Foodhall by Moon Thai

營業中

休息中

阿女終於放暑假啦一於同佢周圍食好野🍽️我地一家平時好鍾意食泰國野🇹🇭今次揀左呢間位於牛頭角泰國fusion菜嘅餐廳‼️入到去環境勁寬躺勁大👏🏻食物質素都唔錯👍🏻價錢都幾親民🫶🏻我地一家四口叫左好多野食 小食 粉麵 甜品樣樣都有☑️最後飽到捧住個肚走🐷香茅豬頸肉 必點阿女最愛嘅豬頸肉🐽淡淡嘅香茅味，外皮燒得焦香🔥沾埋個泰式酸辣汁開胃好食‼️🍢沙嗲雞肉串燒燒得好香口♨️沾埋個沙嗲醬夠哂惹味👅🍜牛肉船麵牛肉口感好軟熟🥩配埋脆卜卜嘅炸豬皮🐷好鍾意個湯底🍲濃味得黎唔會好鹹👍🏻十分推介❤️🍤蝦炒金邊粉份量好大碟👍🏻金邊粉炒得乾身又夠鑊氣🔥而且炒到條條分明👍🏻調味亦都岩岩好 唔會太甜🍌香蕉朱古力煎餅 煎餅又薄又煙韌 佈滿香蕉🍌同朱古力醬🍫邪惡得黎又好夾👅🥭芒果糯米飯芒果好清甜🥭糯米飯倒上勁多椰奶🤍又香又甜甜地太好食💯成家秒速清碟☑️

好掛住泰國 🇹🇭 於是黎食泰菜下午茶Order 朱古力香蕉班戟, 羊肉串 ，豬肉串燒，牛肉漢堡✅羊肉串 豬肉串，真係好juicy , 廚師拿捏得好好 😍 串燒一向都講功力,✅牛肉漢堡🍔配菜非常正，牛肉多汁，個薯仔🥔都好好食✅朱古力pancake : 甜度剛剛好, 熱辣辣上台, 選用嘅香蕉都係比較新鮮 , 好食到想再叫多次, 可惜太飽 🈵Order 咗幾樣野，就$300頭，都好底食 😍位於觀塘宏利大廈一樓 呢間泰國菜真係好好食 📣📣📣 回頭率 100% ，真係好好食 🤤加上個環境好舒服 🈵入到去個環境好大，每個位置之間距離好闊 😍我覺得好似去咗泰國嘅市集咁，喺香港都係第一次見 😱 👨🏻‍🍳全新開幕👩🏻‍🍳🍴連續五年獲得《米芝蓮港澳版》推介泰菜*載譽回歸!🍴皇室御廚級泰菜X Fusion創意料理🍴香港首個泰式美食市集

平時都好鍾意食泰國菜，我都周圍去不同地區食，今次就去左牛頭角。首先，難怪呢度叫foodmall，因爲地方真係超大，成個food mall甘不過就同一間餐廳。星期日下就2點都幾多客喔，我叫左以下食物，全部都超好味！so far係我食過最高性價比的泰國菜!🥗柚子沙律柚子好鮮甜，不會苦，加上酸甜的醬汁，非常健康，我自己食曬成碗。🐖燒香茅豬頸肉超讚👍份量多，每塊都薄切去燒，所以好香口。而且我好鍾意個醬，酸酸甜甜的調味怡到好處，食得出厨師有花心機。🦐蝦炒金邊粉呢碟金邊粉好好好大份，2個人都食唔曬。而且大蝦好鮮甜爽口，我外賣比姐姐食，都話好有鑊氣♥⭐斑斕椰汁千層糕每層都好分明，有斑斕香味好，軟糯剛好。甜度適中🤤🥤凍泰式奶茶我覺得比我係泰國飲的好飲，有少少香料味好滑。總體來講，價錢抵而味道優。回頭率超級高♥希望keep到水準♥

