Flames (鴻圖道)

營業中

休息中

FLAMES-Weekday Lunch Menu 鮮蝦香草蕃茄忌廉汁扁意粉 ($128連餐飲)喺觀塘返工都知呢間係長龍店 日日都要排隊 我同同事之前排過三四次都係放棄 今次的起心肝早啲落去星期五11.55就落左去walk in 終於都有位 餐廳內部裝修都幾靚 係木質輕奢風格 上碟嘅時候好吸引 個醬望落好似好濃稠咁 醬嘅濃稠度啱啱好 可以比意粉掛曬啲汁 蟹肉嘅份量還好 都叫淡淡都食到啲蟹肉 但食落味道偏淡 本身expect個意粉汁會有啲海鮮嘅鮮味 但係只係普通嘅蕃茄忌廉汁 不過整體份量都算足 不過食食吓有兩三粒蟹殼碎 識嘅時候要小心啲友人加$10要咗個蘑菇湯 好濃蘑菇味 入口係足料嘅感覺 好好飲!! 如果下次再嚟一定會嗌

今個星期日我哋去咗觀塘嘅Flames食Brunch，真係好正呀！🔥🍳 餐廳裝潢好有特色，時尚有氣派，氣氛好好。工作人員都好友善，好快就有人招呼我哋。👌 叫brunch menu小朋友可以免費食Kids Menu! 帶埋小朋友去真係啱曬👍🏻 超抵🍽️不過，最重要嘅梗係食物啦！我哋叫咗三款嘢，全部都好好食！鮮蝦香草醬薄餅係最出色嘅。🍕薄餅底脆身，鮮蝦仲係咁多汁多味。黑松露卡邦尼扁意粉亦都好好食，味道唔太濃郁，黑松露味啱啱好。🍝至於蟹肉巴馬臣芝士蕃茄忌廉汁通粉，醬汁濃郁味美，令我哋好滿足。🦀🧀總括而言，Flames係觀塘一間好正嘅餐廳，食物好好味，氣氛又舒適，好啱同朋友或家人黎嘆。👍👍

經過見到間好有格調既西餐廳，即刻拉朋友入去試吓。餐廳環境簡潔明亮，而且座位舒適。8安士紐西蘭肉眼扒配蔬菜$178黎到西餐廳，當然要試下佢哋既肉眼扒，七成熟既肉眼扒依然肉嫩多汁👍🏽肉質幾腍，亦唔會靭。蔬菜有西蘭花，白蘭花同薯仔。葡式燒雞扒漢堡配薯條$128 漢堡包入邊有兩大嚿雞扒，啖啖肉🤩味道方面會有少少辣，另外仲有酸瓜，蕃茄同生菜。可以平衡返油膩感。另外薯條分量十足，而且即叫即炸，10分香脆。橙汁+菠蘿汁橙汁同菠蘿汁配合一齊十分搭😚酸酸甜甜好開胃。Ice mocha 咖啡濃郁，而且香滑。Chocolate Mousse $35惠顧Brunch meau就可以加$35加配是日蛋糕🍰 chocolate mousse 有濃厚嘅朱古力味，口感Creamy 😋餐廳氣氛輕鬆，裝潢以淺木配白灰色為主，令到人十分放鬆。週末係呢度叫Brunch set 可以 free kid meal 😳而且仲可以免費泊車🚘岩哂一家大細過黎呢度chill 下🌴

#手工薄餅控佳音最近沉迷Flames嘅薄餅 幾乎每個禮拜都食😙😜 剛剛嘅weekend 打卡鴻圖道呢間地舖 週末假期去食嘢 滿$350有免費泊車🚘 相當方便-🍕Nduja $168薄餅有水準 餅底柔韌chewy 價錢合理 幾乎每台必叫 之前食Aloha/Black Truffle Mushroom/Seafood都鍾意 今次叫一個spicy version🌶️ 切片莎樂美腸好多 腸邊焦脆 少辣脆口 同淡味mozzarella cheese超搭-🍝慢煮雞胸肉青醬扁意粉 $128喺街食青醬意粉 底部通常油膩 呢度嘅醬汁冇咁濃稠 唔會太greasy 可惜雞胸肉太柴口 食唔到慢煮嗰種軟嫩肉地-🍹Flames Lemonade $68味道似雜果賓治 有新鮮雜果切粒-📍Flames觀塘鴻圖道51號保華企業中心地下1號舖

