Fun Fun 串串鍋 (已結業)

愛火鍋一族，近年成行成市的多是日式火鍋，見有這串串鍋，好有趣。食店地點較舊，舖不大，但環境舒適，比一般酒樓或火鍋店更企理。最意想不到這舊式商廈的洗手間居然非常乾淨。怕太刺滶，又想嚐辣。點了BB辣，唔BB  o架，辣得好有斤兩，惹味。一般食火鍋不會吃蟹柳，呢個長蟹柳賣相太吸引，食得好開心。串串好方便。熟咗就成串拎起咬，唔使撈撈撈，烚烚下失蹤，搵返又走樣唔食得。點的配料也不錯，本身喜歡芫茜，所以好Like串串芫茜牛，串串泡椒牛要小心，辣的After Taste幾勁。鴨紅是一片片的，方便夾方便食。飲品夠多樣，辣嗎? 盡情飲吧! 甜品是盒裝豆腐花，雪糕杯，一定不能錯過牛奶布丁雪條。美味又開心的一餐，We'll Be Back! 

我問佢地其中一個應該係廚房部既店員有冇鯪魚，非常冇禮貌咁答我：「唔知喎」我唔認為我唔可以咁樣問，其他員工態度都好好，本身食得幾開心，比依位員工咁樣答一答，瞬間不滿

旺角樓上舖，一開門見到勁多人係狹窄既走廊等位，好在個friend 夠醒目，一早係openrice book左枱先，仲用埋佢個優惠，$158 放題打邊爐。雖然Book左枱，但間舖爆晒場，都要再等半個鐘左右，入座安排有改善空間。$158 有得食麻辣火鍋，仲有野飲任飲，阿波羅雪糕同豆腐花任食，真係算係咁。個湯底唔好期望太多，就係有麻有辣，冇其他野。而野食種類都有唔少，食串串有既泡椒牛、內臟同丸類都好多得揀。最重要既係野飲，有甜啲既韓國檸茶，亦都有冇糖既台灣出品茶可供選擇。但環境就認真麻麻架啦，張枱唔太大，著住件褸，都差唔多背貼背，地下仲有啲痴笠笠，條走廊剩係夠一個人行，店員又拎湯，食客又要拎野食，好容易產生碰撞，同埋啲竹籤濕濕地咁，好似係重用。

🥢旺角抵食正宗麻辣串串放題🥢話說成日都想打邊爐的我，突然想食麻辣鍋，突然想起旺角之前有間任食串串的麻辣鍋辣得正宗，今次再之返兜食返，過下麻辣隱🥢午市$68晚市$138起/宵夜$98/位 加一服務費（2小時任食）🥢以呢個價錢來講真係抵到沒話說，雖然座位有點點迫夾，幸好冷氣都足夠。雪櫃內有多款串串，韓國汽水，支裝飲品，豆腐花，雪糕，熟食有咖哩魚蛋炆雞腳提供🥢招牌重慶麻辣鍋 (小麻辣）真係唔好睇少呢個鍋，小麻辣都已經很辣，唔食得辣建議食bb 辣，鍋底很重麻辣香氣，絕對夠曬重口味🥢麻辣牛肉開始食時很辣，食多幾串後變得習慣了，牛肉千萬不要煮太耐，會變老🥢泡椒牛肉泡椒的辣加上牛肉一齊食，幾香口，泡椒有少少青椒味🥢巨根蟹柳大大條蟹柳，必食🥢滷大腸煮到很入味，很軟熟很香，肥瘦適中🥢墨魚咀大大一粒的墨魚咀，需要小心睇住，如果煮太耐會變到好似擦紙膠，如果煮得好食很鮮爽🥢脆骨腩魚片魚雲魚腩魚片很爽脆，魚雲都新鮮🥢蜆無沙，感覺ok🥢鴨血加入麻辣湯到超級入味🥢安格斯肥牛🥢特級牛梅花🥢黑豚腩片正正常常，都很ok,放題肉來講算合格，但點