今日黎介紹一間泰國餐廳用比較親民嘅價錢，就可以吃到高質的泰國餐，各位必食呀！青咖喱雞Chicken Green Curry椰汁味較輕，咖哩唔會太辣，但咖哩與椰汁混合了雞肉提升了整體口感與香滑度！蟹肉炒飯 $148Crab Meat Fried Rice 炒飯一上菜時很香，而且炒飯粒粒分明，香而不油膩！再配上蟹肉，口感立即升華了幾倍！仲有份量軟大，足夠2個人食！煎薄餅 $25Roti叫得青咖喱，煎薄餅是必點的，薄餅勁薄，而且煎得來又脆卜卜，外脆內軟！　烤香茅豬頸肉$ 48Grilled Pork Neck豬頸肉好淋，而且邊邊位有焦香的味道。再配上特製的醬汁辣而酸，日本啤酒 $38HH- Kirin以$38加錢飲啤酒，抵到爆！泰式魚餅 $52Thai Fish Cakes魚餅跟外面泰國餐是不一樣的，比較重魚肉味！冬陰功$48@1客Tom Yum Soup小小的一碗，不會太多或者太小，而且很足料，味道香濃！📍地址：Foodhall by Moon Thai (觀塘)觀塘觀塘道348號宏利廣場1樓101號舖

上星期六同朋友去咗宏利廣場嘅Foodhall by Moonthai，之前係港島返工就已經聽講過呢間曾獲米芝蓮嘅泰式fusion菜，直到依家搬咗去九龍先揾到機會試🥰泰式奶茶🍹原本以為會好甜，但係可能微調過適應香港嘅口味，甜度唔會太過，奶茶香滑，飲完口入面仲留有茶嘅甘香食完辣再飲會甜啲，有咗對比泰式全日早餐泰式粥綿滑，加咗雞肉豬肉碎🥩包好脆，搽埋牛油果醬好夾🥑煙肉相對平時食嗰啲冇咁鹹，稍微健康啲🙈太陽蛋煎得好靚🍳牛肉漢堡·紅咖喱蛋黃醬🍔第一次見咖喱漢堡好特别，咖喱好香，一拎起個包就聞到🥵叫咗超少辣，食咗半個都係有啲辣，但係好過癮，如果唔食得辣嘅記得要叫少少少少辣😂牛肉應該係同辣椒香葉一齊打，咬開仲可以見到碎😂焗薯唔會太乾，皮好易剝，酸忌廉幾好，覺得仲好食過連鎖店嘅🙈

食物有：1. 蝦炒金邊粉 $128鑊氣一流，金邊粉乾身，但較偏甜（我就覺得淡咗少少🤏）3🌟2. 泰式豬肉漢堡配青咖哩蛋黃醬 $88佢配咗青咖哩蛋黃醬，口味獨特，但係漢堡煎得較為乾身老左，導致肉汁較少，但係經過蕃茄同埋其他配菜夾埋都可以一試（我覺得可以試下牛）3🌟3. 烤香茅豬頸肉 $48值得推介，煎得香口，肉汁保留（面脆內嫩好彈牙），尤其是個獨家醬汁，簡直令到豬頸肉嘅層次再提升一層（酸酸甜甜有洋蔥同唔同香料 勁好食😋）4🌟4. 馬拉盞炒通菜 $88不過不失，有鑊氣（淡咗少少）3🌟總價$352個人提醒，因金邊粉同菜份量都大，二個人食都得，所以如果只係二個食，可以先叫其中一款，再後補會適合

一間由泰皇御廚坐陣結合左泰式傳統風味同fusion菜式既米芝連泰國餐廳開左係牛頭角寫字樓底層🤗餐廳連續5年榮獲米芝連推介餐廳，味道同質素絕對有保證，餐廳係早午晚時段都可以為附近打工仔提供全新泰菜體驗，朝早可以買外賣番公司食～餐廳面積大約有5500尺運用新型北歐Cafe簡約設計，配以暖大地色令人有種舒服、溫暖既感覺，裝修有啲似美食廣場既感覺☺️最特別係佢用開放式廚房可以見到大廚煮野食，重點係唔會覺得大油煙同埋有油煙味，抽風系統做得好好👍🏻—————————————————————————————♦️牛肉漢堡·紅咖哩蛋黃醬🍔($98)：呢款係餐廳既招牌fusion菜將漢堡同泰國菜合二為一，漢堡係由泰國菜餡料製成，食落覺得味道有啲似食緊香菜肉碎，而且完全冇牛臊味好腍身冇筋仲好惹味，漢堡配以大量椰菜絲有助解膩～個包似係平時用黎整蒜蓉包果款包，配埋微辣既紅咖哩蛋黃醬更開胃😋另外新鮮焗薯上面配埋酸酸地既醬汁，食落又幾夾幾好味👍🏻🫣🙈☺️♦️沙嗲雞肉串燒🍗($48)：串燒可以話係泰國菜必叫，而呢個價錢有4串我覺得都幾抵食，雞肉唔會燒到乾噌噌，仍然可以保持到肉質嫩口juicy，配埋秘製沙嗲醬令到味道更上一層樓

