完真係會開心好多☺️

25-10-2022 (Tue)同老公放假周圍逛,經過呢間,趁呢日天氣熱熱地,就入嚟食啦,入到嚟睇見佢係食雪糕外,重有蛋糕同牛角包,睇完一輪,老公揀$75.00有兩球嘅雪糕,揀咗薄荷朱古力同雲尼拿,我就見到有大有細嘅雪條,問店員幾錢,佢答嘅$45.00,細嘅我唔記得佢講幾錢喇,於是揀大嘅開心果味.我哋開動喇,開心果味雪糕雪條味道濃濃地,雪糕好滑,唔錯嘅.味道:3.5分薄荷朱古力雪糕嘅薄荷味唔好食,同平時食嘅唔同,唔單止冇冰涼感覺,重要似係苦苦地,唔通落唔夠糖?朱古力碎就正常嘅.而雲尼拿味好似唔多夠味只有甜,不過將佢同薄荷朱古力一齊食,就中和咗唔好食嘅薄荷味.口感就唔算好厚.兩款味道都係2分環境:上面話呢日熱熱地,入到去都覺得熱,到我哋開始食嘅時候,應該係啱啱返工嘅女店員開冷氣. 抵食係1.5分

座落於山林道街口顯眼位置，美國過江龍連鎖雪糕店🇺🇸「Gelato Go」主打多款意式雪糕及雪葩🍨夜晚喺尖沙咀食完飯，就要發動🐻食甜品嘅另一個胃，齊齊食雪糕😎.🌟Coffee With Gelato (2 Scoops)💰$80.🍨開心果Gelato必選味道💕開心果仁味夠濃郁，口感滑溜🥰.🍨乳酪酸酸甜甜好清新，好香奶味🥛.🍨Tiramisu淡淡酒香，再夾雜咖啡味☕️層次豐富😋.🍨Oreo食到粒粒Oreo餅碎🍪口感特別😚.☕️Americano味道較nutty，陣陣焙烘香，同雪糕配搭得非常好👍🏻.除咗雪糕，店鋪即提供多款精美蛋糕、包點、三文治、奶昔等，下次都想試埋其他😌

美國人氣連鎖甜品店Gelato-go於尖沙咀開設香港首間分店，主打各款 Gelato意大利雪糕及水果雪葩，每天由意大利雪糕師新鮮即製，雪糕口味超過20多款，包括招牌開心果、香濃朱古力、薄荷朱古力、Tiramisu、雲尼拿、芝士榛子朱古力醬、焙茶、提拉米蘇、乳酪等，可以選擇杯裝或筒裝，更可選配不同toppings配料，增添滋味。選了香濃朱古力、焙茶、招牌開心果及薄荷朱古力，細緻綿密的獨有口感，令人無法抗拒，百吃不厭。除了雪糕，還提供多款蛋糕、牛角包等，賣相精緻吸引，下次來要試一試。

Happy Friday 今晚食雪糕🍦Gelato-go，品牌來自意大利，採用最天然的方法製作意大利雪糕。無添加人造色素、香料、任何防腐劑或乳化劑，以百份百全天然成份製成。雪糕口味都幾多元化、色彩仲好鮮豔，除咗一般朱古力和水果口味，仲有 Kinder、Oreo等口味。呢度仲可以試食唔同嘅味道。我點左2球雪糕，分別係雲呢拿同開心果。暫時係我食過最重開心果味的開心果雪糕，每一啖都有陣果仁味，仲有一粒粒開心果碎。另外揀咗個雲呢拿味，質地好滑，好creamy ，好香雲呢拿味。除了主打的意大利雪糕，旁邊仲有一系列意大利特色蛋糕、甜品等。我今次點咗「藍莓芝士蛋糕」，芝士蛋糕軟滑帶少少咸，藍莓醬不太甜，整體都幾啱我口味。