看到飲食網評介紹平靚正，於是結伴同行收工去試下風味串串。極品胡椒酸菜豬肚湯鍋率先要了個湯底，上得幾快，好快就滾起，香噴噴，味道ok😍驅寒一流。 試了湯底有驚喜，胡椒味濃厚，我們都先喝一碗再打邊爐。沙白無沙，大小size也有，有鮮甜。魚皮餃細件很快熟亦蠻鮮味，和辣辣的胡椒酸菜湯頭好夾，惹味。肥牛跟牛梅花都是要餐紙上點的，沒有漏單，會按人數而分配的，半肥瘦，肉鬆軟。蓮藕片大塊脆爽，海膽丸爆醬亦不錯，有蟹籽卜卜聲的。芝士腸沒有爆芝但很快熟，看上去是脆皮腸吧！芝士豆腐好突出有芝味，口感彈牙。蟹棒超大枝，吸湯一流。水魷厚身，豬腸夠肥，帶油香。墨魚咀不能滾太久，挺爽口，牛柏葉切得剛好，熟了也不會太靭。粟米切得細細件幾甜，雞脾菇索胡椒味很濃厚。自助飲品區亦有好幾款可選，我們邊吃也歎了幾罐下下火。黑糖薑母茶香濃可可最推介，外面少有，而且濃郁。粒粒橙有橙肉，蜜糖柚子清爽怡人。阿波羅雪糕有雲呢拿朱古力芒果可選，我比較喜歡食朱古力味，因為較濃香綿密。食後感：地方好有內地餐廳感覺，置身當地的體會。串住食物概念幾好，不會在鍋內找不到食物。

見到呢間串串鍋價錢超抵食就一於拉埋男朋友來試試飲品選擇好多有齊茶類、涼茶、汽水、仲有韓國飲品雪糕用上較少見的阿波羅 味道都有4-5款熟食有韭菜豬紅同咖哩魚蛋，充滿香港風味多達十款調味料任選共有兩個大冰櫃擺放串串丸類、蔬菜內臟最適合配麻辣鍋、全部內臟都清洗乾淨👍🏼餐廳還提供不少麵類每串一口size食落很方便，又不用在鍋裡撈來撈去左邊：胡椒豬肚湯右邊：中辣麻辣鍋兩個湯底真材實料中辣都好正宗四川麻辣味食物熟透就可以直接拿起串串，超方便大力推薦：芫茜牛肉估唔到兩者咁夾，芫茜好新鮮，很爽脆

用左$138 Coupon去食串串鍋，好似幾新奇特別，某牛款很多肥肉，"牛帕葉"、大腸等等都有味，不太吃得很多，買單的時候才發現，原來我食過呢間既魚鍋，印象中是滿不錯的。結帳時，$138 Coupon 條款內容只是說要收服務費，並沒有說要收$138 Coupon $84？這是附加費嗎？當時也沒有問清楚，感覺好似比人欺騙左禁 真的一次就夠了 😅

睇左youtuber介紹嚟食， $68加一後每人$75， 食兩個鐘，都幾多人食, 1點半上去係full, 每人有兩片牛或豬，麻辣湯底要BB辣都幾辣，唔食得辣食普通湯底好d, 出面小食有燒賣同餃子， 雪櫃有串串野，菜同丸，質素一般啦， 係雞翼同大腸質素唔錯，野食都會定時refill都有野攞嚟食，飲品都多選擇， 不過啤酒要加$28先任飲， 甜品得啫喱，冇雪糕，人手得兩三個， $75尚算ok

好抵食嘅串串鍋🤤$158晚市任食兩小時今次已經係第4次黎食了叫咗招牌重慶麻辣鍋同花膠木瓜蟲草花雞湯鍋佢個麻辣鍋係好香又夠麻辣😎我最鍾諗食泡尖牛同埋芫荽牛🤤超好吃👍🏻必點而安格斯牛都唔錯另外放雞翼落去麻辣鍋, 放耐小小勁入味, 雞翼亦唔會鞋口鴨血加麻辣鍋都好好吃但最可惜係每次點鵝腸都係無黎🤷🏻‍♀️整體都係好抵食同好好味

想打邊爐但見呢間串串午市$68任食免加一好似幾抵食，就決定試下入到去食客唔多，同食物種類成正比，大部分都係丸類同內臟串串，雞翼一個鐘都加唔到一次，一輪得廿隻。如圖所見湯料唔多，湯水無咩味，但都好過味精湯既。入座每人有一碟雞/牛/豬，所揀選既牛肉偏肥，無乜肉味，似係雪藏野。牛筋由頭煲到落尾都仲係好韌，唔食內臟只好主攻菜類。娃娃菜同韮菜味道幾鮮甜，加分丸類都算多，但都係坊間常見果啲，不過不失。如果可以安於食丸食菜食飽既，$68呢個價位係抵食既，但作為食肉獸寧願double價錢去shabushabu瘋狂食肉算。