下雨天最岩就係訓晏D，再出去食返個靚brunch。今次去左觀塘工廈區的flames, 環境十分舒服，仲要有free parking, 揸車過黎都好方便。同埋叫brunch set 仲會free kid meal, weekend帶埋小朋友黎食野enjoy下family day, 真係好抵!8安士紐西蘭肉眼扒配薯條  ($178)  (加$58配1隻虎蝦）5成熟的肉眼扒好嫩好多汁, 肉質幾腍唔會韌, 配埋餐廳提供的醬汁好夾好味! . 虎蝦好大隻又厚肉,好新鮮!葡式燒雞扒漢堡配薯條 ($128)漢堡包皮係有烤過! 雞扒有2塊,超厚! 葡式燒雞扒好juicy有少少辣, 好惹味!  個包仲有酸瓜番茄生菜, 十分豐富足料!薯條係我中意的粗薯, 份量好多, 表面曬左d咸咸地的調味粉, 十分惹味!橙汁 (跟set+$18)Hazelnut latte  (跟set+$18)榛子Latte  十分香濃, 食個brunch飲杯latte提提神!

今晚約咗男友係觀塘食晚飯佢帶咗我嚟呢間澳洲菜的餐廳門面已經好靚～內裡裝潢以淺木配白灰色為主有格調之餘仲好舒服～而且燈光微暗好有氣氛睇吓餐牌先，男友對好幾款菜式都有興趣一於散叫就可以試多少少～當然佢都唔會錯過每一間餐廳的酒😂試下呢度cocktail 先～香辣炸雞嚟到份量都唔少，雞件炸得外脆內嫩又多汁食落香酥細膩帶微辣，好滋味意式辣肉腸薄餅拎起薄餅時有長長的拉絲，好正餅底軟糯食落綿密柔韌，芝士味又夠濃厚配辣肉腸嘅香辣，真係非常美味～蟹肉巴馬臣芝士蕃茄忌廉汁通粉睇賣相已經好芝～食落芝味濃郁而又啖啖鮮美的蟹肉，通粉又掛汁每一口都回味無窮👍🏻Flames Lagoon海洋的淺藍色配青檸造型好吸睛飲落係淡淡的荔枝口味，而酒味不算太濃比較啱我飲～Wiki Waki Woo熱帶風情的橙色配上一串水果，賣相好啱打咭飲落水果味道清新，而酒味相對較濃烈呢杯啱男友飲～整體食物味道不錯，環境又夠浪漫有氣氛格局都好似澳洲嘅餐廳咁～值得下次再來享受一番😊而餐廳亦包免費泊車，方便好多～

環境：高級灰配黃燈冇得輸，有一個開放式廚房，放滿一支支令酒，成間店好有格局！❤️ ❤️香草蕃茄辣肉腸醬燴羊膝配烤蔬菜~$278肉質軟熟，醬汁香濃。成條上，食完都忍不住要吸下啲骨髓，精華所在！佢連d配菜都好掂，仲好中意佢grill的西蘭花，小燶好香！❤️❤️❤️PEACH DIRTY LEMONADE~$78佢係vodka + smashed peach + sprite 好清新！❤️❤️❤️WIKI WAKI WOO~$78佢其實係long island+ Campari juice 所以酒精濃度都幾夠，真cocktail ！❤️❤️❤️是日甜品 Italian puffs佢個皮好鬆化，內面的fillings 係lemon fillings , 酸酸地做飯後甜品真係最佳之選！