Foodhall by moon Thai 🍳 🥑 流心蛋牛油果煎餅 $108🫓 Roti with Poached Egg & avocado 牛油果份量豐富，煎餅有微辣沙律醬調味，口道有層次，可惜流心蛋過熟。🥩慢煮美國封門柳配新薯 $228🥔 Slow-Cooked U.S Hanger Steak with New Potatoes 封門柳軟嫩多汁，牛味重。另外配菜薯蓉口感順滑，加入冬陰功香料調味非常特別。

呢排天氣咁炎熱，當然要搵返間坐得舒服嘅餐廳食個lunch先。今日就試左佔地大約5000尺嘅泰國餐廳 ✨Foodhall by Moon Thai✨唔講唔知原來佢哋連續五年獲得米芝蓮港澳版推介，主打清一色泰廚團隊，餐廳堅持只用曾仼泰皇御廚的泰廚團隊做菜，為食客帶來正宗皇室泰國風味及提供最地道的泰菜。2023 年 12 月，餐廳正式轉型由傳統泰國菜餐廳變為 Foodhall，環境極具新型北歐 Café 的現代簡約格調，沿用泰皇御廚主理結合無國界的創意料理 (Fusion)概念設計菜式，務求為顧客帶來前所未有的泰國菜。🦐蝦炒金邊粉✨即叫即炒，所以需要等一段時間，蝦夠大隻好彈牙，加上酸酸地嘅醬汁，勁有泰國風味，好似去咗泰國一樣。✨香辣肉碎煎蛋飯🍚肉碎份量多，唔會太過油，辣度啱啱好，配埋隻流心嘅煎蛋一流。🫗泰式髒髒奶茶✨呢個係泰式版Dirty，第一次飲，賣相靚之餘，味道都唔錯，飲落好滑。而且Foodhall 分開咗唔同嘅美食區，全部Open Kitchen，裝修以橙色為主，燈光鮮明。泰多正嘢食唔晒，下次要再嚟試埋佢地嘅船河同甜品先得，到時再分享俾大家。

今次揀左位於牛頭角新開半年既fusion 泰國餐廳-foodhall by Moonthai -我比呢個北歐 Cafe 的簡約格調吸引住😍地方十分寬敞而且舒適。啱晒一家大細 情侶 閨蜜👬價錢仲要好親民😋😋😋😋性價比極高😎😎😎😎😎·沙嗲豬肉串燒$48豬肉好淋 沒有柴口感 好Juicy 🤤有4串大大串•沙嗲雞肉串燒$48雞肉燒得好香，重點沙嗲汁 花生味好重👍•烤香茅豬頸肉＄48豬頸肉好好味， 燒得剛剛好 加埋醬汁食唔停口😈·牛肉船湯金邊粉＄88好掛住泰國船麵，份量好大碗 ，湯底好濃郁 ，牛肉好嫩🥰·蟹肉炒飯 $118蟹肉份量多，清清地啱晒小朋友👍·冬陰功 $48辣度恰到好處 啱晒食唔到太辣既我 正宗👍🥣

環境開揚，座位闊落舒服，空間感十足，特別適合一家大小，就算帶埋小朋友都唔使驚會整到隔離枱🔸️泰式滷水豬手豬手軟腍入味，啖啖肉又唔會太鹹，配有4邊滷蛋同埋酸菜，味道唔錯，酸菜亦都可以減輕油膩感，🔸️紅咖哩雞 另配煎薄餅全部都係雞脾肉，咖哩味香濃又唔會太辣，入面仲有泰國茄子，我另外再配埋酥脆煎薄餅，沾滿咖哩汁食，係我最鍾意的組合🔸️泰式魚餅送到上枱都仲係好熱，香料味道豐富，口感層次十足，配搭泰式甜辣醬更加開胃，不過如果唔鍾意檸檬葉味就未必啱食