串串鍋，叫了芫茜皮蛋湯，感覺清熱，不怕熱氣，而且$68食兩小時，很抵食店員上了一大鍋，非常充料，滿滿的芫茜，加上皮蛋，如果你是芫茜控，一定很喜歡。我們叫了不少的串串，串串是急凍的，特別的有牛筋同不同的生腸，老公吃得很過癮。主要有腸仔及不同類型的丸類亦不少得，飽肚的，還有烏冬，出前一丁公仔面。基本上每人都有一碟送的牛羊豬，我們吃牛為主，肉質薄但都唔錯。。飲品任飲，簡單一餐又可以食多少少，不過不失。。

先前見有YouTuber介紹哩間餐廳 開頭都唔信 係咪真係68蚊免加一食2個鐘呀 今日突然唔知食咩又係旺角就試試佢👫湯底揀左 麻辣中辣 估唔到佢個麻辣又幾出色好夠花椒 所以好夠麻 🌶🌶🌶不過要留意佢個中辣好似大辣咁 食到中途頂唔順要撈起辣椒 下次我會叫小辣食得舒服d 唔洗係咁飲嘢 😅每人有份海鮮 同一碟肉 豬牛羊 揀一 我地都係揀牛肉🐄•出面有好多打邊爐應有既丸類 🍲肉類都有唔小選擇: 雞翼, 雞腎,牛筋,墨魚咀,豬腸,牛肚,牛柏葉 etc....第一次打邊爐食墨魚咀又幾得意喎爽口彈牙👍🏻👍🏻👍🏻🍨🍧🍦甜品方面有: 雪糕, 啫喱, 豆腐花都係任食 以呢個價錢來講真係好抵食•環境就一般啦 唔可以話好乾淨佢冇紙巾提供要嘅就$3一包

難得同朋友咁耐冇見，緊係揾個抵食又㩒坐嘅地方啦！十二點後入座只需$98+1，十分抵食！飲品選擇都幾多，有啤酒又有韓國飲品，仲有清熱鴻褔堂。有調味料區自製醬料串燒都係放係雪櫃比大家自行出去拎，選擇唔算少㗎，而肉類則要落紙仔order。我哋點嘅bb麻辣鍋煲耐左都幾辣下。同樣都係有竹籤桶。最尾每人埋單都係120蚊左右，不過就坐左超過2個幾鐘。任飲任食而且仲有甜品提供，加上地點在旺角中心點，實在係深宵打等嘅好地方～

街上見到傳單，寫住午市任食麻辣串串鍋都係$68位，半信半疑底下就同幾個朋友上左去樓上舖試下。我地加錢要左兩款湯底，紅色喺麻辣湯底，本身自己唔太食得辣所以就無試，不過同行鍾意食辣嘅朋友就話湯底嘅辣度同麻度都好足。旁邊白色嘅喺胡椒豬肚湯，味道相對清啲，略嫌胡椒味唔夠重。每人首先會有一份牛肉送，之後想再要就要加錢叫啦。放題主要有兩大個自助食物吧比大家揀野食，材料多數都係丸類、腸仔等雪藏食物，蔬菜嘅選擇都算多，另一邊廂仲有牛柏葉同墨魚嘴等。以$68任食嚟講，材料算係對得住個價錢。墨魚嘴大粒爽口，朋友們一致推薦。留意返呢到除左串串之外，阿波羅雪糕都可以任食，仲有幾款口味比大家選擇添。食到口乾可以去飲品櫃拎野飲，估唔到會有忌廉打、蘆薈等韓式飲品，飲多幾罐都已經番本。本身諗住$68咁平應該要加一，但埋單發現無加一收費，位位實收$68，非常之抵食。不過餐廳嘅衛生情況有待改善，部分地板黐立立，碗碟有污漬，希望下次會有改善。

之前係睇YOUTUBE 有人介紹~所以就去試食下~今日去食LUNCH 加左價68+10% ！ 本身諗住有花膠冬菇 就算加左價都想試下！ 點知一去到得燒賣T^T SAD !! 再問員工先知唔係日日有， d野食種類都係丸比較多！ 我個人覺得墨魚嘴ok!!! 但其他mama地 都係一般既野食！ 豬肚湯入面既酸菜好硬 ,完全咬唔到，豬肚就勁多沙，咬兩啖要即時吐返出黎！ 如果HKD68仲要加一都差唔多80蚊，我覺得係旺角可以大把選擇。