💡高質有情調西餐廳FLAMES 已經喺香港共有4間店，而家係觀塘鴻圖道開左另一個新，座位夠闊落，坐得舒服，環境亦好chill，岩曬假日黎食番個brunch。🍽前菜--雞肉沙律及蘑菇湯沙律菜好新鮮，有菠蘿、蕃茄、青瓜、栗米等等，再加埋兩大塊雞胸肉，好開胃蘑菇湯幼滑香濃蘑菇味，好creamy。🍽夏威夷薄餅夏日風情，用料好豐富，包括有菠蘿、火腿、俄勒岡葉、聖馬札諾蕃茄同埋馬蘇里拉芝士，味道好夾。菠蘿好甜，火腿雖然經過烤焗，但仍然保持濕潤！而且Pizza比較薄身🍕，薄餅邊烤焗到有點焦脆香口。🍽半隻葡式香辣燒春雞🍗配薯條呢個係餐廳其中一款招牌菜式，半隻份量都幾多，雞皮好香脆，而且雞件肉都幾嫩，夠juicy。另外薯條炸到好香脆，食個陣可以埋茄汁同特調香辣醬汁，好惹味！🍽Chocolate Mousse Cake🍰而家只要加$35 就有大件Homemade cake，好香濃朱古力味🍫而且上面仲有點曲奇碎🍪，口感好豐富。🍽Mocha 幼滑香濃ps/呢間有個優惠，如果食brunch set會free 一份kid meal，好抵食丫

觀塘除左出名塞車外😝其實都出名好多好西食 今次就黎FLAMES試下佢地既西餐 種類都幾多 有All day breakfast🍳 Pizza🍕Main 店內用餐仲有免費泊車🅿️ 咁就吾怕吾方便啦🦀蟹肉巴馬臣芝士蕃茄忌廉汁通粉 $138呢個真系禾稈冚珍珠 表面睇好似冇咩蟹肉 但原來比啲汁遮左 每啖都食到好多蟹肉☺️面頭好多巴馬臣芝士粉 加上啲cream source入曬長通粉入面 味道濃郁 👏🏼 而且又有蕃茄粒 中和返 冇咁膩🥓Flames Breakfast $158有炒菇 煙肉 煎蕃茄 香腸 炒蛋 炒菇睇落好似冇咩味 但食落都幾濃牛油味香腸好juicy 一咬有啲肉汁滴出黎 而且肉質都幾嫩 吾嚡口 幾surprise🤪每個主菜都可以加$15 就有湯♨️或者沙律🥗另加$18 可以跟咖啡☕️或者果汁🍹🍄忌廉磨菇湯濃濃菇味 好大碗 超抵飲🥬田園沙律色彩繽紛 有雞胸片 青瓜粒 菠蘿 蕃茄 沙律菜雞胸片切得好薄 好易入口 好難得沙律有菠蘿食👍🏻好清甜沙律醬系芝麻醬 比較健康餐飲叫左蘋果汁同橙汁🥤💭餐廳環境好舒適 簡約木色設計 幾chill🍃野食好味 用料十足 連湯同沙律都絕不馬虎💯吾怪得之咁多人大推啦😚

平時好少黎觀塘食野 咁岩係apm睇戲就黎左Apm預左無啖好食 所以就黎左工廠區 星期日係無乜人既～相對舒服d~餐廳空間都好大 枱同枱都唔算好逼我地趕住睇戲都好驚食唔切點知上菜速度好快～另外想講既係佢set dinner menu 加價加得好誇張wo 我見到OpenRice 2月尾餐牌都仲係$398包野飲3月尾已經係$498 仲要唔包野飲醒目既我地就計計數 竟然係散叫仲抵見到OpenRice 大家推介蟹肉意粉 $158竟然係極有驚喜 呢個價錢但我覺得質素係絕對比得上得獎既餐廳wo 意粉軟度適中 芝士味都夠濃 蟹肉份量都足男朋友同我都覺得好好食 秒清😹牛扒就正常操作 都夠juicy同肉味 炭燒面脆脆地😍另外男朋友話佢杯奶茶好好飲 夠滑整體我地覺得可以下次再黎食🫶🏻