先介紹眼前呢杯，叫Dirty泰式奶茶。今晚去咗牛頭角，喺地鐵站附近嘅”Foodhall by Moon Thai”。一打開Menu就知要叫呢杯嘢飲。飲開咖啡都知，飲Dirty嘅原理係一啖飲晒兩層嘅結構，所以唔應該撈咗先飲。呢杯泰式奶茶沖嘅Dirty，分層效果做得好好，飲到底都仲可以見到兩層，而兩層味道嘅分別都好明顯，甚至有”甜-淡-甜”嘅效果，味道相當唔錯。跟住講返嘢食。呢度嘅燒烤出品相當唔錯，烤香茅豬頸肉，外脆內軟有炭香味。燒羊肉串，好特別，唔會羶，不過羊味爭少少。跟住我哋叫咗”瑪莎曼咖喱牛肉”，其實就係黃咖喱。一啲都唔辣，點酥餅食好舒服，咖喱味好香，果然係咖喱之王！最後叫咗芒果糯米飯，食落味道豐富。又凍又甜嘅芒果，同熱嘅糯米飯一齊擺入口，感覺好似返咗泰國咁！最後要講講環境，呢度有落地玻璃，空間感非常充足，一路食一路聽到廚房嘅炒鑊氣聲，幾好feel。

這裏跟牛頭角地鐵站也不算遠，都容易找得到，地方很大很寬敞， 枱與枱之間的距離也足夠 ，服務員態度都親切有禮，也會主動上前斟水和更換餐具。食物上菜速度正常，味道也很不錯。串燒肉質嫩口。咖哩汁沾薄餅惹味。炒河粉好夠鑊氣。 甜品的賣相和味道也很不錯。 柚子沙律中和了其他菜式的油膩感，夠清新。和牛河粉湯底好得，肉質上乘（忘了拍照）， 總括來說， 這是一間非常適合與親友相聚 的泰式餐廳。 比起九龍城那些小小的， 坐得舒服得多。用餐完還可以到附近的觀塘海濱長廊 看看風景。正。

星期六帶小朋友去玩前 係觀塘搵地方食lunch 突然好掛住泰國d船麵🍜勁想食最後竟然俾爸爸搵到間有船麵食既fushion餐廳 😍可以滿足我個日想食船麵既心願 太好啦! 一去到環境好闊落 開放式廚房設計 乾淨衛生 一目了然 坐得又舒服 我地order既幾樣野都好好食 其中一樣當然有叫我好想食既船麵啦🤭招牌和牛船麵 🐮🍜個湯底好香濃 層次豐富唔油膩 非常類近泰國地道船麵既味道 和牛嫩滑多汁 份量亦唔少 推介！必試！紅咖哩雞配薄餅 🥘咖哩充滿椰香 汁夠濃 用黎點薄餅食好掛汁好惹味 野飲當然唔少得爸爸每日都要飲既LONG BLACK☕️ 最後小朋友話要食埋個甜品 本身揀左芒果糯米飯 最後聽到有🍌🍫香蕉朱古力煎餅即刻改變主意 呢個朱古力煎餅有驚喜喎 配埋香蕉竟然無想像中咁甜 餅脆好味 為呢餐lunch畫上完美既句號不愧為連續5年米芝連推介既泰菜 呢間真係可以再encore!

食物方面：-金邊粉：好夠味😋😋😋同埋份量好足，一碟兩個人食其實夠飽😆-青咖喱牛肉薄餅：咖喱汁辣辣地，好好味😋淋落薄餅度撈埋牛肉一齊食，一流😋😋😋-豬頸肉：做到外脆外香，入面好林，夠醬汁都好得😋👍🏼-朱古力煎餅：呢個甜品入面係香蕉，外面醬汁係朱古力加煉奶，配合黎食，都幾好味😆-泰奶：好香茶味，唔會太甜👍🏼服務方面：好有禮貌，讚👍🏼環境方面：好光鮮，有自然光，影相靚，舒服性價比方面：中等價錢，有咁既食物同服務質素，值得！備註：地點偏牛頭角，非觀塘如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