今次二訪呢間西餐廳假日下午時段座無虛席𝐁𝐫𝐮𝐧𝐜𝐡 𝐌𝐞𝐧𝐮仲好抵食仲有𝐀𝐥𝐥 𝐝𝐚𝐲 𝐛𝐫𝐞𝐚𝐤𝐟𝐚𝐬𝐭叫每個套餐更奉送茶及咖啡好適合假日嚟𝐜𝐡𝐢𝐥𝐥吓🌿仲有免費泊車架🚘🔸葡式燒雞扒漢堡配薯條 $128漢堡包用牛油烘過，所好好香牛油味，食落亦好脆口。燒雞扒做得好出色，咬落去爆哂肉汁，雞肉亦好嫩滑，成個漢堡口感好juicy😍薯條即叫即炸，相當香脆🤩🔸黑松露卡邦尼扁意粉 $108黑松露味好濃，混合埋忌廉一齊煮個汁好正。扁意粉🍝嘅熟度煮得恰到好處，硬度啱啱好，食落掛哂汁。加埋雜菌同埋火腿就更夾🔸鮮蝦香草醬薄餅 $118Pizza🍕比較薄身，外層焗得好香脆。用料亦都好豐富，包括有鮮蝦、香蒜、聖馬札諾蕃茄、香草醬同埋馬蘇里拉芝士，呢幾種配料味道上好夾，焗完之後好好味。鮮蝦🦐好大隻好彈牙，令pizza口感更豐富🤩🔸Chocolate Mousse $35惠顧Brunch menu，即可以$35加配是日🍰蛋糕。今日嘅蛋糕係Chocolate Mousse，食落好濃🍫朱古力味，口感亦好creamy

去食嘅當日黃雨，原本預約咗13:30，最後因為太大雨遲咗3個字，好彩都仲有留檯。今次人多又有小朋友，如果臨時冇位真係唔知點算好了🤣黑松露卡邦尼扁意粉雖然黑松露味唔算出，但係作為卡邦尼意粉都唔錯，夠creamy🍝🔥1/2葡式香辣燒春雞配薯條朋友話呢間嘅春雞唔錯就叫咗，隻雞燒得唔錯又唔會話鞋，同埋個辣醬好好食😋 呢間d薯條脆得都可以，份量又多。炸魚薯條配他他醬 炸魚個炸衣做得唔錯又夠脆，可惜佢個魚冇咩調味咁，唔點醬食係真係冇味🙈😂馬格麗特薄餅 🍕pizza正常厚度但唔會乾邊，而味道方面Yummy覺得啱啱好😌 水牛芝士本身都係d清淡d嘅芝士，但佢同個蕃茄醬各有一席位，唔會搶味，幾balance。另外都叫咗兩個Kids Set配果汁，其實同main menu大致相同，只係份量少d，所以冇特別影最後坐咗兩個鐘都冇俾人趕走，不過可能因為佢唔full嘅關係，但向香港要搵間坐得耐嘅餐廳實屬不易🤣

難得喺觀塘搵到有情調嘅西餐廳，裝修真係幾靚有氣氛，適合約會，左手邊有個空間，咁啱今日有人book咗嚟搞生日party~🔘香煎半熟吞拿魚車厘茄沙律 $138吞拿魚外圍輕輕燒過，實淨同軟熟嘅口感都食到，配搭清新嘅青檸青瓜薄荷汁，兩色車厘茄清甜，如果碟邊加多少少沙律菜會更好~🔘卡邦尼薄餅 $168用整卡邦尼意粉嘅食材放落Pizza度，原來都幾好味，芝士味好濃郁，加上煙肉嘅鹹香，鵪鶉蛋半生熟一咬落去有蛋汁爆出嚟，幾鍾意佢個手工餅底嘅煙韌感，pizza係呢間餐廳嘅必點推介~🔘紅酒燴牛面肉草菇扁意粉 $148有三大塊牛肉，煮到非常軟腍入味，呢個醬汁偏濃味，扁意粉掛汁口感彈牙～Flames喺觀塘有兩間分店，呢間好似係新啲，如果約咗人記得留意地址唔好去錯~

Everything was wrong.The supposed Americano was actually filter, the filter was Americano and we know they got it wrong because one was white and one was black.The salad was good for about 2 seconds and we realised it was so over dressed it was inedible. If you can not judge your dressing, let the customer do it.Then the special treat, Fish and Chips. The chips were great but the fish tasted as though it was cooked from frozen => pretty disgusting. (In Hong Kong there should be no excuse for

Truffle Carbonara Mushroom $108呢個好味😆😆係好多醬勁creamy🤤意粉少少彈牙👍🏻Margherita Pizza $108皮幾鬆軟，蕃茄醬偏酸，面頭有半溶化嘅芝士不過不失，正常水準～Parma Ham Eggs Benedict $108個水波蛋竟然唔係流心嘅🫠🫠不過味道唔錯，係我第一次食Egg Benedict 😂😂下面係sourdough bread 🥖 煙煙靭靭環境幾靚😍又無限時，坐得舒服同朋友傾計好地方👍🏻